الرئيسية ركن الشات والمواضيع الترفيهية والألعاب شات عروس لمة بنات ليبيا فى شهر رمضان المبارك

لمة بنات ليبيا فى شهر رمضان المبارك

اميرة عرائس ليبيا 11-08-2010 6,107 رد 384,646 مشاهدة
A
ArOoTa
عروس مشرقة
15-08-2010 | 04:53 PM
قوين
ماشااااء الله عليها سفرتك
يسلمو ايدياتك...حلوة لفتك في البوريك ياريت لما اديريه المرة الجاية تصوري الخطوات
وشنو انتوا من النوع اللي ماتحبوش الجبنة ؟
وليك احلى تقييم

مدام هايلة
شكلهم عزايم ليه ليه ههه ربي يعاونهم
امس سألتك على المكوى بصراحة موقعك ماشاء الله ووريته لبنت خالتي وصاحبتي وعجبوهم حاجات العرايس
وان شاء الله بنديروا يوم ونوصوك باذن الله


ArOoTa;12928613:
مدام هايلة حابة نعرف بخصوص مكوى الشعر هل النوع ghd الاصلي او لا
لاني حابة نوصيك عليه زعما قداش وقت بش يوصل من بعد مانقدم الطلب لاني بناخده هدية



حبيبية ايمن
اكيد لاحظنا غيابك خليتي مكانك امس
الف لاباس عليك
وأهو ردي امس



ArOoTa;12926029:
اهلا سويتي نستنوك الليلة تحكيلنا علي يومك
ماتنسي تصوري سفرتكم


ويييييييينكم اليوم يابنات
شنو كلكم عزايم ولا كيف



حبيبة ايمن وينك ياعسولة


قدورة ومدام هايلة اليوم نبوا نشوفوا فطوركم
Q
QuEEn of icE
عروس نشيطة
15-08-2010 | 05:05 PM
للي سأل علي خلطة الفلفل المحشي ...
عاديه الحق هذا درته بلا لحم بكل بصل مقطع مكعبات صغيرررره ومعدنوس ورز (طبعا ننصحكم بأبو بنت ميعجنش بكل ) وطماطم حكه وحرارات وفلفل اسود وملح وبزار طبعا لحن تقدري اتحطيه مفروم او حتى مكعبات غير اني المره هادي درته بلا لحم وتحطي زيت نباتي وتخلطي لما تحسيه دهن كله تحشي بيه الفلفل وحطي فوق الكسكاس وكلو صحيحه
بالنسبه للكيكه البارده هيا طبقات ....
كيكه عاديه حطيها في قاع الطاجن مش هلبا وطيبيها بعدين حطي فوقها طبقه كريم شانتيه واي نوع فاكهه اني نحب البناني شرائح وفوقه طبقة بسكوت مغمس في نسكافيه وفوقه طبقة كريم شانتيه مخلطه بنوتيلا وطبقه بسكوت تاني واخر طبقه حطي كراميل وفوقه شكلاته مبشوره ... ولو عجبتكم ادعولي
ت
تحكمني قناعاتـي
مشرفة سابقة
15-08-2010 | 05:08 PM
اروتو والله لو فاضيه راهو صورت

انا صورت اول امس لما نفضي حنزل

بس مشغولة ماعنديش وقت لشي يستر الله

ملكة ثلج بارك الله فيك قريبة من طريقتي بس في

الكوشة انا نحط فيهم مش ع كسكاس

في امان الله
Q
QuEEn of icE
عروس نشيطة
15-08-2010 | 05:16 PM
نسيت في الكيكه لما تحطي كريم شانتيه مخلط بالنوتيلا رشي لوز مهروش اي نوع ....
على فكره كان فضل شويا من كريم شانتيه مخلط بالنوتيلا حطيه في الفريز احلى جيلاطي غير متخليشي يثلج هلبا ولدي وراجلي هبلو فيه ...
يلا توا جي وقت الكوجينا نشوفكم على خير ومتنسوش تقيموني .... سلام
H
Hayela
عروس مبدعة
15-08-2010 | 05:25 PM
ArOoTa;12932513:


مدام هايلة
شكلهم عزايم ليه ليه ههه ربي يعاونهم
امس سألتك على المكوى بصراحة موقعك ماشاء الله ووريته لبنت خالتي وصاحبتي وعجبوهم حاجات العرايس
وان شاء الله بنديروا يوم ونوصوك باذن الله


[/CENTER]

قدورة ومدام هايلة اليوم نبوا نشوفوا فطوركم[/CENTER]


صحيتى اروتا .. وادللى فى اى وقت ..

وبالنسبة للرمضان لا والله ماعزايم ههههههههه كان عزيام نمووووت .. انى هكى وبنطيح .. بس انى نوعيتى نتعب فيسع يادوبك شربة وفطيرة وحاجتين رقاق وسلاطة وحاجة حلوة ضرورى والسلام .. اليوم مدايرة شربة وفطيرة ونودلز بالدجاج متاع الاندومى هاداكا نديرله فى خاطة دجاج حلوة الحق وبعدين نطبخ الاندومى ونخلطه يجى خفيف وحلو وبوريك وسلاطة خضرة بس اليوم مش مكترة .. والحلو تشيز كيك الحق تجينى حلووة :thumbs_up: للاسف الصور الكاميرات والله خاربة ليها فترة ومصلحتهاش لتوا .. بس بادن الله تصلح قبل نهاية رمضان نحطلكم حتا اخر ايامات هههه :worn_out:
H
Hayela
عروس مبدعة
15-08-2010 | 05:30 PM
فيرونا 25;12932230:
F:بوساتك وصلوا وتعرفى والله العظيم ايهبلوا على الاخر عبدالله فى جو عبط قريب من اسلام هههههههههههههههههه :lol:

طبعا انا اكرم منك سلامى الى كل العائله :adore::adore::adore::adore::adore::adore::adore:
اه حتى مرات خويا عجبها المنتدى ونتبى اتخش فيه ان شاء الله


باهى بارك الله فيك ههههههههه تعرفى شفته فى الصور عبدالله ماشاء الله تبارك الرحمن عينى ماضره يهبببببببل مش عادى تقول متاع دعايات .. :thumbs_up: وسلميلى على امونة هلبااااااااااااا لان خسارة ملحقتش نهدرز عليها فى عرس بوجى .. :confused:
H
Hayela
عروس مبدعة
15-08-2010 | 05:32 PM
حبيبة أيمن;12932396:
مســـــــــــــــــــــــــــاء الخير عليكم بنات وعروسات ومدامات ... شنو الاخبار ... انا امس مخشيتيش للمنتدي ومع هدا مفيش حد لاحض غيابي:'( ... يلا ما علينا ... انا غبت بس قريب متت من الالم امس ورقدت في المستشفي ساعات ليين المسكن خدي فيا وروحت الحوش استريحت .. واليوم مزال نتوجع ... ربك يســــــــــــــتر بس الحمد لله اهلي اليوم معزومين في حوش خوالي .. فا مستريحة...

ههههههههههههههههههههههههههههههه



ان شاء الله لاباس عليك حبوبة ... خيرك .. وجع شنى قلقتينى ... من الاول قلت شورا وجع جياب هههههه بعدين تفكرت انك مش متزوجة .. !! ان شاء الله خير ؟؟؟ :-o
H
Hayela
عروس مبدعة
15-08-2010 | 05:44 PM
كوينة صحيتى عالطريقة ..

بعد غدوة بنديره الفلفل المحشى .. غدوة راجلى بنمشو نفطروا مع خوته جابلى فخدة قالى ديريها فى الكوشة وديرى معاها رز ابيض .. بنات شن افكاركم عالفخدة المشوية فى الكوشة ؟؟؟؟؟
م
من انـــا؟
عروس مبدعة
15-08-2010 | 05:56 PM
امممممممممم
A
ArOoTa
عروس مشرقة
15-08-2010 | 10:21 PM
Hayela;12932651:
صحيتى اروتا .. وادللى فى اى وقت ..

وبالنسبة للرمضان لا والله ماعزايم ههههههههه كان عزيام نمووووت .. انى هكى وبنطيح .. بس انى نوعيتى نتعب فيسع يادوبك شربة وفطيرة وحاجتين رقاق وسلاطة وحاجة حلوة ضرورى والسلام .. اليوم مدايرة شربة وفطيرة ونودلز بالدجاج متاع الاندومى هاداكا نديرله فى خاطة دجاج حلوة الحق وبعدين نطبخ الاندومى ونخلطه يجى خفيف وحلو وبوريك وسلاطة خضرة بس اليوم مش مكترة .. والحلو تشيز كيك الحق تجينى حلووة :thumbs_up: للاسف الصور الكاميرات والله خاربة ليها فترة ومصلحتهاش لتوا .. بس بادن الله تصلح قبل نهاية رمضان نحطلكم حتا اخر ايامات هههه :worn_out:


ماشاااااااء الله فيه الخير والبركة
زعما كيف طريقتك في التشيز كيك
كان مافيهاش جيلاتين ياريت تعطيهالي
تعبت مالقيت طريقة حلوة ومافيها جيلاتين لاني ماحصلته في طرابلس
:'(


وسامحيني معنديش فكرة بخصوص الفخدة المشوية
مازال ماخشيت ع الحاجات القوية هادي:lol:
A
ArOoTa
عروس مشرقة
15-08-2010 | 10:22 PM
Hayela;12932693:
ان شاء الله لاباس عليك حبوبة ... خيرك .. وجع شنى قلقتينى ... من الاول قلت شورا وجع جياب هههههه بعدين تفكرت انك مش متزوجة .. !! ان شاء الله خير ؟؟؟ :-o

لالا هذا وجع البنات متاع كل شهر
ان شاء الله اليوم تهفت عليك يا حبيبة ايمن
طمنينا عنك
A
ArOoTa
عروس مشرقة
15-08-2010 | 10:23 PM
Rose 89;12932800:
امممممممممم


امممممممممم

ياهلا بيك يا وردة
شن الاخبار اليوم
وشن قصة اممم جعانة ؟؟
م
من انـــا؟
عروس مبدعة
15-08-2010 | 11:15 PM
ArOoTa;12933876:

امممممممممم

ياهلا بيك يا وردة
شن الاخبار اليوم
وشن قصة اممم جعانة ؟؟


ههه كنت جيعانة بس توا خلاص ههه

تمام وانتي؟
s
sweety sweet
عروس متألقة
15-08-2010 | 11:22 PM
هلا هلا بالحلوات...كيفكم اليوم؟؟؟صحه فطوركم ويالا بسرعه قولوا شن كان.

فطورنا كان شربة دجاج بالذرة ودجاج كنتاكى وسمبوسة وبيتزا وطباهج فى الكوشة...حاولت ننزل الصور وماعرفتش تو نزيد نحاول بالك تزبط معاى.

قالوا اليوم كان نو هلببببا..ربى يبردها عليكم ويفوت نهاركم بسرعه.
ا
اميرة عرائس ليبيا
عروس فضية
15-08-2010 | 11:27 PM
خيرات يا بنات يا حلوات وصلتكم راسالة بتاع لبيانا هههههه ان شاء الله القرار حتى فى النت
حبيبة ايمن الف لاباس عليك ان شاء الله اعلكس والله نعزك معزة خاصة بس ممكن صيام ودايخين بكل
ملكة الثلج ماشاء الله غليك
هايلة انت زى انا بسرعة مانتعب من الكتشن ومنحبيش نكثر
فيرونا وينك على الماسن
كيف حال كل الاخرين
بيكا معاش خشت بكل وينها
ا
اميرة عرائس ليبيا
عروس فضية
15-08-2010 | 11:29 PM
سويتى معلش انا مش فاهمة انت وين قاعدة حاليا
s
sweety sweet
عروس متألقة
15-08-2010 | 11:43 PM
عروسة الاميرات;12934208:
سويتى معلش انا مش فاهمة انت وين قاعدة حاليا



عروسة الاميرات شكلك مش مركزة...انى توا حاليا فى دولة افريقية بابا سفير ليبيا فيها وجاية نقضى فى اجازتى عنده.
ا
اميرة عرائس ليبيا
عروس فضية
15-08-2010 | 11:52 PM
اها سويتى اوكى ماهو دايخة من الصيام هههههههه
م
من انـــا؟
عروس مبدعة
15-08-2010 | 11:53 PM
امممم
s
sweety sweet
عروس متألقة
16-08-2010 | 12:18 AM
الصيام داير مفعوله فيك هههههههههههه

روز شن قصة اممممم معاك اليوم؟؟
X