زوجي مخاصمني والاعظم من جذي!!!!

هونيها وتهون عزيزتي والرجال كذا طبعم دفشين وزعلهم ماسخ ويشدوا علينا احنا كائنات الرقة والانوثة فاا دعي ربك بهاالشهر الكريم الان وهو يفرجها ولا عاد تروحي له دا م انه صد كل محاولاتك للصلح وقاعد يتغلى عليك خليك رسمية معه لين يطيح اللي براسه ويهدا

ايام وبينصلح الحال ب اذن الله

حبيبتي انتي رحتي صالحتيه اصبري كم يوم واذا ماهدىء الوضع عندي لج طريقة
بس قبل لازم تقومين بتلبية كل احتياجات زوجج ولا تعقدي الامور
وهذا الشهر الفضيل مايحل فيه الخصام
اذا مانصلح الوضع بعد كم يوم
اشتري هدية وورد حلوو مع كرت حب واعتذار وحطيهم له في الغرفة وفي الوقت اللي يشوفهم لاتكوني جنبه او موجودة
واذا ماتحركت مشاعره مع ان المفروض يشكرش على الهدية
رسلي له مسج على جواله شنو يالغلا ماعجبتك الهدية واكتبي له رمضاان كريم يالغالي

مشكورين اخواتي على آرائكم اني فكرت اتعامل معاه برسمية مثل ما قالت اختي بلاك داليا وحابة احسسه بالنقص بالشي اللي قاعد يفقده بدوني علشان جذي فكرت اهمل احتياجاته هالجم يوم واعيش لروحي شوي
والله انتو شرايكم؟!!!

شكرا على ردودكم اخواتي والله يصلح حالنا وحال المؤمنين اجمعين يا رب

لا قومي بواجبك مثل ماهو واصبري شوفي ولك حل وتشوفينه بعيونك اسويه كل مازوجي زعل علي ماشاءالله

تقولي استفغر الله العظيم واتوب اليه وانتي بنيتك زوجك يرد ويصالحك وشوفي النتيجه حبيبتي وخبريني

لا شي طبيعي ترجعين لمورج الطبيعية و اذا ما قمتي بواجبات البيت انتي قاعدة تفهمينه ان غرورج يزيد
و كفاية اهو الزعلان مو انتي جدي بيكرهج خلج ايزي و بيني له انتي مو ميتة عليه الا لازم يرضى الا عليج سويتيه و كفيتي و وفيتي
و تبين تصلحينه مو راضي بس ارجعي لطبيعتج و سوي واجباتج المنزلية و غيره و خلي بمزاجه و صيري رسمية

رسمية و بس لا تلاحقينه و اهو مو راضي و لا تكبرين راسج و تتركين حقوق البيت

بس خلج مثل ما انتي لا يتحجج

و اهو بيمل من تصرفه و بتعرفين شنو اهو يبي

تراضينه ؟ تغيرين تصرفاتج ؟ شي زعله يبي يتفاهم ؟

اهني سوي الا عليج حتى يرجع افضل من قبل


بس هذا بوجهة نظري

ان شاءالله اختي باخذ بنصيحتش وان شاءالله خير
مشكورة اختي على النصيحة والله يوفقك وييسر لك امورك

اختي بحرينية كيوت اني مو عارفة هو شنو يبي بالضبط!!!!
تزاعلنا على شي وهو كبر براسه وخلاص
واللي قاهرني ان احس شي ما ليه داعي موضوع تافه
اني ابي احسسه بالفرق ومو عارفة شلون
وافكر انتظر اسبوع بالكثير وادخل الاهل بالموضوع لان مسألة الاحترام مهمة وهو ما يحترمني كفاية احس
شكرا اختي على النصايح والله يوفقك

اي اختي قرأته :)

انه فهمت من مشكلتج ان اهو يتصيد مشكلة حق يكون ضدج و اهو اوردي ما قاعد يحترم

بالاحرى شايف نفسه او لا سمح الله عنده شي مخليه يختلق مشاكل و مخرب راسه ما يندرى شنو عنده

ما اقولج تشكين لا سمح الله بس بالمعنى الفصيح شايف بنفسه على ان مو مهتم لج كزوجة
بس اهني لازم ما تسكتين و تبينين له شخصيتج القوية و رفضج لاسلوبه الحقير

اولشي اهتمي بنفسج و عطي السين و الغرور استحقار لتصرفاته اذا ما احترمج

شي اخر اذا ما اعتدل دخلي الاهل عشان تبينين له ان وراج ضهر مو ساكتة له

و ان ما في شي بالاجبار انتي لج كيان و ناس واقفين لج مو مقطوطة على حضرته

و بنفس الوقت لا تهملين واجبات البيت و كوني رسمية بشغلج حتى لا يتصيد الاسباب

و قولي له اذا انه علة على قلبك تكلم فضفض اللي بقلبك

و اذا تبين تحلين المشكلة بشكل دقيق لازم تعرفين شنو يدور براسه عليج

هل اهو شايف نفسه و شنو مو عاجبه حق يعاملج جدي هل في احد بحياته شلي مخليه ينفر و يتصيد اسباب


شنو عنده


اشلون تعرفين جسي نبضه و كوني لينه بالبداية حق تفهمين شنو براسه وتعرفين تتصرفين

سوي نفسج ساذجة و كانج مو دارية ليش يعاملج جدي كأنه شي عادي عرفتي

لين ما تصيدينه و تراوينه

بصراحة ما ادري من اللي يدخل براسه ويحرضه علي
ما اتوقع اكون لينة هو يتصرف مثل الجهال واكثر تصرفاته وحقرانه
اني بصير رسمية وياه لكن في شي مخوفني!!!
اخاف اقوم بواجباته وكل شي ويستصغر فيني اخاف يحس اني ضعيفة لا حول ولا قوة اني ابيه يحط اعتبار ليي وابيه يحس ان بدوني ما يصير شي مضبوط
هذا الشي اللي يخليني اتردد في خدمته
واني اكيد اذا ما عدل تصرفاته ويايي بدخل الاهل في الموضوع
تسلمين اختي على النصايح ما قصرتي
الله يوفقك ويسعدك يارب

حبيبتي كل شي بالهداوة وبالعقل صلوا على النبي واحنا في شهر الخير الله لاييب زعل بينكم ولاتحاتين اهو حاط في خاطره عليج الحين وان شاء الله يرضى ويهدا اذا شافج مهتمه فيه وتدورين رضاه و البنات ماقصروا

عمري احسن شي انش تكلمينه ..
بس بحزم نوعا ما .. قولي له انت وش سالفتك ؟ ليش تعاملني جذي ؟ كلمني بصراحة !! خلك صريح وتكلم اذا ماني عاجبتنك او حاس إني شي ثقيل عليك قولها لا تستحي !
<< هالكلام يقهر الرجال ويتكلمون غصب !

بالتوفيق حبوبة وخبرينا شيصير .. مو شرط تتبعين هالكلام بس اللي اقصده اسلوب المصارحة .. هذا اهم شي !

هذا الشي اللي زاد الطين بلة اختي
اني غلطت لاني رحت كلمته بصراحة وهو معصب قلت له انت تبي نكمل حياتنا مع بعض او لا
عصب بشكل مو طبيعي وهاج والحين مو قادرة انطق ولا بكلمة
اصلا احس مو حابة اكلمه اذا ما كلمني مني لجم يوم بخلي اهلي يتصرفون وياه
مشكورين اخواتي على النصايح والله يصلح حالنا وحال جميع المؤمنين والمؤمنات بحق هذا الشهر الفضيل

الله يعين ويفرجها لججج يارب

انا الصراحة ما اعرف شو الموضوع بس كيف ما كان انا اشوف فكرة ينبوع الامل عين العقل هو كيف ما كان الرجل يحب يظهر نفسو قوي الشخصية هيك هدية راح ترجهه للصواب
اما انك تتعاملين معه برسمية راح تبردين الاجواء وتزيدين الطين بلة و احنا نقول في المغرب " امراة لحلاحة غلبت امراة سحارة" المثل يعني انك بليونة و طيب الكلام يمكن تاخدين اللي بدك اياه
انا اظن لو تصبرين 3 ايام هاي على الكثير وتقدمين الهدية ما تطولين لا يتعود على الوضع البارد و حتى لو انك مو انتي الغلطانة مرة عليك و مرة اخرى راح يتفكر هديتك و يعتذر
ولو شاف الحين الهدية راح يحسن باحراج و يمكن يطلب منك تسامحيه

اسفة ما اعرف اشرح افضل المهم لا تطاولين حتى و لو ما انك الغلطانة

وانا افضل انك ما تدخلين اهلك في الموضوع هذا مشكل بينك و بينو
و انشاء الله الامور تتحسن

ان شاء الله تتصالحون .. و ماتحتاجين للأهل .. لأنج جذي بتكبرينها ..

ان شاءالله اخواتي الله يسمع منكم بحق هذا الشهر
مع العلم ان تعاملت معاه بليونة وطرشت له مسجات حب ودلع ومصالحة
لكن احس ان تقوى موقفه من يوم طرشتهم ليه واستغل الموقف علشان يذلني
واذا اضطريت ادخل الاهل علشان يصير خوش رجال وسيده ويايي اشوف ان ادخلهم افضل علشان لا يستهين فيني في المستقبل
اذا شافني ساكتة بضعف طول عمري وهو بيستغل هالشي ما اظنه بيتردد
شكرا على نصائحكم اخواتي ما قصرتو