.•.°.•ஐ•||||•ஐ.•.°.•

علبالي بيك ماكيش مخطوبة مي كون تتخطبي و راكي توجدي لعرسك و ش يجي في بالك كوم ان كادو لراجلك

ههههههههههههههه والله ماعلابالي يا اختي سامو
انا في هاذو الامور تلقايني حايرة هههههههههههه

صباح الخير لبنات انشاء الله تكونو كامل بخير
كهينة اختي مارسي على السيت هايلين
سامو وين جاي الحانوت لييبيع لي ماكارون في سطيف و ريهولي تعيشي.

شوفي اختي فردوس انا عندي خبرة لاباس بيها في الماكياج ماننصحكش بالارتيفيسيال مهما اديري باينين الور من الافضل تبداي اديري من ذرك زيت الخروع 3 مرات في السمانة حتان هذاك نهار يطوالو شوية ويتنحالهم الشهوبة و نهار الخطبة ديري ماسكرا مليح و تشوفي راح يتبدلو ونهار العرس انشاء الله مع الماكياج الثقيل تقدري اديري ارتيفيسيال وزيدي شوفي لبنات واش يشيرو عليك.

نو اكيد تشريهم انتي خير ماتتكليش خلاص على الحفافة جامي

لبنات هاو الكتان ليشريتو باش نخيطو روب سواري واش رايكم فيه

صحا فطوركم بنات
مرساي الكتان روووعة ماشاء الله والمودال نتاع لاغوب شباب بزاف
ربي يهنيك ان شاء الله

صحا فطوركم لبنات مارساي باردون مارديتش عليك حنونة لحانوت تاع ليماكارون جاي في بوعروة باش تجيك ساهلة احكمي طريق ولاد براهم و تمي امشي طول حتان توصلي لرومبوا ليدي لدالاس و بوعروة تمي ديراكت على طريق بوعروة لتم على يدك ليسرا كاينين حوانت تاع مابل و واحد يبيع قش ليبيبي لتم انولهي تلقاي حانوت اومداير بلاكة لفوق مكتوبة ليماكارون هاداك هوا وان شاء الله تلقاي ليسرك ....مدايرهم في الروز و الفار و المارون و في الجون و بنان يسخفو ....و ايلا ماعرفتيش قوليلي نعاود نشرحلك طريقو مليح .....و كتانك الله يبارك يسخف بصحتك و مام ستيل تاع لاروب يهبل ان شاء الله برك تلقاي ليتخيطهولك و تلبسيه بالصحة ولهنا

ماشاء الله مارساي..

القماش رووعة ولونه اوسي عجبني بزاف..

وحتى الموديل هايل..

بصحتك حنونة..

صح فطوركم كامل ..

ومساء الخير عليكم..

حبيت نسقسيكم.

واش الجاتو اللي رايحين تعملو في العيد..

احنا في دارنا كوم كما علابالكم عندنا الشوفة تاعي..

رايحين نديرو تشاراك




مقروض اللوز








والباقلاوة


والمقروض تاع الغرس هدو لازم ضروريين..





هد الساعة هدو اليي قرناهم..

بالاك نزيدو نوع واحد برك..

وانا قلت نيرو لي كورني يجيو شابين...

واش رايكم؟؟؟؟

firdaousse;13025682:

بنات حابة نشاوركم في موضوع

بالنسبة للمكياج تاعي في الخطبة
ماعنديش اكسبيريونس في الشئ هادا خلاص
المشكل تاعي شوافري قصار و شوهب مخممة ندير لي سيل ارتيفيسيال
تنصحوني بيهم و لا لالا

بيان سير ماشي طوال هكدا

فردوس انا اوسي رايحة نديرهم بصح ماش هادو..

ديرو اللي يجيو مفرقين خير..

يعني تهزي مجموعة صغيرة من الشعرات وتحطيها بين شفارك..

يبانو طبيعيين اكثر..




انا ان شاء الله ناوية نشريهم لاي نهار خطبتي نماكيي وحدي...

نعرف نماكيي لروحي خير ما يماكيويلي ..

صباح الخير لبنات
انا كيفكم كنت معولة ندير الشوافر لا خاطر تاعي خفاف بصح قريت بلي حرام لانه نوع من الوصل للشعر و ياخي لعن الله الواصلة هطا حديث و لي تقدر تاكد هذي المعلومة تقولنا ربي يجازيها
بصح نصيحة فردوس الالقيتي لي يقدر يجيبلك ماسكارا ايف سان لورون غير جيبيه ماتسحقيش معاه الرموش الاصطناعية
لونا الرموش لي حابة ديري normalement يبقاو 6اشهر و كي يحبوا يتنحاو كل شافر يروح معاه مجموعة من شوافرك هذوا راهم كيما les éxtensions تاع الشعر نصيحة ماديريهمش على ليلة و تخسري شوافرك

صباح الخير سامو مارسي بزاف سيبو راني عرفتو انا جدة تسكن فمة وانا زدت وتربيت وكبرت في الشيمينو حتان ولا عمري 20 سنة الور نعرف مليح هذيك لبلاصة مارسي حنونة ربي يعيشك فسهرة انشاء الله نروح ليه.
بالنسبة لمودال نتاع لاروب بزاف نصحوني بلي مايخرج على الكتان نتاعي الكتان نتاعي بليسي لازملو مودال يجي طول من بعد نوريلك المودال لي قالولي يخرج عليه.