مدينة الملائكه;12934331:
وعليكم السلام ورحمه الله وبركاته
يا اهلا وسهلا بيكى يا قمر وبكل اهل ليبيا:adore:
انا مثلك تمام عايزة حد يفيدنى فى موضوع الكرياتين
واذا كان ع العناوين عندى عناوين كتير لكوافيرات محجبات فى مصر الجديده ومدينه نصر بس المشكله انهم مش مجربين بالنسبه لى او لاى حد من صحباتى
انا خلال الاسبوع الجاى هعمل كرياتين باذن الله وهقلكم ع النتيجه وان كنت عايزة اعرف ايه الاحسن الفرد ولا الكرياتين؟
بالنسبه للاتيليهات بتاعه السواريهات فى عناوين كتيره ع النت لو عملتى بحث فى جوجل هتلاقى كتير اووى وبالتوفيق يا قمر
لا طبعا الكيرياتين احسسسن بكتيير من الفرد
لان الكيرياتين بيعالج الشعر لبعد كدة كمان بس اهم حاجه يكون الاصلى
انما الفرد بيحطو فيه موااد كيمائيه بتخلى الشعر بعد كدة وحش خااالص وبيوقع بجد
يبقى الاحسن الكيرياتين
وعلى فكرة انا عارفه واحده عن طريق الفيس بوك بتعمل الكيرياتين الاصلى حتى انا هعمل شعر عندها ان شاء الله ومش 3000 لا انا هشترى العبوه ليتر 1600 والخبيرة هاجيلى للبيت هى هتعملى شعرى 300 جنيه بعد كدة وهكرر باه عمليه الكيرياتين ده لغايه لما الليتر يخلص يعنى هى هتاخد 300 وبس بعد كدة
انما 3000 ده كتيير اوووى صرااحه
دودو1;12934364:
مبروك يا بنات عليكم الجزء الجديد معلش متأخرة لانى كنت مش بدخل نت بقالى فترة المهم
كنت عايزة اعرف المتر خشمنيوم بكام وهيبقى حلو ولا لاء لو عملته فى مطبخى يا ريت اللى مجره يقولى ويقولى السعر؟ ولو فى حد عمله فى المنصورة يا ريت يقولى كل البيانات
مرسى يا بنات
بصراحه انا عامله المطبخ بتاعى خشب لانى مش مقتنعه بالامويتال ولا الخشمونيوم
خووخة احمد;12934806:
السلام عليكم ورحمة الله وبركاتة
ازيكو يا جماعة عاملين ايه ادعولى يا جماعة فى الايام دى عشان انا فركشت الخطوبة بسبب اختة مش طايقاها بجد انسانة متسلطة للغاية بتدخل فى كل حاجه كمان عايزة تتدخل فى شقتى اللى اعملة واللى مش اعملة اللى ينفع لعروسة واللى مش هاينفع ده حتى قمصان النوم تقولى تشترى ايه ومش تشترى ايه قبل كده يعنى قولت لمامة خطيبى يعنى مامتها قالتلى مالكيش دعوة بيها اعملى اللى يريحك واخر حاجه بقى تقولى تخرجى ومش تخرجى عشان اخوها بيزعل ادعى عليها حرام عندها اولاد وليها بيت زهقت خلاص اتصلت بيها قلتلها ده خطيبى مش بيعمل كده تقولى عشان متربى مش هايقدر يعمل حاجه قلتلها انا مش عاوزة الجوزاة دى قالتلى انتى حرة وقفلت ؟ وانتهى الموضوع ومش عارفه راية عشان مش جابلى حقى . معلش يا جماعة دوشتكو معايا وانتو مش ليكو ذنب بس بجد كنت مضايقى منها اوى .
اعمل ايه فى الشبكة بقى اديهاله ولا اخدها من حقى علما ان عملنا خطوبة كبيرة بره اتكلفت اكتر من حق الشبكة ؟
والحاجات اللى عندى والجهاز اعمل فيهم ايه ؟
dr.doby;12935078:
الاول هارد السلام وعليكم السلام ورحمة الله وبركاته
وكل سنه وانتى طيبة
تانى حاجة عايزة اقولك انا زعلانة خالص من اللى عملتيه وهكلمك زى الاخوات:)
ليه يا حبيبتى تتخلى عن خطيبك بسهوله كده كل ده عشان اخته انا حسة بيكى على فكرة ومن المعاناة الى بتعانيها لان انا برضه بعانى كده جدا مع حماتى وخصوصا ان والدتى متوفية بجد بتتدخل فى حياتى جدا ومش هقولك فى الفرش والعفش وكده لا وكمان فى حياتى الشخصية لدرجة والله بتتفق لى على شغل مع ناس وتقولهم وتيجى تقولى وحشرة مناخيرها جدا لدرجة انى بجد بدعى عليها كتير جدا بس برجع ازعل تانى من نفسى:o بس فى الاول والاخر انا مش هتجوزها هيا وانا بحاول اصدها بكل ذوق برضه لانها ست كبيرة او بصدرلها بابا وكده
فانتى لاء يا حبيبتى اتكلمى مع خطيبك وقوليله يخليها متتدخلش فى حاجة وكويس ان حماتك فى صفك ده مكسب ليكى وحاولى تتجنبيها خالص
لكن خطيبك ما دام كويس متسيبهوش لان نادر انك تلاقى حد كويس لو مش مستريحاله يبقى خلاص كل واحد فى حاله وانا حسة كده انك مش مبسوطة فى الخطوبة لانك بسهوله كده بعتى
معلش انا طولت اوى عليكى بس والله حبيت انصحك كأخت
:adore:
سؤال مهم بقى هو انا ينفع اجيب بونبونيرة سيلفر فى كريستال وانااحتمال افرش مودرن ان شاء الله اصلها عجبانى جدا:woo:
ا بصرراحه التسرع ده غلللط خااااااالص انتى كنتى تتجنبيها خخخخخااااااالص وتخلى خطيبك هو الى يكلمها ولو واجهتك ولا كلمتك كلميها وسكيها على دماغها وخلااص قفلى الموضوع انما خطيبك بجد ملهوش اى ذنب طالما هو معملش حاجه ليكى لييه تعملى كدة يا خوخه
وبصراحه كلامدكتور دووبى صح جداا وعجبنى
....
F:F:F:
