๏║๏ التجمع العاشر لحوامل شهر (11) نوفمبر 2010 ๏║๏

ليندا أم حسون;13119193:
السلام عليكم انا اخر موعد لولادتي ان شاء الله 4 /11/2010

اضيفوني بالقائمة و ان شالله كلنا نقوم بالسلامة

حبك حياتي;13119683:

اني هاليوومين مادري شفيني مو طاايقة حتى رووحي
احس روحي بصيح على اقل سبب:'(
وفوق هذا الكتمة على صدري

وماطيق اسوي شي

وهذا غير الاحلام الي تزعجني ما اقوم من نومي الا راسي منتفخ من الاحلام المزعجة
كلها عن الولادة اني بولد قبل موعدي بفتررة :(

وفووق هذا يجيني وسوااس كاني البيبي بيطييح :(
الله لايقووله ويخلييه ليي

خااطري اطلع اغير جو يمكن تتغير نفسيتي شوي بس السياارة خرااب
امس زوجي طالع وبرجعته البيت مااشتغلت ليه
ومن الصبح للحين يدور على كرااج يجي ياخذهاا كلهم مشغوولين وضغط عندهم:hysterical:

ياارب تيسرهاا علينا وماتخسرناا وااجد :-#

هذرت وااجد بس احس روحي بختنق ابي اتحجى واعبر وافضفض:-#

الوافـية;13121025:
السلام عليكم

شخباركم

وحشتووني كلكم

بقايا ما تشوفين شر .. وان شاء الله ما تولدين الا في شهرش
بالعافية على كل اللي طلعو واستانسوو ..

وردة البريه ما تشوفين شر كنت قاعده اقرا عن الحب اللي في بطنش واقول لامي الا تقول لي خلها تحط على بطنها ماي قدو عاد اني مادري يفيد ولالا

ومشكوورة على الحفلة استانست عليها عقبال ماسوي لش حفلة الشهر التاسع :)

تقريري لأيام العيد
ليلة العيد طلعنا اني واختي الساعه 1ونص الفجر ندور صالون نسشور شعرنا واشوا حصلناا وخلصنا على الساعه 2 ورجعت ابي انام مو قادره ما نمت الا عقب الاذان

والصبح قعدت على الساعه 7 وسبحت وبرزت روحي ومر عليي اخوي ورحت بيت ابوي اعايد عليهم والظهر رحنا بيت ابوي العود نتغذى ورجعنا البيت العصر وعلى طول نمت

ما قعدت الا عقب صلاة المغرب .. وكنا نبي نطلع بس الناس ما كانت تتفجج من البيت تعايد خخخ جان اعصب على خواتي واتصل لرجلي وارجع بيتنا وما رحنا مكان وفي

نفس الليله رجلي سافر الكويت من الساعه 12 ونص وتميت في بيت عمي بروحي :( وقعدت على النت ومانمت الا الصبح

لكن الصبح طلعنا ندور على الاهل كلهم من الصبح الى المغرب ورجعنا البيت هلكانين ونمنا شويه وعقب قعدنا على التسع وبرزنا اني واختي ومرينا على زهور واختها

عذاري عشان نطلع خخخ وخلينا اولاد اختي ويا امي طلعه عزابيه كانت ورحنا السيف وزين حصلنا بارك من الزحمة ورحنا حجزنا فلم ورحنا نطلب عشا ويوم طلبنا الا مافي

طاولات جان نطلبه تك اوي ونروح المصلى ناكل وعقب دخلنا الفلم واستانسنا ورجعنا ويوم ثاني سافرت امي العمره وصار البيت ملل وتمينا للمغرب في البيت وعقب جت

زهور وبنت خالي وطلعنا نتعشى في يم يم تري اللي في سند وضحك وسوالف وعقب مرينا بعد ايسكريم اتلنتا خذينا ايسكريم عجييب ورجعنا البيت قعدنا شويه وجا

رجلي من السفر ورحت بيتنا طبعاً من التعب من الهياته ما قدرنا نقوم من النوم الا العصر جهزنا اني ورجلي ومرينا على اختي واولادها خذيناهم ورحنا مذركير السقية

اكمل باقي اغراضي وشريت الاشياء اللي ناقصتني وبحط الصور بعد شوي الحين بقى لي اشتري الفراش والشنطه ومجموعه جونسون للبيبي ووحفاضات بامبرز وحليب

البيبي وقماطات بس وعقب ما خلصنا رحنا المسجد نصلي وطرنا الستي عقبها تعشينا ولعبنا اولاد اختي وخلصنا على 11 ورحنا بيت خالتي شوي قعدنا وياهم ورجعنا

البيت على 12 ونص تعبانين حدنا وبس هذا تقريري للأيام اللي طافت يعني الحمدلله استانست في العيد :)

الوافـية;13121308:
وهذلين الاشياءات اللي شريتهم .. اذا فيه اي شي ناقص ذكروني فيه



هذا جوتي لحسون من مذركير






مقياس الحرارة




شفاطة الخشم



أدوات النظافة + مشط وبروش



بدلات من السعودية يوم اروح ويا زهور .. يوم جمعه عنوب خخخ ما حطيتهم



وهذلين بعد من السعودية وكلهم قطن حليو ملمسه على قوله اختي ما يتغيرون في الغسال وسعرهم على 900 فلس واذا بتزيد 1.200



قطن الصدر + كريم سودو + بودرة للسر الجاهل من عند اختي ماستخدمته واجد لنه ماشاء الله على ولدها بسرعه طالع سره يمكن يوم 6 او 7




فوط احجام كلهم من مذركير عدا الصفرا من السعودية


قبعات + جواريب + لفة اللي يلفون فيها الجاهل من السعودية






جواريب + قفازات مادري شنو اسمهم + مقسم الحليب + فرشاة اللي تنظف المرضعة + 4 حلمات للمرضعة من بيجون 2 سايز سمول 2 سايز مديم على كلام اختي مجربتهم احسن من الحلمات الباقية






5 لحافات (بطانيات) كلهم من مذركير عدا البيج الي في الوسط من السعودية



سهايتين



بعد ما صفيت الاغراض في الكبت :)

ونسيت اصور حوض السباحة خله لمرة ثانيه بصورة ويا الفراشات اذا شريتهم :)

Classic848;13121668:

انا رجعت :p

كل عام وانتو بالف خير وعيدكم مبارك ولو انها جات متاخره لان النت كان قاطع :o
طبعا بس قريت اخر صفحه من الواجب ف سامحوني ما ادري بالاحداث بس مبروكين للي دشو الثامن واللي دشو التاسع :celebrate:
والحين ابقولكم عن تقريري مالت العيد :)
طبعا اول يوم عيد الصبح طلعت ويا زوجي رحنا بيت امي وسلمنا عليهم وتغدينا هناك وبعد الغدا على طول طلعنا لبيت زوجي مره ثانيه وهناك كانوا كل اخواته وسوالف لين اخر الليل.
اما ثاني يوم ف عايله زوجي كلهم يجتمعون في بيت خالتهم ف رحنا الساعه 1ونص وكل اهله كانوا هناك وهاي طبعا اول عيد لي معاهم ف 90 في ال% من البنات اول مره اشوفهم واتعرف عليهم وعاد كل وحده ما شاءالله متكشخه اكثر من الثانيه :-o تقولون منافسه :lol: وعاد تغدينا وانا طلعت الساعه 4ونص لان رفيج زوجي كان جاي من البحرين ويا مرته اول مره في عمان وعلى اساس نسافر كلنا صلاله :) ورجعت البيت وتجهزت بسرعه بسرعه بس شو كنت مرهقه :sick:حدي ما قادره اطلع فوق وانزل تحت :| لدرجه اني احس اني ما مناسب اني اسافر كلش بس قلت الجعده في البيت بتمللني اكثر ف احسن اسافر وهما جوا وطلعناهم في الليل وعشيناهم ويوم رجعنا زوجي وزوجها طلعوا بليل بلسياره الى صلاله وانا وهي ثاني يوم الظهر طلعنا المطار وكنت خايفه يسوا لي مشكله في المطار لاني في الثامن وطبعا قبل العيد بيوم رايحه العياده وحاسبه حسابي اني لازم اجيب تقرير الطبيبه اللي تقول فيها ان مسموح لي السفر ;) المهم من دخلنا المطار على كاونتر التشكن ان مسكوني قالو لي عندج تصريح سفر وانا بكل فخر اي عندي بس يوم عطيتهم الرساله قالوا لي هاذي ما تنفع لان ما مذكور فيها اني في اسبوع :woo:هما مهم عندهم الاسبوع مو الشهر :thumbs_down: جاني خوف ان ما يسمحون لي بلسفر وممكن ينزلوني من الطياره بس الحمدلله طلع واحد اعرفه على الكاونتر لاني من زمان كنت اشتغل المطار ف مشى لي موضوعي وعطاني فورم اعبيه وهو اضاف فيه اني مسؤوله اذا صار لي اي شي :worn_out: المهم مشينا داخل انا وزوجه صديق زوجي وطلعنا السوق الحره ومشينا وقت نركب الطياره على الباب يوم يشيكون البوردنج باس وقفوني مره ثانيه :mad: قالو لي عطينا تقرير الطبي عن حالتك ف طلعت لهم الرساله مره ثانيه وعطلوني طبعا مالت الربع ساعه بس الحمدلله مشيت وفي الطياره نفس الشي المضيفه كانت تطالع على كرشي ولاحظت اني حامل وطلبت مني التقرير 8o| ما صارت المهم الحمدلله اني وصلت صلاله وزوجي جى استقبلنا وطلعنا كل مكان سياحي والبنيه استانست والحين انا وهي جاعدين في لوبي مالت المنتجع واكتب لكم التقرير

باجر ان شاءالله الصبح نسافر على مسقط وان شاءلله اذا سمحت الظروف بعد ما اربي بنزل البحرين احس ما شاءالله اهل البحرين واايد طبيبين وحبوبين

جحة حمرة;13121733:
السلام عليكم

شخباااركم ؟ اني جيييييييييييت :lol:

بقايا .. حمدالله على السلامة .. يوم اللي وصلتني مسجش عجزت واني احاول اتصل فيش بس الظاهر ان كان ما في ارسال .. بس اشوة عقب وردة البرية طمنتنا عليش .. تحملي بروحش وهالله هالله بالبيبي .. ومستعدة للدوام بكرة لو لا ؟ :p


حبك حياتي .. ان شاء الله سيارتكم تتصلح بسرعة وما تخسركم واجد .. اني اليوم ما انتبهت الا سيارتي مدعومة وما ادري من داعمنها والبمبر مخفس ومشمخ .. انقهرت حدي مو على اللي صار فيها بس لكن على الناس اللي ما عندهم ذمة ولا ضمير يدعمون في سيارات خلق الله ويشردون .. لكن وين بيشردون من عذاب الله .. دعيت عليهم دعاوي الدنيا والدين من القهر خخخخ

تذكر يوم;13121857:

بنات حبايبي

انا اللحين في نهاية الشهر السادس وبدش السابع قريب ان شاء الله

ومن دشيت السادس احس شوي تجيني الالام دوره خفيفه وتجي يعني موب بشكل مستمر

بس اليوم بطوله احس بالالام دوره مع انها موو قويه بس مستمره معاي

مع انو ماشتغلت ولا سويت شي ولا حملت شي ثقيل ؟؟@@

برايكم الوضع طبيعي ولا اروح المستشفى ؟

زهــور;13122823:
مرحبااااا
شخبااااااااااااااااركم
صار ليي جم يوم بس ادخل اقراا وما يمديني ارد
وتقريري للعيد اول يوووم كنا مواصلين للصبح ما نمنا نزلنا وتريقنا ويا بيت عمي كلهم مجمعين بعدين ردينا نمنا لساعه وحده اتصلووو لينااا عمات زوجي حق الغدا بسرعه جهزناااا وحمود بلغصب قعد من النوووم اخرنا ورحنااا اتغدينااا عقب الغدا مريت المقبره ومرينا بيت خالته في البلااد واختربت علينا السيارة والايسي وفوووحت حدي :hysterical: قال بينزلني في بيت خالتي بعد في البلا د وكملي طلعتش ويا اهلش :thumbs_down: رحنا لعماتي 2 وما جت 10 الا احنا في البيت وتعابه مدقدقين جنه راجعين من برجه
يوم ثاني ما طلعت من البيت الا 8 رحت عذاري العب حمدووو ويا بيت ابوي اتصلت ليي الوافيه وختهااا بيروحون السيف خليت حموود ويا بيت ابوي وهربت عنه وياهم دخلو السينمااا واني مشيت عنهم رجعت البيت ويوم ثالث العيد ما طلعت الا الساعه 11 اليل رحناا يم يم تعشيناا وخلصنااا خليتهم يودوني اكمل اغراض الروضه لحموود
وها العيد ممممل حده ولا استانست ولا شي
وغير جدي المغص الا صايدنه واسهااال مدري وش سالفته :badly:

زهــور;13122898:



بقايااا
شخبارش احين
ان شالله احسن من قبل

حبك حياتي;13123005:

سلااااام عليكم

الحمدالله استوت السياارة وطلع شي بسييط:)

نمت عقب الغداا كنت تعباانة الساعة 4 قعدت
شاافني ضاايق خلقي ومتمللة
الا يقول زوجي شراايش نروح السعوودية :cool:

واني احب الهيااتة بعد :D
اتصلت في امي عشان اجي ويايي ابوي ماخلانا نروح يقول وقت متاخر الحين :hysterical:
عقب رحت وية امي ماذركير السقية
وخذييت لحاف مثل المستشفى لونه ابيض وفوط لتبديل الحفاظ ومشط وجم قحفية
ورحت محل بيبي بورن بجدحفص
ماكنا ندليه وين يصير بالضبط بنت عمتي وصفت ليي بالغلط تقول ورا مطعم الشعلة رحنا وكان قباالنا الرياحين الصغار كان مبند

عقب اتصلت لعمة زوجي ووصفت لنا المحل ورحته
اسعاارهم مناسبة وتفصيلهم مرتب

وفصلت فرااش من عندهم :adore:
وبيجهز عقب شهر:)

رجعت ورحت بيت ابويي صليت عقب تعشييت
ورحنا زواج ولد جيراناا كان العرس ممل وهدووء
جت العروس ومشينا ماقعدنا وااجد

ابي اناام لان بااجر بروح اسوي تحليل السكر:hysterical:
واني من الحيين عطشااانة
الله يستر الليلة مابعرف اناام

أحبك والقمر يشهد;13123173:
شخباركم بنات .. :)

كنت مخططة اطلع اليوم نفس ما قلت ليكم .. بس كنت حاسة من امس ان ما بتضبط الطلعة ...

اليوم جنني المغص والاسهال ... مرة وحدة يجيني مغص قووي واركض للحمامالله يعزكم ، وساعات يطلع صدق اسهال وساعات يطلع مغص ع الفاضي ... وبس اطلع من الحمام يختفي الألم ,,,, :sick:
مادري ويش السالفة ... :confused:

فما طلعت ولا شي ... قعدت ف الشقة مكاني وما نزلت طول اليوم .... ان شاء الله يخف عني .. واذا ما خف من الحين للويكند بروح المستشفى ان شاء الله ..

على سالفة الفراشات .... رحت الرياحين الصغار .. كلللش ما عجبني شيء ,,, المحل صغيير والفراشات ع بعض وما عجبني منهم شي كلش ..
بعدين رحت النجم الجميل ... ونفس الشي ما حبيت فراشاتهم ... وعددهم شوية بعد محدودين ..

رحت الملائكة الصغار :adore: حبيت فراشاتهم واجد ... والمرأة الا هناك لطيفة وحليوة :adore:

قعدت اقلب ف الفراشات .. وحسيت روحي احترت واجد .. وطلعت بدون ما اوصي على شي .... بس بعدين يوم رجعت البيت قعدت افكر في الفراشات الا شفتهم وقررت على واحد ويوم ثاني رحت وصيت عليه وعلى نص شهر 10 ان شاء الله بيستوي .... سويت وياه شنطة ... وطلع علي هو بالشنطة ب 37 .. وقالت ليي بتسوي ليي غطاء للمرضعة بعد ..

الفراش الثاني رحت رويال بيبي .. ووصيت على الفراش أبو فراشة ,,,

المحل كان غير عن الصور .... كان واجد صغير توقعته أكبر .. وفوق هذا كان ما فيه احد اول ما دخلنا بعدين نزل لينا هندي من فوق .. وكل ما نسأله عن شي قال ما يدري ... أسألو المدام ... واتصلنا ف صاحبة المحل .. وقالت بوصل عقب ثلث ساعة :hysterical: وقعدنا ننطرها .. بعدين جت وكانت طيوبة .. وصيت على الفراش .. وبساط وقحفية ... ويستوون عقب شهر قالت ,,,

وابي اشتري شنطة ثانية بعد .. لأن احس شنطة وحدة ما تكفي .........