ya_leil;12986701:
بصي يا قمر انا شفتهم مرتين بس المرة الأولي كانت في مركاتو والتانيه كانت في عمر أفندي اللي جنب السراج مول وفي المرتين لقيت طقم واحد بس وشكله كان حلو بس للأسف في المرتين ماكنش معايا فلوس علشان اجيبه :( اصله عاجبني اوي اكتر من المدهب المهم انتي ممكن تروحي تدوري عليه هناك وان شاء الله تلاقيه اصله مش منتشر أوي ويارب أكون قدرت أفيدك ولو لقيتيه أبقي عرفيني :)
ويا بنات حد يبعتلي لينك الجروب بتاع عروس علي الفيس بوك أو يقولي أسمه بالضبط.. انا مشتركه فيه اصلا بس مش عارفه اوصله :mad:
لما توصلي للمشاركة ال 300 ابعتى لبطة علشان تقبلك فى الجروب
لان كل اللى مشاركاتهم اقل من 300 اتلغت عضوياتهم من الجروب
واسمه على الفيس بنات عروس لو عملتى سيرش هتلاقيه
R قلبى وعمرى;12987260:
وحشتووووووووووونى كتير يا احلى بنات عروس وهتوحشوووووونى اكتر خلاص انا مسافرة العمرة ان شاء الله بكرة الفجر ادعووووولى وكل البنات اللى بعتتلى هدعيلها بامر الله هتوحشووووووووووونى جدااااااااااااااااااااااااااااااا ان شاء الله هاجى خامس يوم العيد هتوحشونى اوووووووووووووى وربنا يصلح احوالكم ويكرمكم يارب ويرزقكم كلكم يارب
سؤال المخالفة احسن نوع مكنسة كهربائية ايه ؟؟؟؟؟
انتى هتوحشينا اكتر يا روشاااااااااااااا:adore:
ربنا يتقبل منك العمرة يارب F:
lekaa139;12987819:
اسئلي في محلات فساتين الافراح
ربنا يخليكي ياقمرايا وحشتيني جداااا وحاضر هصورهلكم حتة حتة وانزلهالكم
اية كلام جميل دة بس ربنا ييسرلك كل امورك ياااااارب
:-#:thumbs_down: بجد مش عارفة اقولك شعوري وانا متفقة معاة على مطبخ صغير كدة
وياخد منة كل الوقت دة
هوة خلصة بس فية تفاصيل صغيرة لسة مش خلصها
ومن ضمنها اكسسوار زي الماجيك كورنر مش ركبهالي ربنا يسامحة
اللهم امين ياقمرايا
اللهم امين ياقمرايا
فستاني كان من امريكا ياقمرايا من برونوفياس والفرح في دفاع الجوي قاعة البانسية
والكوافيرة كانت ريهام الصواف مرات مسيو عبدة
والصور مع ميموريز في ميدان الحجاز
ولسة مش استلمتهم
وبس ياقمر
انت يالاروع ياقمرررررر
انا ياقمرايا عملت اكبر حيطة بالريسبشن سبونش اغمق من باقي الدهانات
وهية مش باينة اوي ودي صورة لجزء من الحيطة
وانا بصور الريسبشن والشقة كلها هبينة ليكي
والباقي كلة لعب بالاضاءات والتابلوهات
والحيطة اللي عليها دولاب الفضية دي عليها الدفاية والسبونش طالع اوي نفس درجة السيراميك يمكن اغمق شوية صغيرين
يارب شقتي تعجبكم لما انزلكم باقيها
ما شاء الله عليكي يا لقاء شقتك جميلة جدا وهادية وفستانك كان بسم الله ما شاء الله تحفة وانتى ما شاء الله عليكي زى القمر F:
lasposadelnilo;12988761:
صباح الفل يا ساره اخيرا يا بت افتكرتيني امبارح وماله لما تجي للارضي عند الدكتور هظبطك عند مومن واتوهك
هجوره ياقمر وفي بنوته كمان معانا
بصوا بقى اللي كانت في موقف مشابه واتجوز يقلنا عمل ايه ضروري
انا دلوقت زي هاجر كده لما اتفقوا على الجهاز قالوا اوده اطفال كامله ولا اوده سفره وكلهم قالولي اوده اطفال ونمعل نيش كبير ونبقى نجيب ترابيزه صغيره او كده وفعلا اتفقنا على اوده اطفال كامله سريرن ودولاب ونيش كبير 2 م
دلوقت اعمل ايه في حوار السفره ده
ياريت اللي مر بموقف يقلنا حلها ازاي
والقمر اللي قالت هتعمل ترابيزه باربع كراسي في مطبخها عشان واسع
طب لما يجيلك ضيوف هياكلوا على ايه ؟؟؟؟؟؟
وسوال اخر حلمنتيشي
هوا في لبس دلع للبيت شتوى
ولا هنقعد بترناجات بكم وجلاليب وشكره
والفستانين بتاعه البيت القصيره (عند الركبه او فوقها )اللي حملات وكت تعتبر لبس دلع ولا بيبي دول
نووووووووووووودى وحشتينى والله :adore:
بجد بجد ليكي شوقة يا بنتى مش تغيبي عننا تانى :'(
بصي يا نودى انا عندى فكرة ما تصغرى حجم النيش لو كان الراجل لسه ما بدأش فيه واعملى ترابيزة صغيرة مدورة من اللى بتتفتح وتتقفل دى فاهمانى :!!: يعنى هى مدورة وصغيرة وفى نفس الوقت تقدرى تكبريها
لان مهما كان السفرة برضه ضرورية خصوصا لو ضيوف غرب عندك وعازماهم
او ممكن تستغنى عن النيش وتعملى بوفيه صغير تحطى فيه حاجتك كلها من صينى وشنطة معالق وكده وفوقيه مراية صغننة وتعملى السفرة ولو المطبخ كبير ابقى اعملى مكان فيه للعرض ويكون ظاهر و حطى بقى فيه الكاسات والكوبايات
ده رأيي:D
بس لو بدأ النجار فيه حاولى تشوفى المساحة عندك عاملة ازاى واعملى سفرة صغيرة ب 4 كراسى حتى مش لازم واحدة كبيرة
شيمو زوما;12988927:
lasposa ياريت تقوليلي أنزل الصور إزاي عشان عايزة أنزلكوا صور ومش عارفة أعمل إيه:( ، ياريت حد يشرحلي أنزلها إزاي بالتفصيل الممل
بصي يا شيمو هتلاقى فوق على ايدك اليمين مكان اسمه مركز رفع الملفات دوسى عليه هينقلك على صفحة تانية فيها 5 اماكن علشان تحملى 5 صور كحد اقصى فى المرة بعد ما هيتحملوا هينقلك على صفحة تانية هتلاقى تحت كل صورة رابط مباشر للعرض فى المنتدى خديه كوبى وحطيه بيست على طول فى مكان الرد بتاعك
ووووبس يارب تكونى فهمى منى :o
Hagora_amr lovely;12990072:
اخيرا يابنات وبعد عناء طويل بابا تقريبا وافق على كتب كتابى هيكون اول يوم او تانى يوم العيد انا هكتب كتابى سنه كامله الفتره كده طويله اصل بابا بيخوفنى مع العلم انى عارفاه بقالى اكتر من4 سنين بس بابا قالقنى وكمان ايع رايكو البس فستان وكده ولا اجيب طقم شيك كده انا هعملو اشهار فى المسجد بالنسبه للقايمه بابا قال لخطيبى انا هعم زى اختك بس هاتلى القايمه بتاعتها علشان اشوفها بتتعمل ازاى عشان انا اول واحده لكن بابا خطيبى رفض وقال يكتب اللى هو عايزه وخطيبى يمضى عليه هو فيها حاجه لو ورى القايمه لحد يعنى محتاجه ردكو بسرعه
مبروك يا قمر وربنا يتمم لك على خير
مش لازم خطيبك يوريه القايمة لان من كلامه هيوافق على اى حاجة تكتبوها
فانتى شوفى الحاجات بتاعة المطبخ اللى جبيتها واحسبيها هتطلع كام + تمن المطبخ الخشب تقريبا لو لسه مش اتعمل يعنى تروحى لنجار وتقوليله مطبخ كذا * كذا تقريبا يكلف قد ايه
ده كان المطبخ
اوضة النوم برضه شوفوا انتم محددين قيمة قد ايه للنوم + سجادة مثلا ليها + ستاير يعنى تتكتب اوضة نوم بمشتملاتها والقيمة التقريبية ليها
والسفرة والانتريه نفس الكلام
دودو1;12991119:
مشكووووووورين قوى يا بنات اللى ردوا عليا بالنسبه للحاف والمعالق فى بنات كتير ردت عليا ربنا يجازيكم خيرر ويكرمك يا رب
انا مكنتش بدخل نت اليومين اللى فاتوا دول لان النت كان فاصل بس فى اليومين دول ابن خالتى جابلى لحاف هديه من السعوديه ههههههههههههههههههه:lol::lol:
بس برضه مش عاجبنى:o:o مع انه عجب ماما وبنت عمتى بس اللحاف ده اخف شويه من اللحاف اللى شوفتوه اللى حماتى جايباه ده بقى ممكن اجيب له التلبيسه الستان اللى قالت عليها سارة لان فعلا زى ما فى بنوته قالتلى ان الورده اللى فى النص البارزة دى ممكن متبقاش حلوة فى التلبيسه (:o مش فاكرة هى مين للاسف)
انا هوريلكم اللحاف وقولوا ريأكم بقى انا تعبت .... صحيح بخصوص البنات اللى بتقولى مدام مش عجبك هاتى واحد تانى كل اهلى هنا بيقولولى انتى عندك اتنين وهديه يبقى متجبيش تالت والفلوس هاتى بيها حاجه تانيه مش عافه ايه رايكم؟؟؟؟
هو عشر قطع ع فكرة.
بنات كنت عايزة حد ينزلى صور للحاف الفوربد ده لو حد عنده صورة ياريييييت:worn_out:
انا من رأيي يا دودو كفاية اوى الحفة واستفيدى انتى بالفلوس خصوصا انك هتجيبي مفرش سرير وبطاطين اللحاف بقى يبقي وقت النوم وخلاص او مالهوش لازمة كمان
والاخير ده يمشى يعنى مش وحش ولو لقيتى حد بتاع ملايات و عرف يعملك صرفة لشكل اللحاف اللى جابته حماتك ماشى يبقي كويس
red roseee;12991227:
[BACKGROUND="70% #FFCCFF"]تسلميلي يا قمر على ردك كلك زوق بس ما قولتليش اخليها لأيه للميك اب ولا للمجوهرات او الاكسيسوريز[/BACKGROUND]
الشنطة ما شاء الله جميلة اوى بس مش تنفع لميكب خالص هى للدهب لانها مبطنة وكمان بارقام سرية لكن بتاعة الميكب مش بتكون مبطنة خالص علشان يبقي سهل تنضيفها
بنت من الزمن ده;12992089:
ازيكوا يابنااات ياحلوييين التجمع بجد تحححححفه فكرتونى باللذى مضى :lol::lol::lol:
انا عندى بقى سؤالليييين كده ويييارب متكسفونيييش :o
اول حاااجه انا هسافر الكوييت وعايزة حاجه تنفع خلاط يعنى يتعمل فيها الطماطم العصير والبصل واى حاجه يعنى تتفرم انا بصراحه مش عارفه المالتى كويك بتعمل كل حاجه ولا لا لان بصراحه مش عندى ولا اجيب خلاط وكبه ولا ايه لان انا هنا عندى خلاط بس اللى هو مولينيكس ومش عندى كبه بس انا اصلا مش بطبخ لان جوزى كان مسافر فمش عارفه بقى ايه المفرووض يتجاااب عشان يعمل كل حاجه يعنى شفتوا الخيبه مفروض انى متجوزة بس ولا عارفه حاااجه :confused:
تانى سؤال عايزة اعرف ايه نظام الدهب دلوقتى انا كنت عايزة اشتري خاتم ليا وانسيال ليوسف ابنى لان معايا فلوس كده وكنت عايزة اشتري بيها الحاجات دى وكل ما بتاخر الفلوس بتتصرف المهم اشتري دلوقتى ولا استنى ولا ايه وهو هيغلى ولا هيرخص وهو دلوقتى غااالي ولا عادى
وبجد مرسي اوى ليكم وربنا يتمملكوا بخير واللى عايزة تسالنى على حاجه انا في الخدمه ;) بس انا ولله معنديش وقت خااالص اقرى المشاركااات اللى فاتت , معلش رغيت كتتييير :D
اهلا بالقمر حمد الله عالسلامة :D انا فاكراكى بس ماكنتش اعرف انك خلفتى الف مبروك ولو انها متأخرة :o
هاتى المالتى كويك حلوة اوى واشترى الدهب من دلوقتى لانه مش بيرخص وقيمته فيه احسن من لما تتصرف الفلوس
نور التقوى;12992853:
السلام عليكم ورحمه الله وبركاته
رشروش وحشانى موت ربنا معاكى يارب وتروحى وترجعى بالسلامه متنسيش تدعيلنا
واحسن نوع مكنسه البنات قالوا باناسونيك يابانى وانا جبتها على كلامهم
دارين ومكرووونه الف مبروك ياقمرات وربنا يسعدكم وبرزقكم الذريه الصالحه يارب
وسالى عامله ايه ياقمر ربنا يطمنا عليكى وعلى ادهم يارب
ودكتوره مسلمه حمدالله على سلامتك والدك وربنا يرجعه ليكم بالسلامه يارب
اشرى انا شوفتك عندك فى المطبخ عصاره البرتقال الكهربه تقريبا الى هيا على شكل برتقاله
ياريت تقوليلى سعرها كام
بطه ربنا يوفقك ياقمر فى موضوع الشقه وربنا يوفق اختك ويكمل ليها على خير يارب
دى يابنات حاجات جبتها للمطبخ امبارح صورتهالكم ومستينه رأيكم بصراحه
ده الصينى
دى شنطه المعالق انا مش بحب المدهب خالص بس لقيت دى رقيقه جبتها
ده طبق الفاكه كنت جبت واحد قبل ده ومعجبنيش رجعته علشان كان داخل فيه لون روز وجبت ده
شنطه السكاكين والشوك وفيها مخرطه ومش فاكره مقص ولا اتنين
كوبايات للعصير والميه
كوبايات للشاى
طقم القهوه
ده غطا الغساله شكله لذيذ لونه فاتح عن كده بس الصوره مغمقاه خالص لونه موف وفيه فيونكه من النص
غطايين للانابيب
ولاعه
فتاحه
حامل المناديل
ماسك
قمع التورته
وده
قوالب الجيلى
طفايه
الحاجات احلى من كده بس بجد صوره الموبايل مش حلوه خالص ومستينه رأيكم يابنات والى يعجبها الحاجه تدعيلى ربنا يكملى على خير
انا جبت 5 اطقم كوبايات شاى وهجيب واحد كمان صغير شويه
وجبت 4 عصير وميه ولا العصير المفروض ليه كوبايات والميه كوبايات ولا ايه ياريت تفهمونى
وجبت 3 كاساات طويله وهجيب 2 كمان من المدورين كده كفايه ولا لاء
وعاوزه اعرف يابنات سعر البراد الى هو بصفاره بكام
ما شاء الله حاجتك جميلة اوى تتهنى بيهم يارب
قوليلي بقى غطا الغسالة ده منين وبكام :D اصله عسول اوى F:
Meroo012;12993095:
مساء الخير عليكو يابنات
انا مش بدخل كتير لان فرحى تانى بوم اعيد وخلاص كلها اسبوعين
نصيحتى ليكو بجد الدنيا بتفتح فتحة مش طبيعية وخصوصا حاجاتك انتى انا مجهزة كل حاجه الحمدلله بس فعلا الحاجه مش بتخلص طرح - ميكب غااااالى - اكسسوريز - لبس -شباشب - لبس شهر العسل - لبس فرومال - لبس كاجوال - شنط ميكب - ساعات - بيرفيوم - حمامات مغربى - بجد حاجات كتيرة اوى وبتعمل مبالغ ف ياريت تشيلو فلوس للحاجات اللى بتظهر ف الاخر ونفسك فيها
ادعولى ربنا يكلمى على خير
مشاعر مضطربة جدا جدا وخايفة اوى اوى ومتخانفة مع خطيبى ومنشف دماغوو
عايزة اخد رايكو فى حاجه مين يرجح بيات الاوتيل ومين مع البيات فى بيت الزوجية ؟؟؟؟؟
مبررررررررروك مقدما يا ميرووووو F:
انا من رأيي تباتى فى بيتك والاوتيل خلى بقى الكوافير يجيلك على هناك احسن هو والمصور علشان مش تتعبى من الكوافير للأستوديو للفندق
وربنا يتمم لك على خير يا قمر F:
نووووووودى [COLOR=DarkGreen]كنتى سألتى على لبس الدلع الشتوى
هاتى بنطلونات جينز ضيقة وبنطلونات قطيفة على كام بدى وبلوفر وكام بيجامة قطيفة برضه ضيقين يعملوا شغل ;)
[/COLOR]
