شيمو زوما;12996131:
صباح الفل علي أحلي بنوتات :):)، أنا بقي بصراحة عندي أسئلة كتير قوي ياريت اللي يعرف يرد عليا ضروري لأني بجد محتاسة ومش عارفة اعمل إيه:hysterical::hysterical:
أنا وخطيبي كنا متفقين نجيب الأجهزة إن شاء الله قبل الجواز بشهر بكتير والمفروض إن إحنا إتفقنا خلاص علي موديلات وماركات معينة يعني مثلاً
التلاجة : توشيبا 14 قدم
البوتاجاز : يونيفرسال 5شعلة
الغسالة : زانوسي العبد
بس اللي حصل إني سمعت منكم هنا كتير إن بوتاجاز يونيفرسال مش حلو وإن التلاجة كمان مش حلوة وصوتها عالي أما بقي بخصوص الغسالة فاللي حصل إن أحمد خطيبي عايز يجيب غسالة إسمها ( وايت بوينت العبد )
فأنا بصراحة دلوقتي مش عارفة أعمل إيه ومحتارة خالص لأني مش بعرف في الأجهزة دي خالص:(:confused::confused:
حاجة كمان أنا ببقي عايزة أرد علي كذا حد في نفس الوقت بس مش عارفة أرد إزاي فياريت حد يقولي عشان زي ماقلتلكوا أنا جديدة في المشاركات والمواضيع
ياريت بقي ما تنسونيش
بصي الغسالة التوشيبا جميلة جدا عندنا بقالها 7 سنين وما شاء الله زى الفل ولا بتعمل صوت ولا حاجة
مش عاجباكى هاتى الوايت ويل او سامسونج حلوين اوى برضه
الغسالة الوايت بوينت جميلة جدا كل الناس بتشكر فيها وفى الضمان بتاعها
الوتاجاز ماحدش بيشكر فى يونيفرسال غير قليل اوى هاتى الناس مجرباه وهو كريازى البقديم ولو فى امكانية هاتى جليم جاز وده ايطالى بس غالى شوية
سلمى 16;12996219:
نور التقوى حاجتك جميلة ما شاء الله ربنا يكرمك و تسخدميهم قريب فى الفرح و الهنا
حفيدة فاطمة ربنا يرزقك بالزوج الصالح انتى وكل البنات القمرات عشان تخلصيهم من الزحمة و نفرح بيكم يا رب :)
بنات اسكندرية متعرفوش فين مقسم الادراج هنا فى اسكندرية ؟
و البنوتة اللى بتسأل على لبس دلع شتوى بصى يا ستى ممكن بنطلون استرتش عليه بلوفر واسع و ممكن جيبة قصيرة و كولون عليه رسومات و باضى من فوق
بنات هو اللبن بيتغلى فى إيه ؟؟
اللبن بتغليه فى لبانة الومنيوم او تيفال لكن بلاش استانلس لانه بيحرق اللبن او بيخليه شايط بمعنى اصح
towtty;12997865:
بنات عيزه اسالكوا بخصوص السخانات انا ان شاء الله هجيبه غاز
وبابايا عيزة يشترهولى سخان المصانع لانه عندنا فالبيت وكويس وانا حسه انه موديله قديم اوى
اجيبه وخلاص ولا فى انواع تانية احسن
ماما بتقولى جيبه يونيفرسال
ايه رايكوا قولولى ايه احسن نوع ضرورى يابنات
سخان المصانع جميل جدا ومش قديم ولا حاجة نازل منه موديلات جديدة انا ابن عمى جابه وبيشكر فيه اوى واحنا عندنا القديم بتاعه من 25 سنة وماشاء الله حلو جدا
يارب وفقني مرمر;13001534:
يا جماعه انا هيا هيا بس مش عازة اذكر اسمي الحقيقي ولا الدلع بتاع الفيسبوك عشان في ناس معينه عرفتني بنات مش ولاد مش تخافوا و بتراقب بقى يلا بقى يارب يبعدهم عني
فمحدش يذكر اسمي برده ف ردود اوكش؟F::o
ربنا يخليكيييييييييييي يارب و جزاكي الله خيراF:
عشان السبب اللي كتبته فوق يا بطه F:
سؤال المخالفه
اقتل حد بكرهه و براقبني ازاي:lol:
لا بجد اجيب كم صباع روج:lol:اصل انا مدمنه روج كل يوم باكل واحد
احم احم
طب انا عارفاكى افتن عليكي :lol:
لا بلاش بقى ان الله حليم ستار ابقى اقولك فى الدرى يا ........ :p
بالنسبة للروج هاتى الالوان اللى انتى بتحبيها وبتليق عليكي ومش شرط عدد معين على حسب استخدامك
بس هاتى روز وبيج ونحاسى والاحمرات فيها درجات كتير اوى جميلة والبنيات برضه درجاتها كتير وحلوة اوى يعنى اللى يعجبك هاتيه
tamtam n;13002116:
انا برضو مش جبت الستان دى ماما قالتلى هتوقع الهدوم وجبت بدالها القطيفه:(ياريت لو حد جربها يقول ايه النظام؟؟
حاجا تانى بئى ان شاء الله فرحى بعد العيد وانا عاوزه البس الحجاب ومفيش اى بنى ادم من عيلتى او عائله خطيبى موافق كلو عايز مش اتحجب:mad:وانا مصممه:thumbs_up:فياريت حد يقولى ممكن الاقى بوليرو جاهز لما انزل اجيب الفستان ولا لازم يتفصل وهياخد وقت اد ايه تفصيله؟وايه شكل البادى التل ده:I:وكمان لفه الطرحه بيقولولى هتتزحلق وهتضايقك بجد الكلام ده؟؟:!!:وبالنسبه لمفرش السرير انا عندى اوضتين نوم اجيب مفرشين ولا كفايه واحد مع العلم انى جايبه تلات الحفه شكلهم حلو ممكن استغنى عن التانى ولا لازم اجيبه:confused: بس كده كفايه اسئله النهارده:D بس ياريت تجاوبو على موضوع الفستان ده مش عايزه حد يشمت فيا:mad::badly:
طب هما ليه مش عايزين تلبسى الحجاب فى فرحك طب ما انتى محجبة اصلا فرقت ايه يوم عادى عن يوم فرحك
بصي يابنتى الرسول عليه الصلاة والسلام بيقول لا طاعة لمخلوق فى معصية الخالق
وعلى فكرة من ساعة ما طلعت الربطات المختلفة للحجاب كل العرايس بيتجهوا انهم يكونوا محجبات يوم الفرح مش بس علشان طاعة لربنا لأ لانهم بجد فى اليوم ده بيكون شكلهم حلو جدددددددا
تحسى انها اميرة كده :thumbs_up:
غير لما تكون واحدة بشعرها وفستان مفتوح اوك كل واحدة حرة بس انا بحس ان البنت اللى مش محجبة وفجأة تخلع حجابها يوم فرحها وتلبس فستان مفتوح وبشعرها بحس انها بترخص نفسها وماحدش هينسي شكلها اليوم ده
فما تسمعيش كلامهم وخليكي على رأيك وعلشان الطرحة ما تقعش بتلبسي بندانة قطن والكوافيرات بيربطوها جامد اوى فما بتتزحلقش اصلا علشان تقع
ما تزعليش من كلامى يا قمر وربنا يتمم لك على خير F:
red roseee;13003783:
السلام عليكم
ارجوكم يا جماعة تردوا عليا في اسرع وقت معلش لان الدنيا مولعة بيني و بين خطيبي بركااااااااااااااااااااان ربنا يسترها بقاااااااااااااااااااا:'(:'(:'(
هو ايه الارخص العمولة ولا الجاهز
ومين الاحسن ارجوكم فيدوني علشان ماظلمهوش وربنا ييسر الحال
بصي هو على حسب
يعنى ساعات العمولة بيكون ارخص وساعات بيكون اغلى من الجاهز بس ده على حسب نوع الخشب نفسه والشغل اللى فيه
بس انا بشجع العمولة اكتر لان اولا هتعمليه على قد المساحة اللى عندك وهتختارى القماش اللى يعجبك
ومش هتدوخى كتير على الحاجة يعنى مثلا تشوفى صورة على النت عاجباكى وتعملى زيها او تنقى من كتالوج او تشوفيها فى محل جاهزة وتوصفيها للنجار
فالعمولة احسن بكتير
hoba bodyyy;13004078:
كيتى انا عايزه اعرف حاجه مهمه اوى اوى هو السخان الغاز لازم يشتغل لما يبقى فى غاز فى البيت انما غير كده ميشتغلش معلش والله مش فاهمه انا اسفه انى بزعجك اصل احنا جبنا سخان غاز ولسه مدخلناش ؟؟؟؟؟
سؤال تانى هابيتات ده فيييييييين ؟؟
السخان الغاز يا اما البيت يكون فيه غاز او يكون عندك انبوبة بس انا بفضل لو مفيش غاز يبقي تجيبي سخان كهربا
لو عايزة تعرفى عنوان هابيتات ادخلى على اليلوبيدجز واكتى habitat هيطلعلك عناوينه
بس هو موجود فى المعادى فى شارع 233 وفى العبور فى الحى الاول وفى مدينة نصر فى شارع حسن المأمون وعلى كورنيش النيل وفى 242 شارع الهرم وليه فرع فى اكتوبر
مكرووونة;13004398:
هاتى للانبوبة قاعدة عشان تعرفى تحركيها لكن متجيبيش غطا
كفر المرتبة بتاعى فايبر و تحفة ما شاء الله لأن فى حاجات بتقع على المرتبه و المرتبة الجاهزة
تقيلة مش ممكن تتحرك
لكن دا تشيليه و تغسليه و تركبيه تانى
بجد نظافة و راحة
بتاعى جبته من يانسن مش فاكرة بكام بس اقل من 200
المرتبة بتاعتى يانسن انجلندر سوست منفصلة موديلها اسمه هنى مون
ب 2000 و شوية مش فاكرة
مقاسها 180 فى 195
بس ما شاء الله جميلة و مريحة
كلامك ميه ميه و عين العقل
الاندرات هاتى 10 قطن مثلا انا جايبه لاسو و فانيليا و ماركة تانيه كده مش فاكراها بس قطن و حلوين اوى
و حاجة تانى عاوزة اقولها بخصوص الشيش
الشيش الامريكى فعلا تنضيفه سهل و مريح جدااااااااااااااااا
تمسحيه بقماشه او حركتين بالريشة يبقى فل
لأنه مش ليه ورق كدا زى الشيش القديم يتجمع فيه تراب
هو عباره عن لوح خشب و فيه شقوق بالعرض
ميزته يحميكى من الشمس و ميشيلش تراب
بجد كل اللى حيعمل شيش يعمل النوع دا
مكرونة شكله ايه الشيش الامريكي ده :!!:
red roseee;13004625:
تسلميلي يارب ربنا يكرمك و يباركلك في حاجتك يارب
المشكلة اني ماعنديش تصميم معين في مخي علشان اعملو عمول\ة ممكن تقوليلي انتي اختارتي منين
المشكلة يا بنات باه ايةة :
انا ما عنديش اي فكرة عن الاثاث وكدة انا يادوب المعلومات اللي بستفيدها منكم بس لكن انا اصلا ابيض مافهمش حاجة لاني اكبر واحدة في اخواتي و في عيلتنا كمان ف محتاسة اخر حوسة و الكل بيجرب فياااااااا و الاستاذ خطيبي الله يسامحة قافل و متربس الدماغ الاسكندراني على العفش العمولة وانا من القاهرة فاصعب عليا اوي اني اختار انا بجد مش عارفة
انا قولتلو ان احنا نروح واللي يعجبنا نشتري علشان هيكون قدمنا انا مش عارفة انا غلطانة ولا خطيبي عندو حق قولوووووووووووووووولي بليز اعمل ايه واقول لخطيبي ايه علشان اقنعو ولا هو عندو حق ان العمولة احسن
ولو عمولة طب ماهو ممنوع ان احنا نصور في اي محل اثاث
ارجوكم ردوووووووووو عليا
بصي يا توتة انتوا تروحوا للنجار اللى هيعملكم الحاجة وقوليله عايزة كتالوجات اتفرج عليها لقيتى حاجة عجبتك يبقي خليه ييجي الشقة ياخد المقاس عندكم ويعمل على قدها
او تشوفى صور من على النت وتطبعي اللى يعجبك وتوريهاله
ولو فى حاجة عجبتك فى محل هتلاقى زيها كتير على النت او ابقى اوصفيها للنجار
الحكاية بسيطة يابنتى مش تعقديها :)
