.•.°.•ஐ•||||•ஐ.•.°.•

http://forums.3roos.com/showthread.php?t=561467

السلام عليكم بنات

توحشتكم بزاف بزاف

ربي يخليكم ويهنيكم

سامو الله يعطيك العافية

مرسااي الله يبارك القماش تاعك رااائع و ليمودال بزاف شابين

ران متاكدة بلي لاغوب تاعك تخرج شابة بزاااف على هاد لمودال اصلا

واكيد راح تطلع عليك احلى ربي يحفظك من العين ومن كل سوء وكل اخواتي الحبيبات

انا الحمد لله لاغوب سواري تاعي جابوها من سبانيا شابة عجبتني بزاااف

ادعيولي ربي ييسر لي اموري عاجلها واجلها

احبكم كثيرا

مرساي ليماكارون بزاااف شابين

و بينين بنااان زيد ران صايمة هههه

حتوتة واش وين راك واصلة سقسيت عليك بزااااف ومبنتيش ياخ غير الخير

وقوليلي مرساي ان شاء الله قريب العرس ؟؟

مساء الخير اختي قلم داعية وشكرا لي راكي سقسيتي عليا انا انشاء الله و اذا حب ربي عرسي في اوائل أكتوبر يعني وحد الشهر انشاء الله والله راني بزاف مشغولة مزال بزاف صوالح يخصوني و كي عاد رمضان مقدرتش نخرج وندور الاز و زاير جيست من بعد العيد نبدا الخدمة المهم راني متوكلى على ربي و خلاص اما بالنسبة لأوراق الاقامة نتاعي في فرنسا مدو الزوجي موعد يوم 16 سبتمبر يروح ليهم ومعاه بعض الاوراق دومنداوهم منو ومن بعد يقرو ادعي معايا اختي في هذا العشر الواخر من رمضان باش يسهلو ويعطيوني الاجابة بوزيتيف باش نكون جنب زوجي ونتهنى والله عييت وبالي راه ديما مشغول كرهت انا في بلاد وهو في بلاد خاصة هذا رمضان كي راه صايم واحدو المهم راني نظال ندعي في ربي سبحانه باه يسهلي ويسهل لكل وحدة ويجمعنا كامل بازواجنا عاجلا غير اجلا يا رب.

بنات انا عندي اقتراح بما انا اليوم ندخلو في العشرة الاواخر من رمضان و اكيد رايحين كامل نكثفو من الدعاء و قيام الليل و قراءة القرأن انا خممت لوكان كل وحدة تدخل وتقولنا واش رايحة تلح في الدعاء نتعها وواش راهي متمنية ربي يحققلها في هاذ اليامات و من بعد نبداو كامل ندعيو لبعضنا الدعوة في ظهر الغيب مقبولة وهكذا كل وحدة تحس بلي كاين قداه الوحدة راهي تدعي معاها باش ربي يحققلها امنيتها واش رايكم عجبتكم الفكرة هههههه.

و بما اني صاحبة الفكرة رايحه نبدا بروحي ههههه انا اول حاجة انشاء الله رايحه نقوم العشرة الاواخر كامل انشاء الله ربي يقدرني ونقدر نديرها بالنسبة للمصحف انا ختمتو البارح و بديت نعاود فيه اليوم وعندي ادعية هزيتهم من الانترنات هايلين خاصة ادعية للزوج والتوفيق و الوالدة وغيرهم أول حاجة انا ندعي ربي يعطيني صحتي و من بعد ندعي للوالدين ربي يخليهم ويحفظهم ويرزقهم و يطول في عمرهم و أكيد الامنية نتاعي والدعاء لي رايحه ألح عليه هو ربي ييسسر زواجي ويتمملي على خير ويجمعني بزوجي عاجلا غير أجلا وانشاء الله تكون الاجابة اجابية على أوراقي وندعي ربي الستر الستر الستر ربي انشاء اللع يستر علينا فوق الارض وتحت الارض و يوم العرض و ربي انشاء الله يغنينا بحلاله عن حرامه ويرزقنا من حيث لا نحتسب يا رب يا رحمان يا رحيم يا كريم يا ذو الرحمة الواسعة ادعوك باسمك الاعظم وبكل اسم سميت بيه نفسك ان توفقني لما تحب وترضى و تجمعني بزوجي عاجلا غير آجلا يا رب يسر أمور جميع البنات يا رب ارزق كل فتاة عازبة الزوج الصالح التقي النقي عاجلا غير أجلا يا رب ارزق كل عاقر الذرية الصالحة واقر عينها بالذرية الصالحة عاجلا غير أجلا يا رب يا واحد يا احد يا فرد يا صمد يا ذو الجلال و الاكرام اللهم يسر زواج كل البنات المخطوبات و اجمع بينهم وبين أزواجهم عاجلا غير أجلا يا رب يا مقلب القلوب ثبت قلوبنا على دينك يا رب اجعل قلب زوجي معلق بحب الله ورسوله ثم حبي يا رب حقق امنية كل واحدة تدعيلي بالخير يا رب اشفي كل مريض يا ري اقضي الدين على كل مديون يا رب فرج على كل مهموم ومكروب يا رب انشاء الله في هذه الايام المباركة تحقق كل امانينا يا رب احفظ بلادنا وسائر بلاد المسلمين يا رب اغفر لنا ما قدمنا وما اخرنا وما اسررنا و ما اعلنا وما انت اعلم به منا انك غفور رحيم يا رب يا رب يا رب يا ارحم الارحمين يا اكرم الاكرمين انت قلت ادعوني استجب لكم وانا ادعوك في هذه الايام المباركة ان تحقق كل امانينا وترزقنا من حيث لا نحتسب و توفقنا لما تحب وترضى اللهم يا جامع الناس ليوم لا ريب فيه اجمعني بزوجي عاجلا غير اجلا وحنن قلبه واهديه واصلحه وسخره لي كما سخرت البحر لنبينا موسى ربي اغفرلي ولوالديا ولجميع المسلمين و المسلمات الاحياء منهم و الاموات والصلاة والسلام على خير الانام محمد صلى الله عليه وسلم.
ربي انشاء الله يتقبل دعاء و دعاء جميع المسلمين بنات انا انشاء الله راح الح في دعائي كل يوم و كل ساعة وكل دقيقة باش ربي يفتحنا البيبان وينورنا حياتنا ويبعد عنا الحسد والسحر والمس وانشاء الله كامل تدعيو باش ربي يحققنا امانينا سسسسسسسسسسسسلام.

وعليكم السلام حنوننتي

سامو

ربي يخليك و ربي يهنيك

واسال الله عز وجل ان ييسر امور التحاقك بزوووجك في القريب العاجل و ان شاء الله ياربي تكون معاه في الايام القادمة و مايكون فيه ابتعاد اخر مدى العمر يارب

اللهم تقبل

المهم مرساي صافي في بدايات اكتوبر العرس ربي ييسر و ربي يهنيك

علابالك انا كان ضني بلي خلاص درتي العرس وكملتي على حساب مكنتي تحكي لكن معلش اكيد سوء فهم خخخ

مرساي ختيتي ران شفت قاع واش راك معولة تديري ربي ييسر لك االمور والله يبارك كل شي بالطبع

وان شاء الله كل شي يجوز بخير وعلى خير

ياخ ران معروووووضة *-*

نصيحتي القلبية لك انك تكثري من الرقية الشرعية و الاذكار بلاك على روحك من الحساد الي كثرو في وقتنا ومن العين و السحر والله المستعان

حنونة ربي يسهل وان شاء الله مننساكش

اما عن امر الدعاء الي دايما نعاود

انو الله عز وجل ييسر امور زواجي و يكمل لي مع خطيبي و يبعد علينا كل سوووء و يجعل حياتنا ملئها الحب والسعادة

ادعيولي متنساونيش

اللهم امين

اختي قلم داعية انا درت الفاتحة ودرت العقد ودرت عشاء غير فدار مع اهلي واهل زوجي يعني غير والديا وخاوتي وهو ثاني ودخلت بصح ديسيدينا نهار يجيونا الاوراق انشاء الله نديرو عرس بسيط في زوج يعني انا ندير عشاء الاقراب وهو يجيبلي معاه الاقراب نتاوعو ثاني وندير التصديرة و يومين من بعد يجي يديني بلاروب بلونش بارسكو مازال ملبستهاش و يدير عشاء خفيف في دارهم الاقراب ايظا و صحابو وانشاء الله كي نروح لفرنسا امو حبت اديرلي عرس فما هكذا ناويين نديرو حنونة.

ماشاء الله دعواتك رائعة و اسال الله عز وجل ان يتقبلها و اساله ربي ورحماني ان لا يرد يديك صفرا فربي سبحانه يجعل من العبد الذي يرفع يديه و يدعوه ان يرؤدهم خائبتين

فطمعنا في كرم الله الرحمن الرحيم كبير

فياربي يا عزيز تقبل دعوات اختي في الله مرساي و يسر امورنا وتقبل دعواتنا

اللهم ارحمنا برحمتك


اللهم اجعل اغزواجنا يحبونك و يحبون رسولك و يحبوننا

اللهم تقبل يارب

والله يامرساي عندي دعواوي بزاف و هدوهوما ابرزهم

افضل شي نخليهم سر بيني وبين ربي العزيز

عسا الله ان يتقبل

الله لايحرمنا منك يا الغالية

اها ماشاء الله صاف كان فهمي في مكانو

درتو كلش بقا غير تعلنو على العرس وتكبروه شوي

ماشاء الله تبارك الرحمن

ربي ييسر لك و شكرا عزيزتي انك فهمتيني

ان شاء الله تكون مثل الاميرة يوم عرسك

و ان شاء الله ربي يحفضك و يثبتك على دينك في بلاد الغرب

اللهم امين


انا ان شاء الله الفاتحة والعشا و عرسي في اواخر اكتوبر نديرهم كيف كيف ، ادعيلي ربي ييسر اما لادات تاع عرسو مزال مفكسيناهاش

يا اختي قلم داعية انا ما اشهرتج الزواج خوف من الحسد والغيرة نتاع الاقارب انا قلتلهم مخطوبة فقط حتان ييسر ربي اموري و يوجدو الاوراق نتاعي ومن بعد نشهر الزواج مادام راني دايره كلش في الحلال وبعقد رسمي ومع اقرب الاقربين ونفس الشيء لزوجي هو ثاني عندو وحد الاقارب يا لطيف ماهوش هادر خلاص حتان يقرب العرس ويروح يعرضهم ورسول الصلاة والسلام عليه يقول استعينوا على قضاء حوائجكم بالسر و الكتمان. اما الحاجة الثانية ربي انشاء الله يوفقك وييسر امورك ويتمم زواجك على خير ويجمعك بزوجك عاجلا غير اجلا ويرزقكم الذرية الصالحة ويبعد عنك الحسد يا رب يا كريم اللهم ما امين.

اها صح عندك الحق يا مرساي ادا كان كل هالشي في العائلتين

حنونة عندك وعندو الحق وربي يستركم برك في يامات العرس وانت بلاكي على روحك استعيني بالله عز وجل

ربي يوفقك و يهنيك

بارك الله فيك على دعواتك ياعزيزتي و اسال الله ان يرزقك بالمثل انا والله غير قاع الناس سمعو ربي يستر برك و ان شاء الله يكونو قاع لسمعو فرحولي و فرحو بي مشي العكس والعياذ بالله


اسال الله ان يحفظنا بحفظه

اللهم امين ربي يسمع منك ومن الجميع

صح فطورك ادا متلاقيناش *-*