๏║๏ التجمع العاشر لحوامل شهر (11) نوفمبر 2010 ๏║๏

بقَايا حُلمْ · 2010-08-17T12:23:07+03:00

السـلام عليكم بما إن جيت والتجمع القبلي اغلقووه بالشمع الأحمر وبما ان محد متبرع يفتح لينا التجمع الجديد فحبيت اني افتحه لا نضيع خسارة وبعوون الله نفتتح التجمــع العاشــر لكروشات نووفمبر :025: وان شاء الله يكون تجمع خير على الجميع يارب :016: وتفضلوا خذوا ليكم لقيمات عاد ف

ب

بقَايا حُلمْ

عروس جديدة

13-09-2010 | 11:29 PM

ألم الزمان;13115768:
فيني الصيحة واني اشوف توقيعي دخلت الثامن

مبررررررروووك دخوووولش الثامن وعقبال التاسع ياااااارب

نداء الرووح;13115838:
مساء الخير

كل عام وانتم بخير .. ومن العايدين والفائزين ياربF:F:

حبيت أنضم معكم

انا تووني داخله الشهر الثامن

الله يسهل على وعليكم يارب

ودعواتكم الله يرزقني وولد

اهليييين

وانتي بالف خير

ربي يسهل على الجميييع ياااااااارب

حيااش الله ويانا

وربي يرزقش بالولد الصالح

r

red ro0ose

عروس جديدة

14-09-2010 | 12:48 AM

عجزت واني منسدحة ابي انام

ولا في فايده

في النهاية طفشت وجيت اطل عليكم

اليوم طلعت اكمل اغراض البيبي

تقريبا اخذت كل شي ابغيه بقى بس كم شغلة بسيطة ما اخذتهم

الفراشات شفت اثنين عجبنوني واخذتهم

مع ان كان في بالي ثيم معين بس شفت دلين وشلتهم

باقي الحين اتشرى لي اغراض

أ

أحبك والقمر يشهد

عروس جديدة

14-09-2010 | 12:48 AM

هلااا بنات شخبارركم ..

الحمدلله دخلت الثامن من امس .... الله يتمم لينا على خير يا رب ونشوف بيبياتنا ف حضنا يااا رب :adore: ........ بس توني شايفة توقيعي اليوم لان كنت هاليومين ف بيت ابوي وما دخلت النت ...

طبعا رحت بيت ابوي دام زوجي مو هني ...... وتعبت وااااجد من الدرج .. العقدة الأبدية :p زوج اختي بعد مسافر وجت هي وعيالها بعد بيت ابوي .... طلعنا امس ف الليل يا زعم بنتعشى بس كل مكان ما يندخل من الزحمة وخذينا عشا وتعشينا ف البيت ....

واليوم الفجر زوجي رجع واني رجعت الشقة ....

الحمدلله استانس في السفرة ، واستانست ان هو استانس لأن هو خاااااااااااطره ف السفر وبشدة ، وأني الا حابستنه مسكين لأن ما فيي شدة السفر الحين .... الحمدلله طلع هاليومين وغير جو .. :)

هاليومين احس بثقل اسفل البطن ومغص وشوية اسهاال ....... خاصة امس يوم نطلع كان تحت بطني يألمني حدده ... واليوم الصبح بعد جاني هالألم بس نمت وراح ... وأكثر شي يجيني هالألم بعد الصلاة لأني أحس بصعوبة واااجد ف السجود :| احس كأن في شي بينفجر ..... :badly:

يلا الله يتمم لينا هالشهرين على خير يا رب وننسى هالآلام :)

باجر مخططة اطلع اتغدا برا ان شاء الله اصير تمام وفيي شدة طلعة ..... وبعدين ان شاء الله بمر مذركير فرع السقية .... خاطري اروحه يقولون كبير طابقين وكلشي فيه ... انا ولا مرة رحته .... بمر بشوف الأسرة ان شاء الله احصل واحد زين ....... اختي السرير الا خذته حق ولدها قبل سنة كان ب 70 دينار .... كان من هناك ...... وتقول انه للحين موجود نفسه وللحين بنفس السعر ..... فبروح بشوف الأسرة الا هناك ان شاء احصل واحد تمام

ب

بقَايا حُلمْ

عروس جديدة

14-09-2010 | 12:58 AM

red ro0ose;13116679:
عجزت واني منسدحة ابي انام

ولا في فايده

في النهاية طفشت وجيت اطل عليكم

اليوم طلعت اكمل اغراض البيبي

تقريبا اخذت كل شي ابغيه بقى بس كم شغلة بسيطة ما اخذتهم

الفراشات شفت اثنين عجبنوني واخذتهم

مع ان كان في بالي ثيم معين بس شفت دلين وشلتهم

باقي الحين اتشرى لي اغراض

اهليين خيوو

زين افتكييتيين

من ويين خذيتين الفراشات؟؟

أحبك والقمر يشهد;13116680:
هلااا بنات شخبارركم ..

الحمدلله دخلت الثامن من امس .... الله يتمم لينا على خير يا رب ونشوف بيبياتنا ف حضنا يااا رب :adore: ........ بس توني شايفة توقيعي اليوم لان كنت هاليومين ف بيت ابوي وما دخلت النت ...

طبعا رحت بيت ابوي دام زوجي مو هني ...... وتعبت وااااجد من الدرج .. العقدة الأبدية :p زوج اختي بعد مسافر وجت هي وعيالها بعد بيت ابوي .... طلعنا امس ف الليل يا زعم بنتعشى بس كل مكان ما يندخل من الزحمة وخذينا عشا وتعشينا ف البيت ....

واليوم الفجر زوجي رجع واني رجعت الشقة ....

الحمدلله استانس في السفرة ، واستانست ان هو استانس لأن هو خاااااااااااطره ف السفر وبشدة ، وأني الا حابستنه مسكين لأن ما فيي شدة السفر الحين .... الحمدلله طلع هاليومين وغير جو .. :)

هاليومين احس بثقل اسفل البطن ومغص وشوية اسهاال ....... خاصة امس يوم نطلع كان تحت بطني يألمني حدده ... واليوم الصبح بعد جاني هالألم بس نمت وراح ... وأكثر شي يجيني هالألم بعد الصلاة لأني أحس بصعوبة واااجد ف السجود :| احس كأن في شي بينفجر ..... :badly:

يلا الله يتمم لينا هالشهرين على خير يا رب وننسى هالآلام :)

باجر مخططة اطلع اتغدا برا ان شاء الله اصير تمام وفيي شدة طلعة ..... وبعدين ان شاء الله بمر مذركير فرع السقية .... خاطري اروحه يقولون كبير طابقين وكلشي فيه ... انا ولا مرة رحته .... بمر بشوف الأسرة ان شاء الله احصل واحد زين ....... اختي السرير الا خذته حق ولدها قبل سنة كان ب 70 دينار .... كان من هناك ...... وتقول انه للحين موجود نفسه وللحين بنفس السعر ..... فبروح بشوف الأسرة الا هناك ان شاء احصل واحد تمام

هلااا خيوو

مبرووك دخوولش الثامن وعقبال التاسع ياااااارب

ايي الحيين عادد خلاص

بتحسييين رووحش كلش ثقيلة وماتقدرين تطلعين واقل شي مسويتنه بتتعبين كانش مسوية شي عالمي

ومادري ويش سالفتنا ويا هالمغص والاسهال

انا خب للحيين ويايي هالاعراض وشكلها بتلازمني ليما اولد

:thumbs_down:

والشي اله مخوفني دايما ينزل من خشمي دم مرة وحدة احس بشي نازل مادري من شنو

هو من الاشهر اله قبل والحين اشوف من دخلت الثامن زااااد

وعن مذركير فرع السقيه واجد يمدحون فيه وصار خاطري ارووحه

لين رحتييين قولي لينا ويش رايش فيه

أ

أحبك والقمر يشهد

عروس جديدة

14-09-2010 | 01:20 AM

بقَايا حُلمْ;13116753:

هلااا خيوو

مبرووك دخوولش الثامن وعقبال التاسع ياااااارب

ايي الحيين عادد خلاص

بتحسييين رووحش كلش ثقيلة وماتقدرين تطلعين واقل شي مسويتنه بتتعبين كانش مسوية شي عالمي

ومادري ويش سالفتنا ويا هالمغص والاسهال

انا خب للحيين ويايي هالاعراض وشكلها بتلازمني ليما اولد

:thumbs_down:

والشي اله مخوفني دايما ينزل من خشمي دم مرة وحدة احس بشي نازل مادري من شنو

هو من الاشهر اله قبل والحين اشوف من دخلت الثامن زااااد

وعن مذركير فرع السقيه واجد يمدحون فيه وصار خاطري ارووحه

لين رحتييين قولي لينا ويش رايش فيه

ايييي الله يعينا ع الثقل .... والرجايل بعد متنفخة كأنه بالونة بتنبط :hysterical:

بسألكم شعب الا دخلو الثامن ....... تحسون حركة البيبي واااجد نازلة تحت ؟؟ :-#

اني اليوم حسيت بحركات كلش تحت ... حتى من كثر ما هي نازلة حسيتها كأنها بتلمس فخذي .... صايرة تحت كلش كلش وعلى جنب،،، فهمتون قصدي ؟؟

ب

بقَايا حُلمْ

عروس جديدة

14-09-2010 | 01:27 AM

احبك

اني احس بالثقل يعني احس البيبي واااااااجد نازل

وبخصوص الحركة كل مرة شكل مرة احس بها فوووق ومرة احس بها تحت ولايندرى

و

وردة البرية

عروس جديدة

14-09-2010 | 02:19 AM

الحمدلله ايام العيد هالسنة عجبتني :adore:

اول يوم الجمعة رحت بيت ابويي العود ابو امي من الظهر 1 الى 11 الليل والغده والعشه هناك

ثاني يوم السبت رحت بيت جد زوجي ابو امه من الظهر 2 الى الليل 10 والغده والعشه هناك

ثالث يوم الاحد جو بيت ابويي شقتي من 1 الظهر الى اذان المغرب والغده كان عجيب

رابع يوم الاثنين رحت شقة اختي من 2 الظهر الى 7 المغرب والغده واللمة كانت عجيبة

خامس يوم الثلاثه بتغدى اني ورجلي بروحنه

>>> يعني عيدي عجيب وكان كل زيارة وصلة رحم :)

لكن في شي مجضرني عدل عدل :(

بنات اني ماادري وش فيني ؟

بطني اول طلع فيه حب دار مدار السر ورحت الطوارئ

وعطوني كريم ومضاد وسوو تحاليل طلعت سليمة

والحين زااد زاااااااااد بشكل مو طبيعي ووصل لفوق صدري

والبطن احمر جنه منصلخ :'(

والله العظيم اصيح من الالم والحكة مثل الجهال :'(

ورد رحت الطوارئ امس الصبح وحولوني للجلدية والدكتورة حدها مستغربة من اللي فيني

وغيرو ليي لحبوب ولكريم

وقالو ليي على طول احط كمادات ثلج

وهداني على طول الثلج على بطني

والله كاسرة خاطر روحي وخايفة على علي عدل

الله يتمم الحمل على خير ويروح هالشي :-#

وامس مرة اخوي تقول يمكن عيون لان مو شي طبيعي

واختي شببتني وهم كلهم متجضرين عليي لان ماادري

وش اسوي بس اصيح ومنبطحة واحك :(

ادعوو ليي بنات والله محتاجة دعاؤكم

بطني جنه كاتين عليه قدر ماي حااار :'(

و

وردة البرية

عروس جديدة

14-09-2010 | 02:33 AM

احبك والقمر يشهد
الوافية
ام شهد11
ألم الزمان
جحة حمرة

مبروك دخولكم الشهر الثامن والله يتمم ليكم على خير

:032::032::032::032::032::032::032::032::08::08::08::08::08::08::08::016::016::016::016::016::016::016::093::093::093::093::093::013::013::013::013::013::013::013::072::072::072::072::072::041::041::041::041::041::041::086::086::086::086::086::086::087::087::087::087::087::03::03::03::03::03::03::025::025::025::025::025::027::027::027::027::027::027::022::022::022::022::022::0100::0100::0100::0100::074::074::074::074::018::018::018::018::052::052::052::052::052::077::077::077::077::077::062::062::062::062::062::063::063::063::063::063::063::04::04::04::04::056::056::056::056::045::045::045::045::045::045::099::099::099::099::015::015::015::015::015::015::015::029::029::029::029::029::029::032::032::032::032::032::032::032::032::032::032::032::032::032:

ب

بقَايا حُلمْ

عروس جديدة

14-09-2010 | 02:41 AM

وردة البرية;13117319:
الحمدلله ايام العيد هالسنة عجبتني :adore:

اول يوم الجمعة رحت بيت ابويي العود ابو امي من الظهر 1 الى 11 الليل والغده والعشه هناك

ثاني يوم السبت رحت بيت جد زوجي ابو امه من الظهر 2 الى الليل 10 والغده والعشه هناك

ثالث يوم الاحد جو بيت ابويي شقتي من 1 الظهر الى اذان المغرب والغده كان عجيب

رابع يوم الاثنين رحت شقة اختي من 2 الظهر الى 7 المغرب والغده واللمة كانت عجيبة

خامس يوم الثلاثه بتغدى اني ورجلي بروحنه

>>> يعني عيدي عجيب وكان كل زيارة وصلة رحم :)

لكن في شي مجضرني عدل عدل :(

بنات اني ماادري وش فيني ؟

بطني اول طلع فيه حب دار مدار السر ورحت الطوارئ

وعطوني كريم ومضاد وسوو تحاليل طلعت سليمة

والحين زااد زاااااااااد بشكل مو طبيعي ووصل لفوق صدري

والبطن احمر جنه منصلخ :'(

والله العظيم اصيح من الالم والحكة مثل الجهال :'(

ورد رحت الطوارئ امس الصبح وحولوني للجلدية والدكتورة حدها مستغربة من اللي فيني

وغيرو ليي لحبوب ولكريم

وقالو ليي على طول احط كمادات ثلج

وهداني على طول الثلج على بطني

والله كاسرة خاطر روحي وخايفة على علي عدل

الله يتمم الحمل على خير ويروح هالشي :-#

وامس مرة اخوي تقول يمكن عيون لان مو شي طبيعي

واختي شببتني وهم كلهم متجضرين عليي لان ماادري

وش اسوي بس اصيح ومنبطحة واحك :(

ادعوو ليي بنات والله محتاجة دعاؤكم

بطني جنه كاتين عليه قدر ماي حااار :'(

عليش بالعااافية وردوه الطلعة ويا الاهل

انا بالعكس هالعيد اخس عيد مر عليي

ماطلعت الا امس رحت بيت ابوي قريب المغرب وحفيت ورد رجعت وتميت الى الليل رحت تعشيت ويا رجلي ورجعنا الشقة

كلش كلش ماطلعت

ووجضرتيني عليش على سالفة الحب

غرريبة صددق

هو صاير كأنه حساسية

سمعي ويش رايش تحطين عليه ماي من البحر يمكن يفييد ؟؟

وان شاء الله ماعليش شرر خيووو

ويارب يتمم حملش وحملنا على خير يارب

و

وردة البرية

عروس جديدة

14-09-2010 | 05:43 AM

بقَايا حُلمْ;13117518:
عليش بالعااافية وردوه الطلعة ويا الاهل

انا بالعكس هالعيد اخس عيد مر عليي

ماطلعت الا امس رحت بيت ابوي قريب المغرب وحفيت ورد رجعت وتميت الى الليل رحت تعشيت ويا رجلي ورجعنا الشقة

كلش كلش ماطلعت

ووجضرتيني عليش على سالفة الحب

غرريبة صددق

هو صاير كأنه حساسية

سمعي ويش رايش تحطين عليه ماي من البحر يمكن يفييد ؟؟

وان شاء الله ماعليش شرر خيووو

ويارب يتمم حملش وحملنا على خير يارب

اختي بعد امس قالت عن ماي البحر

بس اني بنتظر للمغرب اذا ماخف برد اروح

طول الليل ماغطت عيوني ويس احك والحمرة تزيد:thumbs_down:

ان شاءالله العيد الجاي تعوضين ويا البيبي :adore:

أ

أحبك والقمر يشهد

عروس جديدة

14-09-2010 | 05:53 AM

صباح الخير ...

وردة البرية - مشكوورة على الاحتفال :adore: عقبال الاحتفال بالتاسع والولادة ياااارب :adore:

ان شاء الله هالشهرين ينقضون بسررررعة ... احس خلاص نفد الصبر عندي ....

عن الحب الا طالع لش ... اني بعد فيني حبوب صغار صوب السر ، بس ما يحكوني ... الا يحكني اكثر الشي هي خطوط التمدد الا كلما لها وتزيد :hysterical: بس احاول اغاور عن الحكة ،، ويا زعم شريت الكريم بالمرز بس ما استخدمته ولا مرة ... :hysterical: حاوي تخففين من الحكة خيوو عشان ما تزيد عليش , لأن الواحد كلما يحك يحس يبي يحك زيادة :hysterical:

اني متعبني هالمغص كل يوم الصبح لازم يجيني :sick::sick:

ب

بقَايا حُلمْ

عروس جديدة

14-09-2010 | 06:01 AM

وردة البرية;13118662:
اختي بعد امس قالت عن ماي البحر

بس اني بنتظر للمغرب اذا ماخف برد اروح

طول الليل ماغطت عيوني ويس احك والحمرة تزيد:thumbs_down:

ان شاءالله العيد الجاي تعوضين ويا البيبي :adore:

الله يعييينش

وايي ان شاء الله العيييد الجااااي بكون له طعم غير بالنسبة لنا كلنا

:)

أحبك والقمر يشهد;13118706:
صباح الخير ...

وردة البرية - مشكوورة على الاحتفال :adore: عقبال الاحتفال بالتاسع والولادة ياااارب :adore:

ان شاء الله هالشهرين ينقضون بسررررعة ... احس خلاص نفد الصبر عندي ....

عن الحب الا طالع لش ... اني بعد فيني حبوب صغار صوب السر ، بس ما يحكوني ... الا يحكني اكثر الشي هي خطوط التمدد الا كلما لها وتزيد :hysterical: بس احاول اغاور عن الحكة ،، ويا زعم شريت الكريم بالمرز بس ما استخدمته ولا مرة ... :hysterical: حاوي تخففين من الحكة خيوو عشان ما تزيد عليش , لأن الواحد كلما يحك يحس يبي يحك زيادة :hysterical:

اني متعبني هالمغص كل يوم الصبح لازم يجيني :sick::sick:

انا اشوف ان تجيني حكة بين فترة وفترة بس خفييفة مكان خطوط التمدد

:thumbs_down:

ل

ليندا أم حسون

عروس رائعة

14-09-2010 | 08:14 AM

السلام عليكم انا اخر موعد لولادتي ان شاء الله 4 /11/2010

اضيفوني بالقائمة و ان شالله كلنا نقوم بالسلامة

ح

حبك حياتي

عروس جديدة

14-09-2010 | 11:03 AM

صبااااااح الخييييييير

شخبااركم؟؟

احبك والقمر يشهد
مبروووووك دخولش الثاامن
وعقبال نسمع خبر ولادتش:adore:
وقرة عينش برجعة زوجش

جحة
ماتشووقين شر
والحمدالله اطمنا عليش:)

وردة
بالعاافية عليش زيااراات الاهل والجمعة:)
اني هالسنة كلش ماحسيت بالعيد لان مافي تجمعاات كالعاادة:thumbs_down:
بس اول يوم العيد طلعت وية رجلي بالليل واستاانست
وعقبها انحبست:worn_out:

وماتشووفين شر خيووو
طلعي صدقة وخل احد يشببش
دام مافاد وياش الكريماات

ح

حبك حياتي

عروس جديدة

14-09-2010 | 11:12 AM

اني هاليوومين مادري شفيني مو طاايقة حتى رووحي
احس روحي بصيح على اقل سبب:'(
وفوق هذا الكتمة على صدري

وماطيق اسوي شي

وهذا غير الاحلام الي تزعجني ما اقوم من نومي الا راسي منتفخ من الاحلام المزعجة
كلها عن الولادة اني بولد قبل موعدي بفتررة :(

وفووق هذا يجيني وسوااس كاني البيبي بيطييح :(
الله لايقووله ويخلييه ليي

خااطري اطلع اغير جو يمكن تتغير نفسيتي شوي بس السياارة خرااب
امس زوجي طالع وبرجعته البيت مااشتغلت ليه
ومن الصبح للحين يدور على كرااج يجي ياخذهاا كلهم مشغوولين وضغط عندهم:hysterical:

ياارب تيسرهاا علينا وماتخسرناا وااجد :-#

هذرت وااجد بس احس روحي بختنق ابي اتحجى واعبر وافضفض:-#

ا

الوافـية

عروس جديدة

14-09-2010 | 04:52 PM

السلام عليكم

شخباركم

وحشتووني كلكم

بقايا ما تشوفين شر .. وان شاء الله ما تولدين الا في شهرش
بالعافية على كل اللي طلعو واستانسوو ..

وردة البريه ما تشوفين شر كنت قاعده اقرا عن الحب اللي في بطنش واقول لامي الا تقول لي خلها تحط على بطنها ماي قدو عاد اني مادري يفيد ولالا

ومشكوورة على الحفلة استانست عليها عقبال ماسوي لش حفلة الشهر التاسع :)

تقريري لأيام العيد
ليلة العيد طلعنا اني واختي الساعه 1ونص الفجر ندور صالون نسشور شعرنا واشوا حصلناا وخلصنا على الساعه 2 ورجعت ابي انام مو قادره ما نمت الا عقب الاذان

والصبح قعدت على الساعه 7 وسبحت وبرزت روحي ومر عليي اخوي ورحت بيت ابوي اعايد عليهم والظهر رحنا بيت ابوي العود نتغذى ورجعنا البيت العصر وعلى طول نمت

ما قعدت الا عقب صلاة المغرب .. وكنا نبي نطلع بس الناس ما كانت تتفجج من البيت تعايد خخخ جان اعصب على خواتي واتصل لرجلي وارجع بيتنا وما رحنا مكان وفي

نفس الليله رجلي سافر الكويت من الساعه 12 ونص وتميت في بيت عمي بروحي :( وقعدت على النت ومانمت الا الصبح

لكن الصبح طلعنا ندور على الاهل كلهم من الصبح الى المغرب ورجعنا البيت هلكانين ونمنا شويه وعقب قعدنا على التسع وبرزنا اني واختي ومرينا على زهور واختها

عذاري عشان نطلع خخخ وخلينا اولاد اختي ويا امي طلعه عزابيه كانت ورحنا السيف وزين حصلنا بارك من الزحمة ورحنا حجزنا فلم ورحنا نطلب عشا ويوم طلبنا الا مافي

طاولات جان نطلبه تك اوي ونروح المصلى ناكل وعقب دخلنا الفلم واستانسنا ورجعنا ويوم ثاني سافرت امي العمره وصار البيت ملل وتمينا للمغرب في البيت وعقب جت

زهور وبنت خالي وطلعنا نتعشى في يم يم تري اللي في سند وضحك وسوالف وعقب مرينا بعد ايسكريم اتلنتا خذينا ايسكريم عجييب ورجعنا البيت قعدنا شويه وجا

رجلي من السفر ورحت بيتنا طبعاً من التعب من الهياته ما قدرنا نقوم من النوم الا العصر جهزنا اني ورجلي ومرينا على اختي واولادها خذيناهم ورحنا مذركير السقية

اكمل باقي اغراضي وشريت الاشياء اللي ناقصتني وبحط الصور بعد شوي الحين بقى لي اشتري الفراش والشنطه ومجموعه جونسون للبيبي ووحفاضات بامبرز وحليب

البيبي وقماطات بس وعقب ما خلصنا رحنا المسجد نصلي وطرنا الستي عقبها تعشينا ولعبنا اولاد اختي وخلصنا على 11 ورحنا بيت خالتي شوي قعدنا وياهم ورجعنا

البيت على 12 ونص تعبانين حدنا وبس هذا تقريري للأيام اللي طافت يعني الحمدلله استانست في العيد :)

ا

الوافـية

عروس جديدة

14-09-2010 | 06:05 PM

وهذلين الاشياءات اللي شريتهم .. اذا فيه اي شي ناقص ذكروني فيه

هذا جوتي لحسون من مذركير

مقياس الحرارة

شفاطة الخشم

أدوات النظافة + مشط وبروش

بدلات من السعودية يوم اروح ويا زهور .. يوم جمعه عنوب خخخ ما حطيتهم

وهذلين بعد من السعودية وكلهم قطن حليو ملمسه على قوله اختي ما يتغيرون في الغسال وسعرهم على 900 فلس واذا بتزيد 1.200

قطن الصدر + كريم سودو + بودرة للسر الجاهل من عند اختي ماستخدمته واجد لنه ماشاء الله على ولدها بسرعه طالع سره يمكن يوم 6 او 7

فوط احجام كلهم من مذركير عدا الصفرا من السعودية

قبعات + جواريب + لفة اللي يلفون فيها الجاهل من السعودية

جواريب + قفازات مادري شنو اسمهم + مقسم الحليب + فرشاة اللي تنظف المرضعة + 4 حلمات للمرضعة من بيجون 2 سايز سمول 2 سايز مديم على كلام اختي مجربتهم احسن من الحلمات الباقية

5 لحافات (بطانيات) كلهم من مذركير عدا البيج الي في الوسط من السعودية

سهايتين

بعد ما صفيت الاغراض في الكبت :)

ونسيت اصور حوض السباحة خله لمرة ثانيه بصورة ويا الفراشات اذا شريتهم :)

C

Classic848

عروس نشيطة

14-09-2010 | 07:43 PM

انا رجعت :p
كل عام وانتو بالف خير وعيدكم مبارك ولو انها جات متاخره لان النت كان قاطع :o
طبعا بس قريت اخر صفحه من الواجب ف سامحوني ما ادري بالاحداث بس مبروكين للي دشو الثامن واللي دشو التاسع :celebrate:
والحين ابقولكم عن تقريري مالت العيد :)
طبعا اول يوم عيد الصبح طلعت ويا زوجي رحنا بيت امي وسلمنا عليهم وتغدينا هناك وبعد الغدا على طول طلعنا لبيت زوجي مره ثانيه وهناك كانوا كل اخواته وسوالف لين اخر الليل.
اما ثاني يوم ف عايله زوجي كلهم يجتمعون في بيت خالتهم ف رحنا الساعه 1ونص وكل اهله كانوا هناك وهاي طبعا اول عيد لي معاهم ف 90 في ال% من البنات اول مره اشوفهم واتعرف عليهم وعاد كل وحده ما شاءالله متكشخه اكثر من الثانيه :-o تقولون منافسه :lol: وعاد تغدينا وانا طلعت الساعه 4ونص لان رفيج زوجي كان جاي من البحرين ويا مرته اول مره في عمان وعلى اساس نسافر كلنا صلاله :) ورجعت البيت وتجهزت بسرعه بسرعه بس شو كنت مرهقه :sick:حدي ما قادره اطلع فوق وانزل تحت :| لدرجه اني احس اني ما مناسب اني اسافر كلش بس قلت الجعده في البيت بتمللني اكثر ف احسن اسافر وهما جوا وطلعناهم في الليل وعشيناهم ويوم رجعنا زوجي وزوجها طلعوا بليل بلسياره الى صلاله وانا وهي ثاني يوم الظهر طلعنا المطار وكنت خايفه يسوا لي مشكله في المطار لاني في الثامن وطبعا قبل العيد بيوم رايحه العياده وحاسبه حسابي اني لازم اجيب تقرير الطبيبه اللي تقول فيها ان مسموح لي السفر ;) المهم من دخلنا المطار على كاونتر التشكن ان مسكوني قالو لي عندج تصريح سفر وانا بكل فخر اي عندي بس يوم عطيتهم الرساله قالوا لي هاذي ما تنفع لان ما مذكور فيها اني في اسبوع :woo:هما مهم عندهم الاسبوع مو الشهر :thumbs_down: جاني خوف ان ما يسمحون لي بلسفر وممكن ينزلوني من الطياره بس الحمدلله طلع واحد اعرفه على الكاونتر لاني من زمان كنت اشتغل المطار ف مشى لي موضوعي وعطاني فورم اعبيه وهو اضاف فيه اني مسؤوله اذا صار لي اي شي :worn_out: المهم مشينا داخل انا وزوجه صديق زوجي وطلعنا السوق الحره ومشينا وقت نركب الطياره على الباب يوم يشيكون البوردنج باس وقفوني مره ثانيه :mad: قالو لي عطينا تقرير الطبي عن حالتك ف طلعت لهم الرساله مره ثانيه وعطلوني طبعا مالت الربع ساعه بس الحمدلله مشيت وفي الطياره نفس الشي المضيفه كانت تطالع على كرشي ولاحظت اني حامل وطلبت مني التقرير 8o| ما صارت المهم الحمدلله اني وصلت صلاله وزوجي جى استقبلنا وطلعنا كل مكان سياحي والبنيه استانست والحين انا وهي جاعدين في لوبي مالت المنتجع واكتب لكم التقرير
باجر ان شاءالله الصبح نسافر على مسقط وان شاءلله اذا سمحت الظروف بعد ما اربي بنزل البحرين احس ما شاءالله اهل البحرين واايد طبيبين وحبوبين

ج

جحة حمرة

عروس جديدة

14-09-2010 | 07:56 PM

السلام عليكم

شخباااركم ؟ اني جيييييييييييت :lol:

بقايا .. حمدالله على السلامة .. يوم اللي وصلتني مسجش عجزت واني احاول اتصل فيش بس الظاهر ان كان ما في ارسال .. بس اشوة عقب وردة البرية طمنتنا عليش .. تحملي بروحش وهالله هالله بالبيبي .. ومستعدة للدوام بكرة لو لا ؟ :p

وردة البرية .. سلامات وما تشوفين شر .. كأن صايدتنش عيون .. خلي يشببونش واقري على روحش المعوذات واستخدمي ماي البحر مثل ما قالت لش بقايا ..

الوافية .. بالعافية عليه البيبي المشتريات .. وزين ان اغلب الاغراض خلصتينهم وافتكيتين منهم .. اني الاغراض اللي شريتهم كلهم للحين في الاكياس ما صفيت شي في الكبت لأن اصلا ما عندي مكان ليهم :|

رد روز .. عليه العافية بيبيش بالمشتريات .. ومن وين شريتين الفراشات ؟

حبك حياتي .. ان شاء الله سيارتكم تتصلح بسرعة وما تخسركم واجد .. اني اليوم ما انتبهت الا سيارتي مدعومة وما ادري من داعمنها والبمبر مخفس ومشمخ .. انقهرت حدي مو على اللي صار فيها بس لكن على الناس اللي ما عندهم ذمة ولا ضمير يدعمون في سيارات خلق الله ويشردون .. لكن وين بيشردون من عذاب الله .. دعيت عليهم دعاوي الدنيا والدين من القهر خخخخ

ج

جحة حمرة

عروس جديدة

14-09-2010 | 08:08 PM

تقريري ليوم امس واليوم خخخ

طبعا امس من قعدت للمغرب واني في الشقة ما سويت شي كلش ملش

وكانوا بيت ابويي بيطلعون يتعشون في مرمريز .. المهم قالوا عقب الصلاة بنطلع .. صليت وتجهزت وقعدت وكل شوي اتصل هااا ويش متى بتمشون يقولون بعدنا اللي للحين ما جهزت اولادها واللي ما ادري شنو .. المهم بعدين اني رحت وحجزت لينا طاولة وقعدت كم دقيقة لحد ما هم وصلوا .. لكن ما يسوى عليي هالعشا .. عورني راسي من ازعاج اولاد خواتي فشلونا تفشل خخ .. اللي يتحجج واللي يتهاوش واللي يتعلف بالثاني افف .. يبين ليي كل اللي في المطعم سمعوا ازعاجهم وفوضتهم .. حتى اقول الى خواتي اللي يشوف اولادكم ما يشفي يجيب اولاد اصلا خخ .. عقبها رجعت الشقة واني مو مصدقة مصدعة من الفوضى .. ونمت خخ

واليوم زوجي دوام .. قلت له في طلعتكم ودني بيت ابويي ما ابغي اقعد بروحي .. طلعنا عشر ومريت اخذت ليي ريوق ورحت بيت ابويي عشر ونص .. ونمت ليي شوية وقعدت للمغرب وعقبها مر عليي ورجعت الشقة ... كان في بالي نطلع نروح نشوف سرير بس قال بيروح الى جده المستشفى وبيرجع وللحين ما رجع يعني اكيد ما بيمدينا نروح مكان .. وبكرة عندي تحليل سكر صايم فاطر .. فيبغي ليي اتعشى من وقت ... وللحين ما تعشيت ..