رابطة امهات واطفال مصر بعمر السنتين ..لشهر رمضان المبارك

تسلمولي يا بنات
مها انا مش هنكر انا بقيت عصبيه جدا غصب عني وبقيت بضربها وازعق بتغظني في كل تصرف تعمله
وانهارده اهه بحاول معاها من الاول واعده محبوسه في البيت من فتره مش عارفه ازاي هخرج بيها
والمفروض اروح للدكتوره بكره اركب اللوب
وشكلي هلبسها بامبرز لحسن تفضحني هناك كمان
وانا بشوف الدكتوره غاده وفعلا كلامها جميل هحاول اعمل الفكره اللي قولتيها ويارب تجيب نتيجه

أم حموودى القمر;12956810:
شكرا لكل البنات اللى دخلو وسألو على ياسين

والله الحالة لسه مش مستقرة

دعواتكم يا بنات ربنا يكرمه

مامته ياحبيبتى كل يوم يقولها كلام يخليها تتعلق بيه اكتر

الله المستعان

يا حبيتي ربنا يصبرها ويهون عليها
يارب يشفيه يارب

hoobie;12957033:
ازيكم يا بنات

سالي ابن اختك عامل ايه ..متقوليلنا بس في ايه يمكن حد يكون سمع حاله مشابهه ويفيدك باي حاجه

والله ياهبة احنا فوجئنا ان عنده اكتر من حاجة

اولا هو نزل ازرق جدا والدكتور قال عنده عيب خلقى فى القلب تقريبا ثقب

تانى جاجة سقف حلقه مفتوح بس ازاى معرفش وتقريبا مأثر على التنفس

ثالت حاجة قالو معندوش فتحة شرج ومحتاج عملية ومؤقتا هيعملوله فتحتين من بطنه لتصريف البراز لان وجوده جوه غلط عليه بس الحمد لله قبل ما يفتحوله بيفتحو البامبرز لقوه عامل بيبى الحمد لله وبكده يبقى الفتحة موجودة اهه ان شاء الله بس ممكن تكون ضيقه شوية
رابعا الخصيتين بتوعه واحدة نازلة والتانية لسه وتقريبا رجله مقوسه بس دى بسيطة ان شاء الله

هو حاليا فى الحضانة محطوط على جهاز تنفس صناعى ولسه بكرة هيعملوله اشعه ايكو على القلب وشوية تحاليل وربنا يطمنا عليه يارب

hoba555;12957818:
يا حبيتي ربنا يصبرها ويهون عليها
يارب يشفيه يارب

امييييييين يارب

تسلمى ياهبة وربنا يباركلك فى بناتك يارب

سالى قطعتى قلبى والله ربنا يصبرهاويعافيه من اى سوء ويفرحها بمعافاته يبارب والله هدعيلها علبى طول
الحمدلله على كل حااااااااااااااااال

shafah Allah we 3afah ya sally..dah aked akhtbar mn rabna le okhtek we kolo fi mizan 7asanatha..rabdna yesabrha we yethabtha. Ye yeshfit

الف سلامة عليه يا سالي شفاه الله وعافاه يارب

على فكرة حالته دى معروفه طبيا والاسم الدارج ليها الشفه الارنبيه
ودى درجات من شق في الشفه لحد سقف الحلق وغالبا ما بيكون معاها ثقوب في القلب اوقات بتقفل لوحدها واوقات بيحتاج عمليه

وحتى سقف الحلق بيتعمله عمليه ويتقفل بيها وبيبقا ليه بيبرونة معينة يرضع منها ووضعيه معينة وقت الرضاعه لحد ما يتعمله العمليه ويخف باذن الله
بس متقلقيش ان شاء الله حالته تتحسن
هوا الموضوع محتاج من الاهل طوله بال وصبر لان فيه عمليات
بس ان شاء الله بيبقى بعد كده كويس وبيمارس حياته الطبيعيه عادى

اما بالنسبه للخصية وفتحه الشرج فدول ان شاء الله حاجات بسيطة خصوصا انه حصل اخراج والخصيه التانيه ممكن تنزل لوحدها او لو اتاخرت بتتعمل عمليه بسيطة وتنزل باذن الله

وربنا يارب يشفيه ويعافيه من كل سوء ويتم شفاه على خير
وربنا يعافي اولادنا واولاد المسلمين جميعا

معلش يا بنات انا نفسي اطلب طلب منكم

ياريت تدعولنا واسرتى بصلاح الحال

احنا في مشكله كبيرة جدا بقالنا فترة والموضوع ده ماثر على كل حاجه في حياتى حتى استقرار اسرتى

بالله عليكم متنسونيش من دعواتكم احنا فعلا في كرب عظيم واشبه ما تكون بفتنه

انا حالتى النفسيه مدمرة بقالها اكتر من 3 شهور وكل يوم نكد وعياط غير طبيعي

ادعولى بالله عليكم وادعولى ان الطفل اللى جاى ده ربنا يرزقنا بيه سليم معافى

انا خايفه عليه جدا من كتر النكد اللى الواحد عايشه

لدرجه انى اصلا مزدتش من اول الخامس بالعكس عماله اخس

سالى ربنا يشفيه ويعفو عنه ويطمن قلوبكم عليه ويهونها على مامته يارب

شهيدة ربنا يفك كربكم ويزيح همكم ويسعد قلوبكم ويبعد عنكم اي سوء
غن شاء الله تهدى نفوسكم جميعا ويكتبلكم كل طيب
وربنا يكمل حملك على خير ويرزقك بابن معافا

شهيدة;12961790:
الف سلامة عليه يا سالي شفاه الله وعافاه يارب

على فكرة حالته دى معروفه طبيا والاسم الدارج ليها الشفه الارنبيه
ودى درجات من شق في الشفه لحد سقف الحلق وغالبا ما بيكون معاها ثقوب في القلب اوقات بتقفل لوحدها واوقات بيحتاج عمليه

وحتى سقف الحلق بيتعمله عمليه ويتقفل بيها وبيبقا ليه بيبرونة معينة يرضع منها ووضعيه معينة وقت الرضاعه لحد ما يتعمله العمليه ويخف باذن الله
بس متقلقيش ان شاء الله حالته تتحسن
هوا الموضوع محتاج من الاهل طوله بال وصبر لان فيه عمليات
بس ان شاء الله بيبقى بعد كده كويس وبيمارس حياته الطبيعيه عادى

اما بالنسبه للخصية وفتحه الشرج فدول ان شاء الله حاجات بسيطة خصوصا انه حصل اخراج والخصيه التانيه ممكن تنزل لوحدها او لو اتاخرت بتتعمل عمليه بسيطة وتنزل باذن الله

وربنا يارب يشفيه ويعافيه من كل سوء ويتم شفاه على خير
وربنا يعافي اولادنا واولاد المسلمين جميعا

تسلمى ياشهيدة على اهتمامك ياحبيبتى

بس هو شفته مش ارنبية هو المشكلة فى سقف الحلق بس وفعلا قالولنا على الببرونة المخصوصة للحالة دى وربنا يريح بالك ويطمنك زى ما طمنتينا كده

انا اتصلت طمنتهم دلوقتى ومتتخيليش فرحو قد ايه واداهم امل كبير
يارب ياحبيبتى يفك كربك ويصلح خالك والمشكلة دى تنتهى على خير ان شاء الله

ام حمودي الف سلامه على النونو وان شاء الله زي ماشهيده قالتلك كل له علاج بفضل الله الحمدلله بس شويه صبر ..وعلى فكره موضوع الخصيه المعلقه دي وفتحة الشرج الحمدلله دي حاجات انا سمعتها من مدحت الزيات قبل كده انها بسيطه جدا جدا وحتى العمليات بتاعتها بسيطه وفي اطفال كتير بيعملوها بس بعد سنتين تقريبا او حاجه كده متقلقيش ..وبرضه انتي ممكن تكلمي دكتور مدحت وتسأليه انا على طول بكلمه على فكره في برنامج دعاء وبيرد عليا

شهيده ربنا يفك كربك ويرزقك السكينه وراحة البال ويرزقك بيبي سليم معافه الخلق والخلقه ان شاء الله

ربنا يطمنكم يارب يا سالى ويكون كلام شهودة جاب نتيجة إيجابية مع نفسياتكم
ويكمل شفاه على خير ياااااااااااارب
والله بدعيله كل يوم عند الفطار ويارب يتقبل مننا الدعاء

بنات شيماء ولدت وقامت بالسلامة
حد يعرف حاجة يطمنا عليها ربنا يقومها بالسلامة

السلام عليكم
بناااااااات ازيكو وحشتوني جدا عاملين ايه وازي الكتاكيت الصغننة اخباركو ايه كلكو يارب تكونو في احسن حال يارب

أم عمرومنة;12965438:
بنات شيماء ولدت وقامت بالسلامة
حد يعرف حاجة يطمنا عليها ربنا يقومها بالسلامة

سمسم ازييييييييك وحشتيني عاملة ايه وازي الولاد
لا شيماء مش ولدت انا كلمتها امبارح وقالت لي قدامها شوية اسبوع ولا حاجة
ربنا معاها يارب وتقوم بالسلامة يارب

ازيكوا ؟؟؟؟؟

ياجماعه انا هطق ومخنوقة اوووي بجد اعمل اية؟

ايمان ازيك ياقمر وحشاني وازاي ميزو والنونو عامله ايه بتصومي وللا لا ؟؟

لاف واي معلش ياقمر حاولي كده تستعيذي من الشيطان واقري قران او حتى قومي شوفي حاجه حلوة في التليفزيون تغيري بيها جو شويه

أم حموودى القمر;12958467:
والله ياهبة احنا فوجئنا ان عنده اكتر من حاجة

اولا هو نزل ازرق جدا والدكتور قال عنده عيب خلقى فى القلب تقريبا ثقب

تانى جاجة سقف حلقه مفتوح بس ازاى معرفش وتقريبا مأثر على التنفس

ثالت حاجة قالو معندوش فتحة شرج ومحتاج عملية ومؤقتا هيعملوله فتحتين من بطنه لتصريف البراز لان وجوده جوه غلط عليه بس الحمد لله قبل ما يفتحوله بيفتحو البامبرز لقوه عامل بيبى الحمد لله وبكده يبقى الفتحة موجودة اهه ان شاء الله بس ممكن تكون ضيقه شوية
رابعا الخصيتين بتوعه واحدة نازلة والتانية لسه وتقريبا رجله مقوسه بس دى بسيطة ان شاء الله

هو حاليا فى الحضانة محطوط على جهاز تنفس صناعى ولسه بكرة هيعملوله اشعه ايكو على القلب وشوية تحاليل وربنا يطمنا عليه يارب



امييييييين يارب

تسلمى ياهبة وربنا يباركلك فى بناتك يارب

سالي يا حبيبتي ازيك
ابقي طمنينا على ياسين بالله عليكي انا دعيت له انهرده لما جيت افطر ومن ساعة ما عرفت والله وانا عمالة ادعي له هو ومامته وربنا قادر على كل شيء بس اهم حاجة الصبر واللجوء لربنا طبعا بالدعاء وان شاء الله ربنا يستجيب احنا في ايام مفترجة وباذن الله ربنا يشفيه يارب ويرده لمامته سليم معافي من كل شيء

على فكرة موضوع الخصية ده عادي جدا على فكرة حفيد اخو زوجي كان كده والدكتور قال لهم على سنتين تقريبا مش فاكرة لو ماكنتش نزلت لواحدها هيبقى فيه عملية وفعلا كمل السنتين والخصية كانت لسة واحدة بس والعملية كانت سهلة وبسيطة جدا الحمد لله ودلوقتي الولد عنده 4 سنين وكويس وتمام خالص مافيش اي مشاكل يعني
وان شاء الله كل المشاكل تكون سهلة وبسيطة باذن الله وربنا يطمنكو عليه يارب
وماتنسيش تطمنينا عليه بالله عليكي يا سالي

شهيدة;12961816:
معلش يا بنات انا نفسي اطلب طلب منكم

ياريت تدعولنا واسرتى بصلاح الحال

احنا في مشكله كبيرة جدا بقالنا فترة والموضوع ده ماثر على كل حاجه في حياتى حتى استقرار اسرتى

بالله عليكم متنسونيش من دعواتكم احنا فعلا في كرب عظيم واشبه ما تكون بفتنه

انا حالتى النفسيه مدمرة بقالها اكتر من 3 شهور وكل يوم نكد وعياط غير طبيعي

ادعولى بالله عليكم وادعولى ان الطفل اللى جاى ده ربنا يرزقنا بيه سليم معافى

انا خايفه عليه جدا من كتر النكد اللى الواحد عايشه

لدرجه انى اصلا مزدتش من اول الخامس بالعكس عماله اخس

شهيدة ازيك يا حبيبتي عاملة ايه وازي عمر والبيبي
ربنا يارب يفك كربكو يا شهيدة ويبعد عنكو كل سوء وكل المشاكل تتحل باذن الله

ولازم تيجي على نفسك شوية عشان البيبي انا مقدرة اللي انتي فيه والزعل مش بايدينا بس هنعمل ايه حاولي تغيري جو وتفرفشي كده
وربنا يارب يزيح عنك كل هم ويقومك بالسلامة ويرزقك بطفل سليم معافي بلا زيادة او نقصان ويبارك لك فيه هو وعمر يارب

ايه ده هووووووووووووووووبا
ازيك عاملة ايه انا داخلة وفاقدة الامل اني الاقي حد
كل سنة وانتي طيبة يا حبي اخبارك ايه وازي مودي السكرة عامل ايه
انا الحمدلله تمام والحمدلله الحمد لله مستقر من اول رمضان الحمدلله بس باجي قبل المغرب بشوية بكون فصلت ومش قادرة اقف ودايخة جدا بس الحمدلله مافطرتش ولا يوم ويارب اكمل رمضان كله كده يااااااااااااارب


لاف واي يا قمر مالك الف سلامة عليكي من الخنقة يا جميل
ربنا يريح بالك يارب