.•.°.•ஐ•||||•ஐ.•.°.•

اهلا اختي شهرزاد وشراكي
رانا مع القاطو مابقاش بزاف للعيد

قلم داعية;13055936:
اللسلام عليكم

بنات سامو يعطيك الصحة حنونة

ميشا ربي يخليك كيفاش يديروا هديك القرنفلة


ربي يجازيك خير اعطيني كيفاش يديروها يعني الطريقة تاع لافورم خاصة

بارك الله فيكم

قولي لختم مريم اعطاتك شابو الله يبارك

اهلا اختي قلم داعية شكرا ليك كي عجبك القاطو تاع لقرنفلة اصبريلي شوية رايحة نديرو موضوع ان شاء الله وتشوفي الطريقة كامل بالشرح ان شاء الله

heaven's road;13056900:

صح فطوركم لبنات واش راكم :thumbs_up:
ميشا حتى انتي ماعندي ما نقول في لي قاطو تاعك غير الله يبارك
سامو لي حابة ندير كيفهم هوما

الله يخليكي اختي لعزيزة

وبالنسبة لهذا القاطو شفت مرة خويا جرباتو في الصيف جاها ثاني هايل ودارت اللون الاخضر في بلاصة اللون الاسود

بصح صح هذي اول خطرة نشوف قاكو باللون الاسود

اهلا هاجر واش راكي اليوم

الحمد لله بخير
انتي وشراكي ميشا

والله عير الحمد لله هاجر

زاش راه مداير فيك رمضان

زينب بارك الله فيك على الرسائل

شوف شكون الي دخل اليوم يا ميرحبا يا مرحبا متشرفين بيك اختي

صحا فطوركم لبنات

عرو س مسلمة القاطو لي يجي ابيض يديرولو كولورون بيضا اسسمها بلونش ناج تتباع بالميزان و دير ب 200 الف للكيلو مي انتي اشري قي 20 ميل ديرلك شحال من مودال و تكيك بيسك ديري مغيرفة منها برك جايا قاوية والقاطو الي عجبك قوليلي عليه و نحطلك لاغوسات تاعو

فردوسة واش راكي

القاطو هادا

ديري 3 كيلات فرينة بنص كيلة مرقرين قرصة ملح فاني و تلمي بالماء الزهر و تعجنيها و تخليها ترتاح و ديري لافارس 3 كيلات لوز و لا كوكاو بكيلة سكر قلاصي 2 مغارف مرقرين مدوبة و تلميهم بلماء الزهر و لا تحبي بلبيض تاع البيض المهم يجيك شاد روحو شويا ....تحكمي لابات تاعك تحليها في مشينة الرشتة تحليها رقيقة بنشا و مبعد تفوتيها في جيهة الرشتة باش تجيك كي لقطايف و تحكمي لافارس تاعك ديريها دي بولات و ديريلهم لبيض تاع البيض و تجيبي عجينتك و دوريها عليهم باش تجيك كي كبة الخيط و ديريلهم 2 وردات كيما درت انا و لابات تحبي تلونيها باي لون كيما درت و لا تحبي تخليها بيضة و ديري غير الوردة الفوقانية بكولا و ترشقي بحبة لوزة و دخليه يطيب و كي يخرج عسليه و ديريلو الناباج بعد مايتقطر مليح


و هادا المودال

نفس لابات مي تخدمي بمول جاي 3 ورقات لاسقين انا تاعي داتو صحبتي كون وريتهولك و ديري بلمول لابات و لافارس ديريهم نفس الشكل و تلصقي بلبيض تاع البيض ديري لابات مبعد لافارس و مبعد لابات و مبعد تجيبي عجينة لونيها بلخضر و قطعي ورقات بلمودال لي وريتهولك من قبل و تلصقي نص حبة اللوزة في الريشة و تلصقيهم كيما في لافوطو فوق الحبة لي خدمتيها و ديري وردة من لابات لي بقاتلك و ارشقيها في النص و كيما لاخر عسلي و كي يقطر مليح ديريلو ناباج و ديري حبات حلوى فضية

للعجينة

04 كيلات فرينة
01 كيلة مارغارين
ملعقة صغيرة فاني
ماء زهر ملون غدائي ابيض
للحشو
02 كيلات لوز
01كيلة جوز
01 كيلة سكر
بياض البيض
zeste de citron
للتزيين
حبيبات فضية صغيرة
لماع غدائي
عسل
1- نحضر العجينة نخلط الفرينة مع المارغارين الطرية حتى
يدخلوا مليح +الفاني ونشمخ بماء زهر +ملون نحصل على عجينة
نتركها ترتاح.
2- نرحي اللوز والجوز مع السكر +مبشورالليمون+بياض البيض حتان تتلم الحشوة وتصبخ كالعجينة.
3-نحل العجينة فوق النشاءونمررها في الماكنة 4 ثم رقم 07
العمل يكون على عدة مراحل
1-نقطع دوائر من العجينة وكل دائرة تقسم على 02 نحصل على نصف دائرة
2-نصف من مجموع القطع المحصل عليها نرسم عليه خطوط بواسطة سكين.
3- نحل الحشو بالحلال خشين ونقطع دوائر وكل دائرة تقسم على 02.
4- نقطع دوائر صغيرة من العجينة
5-نلون جزء من العجينة بالوردي والاخر بالاخضر
6- ناخد بياض البيض،نضع نصف العجينة العادي ندهن ببياض البيض ونضع فوقه نصف الحشو وندهن بالبياض
ونضع القطعة المخططة بالسكين نلف الشكل المحصل عليه ونجمع الطرفين ببياض البيض وضعها فوق الدائرة الصغيرة لدهنها بباض البيض كقاعدة
07- نقطع العجينة الوردية دوائر صغيرة نلفها مرتين حول نفسها نحصل على وردة نحل العجينة الخضراء ونقطع ورقات ندهن وسط كل حبة قليل من الحشو نثبت زهرتين وورقتين نضع حبيبات فضية نطهيها يجب ان تحافظ على لونها نغطسها في العسل فور اخراجها من الفرن ونرش اللماع الغدائي

فردوس ايلا مافهمتيش مليح قوليلي نعاود نفهمك حنونة مليح ام ساهلين مانعرفش انا برك نشرح و المودال الاخير تقدري ديري الوردة و الريش من نفس لابات و لا ديري تاع لابات دموند و انا اي ريشة تكسرتلي كان شكلو باهي و تقدري تاني ديري ريشات التحت مش الفوق كيما درت

سلام بنات..

صح فطوركم واش راكم..

انا والله راني مقلقة..

ما بقاليش وقت ومازال ما شريتش واش نلبس نهار الشوفة..

متحيرة بززاااف..

ta5th_al3gl;13065227:
lona-11


الزي القسطنطيني


^ـ^

هلا اختي..

اختيار موفق..

ان شاء الله البنات يقدرو يساعدوك..

حنا بالعادة هد الحوايج نخيطوهم..

لكن باش نشريوهم ما عنديش فكرة..

حاولي ادا تعرفي وحدة جزائرية تسكن هناك ممكن تجيبهولك..



ما تنساوش كيما وصيتكم..

لي ما فوطاتش تفوطي للمشاركة 23

في مسابقة الطبخ...

صح فطوركم...

lona-11;13074262:
صح فطوركم...

الله يسلمك و نتي زاده

اختي lona-11 حبيت نقولك متقلقيش روحك و خيري لبسة لي ترتاحي فيها
انا نهار الشوفة لبست جبة ب لي مونش قرونا علابالك كي دخل خطيبي درت خمار و الحمد الله جاتني مليحة
و ربي يتمملك على خير

زينب19;13074434:
اختي lona-11 حبيت نقولك متقلقيش روحك و خيري لبسة لي ترتاحي فيها
انا نهار الشوفة لبست جبة ب لي مونش قرونا علابالك كي دخل خطيبي درت خمار و الحمد الله جاتني مليحة
و ربي يتمملك على خير

شكرا زينب..

والله اليوم خرجت وما لقيت واش نشري..

شريت كتان غوز فوشيا..

رايحة نخيط غوب سامبل دغوات..

بصح ما زال ما خيرتش الموديل..


ادا تقدرو عاونوني بموديل لازم اليوم نقررالموديل..

غدوة الصباح نديه للخياطة..

وهما جايين غير امه واخته وجداته..

حتى هو ما جايش..

لونا الله يسلمك و انتي زادة ....ماعليش لونا مازالت هاد سمانة و سمانة لخرى ان شاء الله تلقاي وش حابة و كيفاش داير المودال الي حابة .............كيفاش مالقيتيش بورتون ايامت عيد تلقاي اللبسة

فردوس المودال تاعي داتو صحبتي على بيها ماعرفتش كيفاش نشرحلك شوفي كاين مودال يتباع جاي كي شغل 3 اوراق لاصقين جاي سكلو براسك كيما هاكدا

هاكا المودال مي مش دايرين في لخر كيما لعرايش جاين ديراكت