°•°• التجمع الثالث .. لحوامل شهر ديسمبر 2010 •°•°

روح المعالي;12888709:

مساؤكم فل وجوري

شخباركم؟؟؟؟
تسلمون يالغوالي على التهاني الحلوة
ترى انه مو بجر
عندي ولد وبنت وبنتي الثانية ولدتها متوفية
بس والله فرحت ان الله رح يعوضني عن بنتي باللي في بطني
ماشاء الله عليكم
تجهيزات وعبايات
مهاوي
زين ماتسوين الحامل والصيام والحر لا يبيله اكيد إجازه
اليوم سويت فحص السكر المبدئي
موعدي 5/9 يعني آخر رمضان
بنشوف النتيجة
انه عندي جهاز التعقيم يعني مابشتري جديد
وتقدرين تخلين دله فيها ماء ساخن وقت ما احتجتي تسوين الرضعة
الماي جاهز عندج
تقترحون شنو اللون اللي اقدر اسويه غير الوردي؟؟؟

وإي لونين اقدر ادمج لمفرش البيبي؟؟؟؟

العيناوية;12888778:
تسلمين فراشه على المعلومات
وبالنسبه للرياضه مهمه في الحمل والمستشفى الي اتابع فيه في دورات للرياضه واستفدت منها وااايد يوم حامل بولدي

روبه حامضة;12888405:
هلوووووووووو بدره شلونش؟؟

بصلي ولي عودة ان شاء الله

حنــــين;12888924:

هلا بناات شخباركم

صار لي جم يوم ماارد مزاجي معتفس واحس كله متمللة واليوم صايمة واحس روحي ديخة وفوق هذا قاعدة من وقت مابأذن الا واني منتحرة من اليوع والعطش الله يعينا ويقدرنا على صوم رمضان

بنات اللي تعرف اماكن احليوة في السعودية لتجهيز البيبي اتقول لي انشاءالله عقب شهر رمضان بروح بس ابي اعرف اسماء المحلات

اللي خايفة من انهم يتأخرون في تجهيز مفرش البيبي ترى من جم يوم كنت رايحة محل مفارش قال لي 6 ايام ويجهزون يعني لاتخافون في وقت واايد

الحياة والامل;12888955:
مساااااااااااء الورد

الـبـدره;12888960:
ماعليج شر والصيام كلنا نحاتيه بس ان شاء الله ربج يسهل الصيام

وبخصوص التجهيز للمفرش يعتمد على المحل وعلى شكل المفرش والشغل فعشان جذي انا احاتي من الوقت