.. █ || « تجهيزات عرائس لشهر رمضان 1431 - 2010 م / الجزء = 151 .. ♥

ميس كات انتى اساسا من المنصورة ولا من القاهره
طب اشترتيهم منين بالظبط
واذا عايزة اروح المنصورة للمحل ده اروح ازاى؟؟؟

يا ريت يا جماعه تدلونى انتو بتشتروا البرفانات الاصلى منين؟؟؟؟؟ من القاهره

hasby_raby_77;12921727:
ميس كات انتى اساسا من المنصورة ولا من القاهره
طب اشترتيهم منين بالظبط
واذا عايزة اروح المنصورة للمحل ده اروح ازاى؟؟؟

يا ريت يا جماعه تدلونى انتو بتشتروا البرفانات الاصلى منين؟؟؟؟؟ من القاهره

totytwety;12921708:
بجد عجبتنى الفكره اوى وخصوصا انى عايزه اغير من استايل اللحفه بتاعتى من كلاسيك لمودرن والتلبيسه دى فكره حلوه وبرده تحافظ على اللحاف
ياريت اللى شاف حاجه كده فى القاهره يقولى فين؟؟

تسلمى يا ميس كات وتتهنى بيهم يا رب

حد يرد على ياريت فى البرفانات الاصلى ؟؟؟

miss cat;12921669:

بجد حاولت ادور على المفروشات بتاعتى بس الدنيا عندى ملخبطة خاااااااااالص لاننا مش فى بيتنا وقاعدين فى بيت تيتا على مالفيلا بتتشطب وهننقل فيها على العيد
فوانا بلم حاجتى واظبطها وانا بنقل هصورهالك كل الى اقصدة

حاولت ادور على اقرب شكل الى جبتة وهو تقريبا نفس الاستايلات دى
بس الى كانت فى مسلسل رجاء واياد دول كانوا ساااااااااادة
كان بينام على السرير كللللللللللللة ستان اسود سادة بتطريز رقيق اسود برضوا وزى المفرش الاوف وايت الساتان بتاع نور برضوا
انا اصلا كنت مقررة اشترى قماش ستان وافصلة عند حد يعملى الملاية والتلبيسة بتاعة اللحاف والمخدات ستان اهو تغير وخصوصا بين الفصول زى الربيع والخريف كدة الايام الى مش بتبقى حر ولا برد
بس لقيتهم جاهزين فى المنصورة واشتريتهم وبجد لما بيتفرشوا وهم وبيغيروا الشكل خاااااااااااالص مامتى انبهرب
لانها ماكنتش بتشوف غير التلبيسات القطن بس

بصى
الطقم عبارة عن اييييييييييييية
ملاية قطن خاااااالص سااااااااادة بنفس درجة اللون السايدة فى التلبيسة
وكيسين مخدات طويلة قطن برضوا
وكيسين مخدات صغيرة ستان خاااااالص ومن الظهر قطن عشان لو مش بتحبى تنامى على الساتنان
وتلبيسة للحاف بيدخل جواها اللحاف كدة وبيتقفل بسوست والتلبيسة من الوش كدة ساتان كلها ومن الناحية الى بتتغطى بيها بتكون قطن عشان مش تحرر ولا تسقع وبتنيقى نفس لون الملاية بالظبط
بصى لما كلة بيتفرش على السرير نفس الاشكال دى













بصى الاخير دة اقرب واحد للى كان بينام علية اياد:woo::'(
وطبعا
عامل زى اللحفة الى شكل المفارش بس دة بقى تلبيسات بملاياتها وخداديتها وسعرهم اييييييييييييييييييية
جبت بتاعى 165 جنية تخيلى يعنى بتمن طقم ملاية يابلاش وخامة وشكل بصراحة ملهومش حل
يعنى ملاية وتلبسة لللحاف وتحسى انك فارشة مفرش بسعر اقل من الملاية وبجد الخامة فوق الممتازة
بجد المنصورة تهبل فى المفروشات :thumbs_up:
وعلى فكرة اغلب الى شفتهم يمشوا مع المودرن لان مافيهومش تطريز هيا الساتنة منقوشة رقيقة موووووووووت

حلو اوى الاختراع ده يا سارة تصدقى انا عمرى ما شفته فى القاهرة المنصورة بيطلع منها حجات حلوة اهو ربنا يكرمك و يتمملك بخير

هو احسن نوع مكوة ايه يا بنات؟

hasby_raby_77;12922005:
تسلمى يا ميس كات وتتهنى بيهم يا رب

حد يرد على ياريت فى البرفانات الاصلى ؟؟؟

البرفانات الاصلي تلاقيهم عندك في فيسز او مزايا ودول ف المهندسين وسيتي ستارز

hasby_raby_77;12922005:
تسلمى يا ميس كات وتتهنى بيهم يا رب

حد يرد على ياريت فى البرفانات الاصلى ؟؟؟

sally2007;12915816:
هو مش لازم بس هى بتبقى لفتة حلوة منك انا كنت جايبة بتاعت جوزى من محل جيل اللى فى وسط البلد ممكن تشوفى عنده هى اللى كنت جايبه قطن وعجبت جوزى قوى وبيلبسه لحد دلوقتى عشان بيقولى انها مريحة فى اللبس



ده ياقمر زى مقشر للجسم بينعمة وحلو قوى فعلا
وطريقتة اهى كوباية رز مطحونة زى البودرة وازارة جلسرين وزيت عطرى باى ريحة تعجبك وشاور جيل وتخلطيهم على بعض وتحطيهم فى التلاجة وبعد كل شاور تقومى منشفة جسمك وتقومى دعكة جسمك بيه شوية وبعدين تشطفية بماية وبس ياقمر

مرسي يا سالي يا قمر بس ممكن تقوليلي فين محل جيل في وسط البلد بالضبط؟؟ كمان انا احتمال اتجوز كمان شهرين تلاتة أبدأ اعمل الموضوع ده من أمتى وهل اعمل كمان الحمام المغربي؟؟ ويتعمل ازاي انا عندي الطمي والليفة؟؟؟


البنوتة الي بتسأل على مكان شراء البرفيوم الاصلي فيه مزايا وموجود في سيتي سنتر وفيه كمان كذا محل في روكسي بيبيعو برفيوم أصلي قريبين من أبو حيدر

انا شوفت مفارش زي دي في سيتي ستارز بس اكيد طبعا هتبقى غالية جدااا

بس فعلا ماشاء الله جامدين يا ميس كات عموما ممكن تبقوا تخلو اي حد يجيبهالكوا من المنصورة ويبعتهالكوا بالميدل ايست

بنات انا اخيراااااا الحمدلله نزلت انهاردة ونقيت قماش الركنة من برنت شوب بس ملقتش اللي كنا مختارينه قبل كده كان في حاجات مش موجودة منه واخترت غيره وبرضه ملقناش وفي الاخر اخترت لموف في اخضر هتلاقوه معروض برضه

وبجد بشكركو جدااااااااااا انكو عرفتوني على برنت شوب وبذات تمييييمة حبيبتي وان شاء الله هستلمه بكرة واصورهولكوا

حسبي ربي انا الحقيقة البرفانات اللي جبتها واللي لسه هجيبها هتكون كلها من اوريفليم اولا الحاجات بتعجبني ورقيقة ومش غالية اسعارها معقولة بالنسبة للاورجينال انا مقدرش ابدااااا اجيب برفان باكتر من 150 جنيه لما يكون ايه بستحرم بصراحة واكيد برضه البنات اللي جابو برفانات اوريجينال هيفيدوكي ياقمر

hasby_raby_77;12921727:
ميس كات انتى اساسا من المنصورة ولا من القاهره
طب اشترتيهم منين بالظبط
واذا عايزة اروح المنصورة للمحل ده اروح ازاى؟؟؟

يا ريت يا جماعه تدلونى انتو بتشتروا البرفانات الاصلى منين؟؟؟؟؟ من القاهره

انا بجبهم من النعام محل اسمه طلال
كنت جايبه اوبن رجالى مستورد ب120

وسالت على ديور حريمى ب60

وفى هوجو

وسيكسى 212


بس معرفش سعرهم
لمحتهم عنده بس اتكسفت اسال

miss cat;12921818:

ههههههههههههههههههههههههههه
انا مش من المنصورة ولا القاهرة
انا من بنها وهتجوز فى طنطا
شوفتى ازاى
بس اختى متجوزة فى المنصورة وعلى طوووول عندها عشان اجهز المفروشات من هناك
وبنزل القاهرة كتييييير جدااااا لان اخواتى الصبيان وخلانى وعمامى كلة كلة متجوزين هناك

بصى اشتريتهم من المنصورة من حتة اسمها السكة الجديدة هناك فى 3 محلات وهم
البيت (دة اغلبة مودرن _ قصر البيداء_الشوا)
بس التلبيسة دى جبتها من محل البيت

فعلا هتغير الشكل خاااااااااااااااالص
البنات يفيدوكى لانى مشوفتهاش فى القاهرة :(

** مودة **;12919564:

السلام عليكم ورحمة الله وبركاته

ا ز ي ك م ** ي ا ** ب ن ا ت ؟؟

معلش مش قادرة اتكلم رمضان كريم :sick::|

وحشتوني جدا قوي خالص
ربنا يكرمنا جميعا ويرزق كل بنيه هنا اللي تتمناه
قولو آمين ;)

معلش مش قادرة اتكلم ياتوتي ،،،،
بس كلامك ،،،،، :thumbs_up::thumbs_up::thumbs_up::thumbs_up:

ربنا يعوض عليكي وعليّ يا حنين وربنا ينولك الجنه ان شاء الله
اشتري دهب يابنتي وخليه ده بجد أحسن حاجة ومش هيخسر
احسن ما الفلوس تنفرط منك .
مبروك لاختك ياقمر وعقبالك ،، وعقبالي :D

[/CENTER]

ازيك يا سلمى
الصياام ؟؟
لااا ،،، تماااااام التمااااااااااام :confused:
احنا جدعان برضك:'(

التلفزيون ده انا كمان بشوفة منتشر في الاعلانات
أقولك ؟
اشتريه من مكان مضمون وبضمان مضمون كمان
ومبروك عليكي مقدما F:.

[/CENTER]

سبحان الله والحمد لله ياقمر ، ربنا يكتب لك الخير دايما وكل سنه وانتِ طيبة

بت يا نودي ازيك F:
وحشتيني من هنا لغااااااااااااااية يوم التلات لو فاضية :D
بألف هنا العزومة ،،،
مع انك لا عزمتي ولا قلتي تعالوو القو نظرة حتى ;)

ردا على سؤالك هاتي الملايات مشجرين على مسطرين على كاروه على ساده على حسب:D

شوفي انتي جبتي كام سادة
وكملي بالمشجر والمشرشر والمفرفر :cool:

كفايه كده عشان عطشاااااااااااانه:sick::badly:

اللهم هون علينا وقفتنا يوم العرض عليك يارب العالمين ..
انتو مابتقولوش آمين ليه ;)

[/CENTER]

وحشتينا يا مووووودى :adore:
ايه يابنتى حكاية المفرفر ده ده انتى اللى مفرفره :lol:
كل سنة وانتى طيبة يا جميل

red roseee;12920141:

بنات هيا ايه الغسلات الفوق اوتوماتيك دي هيا مش زي الفل أتوماتيك ولا انا قريتها غلط
معلش الهبل بقاااااااااااااااااااااااااااا

الفوق اتوماتيك هى الفول اتوماتيك بس الباب بتاعها من فوق وليها مميزات عن الفول اتوماتيك بمعنى انك ممكن تحطى مسحوق عادى ، تقدرى تحطى اى كمية غسيل ، فى برنامج للنقع
بس النوع ده من الغسالات ما بيكونش فيها سخان علشان كده بيتعملها وصلتين واحدة للباردة والتانية للسخنة
والكل بيشكر فى توشيبا الفوق اتوماتيك

hasby_raby_77;12922005:
تسلمى يا ميس كات وتتهنى بيهم يا رب

حد يرد على ياريت فى البرفانات الاصلى ؟؟؟

البرفانات من فيسز ، مزايا ، اى صيدلية كبيرة بيكون فيها قسم للتجميل وهتلاقى فيها البرفانات دى وفى محلات عادية برضه بس ممكن ماتكونش مضمونة ويغشوكى

nanono;12922178:
انا شوفت مفارش زي دي في سيتي ستارز بس اكيد طبعا هتبقى غالية جدااا

بس فعلا ماشاء الله جامدين يا ميس كات عموما ممكن تبقوا تخلو اي حد يجيبهالكوا من المنصورة ويبعتهالكوا بالميدل ايست

بنات انا اخيراااااا الحمدلله نزلت انهاردة ونقيت قماش الركنة من برنت شوب بس ملقتش اللي كنا مختارينه قبل كده كان في حاجات مش موجودة منه واخترت غيره وبرضه ملقناش وفي الاخر اخترت لموف في اخضر هتلاقوه معروض برضه

وبجد بشكركو جدااااااااااا انكو عرفتوني على برنت شوب وبذات تمييييمة حبيبتي وان شاء الله هستلمه بكرة واصورهولكوا

حسبي ربي انا الحقيقة البرفانات اللي جبتها واللي لسه هجيبها هتكون كلها من اوريفليم اولا الحاجات بتعجبني ورقيقة ومش غالية اسعارها معقولة بالنسبة للاورجينال انا مقدرش ابدااااا اجيب برفان باكتر من 150 جنيه لما يكون ايه بستحرم بصراحة واكيد برضه البنات اللي جابو برفانات اوريجينال هيفيدوكي ياقمر

مبرررررررررررررررررررروك يا نونوووووووووونا انا فرحتلك مووووووووووت بجد والله من غير ما اعرف انى انا السبب بس فرحت انك جبتى برينت شوب بجد لان قماشه تحفه صوريه يابت علشان اعرف انهى;) بجد بجد مبروك بس اهم حاجه تودى القماش لواحد فاهم علشان يعملك انتريه جامد ويستاهل القماشه
بالله عليكى ادعيلى لما الفجر ياذن ان الركنه الراجل الغبى يخلصها وتبقى زى مانا طلبها بالله عليكو كلكو

الله يبارك فيكي يا تميييمة يا حبيبتي

حاضر بكرة لما استلمه انا كان نفسي استلمه انهاردة واوديه للراجل بس قالولي الاستلام بكرة وهو كان معروض كده اللي كله موف في اخضر عموما هوريهولكوا ان شاء الله وان شاء الله هوديه للراجل اللي بيعملي كل العفش هو ماشاء الله جامد جدا انا شوفت اودة النوم جاااامدة ماشاء الله فهو شغله كويس جدا انا كنت حطيلتكوا صور شغله قبل كده ويارب تطلع كويسة ويارب انتي كمان الراجل يطلعلك بتاعتك جامدة ان شاء الله

قرآنية موضوع الاسعار ده عادي انا شوفته في كل حاجة مش بس البراون بس اظن سبينس ارخص حاجة انا اللي هجيبها ان شاء الله شوفتها في كارفور ب 740 ورويال هاوس ب 800 وسبينس ب 735 يعني تقريبا كارفور وسبينس ارخص حاجة

وفرق الاسعار ده شئ عادي انا برضه لما جيت اشتري اللاب لقيت فروق كتير بي بتوصل ل 300 جنيه بس بصراحة جبت الأغلى عشان ضمان راية خوفت اجيب من محل اي كلام

تميمة قوليلي عملتي ايه في فستان الفرح كنت شايفاكي بتسألي من فترة وصلتي لحاجة ولالا؟

nanono;12922516:
الله يبارك فيكي يا تميييمة يا حبيبتي

حاضر بكرة لما استلمه انا كان نفسي استلمه انهاردة واوديه للراجل بس قالولي الاستلام بكرة وهو كان معروض كده اللي كله موف في اخضر عموما هوريهولكوا ان شاء الله وان شاء الله هوديه للراجل اللي بيعملي كل العفش هو ماشاء الله جامد جدا انا شوفت اودة النوم جاااامدة ماشاء الله فهو شغله كويس جدا انا كنت حطيلتكوا صور شغله قبل كده ويارب تطلع كويسة ويارب انتي كمان الراجل يطلعلك بتاعتك جامدة ان شاء الله

قرآنية موضوع الاسعار ده عادي انا شوفته في كل حاجة مش بس البراون بس اظن سبينس ارخص حاجة انا اللي هجيبها ان شاء الله شوفتها في كارفور ب 740 ورويال هاوس ب 800 وسبينس ب 735 يعني تقريبا كارفور وسبينس ارخص حاجة

كنت فى سبينس انهارده
مش دا اللى فى ستى ستارز
مكنش فى غير 3 موديلات
3 علب بس تخيلى
كنت متخيله انى هلاقى كل شئ
طيب اللى هى ب800 دى مش هى اللى فى علبه سودا ومعاها قلم حواجب
والله خايفه ادفع كل دا وفى الاخر جسمى ميقبلهاش
اصل فى ناس مش بتحب تستخدمها
بتعملهم نقط كدا ومشاكل
الله المستعان

وفرق الاسعار ده شئ عادي انا برضه لما جيت اشتري اللاب لقيت فروق كتير بي بتوصل ل 300 جنيه بس بصراحة جبت الأغلى عشان ضمان راية خوفت اجيب من محل اي كلام

تميمة قوليلي عملتي ايه في فستان الفرح كنت شايفاكي بتسألي من فترة وصلتي لحاجة ولالا؟

يا بنات عايزة حد يرشحلى كوافيرا ت فى مصر الجديدة ومدينة نصر بس الرينجات ماتكونش معدية ال 700 :)

لولو احمد;12921381:
ياجماعه هوه ملح الاسبا ده بيستخدم للجسم ولا للوجه اصل عايزه اعرف ضرورى وكمان انا كنت بسال على الملايات اللى بتبقى بمفرش دى لا ياجماعه انا عرفه اللى ليها مفرش ستان لا دى كانت ملايه قطن وعليها مفرش قطن نفس رسمه الملايه وعايزه اعرف التخفيضات نزلت فى المنصوره ولالا

لا الملح الاسبا ده للجسم طبعاااااا انما فى صابونه للوش طبعا ليها وهى كمان كمان ملح اليوكو وادى صورته ايه وطبعا بملح الحليب وادى صورتها اهى


ةبتتبااع ب10 جنيه تقريبا او ااقل

fulla2010;12917191:
ااااااااااااااه
يعنى انا كدة مكترة فى المفاارش ولا ايه

انا جاايبه مفررش سورى مطرز كله تحفه ده لى ليله الفرح ومفرش تانى برضو

وجايبه لحااف فابير بس برضو ينفع مفرش لانه فى شغل حلو صرااحه

وبخصوص الساارى الهندى لى ليله الحنه بس محلاته فيييين فى القاهرة

وسااره او ميس كات ياريت تبعتيلى كل المعلومات عن المندووبه اللى جابتلك قمصاان زمزم الحلوة دى

وربنا يتمملكم على خير ييا قمراااات

ومااااااااااااااافيس حد جاوب على سوالى

بخصوص السارى الهندى بيتباع فين فى القاهرة

انا عارفه ان الستات الى بيعملو ليله الجنه بيباه معاهم السارى ده
بس شوفت واحده ماكنش معاها السارى الهندى كان معاها الجلابيه الاسكندرانى والجلابيه البلدى وكدة

؟؟؟

فا لو بيتبااع السارى الهندى فيين ؟

قوليلى استخدمه اظزاى يافله انا وانا باخد شاور مش بنشف جسمى وادلك جسمى بيه وهوه مبلول لحد ما يبقى الملح يدوب كده بس بخاف اعمل بيه الاماكن الحساسه خيفه ليكون غط فايريت تعرفينى اصل بجد رحته حلوه ولما بحطه بلقى بشرتى ناعمه فعرفينى انا كده بستخدمه صح والصابونه دى متواجده ولا مش القيها وبتبيض البشره ولالا

لولو احمد;12924513:
قوليلى استخدمه اظزاى يافله انا وانا باخد شاور مش بنشف جسمى وادلك جسمى بيه وهوه مبلول لحد ما يبقى الملح يدوب كده بس بخاف اعمل بيه الاماكن الحساسه خيفه ليكون غط فايريت تعرفينى اصل بجد رحته حلوه ولما بحطه بلقى بشرتى ناعمه فعرفينى انا كده بستخدمه صح والصابونه دى متواجده ولا مش القيها وبتبيض البشره ولالا

بصى يا لولو ملح اليوكو او الاسبا ده انا بستخدمه كدة برضو بس تانى مرة حطيت عليه عصرة نص ليمونه كمان وبفضل ادعك بس برااحه طبعا لغايه لما الملح ده يسيح وكمان بعد كدة بجيب الليفه المغربيه وبدعك برضو بس برااحه برضو
وبرضو بستخدمها للاماكن الحساسه بس الدعك بالراحه برضو
حطي حبه منه بعد ما تحطي عليهم حبه زيت زيتون او جونسون صغيرين و عصره ليمون عشان يبقى عامل زي الكريم و ادعكي المناطق الحساسه بيه و سيبيه 10 دقايق و اشطفي وشوفي احلى نتيجه
وعلى فكرة هى مخصوص للاماكن الحساسه الغامقه بس الدعك بالرااحه



هو ممكن يتعمل على طول بجلد رطب و حبه منه عادي يعني


والصابونه الى للوش دى طبعا بتبيض اووووووووى واسالى عليها عند العطارين الى فى الحسين والازهر

هتلاقيها ان شاء الله

مودة ربنا يتقبل منا إن شاء الله و اشربى خروب أو تمر هندى على السحور عشان متعتشيش جامد إن شاء الله

قرأنية ربنا معاكى يا رب و تبقى احسن دكتورة فى الدنيا و تفيدى المجتمع

يا بنات النقط الحمرا اللى بعد البراون ده عادى بس اهم حاجة تحطى كريم مرطب بس انا عمرى ما جربتها فى المنطقة الحساسة او تحت الباط

بنات اجيب السخان كام ليتر و انهى احسن الغاز ولا الكهربا؟؟