زوجي مخاصمني والاعظم من جذي!!!!

الله يهديه وانتبهي مو اي شيء تدخلين الاهل وخصوصا مبين من كلامش مجرد اختلاف مايستدعي تدخلين ناس من برى
انتين اهدأي بعد يومين او 3ايام ولاكأنه صاير شيء يمكن من يشوفش وراه يعاند وبعدين من كلامش جايتنكم مناسبة سنة على زواجكم
استغلي المناسبة واعزميه او سوي حفلة في البيت يمكن يحس شوي ويرجع مثل قبل

بشوف ان شاءالله افكر في شي معقول لكن اخاف يتدلع علي بزيادة ويصيده الغرور
هذا الشي الوحيد اللي مخليني مترددة ادلعه او اسوي ليه شي
ما ابيه يستصغرني او يستهين فيني ويفكرني ضعيفة
شكرا اختي العزيزة على النصايح والله يوفقك ويسعدك بدنيتك وآخرتك بحق هذا الشهر الفضيل يارب

اقريء سورة الهمزة لانها للصلح بين الازواج المتخاصمين اقريئها بنية المصالحة
وانتي تطبخي الاكل اقريء بعض الايات للمحبة على الاكل عشان يتولع فيك
سوي له كل اللي يبغاه من واجباتك وكل يوم قول له ابي اروح بيت اختي او بطلع صديقتي وهيك
بس افضل رايء عندي جربي سالفة الهدية لان الكلمة الطيبة تلين الحجر اختي واذا مانفعت سوي اسلوب الخرووجه والتطنيش يعني انتي مو فارقة معك
فهمتي علي ولاتنسي الاستغفار ع لطووول

اختي اني اعتمدت اسلوب التطنيش يمكن ينفع ، اسلوب الهدية ابدا ما افكر فيه لان مبين عليه يصيده غرور وهذا اللي لاحظته يوم اطرش المسجات للمصالحة
ان شاءالله بقرأ سورة الهمزة كل يوم وسالفة الاكل ما يبي ياكل من عندي ذاك اليوم سويت ليه عشى وما رضى ياكل
شكرا اختي على النصايح الحلوة والله يهديه ان شاءالله بحق هالشهر الفضيل

بسم الله الرحمن الرحيم

قال تعالى
ادفع بالتي هي احسن فاذا الذي بينك وبينه عداوه كانه ولي حميم

انتهى المشوار ,,,, والله نفس مشكلتي اللي اعاني منها

لكن خلاص هو على قولته كرهني

وانا اقول كرهته ,,,بس مو من قلبي

لكن الاحترام شئ مهم

شوفي مواضيعي وشلون سوى فيني والله قهرني قهر

واهاني وذلني ومو بمعترف بشئ

لكن ما اكرمهن الا كريم ولا اهانهن الا لئيم


حسبي الله ونعم الوكيل

الله يفرج همنا
ماتهنينا برمضان

انا واهلي حالتنا حاله من اللي مسويه فينا ,,, حتى اهلي وصلت الجرأه انه ما يحترمهم بسبب سكوتي تمادى اكثر واكثر

اي اني حدي مضايقة لان احسه بوصل لهالمستوى ذاك اليوم اختي جت ويايي وسوى روحه كأنه ما يشوفها مااحترمها الصراحة
واني خايفة آخذ المبادرة من جديد ويدوس على كرامتي لاني سبق واعتذرت منه وطلبت الصلح وهو رفض
والحين تخيلو من 4 ايام عيوني ما شافت عيونه والحين خلاص صرت مترددة حدي اني اكلمه لاني اكلم طوف لا اسمع لا ارى لا اتكلم
يعني بكلم الهوى هو واجد مكبر براسه وما يبي حتى يتكلم كأن مو طايق يكلمني
مع العلم اخواتي اني ليلتها عصبت حدي لانه دفعني من الغرفة وصك الباب عني وحملت اغراضي ومشيت
وبعدين تعوذت من الشيطان وصليت على النبي ورجعت في نفس اليلة
رجعت ولقيته مقابل التلفزيون ولا مهتم ابدا ولا متأثر حتى ونظرات الاحتقار في عيونه
حاسة الموضوع ما بينحل لانه ما يبي خير
جذي حاسه والله يستر
شكرا اخواتي العزيزات على النصايح الله يوفقكم وييسر ليكم اموركم في الدنيا والآخرة

عمري لا تكبرين الموضوع ومدام هوه جدي لا تعطينه وجه واجد ..
اشغلي روحش بأي شي غيره لا تعطينه هالحيز من تفكيرش وبتشوفين كل شي صار اوكي .. ترى الرجال ما ينعطون وجه هالقد ،،
واندعي في هالليالي الفضيلة ان الله يحنن قلبه عليش ويسخره لش !

نصيحة مني


لا تذلين نفسج له اكثر راضيتيه ما رضى بكيفه مثل ما اهو له مشاعره المرأة بعد لها مشاعرها خلج بحالج سكتي عنه ليما يتسنع ويعرف قدره :mad: ويجيج بنفسه

شنو باله تذبحين نفسج عشانه يعني

ادا ذلتي نفسج له يكبر راسه اكثر واكثر ويعاملج مث الحشرة وانتي مكرمة

سوي الي عليج طبخ تنظيف تغسيل وخلاص

اي ان شاءالله اخواتي اني مستحيل اذل نفسي ليه نفسي عزيزة علي
سويت اللي علي وخلاص اذا يبي يكلمني اني موجودة غير جذي لا
الف شكر لكم اخواتي على النصايح اقدر اهتمامكم :)

الله يهديش ويهديه

ان شاءالله اختي ويهدي الجميع يارب

شى طبيعي ياقلبي هم كذا الرجال بس اصبري واحتسبي الاجر في مصالحتك له واهم شى انك ماتطنشيه ضلي وراه لين يرضى وماتخافي لو يحبك ماراح يطول في زعله منك والله الرجال طيبين بس يبيلهم طولت بال شوووي وققومي بكل واجبته لاتقصرين في شى وصدقيني ماراح ينسالك هذا الصبر عليه

ان شاءالله اختي العزيزة كلامك صح
بحاول اتحمل شوي واصبر عليه وان شاءالله خير
الف شكر لك اختي على نصائحش ليي ووقفتش معاي ما راح انساها
الله يوفقك وييسر لك امورك يا كريم

الزواج مافيه ذل
انتظري زوجك لين يهدى
وبعدين اللي تقولك لاتسووين التزاماتك غلطاانه
انتي كذا تزيدي الطين بله
التزمي بزوجك وبيتك
والله ييسر أمررررركم

الله يهدي بالكم يااااااااااارب

الله يهدي سركم ويهديلك زوجك يارب انتي حاولي تصلحينة لا تتركينة انتبهي حاولي تتنزلين لجل تعيشين وطمنيني عنك

الله يفرجها عليك..

أهم شي لا تتركين واجباتك له حتى لو ما يبي ياكل اطبخي وخلي الأكل عالطاولة اذا جاع بياكل واذا ما يبي انتي سوّيتي اللي عليك

حبيبتي عمره الزواج ما كان تحدي ...أستهدي بالله أنتي أكيد متضايقة من الزعل و أنه مايكلمج لكن الرجل أذا ما تكلم ما يقصد أنه يقهرج أو كارهج لا صدقيني ألحين زوجك في فترة تفكير بالموقف و أسترجاع للأحداث و لكن أنتي عليج في هذة الفترة أظهار الود و الحب و خدمته بما يرضي الله:adore: و لا تكرري الأعتذار و فتح الموضوع كل ساعة و أتركيه يختلي بنفسه و أعطيه فرصة لمراجعة حساباته و أكثري من السلام و التحية و السؤال عن أخباره و أذا لم يرد عليكي لا تتضايقي:woo: و أذا رد على سلامك قبليه على رأسه و قوليله أنا ماكنت أقصد و من هالكلام اللي أيطيب الخاطر:o لا تعتقدي أن الأعتذار أهانة للزوجة بل العكس التذلل للرجل و التمسكن من أقوى أسلحة المرأة لاخذ حقوقها كاملة و برضا الزوج!!!!أسألي مجرب!!!!الرجل يحب المرأة الضعيفة اللينة التي تتمايل كغصن البان حتى و هي غضبانة هههه مش أذا زعلت صارت شرطي بالله أشلون يرضى شكلها ما يشجع :struggle: و حذاري ما ينفع وقت الزعل و الأعتذار أتقولين له أنا ما غلطت و أنا أسوي لك و أطرش و أنت مب مهتم لأن هذا مش أعتذار بل عتاب و هذا ما يكرهه الرجل في وقت لاحق أن شاءالله بعد الصفاء أشرحي له شعورك و أشلون زعله غالي و هذا اللي أدفعك لكتابة الرسالة ...و أياكي و أهله لا تدخلين أحد في مواضيعكم بكرة تنحل المشكلة و أنتي تنسين و غيرك ما ينسى و راح أيذكرونج بكل كلمة قلتيها !!!أحذري من تدخلات الأهل و بالذات أهله بالعكس لا تذكرينه أمامهم ألا بالخير (ما قصر بوفلان ..الشيخ والله طيب...)لأن هذا ينعكس على أهله و من ثم عليه و تكبرين في عينه و يقدر لج موقفج و قت الزعل أنج ما تكلمتي ألا بالزين عنه مع أنج زعلانة....تحلي بالصبر و أنشغلي أشوي هالفترة علشان ما تكبر المشكلة و يدخل الشيطان بينكم من الأنس و الجن و بعد فترة تتحسفين لما تفقدينه و السبب شي تافه و بسيط ...الله أيوفقكم و يصلحكم و بشرينا عنج يالغالية:L: