رابطة امهات واطفال مصر بعمر السنتين ..لشهر رمضان المبارك

يا بنات انا هتجنن الصورة اللي بعد الكلام في مشاركتي مش انا اللي حطيتها انا حاولت قبل كده احد نفس الصورة دي وماعرفتش انا اصلا ماعرفتش اثبت الصورة بعد المشاركة ازاي وحطيتها شوية ف التوقيع وشلتها تاني
فجاة لقيتها موجودة دلوقتي

والله يا ايمي مش عارفه بس عموما هو صورة جميله اوي ومعبره لحالتك وان كنت مظنش ان ميزو بوداعة البنت اللي في الصوره :D

صحيح عرف انك وللا لا ؟ وفرحان وللا الغيره بدأت؟

بنات مافيش خبر حلو
كل الاخبار وحشة وتزعل اليومين دول

سلفتي كانت حامل معايا بالزبط وراحت كشف عند الدكتور بتاعها من كام يوم قال لها الجنين ميت ومافيش نبض وحجمه صغير جدا
وراحت عند كذا دكتور كله قال لها نفس الكلام بالظبط وللاسف عملت عملية اول امبارح ونزلته
وطبعا كل الدكاترة قالو لها مالهاش حمل تاني لانها عندها 42 سنة وطبعا نفسيتها مضمرة وزعلانة جدا كان نفسها تجيب بيبي هي عندها بنتين وكان نفسها تجيب ولد

ربنا معاها يارب ويرزقها بالخير ويرزق كل البنات

الدنيا مشاااااااااااااكل

هههههههههههههههههه لااااااااا وداعة ايه يا هبه
الكلام ده خلاص بطل من زمان اوي والله
ربنا يهديهم يارب
انا ماكنتش واخدة بالي انها بنت ف الاول لما لقيتها بنت شلتها هههههههههههههههههه


ايوة هو عارف بس اكيد مش مدرك اوي للموضوع لما اكون قاعدة واخدة راحتي ف القاعدة وبطني باينة يقول لي ماما ايه ده اقول له نونو وهو فاهم انه فيه هنا نونو ولما بقعد اتكلم معاه واقول له النونو هييجي ويجيب لمعاذ حاجة حلوة والكلام ده يبقى مبسوط اوي بس اكيد الواقع هيكون غير كده تمااااااااامااااااااااا
الله المستعان

يتصفح الموضوع حالياً: 1 (1 من الأعضاء و 0 من الزوار) ‏*Om Mo3az*

اهئ اهئ


طيب انا هقوم بقى اصلي وكده يعني
انا بقول الحمدلله اني مش عندي نت ف البيت وإلا كنت ضعفت وفضلت قاعدة طول الليل وماعملتش حاجة

ايمان بيقولى الصور دى كانت واقفة والخاصية رجعت تانى

حتى الصورة اللى عندى دى كنت حاولت احطها زمان برده وانا حامل ومنفعتش

ودلوقتى اشتغلت لوحدها

بس الصورة بتاعتك جميلة

انا عاوزة اغير صورتى حد يعرف ازاى؟؟

ازيكم يابنات

ايمان وحشتينى جدا انا فطرت عند حماتى النهاردة ولسه راجعين من شوية

كان نفسى اشوفك اوى عموما لو مخرجتش بكرة هعرفك وياريت نشوفكم

ازى ميزو ؟؟والنونو

هبة تسلمى على سؤالك ياقمر انتى وايمان وكل البنات اللى دعو لياسين ربنا يكرمكم يارب

اسماء ربنا ميحرمنيش من دعائك وياريت تضيفى للدعاء دعاء لزوجى ان ربنا يشفيه لان موضوع الترجيع رجعله تانى وكمان النفسية الحمد لله فى الارض ياريت كلكم تدعولى يا بنات

يارب نفسى فى خبر حلو ربنا يطمنا على شيماء وشهيدة يااااااااارب

كلمة وداع;12955243:
توتى ياقلقانى انتى عامله ايه وحشتينى والله
نهى ارجعى بقى تفاعلى انتى وهدى

و الله يا بنتي انا مطحووونة في موضوع اشقة و النقل متخيلتش ان الموضوع هيبئة دماااااااااار كدة اول امبارح رجعنا الساعة 3 الفجر و نمنا بعد الفجر و صحيت طبعا مع جوزي بعدها بساعتين و نص علشان الشغل و لومي هانم كانت صحيت :( و نزلت جبت حاجات لبيت و لف و دووووووووووخة و رجعت بعد العصر فطبعا صلت العشا و التراويح و اله يا بنتي مكملتهاش كنت دايخة و بئع من طولي فنمت لحد تاني يوم:) و اديني اهه صليت و دخلت اسلم ادعيلي انتي بس ان ربنا ييسرلنا الحال

أم حموودى القمر;12956810:
شكرا لكل البنات اللى دخلو وسألو على ياسين

والله الحالة لسه مش مستقرة

دعواتكم يا بنات ربنا يكرمه

مامته ياحبيبتى كل يوم يقولها كلام يخليها تتعلق بيه اكتر

الله المستعان

أم حموودى القمر;12958467:
والله ياهبة احنا فوجئنا ان عنده اكتر من حاجة

اولا هو نزل ازرق جدا والدكتور قال عنده عيب خلقى فى القلب تقريبا ثقب

تانى جاجة سقف حلقه مفتوح بس ازاى معرفش وتقريبا مأثر على التنفس

ثالت حاجة قالو معندوش فتحة شرج ومحتاج عملية ومؤقتا هيعملوله فتحتين من بطنه لتصريف البراز لان وجوده جوه غلط عليه بس الحمد لله قبل ما يفتحوله بيفتحو البامبرز لقوه عامل بيبى الحمد لله وبكده يبقى الفتحة موجودة اهه ان شاء الله بس ممكن تكون ضيقه شوية
رابعا الخصيتين بتوعه واحدة نازلة والتانية لسه وتقريبا رجله مقوسه بس دى بسيطة ان شاء الله

هو حاليا فى الحضانة محطوط على جهاز تنفس صناعى ولسه بكرة هيعملوله اشعه ايكو على القلب وشوية تحاليل وربنا يطمنا عليه يارب



امييييييين يارب

تسلمى ياهبة وربنا يباركلك فى بناتك يارب

ربنا يشفيه يا سالي و يعافيه...و يصبر اختك بجد الواحدة منتستحملش تشوف ابنها او بنتها سخنة حبتين فبج ربنا يعينها و يهدبها...

شهيدة;12961816:
معلش يا بنات انا نفسي اطلب طلب منكم

ياريت تدعولنا واسرتى بصلاح الحال

احنا في مشكله كبيرة جدا بقالنا فترة والموضوع ده ماثر على كل حاجه في حياتى حتى استقرار اسرتى

بالله عليكم متنسونيش من دعواتكم احنا فعلا في كرب عظيم واشبه ما تكون بفتنه

انا حالتى النفسيه مدمرة بقالها اكتر من 3 شهور وكل يوم نكد وعياط غير طبيعي

ادعولى بالله عليكم وادعولى ان الطفل اللى جاى ده ربنا يرزقنا بيه سليم معافى

انا خايفه عليه جدا من كتر النكد اللى الواحد عايشه

لدرجه انى اصلا مزدتش من اول الخامس بالعكس عماله اخس

ربنا يفك كربك يا شهيدة انا عارفة اللي انتي فيه و مريت بيه قريب و الله يا بنتي فبجد ربنا يعينك و يصبرك انا لسة خارجة من الدور ده:( معرفش في ايه بجد ....اكثري من الاستغفار يا شهيدة و هدي حالك خااااااااااااااالص شيلي كل حاجة و بطلي عياط و ركزي في البيبي الجاي و ايامه الحلوة باذن الله معاكي :)

حد هنااااا

أم حموودى القمر;12963215:
تسلمى ياشهيدة على اهتمامك ياحبيبتى

بس هو شفته مش ارنبية هو المشكلة فى سقف الحلق بس وفعلا قالولنا على الببرونة المخصوصة للحالة دى وربنا يريح بالك ويطمنك زى ما طمنتينا كده

انا اتصلت طمنتهم دلوقتى ومتتخيليش فرحو قد ايه واداهم امل كبير
يارب ياحبيبتى يفك كربك ويصلح خالك والمشكلة دى تنتهى على خير ان شاء الله

ربنا يطمنكم عليه يا سالي

احنا اخوات يا بنتى

بالنسبه للشفه الارنبيه ده اسم دارج لانها اشهر حاجه وزى ما قلتلك دى درجات
في منها نوع بيكون فيها الشفه مشقوقه بس
ونوع الشفه وسقف الحلق مشقوقين
ونوع سقف الحلق بس
وبرضو كل واحده منهم درجات على حسب الحاله وحجم الشق

فان شاء الله متقلقوش وهوا بيحتاج عمليه وبتتحسن
طب الحمد لله كمان ان الشفه كويسه علشان اما يكبر مش هيبان عليه انه كان عنده مشكله ولا هيحتاج عمليات تجميل

وكويس انكم في المنصورة الدكاترة عندكم كويسيين والطب مميز عندكم انتو بس دورو على دكتور جراحه اطفال كويس وبيبقا في دكاترة مخصوصه لحالات سقف الحلق والشفه الارنبيه
اسالو على حد كويس
وتفائلو بالخير وان شاء الله يبقى كويس وفي احسن حال


على فكرة انا اعرف واحده كانت عندها المشكله دى وماشاء الله اتجوزت وخلفت وعايشه حياتها عادى جدا
اه اهلها تعبو في الاول من العمليات بس الحمد لله بعد كده بقت تمام التمام
وعلى فكرة الحاله دى مش ورائيه ومش معروف بتحصل من ايه يعنى في بيقولو التدخين او الكحوليات ودول طبعا مش عندنا الحمد لله وفي بيقولو لو الام كترت من الادويه بس كل دى نظريات محدش قادر ياكدها وكل شيء بقدر الله

أم عمرومنة;12962550:
سالى ربنا يشفيه ويعفو عنه ويطمن قلوبكم عليه ويهونها على مامته يارب

شهيدة ربنا يفك كربكم ويزيح همكم ويسعد قلوبكم ويبعد عنكم اي سوء
غن شاء الله تهدى نفوسكم جميعا ويكتبلكم كل طيب
وربنا يكمل حملك على خير ويرزقك بابن معافا

hoobie;12963246:
شهيده ربنا يفك كربك ويرزقك السكينه وراحة البال ويرزقك بيبي سليم معافه الخلق والخلقه ان شاء الله

*Om Mo3az*;12965624:


شهيدة ازيك يا حبيبتي عاملة ايه وازي عمر والبيبي
ربنا يارب يفك كربكو يا شهيدة ويبعد عنكو كل سوء وكل المشاكل تتحل باذن الله

ولازم تيجي على نفسك شوية عشان البيبي انا مقدرة اللي انتي فيه والزعل مش بايدينا بس هنعمل ايه حاولي تغيري جو وتفرفشي كده
وربنا يارب يزيح عنك كل هم ويقومك بالسلامة ويرزقك بطفل سليم معافي بلا زيادة او نقصان ويبارك لك فيه هو وعمر يارب

roslish;12967366:

ربنا يفك كربك يا شهيدة انا عارفة اللي انتي فيه و مريت بيه قريب و الله يا بنتي فبجد ربنا يعينك و يصبرك انا لسة خارجة من الدور ده:( معرفش في ايه بجد ....اكثري من الاستغفار يا شهيدة و هدي حالك خااااااااااااااالص شيلي كل حاجة و بطلي عياط و ركزي في البيبي الجاي و ايامه الحلوة باذن الله معاكي :)

اللهم اميييييييييييين

جزاكم الله خيرا على دعواتكم الحلوة
والله اسعدتنى جدا
ربنا يبارك فيكم

ايمان

وحشتينا اوى
اخبار معاذ ايه؟ والحمل معاكى في الصيام؟
ابقي شوفي حل في موضوع النت المقطوع عندكم علشان نعرف نطمن عليكى
معلش يا ايمى انا عارفه انى مقصره لقيت رقمك انتى وسالي في الموبايل بس المشكله انه كان ضايع واما لقيته جايه اتصل فوجئت ان عمر تقريبا اتصل بحد وخلص الرصيد ومن وقتها عايزة اشحن

نهى

الله يعينك العزال ده صعب اوى بس محتاج طوله بال وحاولى كده كل شوية تعملى حاجه ان شاء الله كل حاجه تخلص


شيماء كانت بتقول انها هتولد يوم 21 يعنى بكرة السبت مش عارفه بقا ايه نظامها
ان شاء الله اشحن واكلمها

شهيده ربنا يفك كربك ويصلح شانك يارب

*Om Mo3az*;12965740:
بنات مافيش خبر حلو
كل الاخبار وحشة وتزعل اليومين دول

سلفتي كانت حامل معايا بالزبط وراحت كشف عند الدكتور بتاعها من كام يوم قال لها الجنين ميت ومافيش نبض وحجمه صغير جدا
وراحت عند كذا دكتور كله قال لها نفس الكلام بالظبط وللاسف عملت عملية اول امبارح ونزلته
وطبعا كل الدكاترة قالو لها مالهاش حمل تاني لانها عندها 42 سنة وطبعا نفسيتها مضمرة وزعلانة جدا كان نفسها تجيب بيبي هي عندها بنتين وكان نفسها تجيب ولد

ربنا معاها يارب ويرزقها بالخير ويرزق كل البنات

الدنيا مشاااااااااااااكل

ولا تعلمى ان شاء الله ربنا يرزقها

انا خالتى حملت وهيا عندها 45 سنة وربنا رزقها بولد وسمته عمر برضو بس هوا اصغر من عمر ابنى وهيا اصلا خالتى مكنش في بالها خالص واكتشفت الحمل وهيا في الشهر الخامس وكانت بتاخد كميه ادوية كتيرة وهيا متعرفش انها حامل
فربنا اما بيريد بيقول للشيء كن فيكون فقليلها ان شاء الله خير وان شاء الله يرزقها

أم حموودى القمر;12966133:
هبة تسلمى على سؤالك ياقمر انتى وايمان وكل البنات اللى دعو لياسين ربنا يكرمكم يارب

اسماء ربنا ميحرمنيش من دعائك وياريت تضيفى للدعاء دعاء لزوجى ان ربنا يشفيه لان موضوع الترجيع رجعله تانى وكمان النفسية الحمد لله فى الارض ياريت كلكم تدعولى يا بنات

يارب نفسى فى خبر حلو ربنا يطمنا على شيماء وشهيدة يااااااااارب

جزاك الله خيرا يا سالي

والف سلامة على زوجك
شفاه الله وعافاه
وان شاء الله تطمنو عليه بس انتو حاولو تعرفو السبب

هوبا

ازيك وازى ندى ورنا؟

اللهم امييييييييين

هوا الموقع معلق ولا ايه؟

على فكرة يا هوبا

مشكله ندى بتاعت الحمام حلها انك تحاولى تهدى معاها خالص وتحاولى تبينيلها حبك وازاى بتبقي مبسوطة منها لما تعمل في الحمام

المشكله اللى اكتشفتها مع عمر وان كانت طبعا لسه مفيش غيره ناحيه البيبي اوى
الا انى اكتشفت انى لما بكون متنرفزة او متعصبه بلاقيه بيعمل على نفسه فبتنرفز اكتر فيزيد اكتر
ولقيت انه لما يعمل كده واتعامل معاه بهدوء وافهمه بالراحه ان كده غلط بحس ان نفسيته احسن وبيبدا يستجيب

الوووووو
الحمد لله يا شوشو كويسين
انتي عامله ايه هتولدي امتي باذن الله