ربات منزل غير بشهر الخير

مساء الخيـر اخيرا لقيت وقت اكتب يومياتي

ام الضاهر اخر رد كتبته قبل العيد مشينا قبل العيد بيوم واخذنا اخت زوجي معانا وافطرنا بالطريق وجربنا الطرطعان خخخخخخخ يخوفن ووصلنا لاهل زوجي قبل العشاء وانبسطت معاهم بعدين طلعت فوق لبيت اختي وتحممت من قلب لان بالسياره عرق وقرف ونزلت تحت لخوات زوجي مجتمعات وانبسطنا وساعدتهم على الحلاوه كل وحده تشيل للثانيه انا مخلصه ببيتي كل شي وسهرنا الى الساعه 4 الفجر واخت زوجي الصغيره عيت تخليني اخذ السحور عنها قالت سولفي علي يكفي وسولفت معاها وطلعت للحوش اتمشى مع اخت زوجي الكبيره الله يوهون عليها وقبل الفجر رقيت عيالي فوق ومعهم ولد اختي مضحك هالولد يجنن يوقل انتي امي ويقول لاختي اللي هي امه خالتي هههههههه لان انا واختي اخذات اخوان وهو متعلق بعيالي بشكل جنوني وحممته مع عيالي نومتهم سواء ونمت وصحيت الساعه 12 الضهر زوجي يقول نزلي العيال كلهم بحلقهم وراحوا كلهم وانا بموت من الجوع مفطره انا وشغالة ام زوجي خخخخخوجلسنا سوالف مع عمتي وخوات زوجي وبعدين رحت اساعد اخت زوجي الله يهون عليها وكويت عنها ثياب عيالها وغيراتهم للعيداخت زوجي هاذاي مثل العسل على القلب طيبه بشكل فضييييع الله يخلي لها عيالها وراحت جابت لي خبز وحليب على انه لولدها ياحبي لها ماحد يدري اني مفطره
وجو عيالي من الحلاق حممتهم للعيد ومعهم ولد اختي وهو ماحلق بس كذا يحب يصير معهم بكل شي هههه ياحبي له ودي امطخه ولبستهم شرابات طوااال تغطي الركبه بعد مادهنتم لبست عيالي بجاماتهم مثل بعض والشرابات منسقتها عليها وقلت ولا واحد يطلع للحوش وبديت بالكوي كويت كل ملابس العيد وعلقتها ورحت بساعد اختي على الفطور قالت كل شي بنجيبه من برا اريح عشان الشغالات يتفضون للملابس والعصر تروشت ولفيت شعري ولبست جلابيه ناعمه ونزلت افطرنا تحت كلنا بعدين بدت خبه العيد وجت الكوفيرا وحوسه الاستشوار وخواتي يقنعوني استشور ورفضت زوجي عاجز يطلع يصرف واخر شي اخذت من اختي واستشورت ولففت لي شعري ونموت عيالي ومعهم ولد اختي يازينه بس وتجيه اختي تقوله انا امك ماعندي احد تعال يقول اقول خاله (.....)>اسم اختي اطلعي وصكي الباب هههههههههه ويوم شاف بدال عيالي معلقه راح رز بدلته معهم ياقلبي هو اكتب لكم وانا اضحك اشتقت له
وقمت قبل الفجر ازين اضافري واحط مناكير وجهزت شنطه الاستراحه وصحوا العيال وشربتهم حليب ساده مالهم خلق ياكلون ولبستهم ثيابهم ياحلوهم ينااااس الله يبلغني فيهم معاريس ونزلو يعيدون على جدانهم قبل صلاه العيد ووصتني اخت زوجي على القهوه وهي راحت تصلي العيد وسويتها ولبست وبديت بمكياجي احب المكياج بس بطيييئه فيه وخلصت ولبست اكسسواراتي وننتضر احد يجي يشيلنا من البيت لان الاغلبيه طلعوا من المسجد للاستراحه وجاء زوجي على جمس وخمنا وش كثرنا ونااااااااسه والله كنا طاش ماطاش ووصلنا الاستراحه وتعايدنا وقهاوي واحلويات الى الساعه 1 بعدين جاء الغداء وبعد الغداء الناس نووووم وانا حبست عيالي بالقوه ونومتهم وولد اختي ماقدرت عليه وقالت اختي خليه علي وجلست اسولف انا واخت زوجي مخدتنا وحده اخر شي شخرت وخليتها ههههه والعصر صحينا وغيرت لبس العيد وغيرت للعيال وجهزوا القهوه والحلويات وجابوا فطاير وعصيرات من برا وطلعنا للحوش فيه مسابقات وحفلات ونااسه الحمد لله وسهرنا الى الساعه 12 لان زوجي مصخن وعليه حراره اضطريت ارجع للبيت ونسيت اخذ ولد اختي معي نكد عليها بالصياح امي راحت امي راحت تقوله اعقل انا امك يقول لا انتي خالتي هههههههه
وصلت بيت اختي وبسرعه بديت بالغسيل ونشرتهم ونمت وصحينا الساعه 8 ورحنا للاستراحه ولقيت الناس توهم نايمين ياحضهم سهروا الى الفجر وافطرت وفطرت عيالي ولقيت سلفتي واخت زوجي وام زوجي وجبنا قهوه وتقهوينا وسلفنا الى الساعه 12 وبعدها جابوا الغداء وتغدينا وكملنا العيد الى الليل وثالث عيد من صحينا من النوم مشينا ووصلن الساعه 5 العصر
وسلمت على اهلي ورحت لبيتي غسلت لبس العيد لي ولعيالي وبسرعه كويتهن ولبستهم ورحت لاهلي مره ثانيه بيتهم قريب لي وانبسطنا عندهم واخواتي مجتمعات هم وعيالهم ونمت عندهم انا واختي بغرفه وحده وعيالي توزعوا واحد نام عند ولد خاله بيتهم قريب لي والثاني نام عند بنت خاله خخخخخ وبقى معاي الصغير بس وسكرنا اللمبات انا واختي وسواااااااالف الى الساعه 3 بعدين هي شخرت وجلست سوالف انا وبنتها بسادس لين الاذان بعدين نمت قمت الضهر خواتي مجهزات فطور وافطرنا سواء وجلسنا مع امي وجلست عند اهلي لين الساعه 11 بعدين جاءء زوجي واخذنا ورحت للبيت
واليوم اللي بعده غسلت من الدوره وصمت علي 17 يوم 11قضاء والست وفرغت الشنط على حبه حبه كنت مكثررررررره ملابس واغراض لاني توقعت نجلس عند اهل زوجي كثيييير بس ام زوجي سافرت واضطرينا نمشي ولان زوجي عنده دوام
والايام اللي راحت كلها قضاء واسوي فطور لزوجي وامس زوجي خلص من الست مشاء الله
واليوم عندني شغل كثير الله يعين وودي اروح للامي من زمان عنها لي 5 ايام

باقي البنات قريت يومياتكم بس صعبه ارد عالكل
ام ربا مبرووووووووووك الف مبروك البنوته الله يخليها لك

جداويا الحمد لله زين ان الحديد معك كويس انا بروح بكره اخذ اول ابر الحديد لان معاي فقر دم وصرفوا لي ابر
انثى الحمد لله على السلامه ماتشوفين شر
والباقيه لكم مودتي

يومياتي
صحيت الساعه 12 نص اسوي الغداء رز ابيض وايدام ومالت عليهم مااكلو زين
بعد الغداء غسلت الموعين وكويت الملابس قليله مره من الفراغ هالايام كل شوي اغسل
ومانطلع كثير يعني مايمديهاتجتمع
وكنست وعطرت بمعطر ريحته تجنن شاريتة من حرمه ايام العيد بالسوق هي تسويه بنفسها
مركز يغني عن البخور
والحين جلست شي باقوم اسوي لي ساندويتش افطر عليها وبث.
.....................


رايقه ماشاء الله استمتعت انا اقرء يومياتك بالعيد
ذكرتيني بعيد اول مع اهلي عند عماني له طعم خااااااااااااص
اما عند حمولتي وععععع
مدري يمكن طاقتني الغلقه عشاني ماشفت اهلي ههههه
.........................

خلود شذا صدقوني الانسان هو اللي يصنع سعاادته من نفسه وحمولتي اسميهم اهلي والله لايغير علينا
وترا سلفاتي 2 خواتي خخخخ انواع الوناسه الحمد لله


احد يطمنا عن روووووووووووووووووووووووووووووووز "حبيبه القلب"

وحبيبه زوجها فاقدتها بعد

امس رحت لامي وسويت العشاء مكرونه بالجبن مع بقدونس والنص الثاني مكرونه حمراء بالكزبره وسهرت الى الساعه 12 وولد اخوي يوري ولدي شنطه المدرسه الجديده وولدي تحمس واشتب اشتروي لي الحين شنطه بن تن

ورجعت البيت وبسرعه حممتهم كلهم لانهم لعبوا بالتراب بس انقص ضهري والله :( متى يعتمد ون على انفسهم بالاستحماام ؟؟؟؟؟؟؟؟اكبرهم 6سنوات

وبسرعه خلصت المطبخ ومسحته ومسحت الفرن واكات عيالي خبز مع حليب عشان يمسك على بطونهم وفرشوا اسنانهم وبدنا بالحكايات يصدع راسي وانا اعيدها 100مره واذا نسيت ورفت يصححون لي خخخخخخخ
وبالقوه نومتهم ورحت دهنت يديني ورجليني ورطبت جسمي كااامل رايح فيها من التشققات ونمت صحيت الساعه 10 وعلى النت والحين الساعه 12 بروح اسوي فطور للحلوين وابداء بالغسيل اللي كثر البحر

سؤالي بنات


من فيكم عندها اطفال يدرسووون
باي مرحله ؟؟؟
كيف استعدادكم للمدارس؟
كيف نومهم ونفسياتهم ؟؟
وسي يو

بسمموووومه ياقلبي لاتجهدي نفسك انا اولادي الاولين 2 كلهم انام على ضهري الى الشهر الخامس نزيف وقرف كان زوجي يقول مافتك من جيبه الفوط حتى بالحمل فشلني خخخخخخخ
وكنت اتنوم بالمستشفى وعذاااب بس على ضهري واذا شافوني الممرضات نايمه على جنب يصحوني نامي على ضهرك وكنت اخذ ابر مثبته والحمد لله الحين ولدي هاللي ذقت الويل فيه بيدرس بالو واللي بعده بالتمهيدي الله يخليهم لي
ابيك ترتااحين وبلاش مطامره الضيوف اللي بيجونك بيعذرونك

من بيت أهلي أسلم عليكم
ومازال مسلسل الكسل مستمر معي¤حالتي يرثى لها

ام ربا انتي لحالك وانتي نفااااااااس وين امك ام زوجك اي احد يساعدك اقل شي لو اسبوعين


جداويا انا مثلك كان الغشل متراااااكم علي وكنت بجيب شغالهبس ساعه ونص ورفض زوجي وشوي شوي خلصت كل اشغالي الحمد لله
ولا تنسين التمره المخلوطه مع سمن وحبه سوداء والعشرين الاخيره اضيفي لها رشاد ترا حلوه للضهر

الله يعينكم عالبيبيات وعندكم من قبل اطفال الله لايضيع تعبكم