الرئيسية ركن الشات والمواضيع الترفيهية والألعاب شات عروس لمة بنات ليبيا فى شهر رمضان المبارك

لمة بنات ليبيا فى شهر رمضان المبارك

اميرة عرائس ليبيا 11-08-2010 6,107 رد 384,646 مشاهدة
A
ArOoTa
عروس مشرقة
15-08-2010 | 02:59 AM
يا هلا هدير نورتي اللمة
ان شاء الله معاد يفسد جهازك ونشوفوك كل يوم
ه
هديرالحب
عروس مشاركة
15-08-2010 | 03:03 AM
[QUOTE=ArOoTa;12928624]
يا هلا هدير نورتي اللمة


ان شاء الله معاد يفسد جهازك ونشوفوك كل يوم صحيتي حبيبتي ربي ما يحرمني منك
A
ArOoTa
عروس مشرقة
15-08-2010 | 03:12 AM
هااا هدورة شن درتي فطوك اليوم ؟
ف
فيرونا 25
عروس نشيطة
15-08-2010 | 03:22 AM
السلام عليكم
محلاكم ومحلا اكلاتكم والله مشاء الله عليكم تعلمت نكم هلبه حاجات ربى يحفظكم

عروسه الاميرات
كيف حالك واحشتينى
عرب امريكا كل رمضان وانتم بخير وينكم
طبعا صارلى موقف طريف للغايه
خذيت كامير من مراه خويا وبعدين لما جيت بنصور الفطورنا:'( للاسف مالقيناش الوصله و:'(بعدين دور خويا فى شناطيه ولقها وبعدين صورنا لكن للاسف:'( لما صورنا وجيت بنزلهم :'(:'(:'(:badly:تفجت ان النت فاصل عندنا وعند خويا وعند صحبتى :badly::badly::badly::badly:
وبعدين جاء النت :lol::lol::lol::lol:وفرحنا انا ومرات خويا ولما جينا بنزلوا الصور :lol::lol::lol::lol:
الشحن طفاء ومعندناش خيط شحن هههههههههههههههههههههههههههههههههههههههههههههههههههههههههههههههه
وخايفه انزلهم بعدين المنتدى يسكر;);)مفيش داعى والله محبطه على الاخر لكن انحاول نتصرف من جديد;);)
ا
اميرة عرائس ليبيا
عروس فضية
15-08-2010 | 03:35 AM
هههههههههههههههههههههههههههههههه والله ضحكتينى يا قيرونا بكل معندكش كمرا
A
ArOoTa
عروس مشرقة
15-08-2010 | 03:35 AM
هههههههههههههه

الصور مش راضية تنزل في المنتدى يا فيرونا

ربي يهديها ان شاء الله
Q
QuEEn of icE
عروس نشيطة
15-08-2010 | 04:16 AM
ArOoTa;12925591:
شن هي كفتة الباتشي يا قوين






خودي كيمة دجاج او لحم واقلي مكعبات بطاطا ولميهم مع بعض بجبنة المثلثات وبعدين شكليها زي الباتشي وحطيها في دحي وخبزة مرحية واقليها
جربتها من واحد من المنتديات طلعت مش خاطيه
Q
QuEEn of icE
عروس نشيطة
15-08-2010 | 04:19 AM
فطورنا اليوم ...
شربة عدس ومكرونة بالباشميل وفلفل محشي وبيتسا وبوريك وسلطه ملفوف وسلاطه مشويه والحلو محلبيه وكيكه بارده
نحاول انزل الصور ربي يستر
ه
هديرالحب
عروس مشاركة
15-08-2010 | 04:24 AM
ArOoTa;12928713:
هااا هدورة شن درتي فطوك اليوم ؟


اليوم درنا شربه وفركسي ومحشي فلفل وكفته وبيتسا وبوريك
ه
هديرالحب
عروس مشاركة
15-08-2010 | 04:27 AM
بالسلامه تصبحوا علي خير
A
ArOoTa
عروس مشرقة
15-08-2010 | 04:45 AM
يسلمو ايدياتكم قوين وهدير

نستأذنكم توا بنشد المصحف شوية
تصبحوا على ألف خير
ا
اميرة عرائس ليبيا
عروس فضية
15-08-2010 | 05:00 AM
فى امنا الله يا بنات خلاص نبى نشرب مية
مش ملاحظين ان رمضان بسرعة مايجرى بكرة خمسة رمضان
Q
QuEEn of icE
عروس نشيطة
15-08-2010 | 06:03 AM
و آخيرا قدرت انزل الصور ....

بوريك بالجبنه ..


مكرونة بالباشميل ...


فلفل محشي ....


وبيتزا ....


وسلطات ... سلطة ملفوف


سلاطة مشويه ...
Q
QuEEn of icE
عروس نشيطة
15-08-2010 | 06:10 AM
الحلو ... محلبيه


وكيكة بارده ..


وبسسسسس..
توا لما نفضى انزل سفرتي اول يوم لانو لما مقدرتش انزل الصور الحق يأست بس اليوم كنت متفائله وكان تفائلي في محله:093:
خلي نمشي نقرا قرآن لانو حسيتكم كلكم غالبيني في ال12ماشاء الله واني قاعده في السابع يلا سلامات
ت
تحكمني قناعاتـي
مشرفة سابقة
15-08-2010 | 10:39 AM
السلام عليكم ورحمه الله وبركاته

ماشاء الله تبارك الله ع سفرتكم جميعا سفرة دائمة ان شاء الله

وصفات واكلات تشهي بجديات تسلم اياديكم

كبف حالكم جميعا حيو وينك مختفية وعمتو هونيدة ليك وحشة ونروجسة

ام احمد وطرابلسة واروتو منورات ع طرق الحاجات تسلمو وعضوات الجدد اهلا بيكم

ملكة الثلج ممكن بعد اذنك خلطة الفلفل حشو كيف وكيكة مسقعة

ياريت ادزيها ليا ع الخاص وبارك الله فيك مقدما

في امان الله وحفظ الرحمن ربي يوفق الجميع ويفتحها في وجوهكم وينولكم الي في بالكم
H
Hayela
عروس مبدعة
15-08-2010 | 01:08 PM
كوينة حبيبتى حتا انى نبى طريقتك فى الفلفل المحشى بنديره غدوة .. ويجينى حلو بس نحسه ناقص شوية ترا قوليلى انتى كيف اديرى فيه ..
H
Hayela
عروس مبدعة
15-08-2010 | 01:14 PM
ArOoTa;12928254:
ام احمد

هنو الدلوعة
مدام غادة
مدام هايلة

وكل الغائبات وينكم طمنونا عنكم


سلمك نشادة يا اروتا .. :L: والله شكلهم كلهم لاهين فى رمضان جرى وخلاص

فيرونا والنبى سلميلى على مرت خوك وخوك هلبااااااااااااااااااااااا وبوسيلى كتاكيتهم :thumbs_up:
ف
فيرونا 25
عروس نشيطة
15-08-2010 | 03:34 PM
Hayela;12931479:
سلمك نشادة يا اروتا .. :L: والله شكلهم كلهم لاهين فى رمضان جرى وخلاص

فيرونا والنبى سلميلى على مرت خوك وخوك هلبااااااااااااااااااااااا وبوسيلى كتاكيتهم :thumbs_up:


F:بوساتك وصلوا وتعرفى والله العظيم ايهبلوا على الاخر عبدالله فى جو عبط قريب من اسلام هههههههههههههههههه :lol:
طبعا انا اكرم منك سلامى الى كل العائله :adore::adore::adore::adore::adore::adore::adore:
اه حتى مرات خويا عجبها المنتدى ونتبى اتخش فيه ان شاء الله
M
Mella2
عروس رائعة
15-08-2010 | 04:21 PM
مســـــــــــــــــــــــــــاء الخير عليكم بنات وعروسات ومدامات ... شنو الاخبار ... انا امس مخشيتيش للمنتدي ومع هدا مفيش حد لاحض غيابي:'( ... يلا ما علينا ... انا غبت بس قريب متت من الالم امس ورقدت في المستشفي ساعات ليين المسكن خدي فيا وروحت الحوش استريحت .. واليوم مزال نتوجع ... ربك يســــــــــــــتر بس الحمد لله اهلي اليوم معزومين في حوش خوالي .. فا مستريحة...
ههههههههههههههههههههههههههههههه

s
sweety sweet
عروس متألقة
15-08-2010 | 04:36 PM
حبيبة أيمن;12932396:
مســـــــــــــــــــــــــــاء الخير عليكم بنات وعروسات ومدامات ... شنو الاخبار ... انا امس مخشيتيش للمنتدي ومع هدا مفيش حد لاحض غيابي:'( ... يلا ما علينا ... انا غبت بس قريب متت من الالم امس ورقدت في المستشفي ساعات ليين المسكن خدي فيا وروحت الحوش استريحت .. واليوم مزال نتوجع ... ربك يســــــــــــــتر بس الحمد لله اهلي اليوم معزومين في حوش خوالي .. فا مستريحة...
ههههههههههههههههههههههههههههههه





الف سلامة عليك ياحبوبة...ومعاك حق ماحدش لاحظ غيابك (عن نفسى يومى امس كنت مشغوووولة عالاخر ويادوبك درت تشيك عالسريع فى الليل حكيت فيه شن درت ) المهم ماتغيبى علينا تانى هكى .
والله مابعدك من هالالم ,,ان شاء الله اليوم يتحسن حالك وادعى لخوالك الى ريحوك من هم المطبخ ههههههههه.
X