•• التجمع التاسع لحوامل (11) نوفمبر 2010 ••

زهورة1;12707016:

الحين بقول لكم قصة حملي:D من سالفة لسالفة و كلة بروحي اهدر:lol:

احنا كملنا سنتين خطوبة و الحبيب تملل لان احنا كنا نعرف بعض 5 سنوات قبل ما نملج و منهم سنة وحدة الي تقدم لي لين ما اخذتة و في هالسنة صرت اشوقة واااجد
و عقب ما ملجنا كلة كان يبغيني ابات وياه واني ما احب هالسالفة لان احسها مو حلوة واجد مع انها عادية و اهو يقول احنا المفروض ما نسوي فترة خطوبة اصلا لان لان ما نحتاجها كلش بس اني ما كنت راضية نتزوج علشان ما اجيب لي بيبي و اكمل الدراسة اول و من كثر حنتة وافقت بس بشرط مافي بيبيلين ما اتخرج و اهي اوردي كانت اخير سنة لي و رظه
و تزوجنا نهاية 10 و ما كنا نبغي بيبي كلش فهمتون له؟؟؟;)
عاد دخل علينا محرم و اني كل ما اشوف وحدة او واحد ويا ولدهم يصير خاطري في واحد و اشوف ربعي بدبيبهم ويزيد و بنت خالتي و بنت حماتي و احس روحي ما ادري شلون:rolleyes:و قررت اني اجيب بيبي و كنا اهني في عطله الربيع و كان يوم الاربعين و كان زوجي رايح المنامة و اني في البيت ما طلعت واخطط ودخلت عالنت و شفت ان هاليوم اهو احسن يوم للحمل على تاريخ الدورة عندي و صرت جذي:hysterical: و نطرت الرجل و......................
و عقب قلت لة ان الحين اوكي ابغي بيبي و اهم استانس اكييييد
و اخذ لنا يومين بعد هاليوم نحاول علشان البيبي و بعدين حسيت روحي خايفة و احاتي :badly: قلت له خلاص كنسلت ما ابغي :( قال براحتش و اهني ما كنا مخلين في بالنا خييير شر اني حملت لان ما اخذ لنا فترة و احنا نحاول<< ما شاء الله الحمد لله لا احسد روحي او زوجي
ووقنا المحاولات و بعدين قمت امارس حياتي عادي و كنت حاسة انه دبتي يبي لها شد و اخذ بتمارين البطن كم يوم و حسيت بالم عدل قلت مال الدورة عادي
و رحنا البر و هناك عاد ركض و اركب الفور ويل و اشيل و احط و ما ادري وش اسوي
و عقب كم يوم بدت الدراسة و اهني الدورة كانت متأخرة علي 6 ايام و قلت السالفة لصديقتي الصدووووقة لانها خبرة في هالسوالف الا تقول يا حامل يا تغيرات عادية من الي صار قلت لها ما احس روحي حامل ولا شي و تمت تقول اخذي تحليل و سوية في البيت و شوفي وش بتخسرين بس قلت بصبر لين ما اكمل 10 ايام اذا ما جت بحلل
و هالايام كنت كلة انام و بيت عمي و زوجي استغربو مني كلة نايمة :-o وقامو يسالوني و قالو يمكن حاااامل:Dو اني كلة اقول لهم لاااااااا
و في سابع يوم في اول سكشن تمت تقول لي صديقتي سويتين او لا قلت لها لا الا تقول للتيجر اكي زهرة تعبانة و بوديها المستشفى و قال اوكي و طلعنا ورحنا هارديز اكلنا و سيدة راحت الصيدلية و اخذت لي جهاز و قالت جيكي وش بصيدش
رجعت البيت و تغديت و قعدت شوي ويا بيت عمي و جتني النومة كالعادة و انسدحت ابغي انام و ما عرفت قمت و طلعت الجهاز و قريت التعليمات و قلت خل اجرب و سويت التحليل و خليت الجهاز مقلوب على التعليمات يعني ما اشوف الخطوط و تميت افكر و اقول يمكن حامل و اسوي جذي:biggrin: و يمكن لأ:badly: اهم كاتبن دقيقة ما ادري دقيقتين و اني خليتة يمكن ربع ساعة خايفة لا اطالعة و بروحي ما ادري وش ابغي يطلع اي او لا
و فلت بسم الله و صكيت عيوني و قلبتة و فتحتها شوييييي اطل علية الا اشوف خطين :woo::woo:و قمت اضحك و اصيح و اناقز في الحجرة استانسسسسسست عدل و زوجي كان عالدوام و اتصلت له و ما رد و قمت لبست العباية و الشيلة فوق البجامة و ضربت سلف و طيران لعندة الا اهو متصل يوم اني قريب الشغل و قلت له اني قريبة و طلع لي و ركب السيارة و طلعت له باكيت الجهاز و قلبتة و قمت اقول له هذا مال الحمل انت تدري انها متاخرة و قلت بجيك
و قال انزين شفتين اولا ,, قلت له اي
و قلبت البكس و قلت له جذي شكلة قبل ما احلل فاضي ,, قال زيين
و جذي اذا كنت حامل يطلع خطين ,,, و اذا لا يطلع خط واحد بس
و عطيتة اياه و طلعاة و شاف الخطين سوة جذي:biggrin: و شغل ليت السيارة و قام يدقق اكثر:hysterical:
و قال هذا اكيد او شلون؟؟؟ روحي سوي تحليل في المستشفى احسن
و رحت المستشفى و سويت و طلعت لي مثل الافلام تقول لي مبروووك انتي حامل:)
و انه :hysterical::hysterical: و زوجي كان عالخط ويايي طوووول الوقت و اهو يقول الحمد لله الحمد لله
و رحت بيت ابوي بقول لهم الا محد هناك انصلت لابوي و قلت له و قال قعدي في البيت بجييييش الحين و جة و قام يحضني و باسني على راسي:o لاول مرة و كان مستانس حدة و اني قمت اصيح لاني تذكرت مامتي :'( :'(ما اشوفة الا يقول الله كريم انشاء الله تقومين بالسلامة و اذا جبتين بنية سميها عليها ... قلت شلوووون عرف;) فنان باباتي
و قام يعطيني نصايح لا تشيلين شي ثقيل,,و لا تسوين جذي وووووووووووو و يوم خلص قال لي ان اخواني طالعين رايحين يتعشون و قال بوصلش ليهم^o) شالسافة عندي سيارتي بروح بروحي... ووداني لهم و عطاني فلوس و رد باسني و قال امش بتسانس لش الحين انتي لا تزعلين روحش مو زين لش
و عقب ما رجعت من طلعتي رحت البيت قلت قبل ما يجي الا اهو هناك و مبدل ثيابة قال طلعت من الشغل خلنا نطلع وداني تعشيت و اخذ لي كيكة و يوم وصلنا البيت طلع لي هديتين قال وجدة لش ووحدة للبيبي
و فتحت العودة اول كان فيها بوكس و فيه عطر بمفسج المركز و البخاخ :adore: احبة هالعطر
و الصغنووونة كان فيها عطر مال البيبيات الي من جنيد بعد:L::L:
و توتة توتة خلصت الحتووووتة

يالله نامووووو:019:

روح روحي;12707123:

مرحبا

مبروك افتتاح التجمع الجديد

اليوم كان عندي موعد في المركز

وصلت المركز الساعة 7 و ثلث و توقعت انه بتكون قدامي 2 او 3 و ما دخلت الا انصدم المكان متروس و جان يصير شكلي جذي :hysterical:

المهم قعدت انطر و بعد تقريبا ثلث ساعة نادوني و دخلت و جيكت الضغط و الطول و الوزن ،، وصلنا للوزن :(

قبل الحمل كان وزني 55 و الحين بعد الحمل و بعد 5 شهور صار 60 :'(

و عقب رحت الغرفة الثانية و سمعتني النبض مال البيبي ،، و عطتني موعدي الجاي تاريخ 18 - 8 و موعد الالترا ساوند تاريخ 30 -8 و دمي كان 10 الا تقوليي دمش ناقص بعطيش حديد >> اقول في خاطري مستحيل اشربه :lol:

و بس على الساعة 8 و ثلث بالضبط خلصت يعني خذيت ساعة كاملة

و بس