الوافـية;12700132:
اهللين حبك شخبارش
وبالعافيه عليكم الكيكه :) اني بعد احب هالكيكه وخصوصاً اذا فيها جوز
أم زهاري;12700157:هلا رفيقة دربي
بالعافية عليكم الكيكة
الوافـية;12700236:
قاعده اقراه التجمع الاول حده فن هههههههه الناس توها تدري انها حامل
انا اعتقد يوم ادخل واقول اني حامل يا التجمع الثاني او الثالث ماني متذكره بالضبط متى
الوافـية;12700349:
وانتين حبك وش كان شعورش .. وش كان شعور زوجش ؟؟
الوافـية;12700450:
ام زهاري ادري انه السمج مفييد بس من بدايه الحمل تنسيت عليه والحين ماطيقه
حبك بلاااوي قصتش هههههههههههههههههههههههههه ضحكني السكيورتي الفضولي وانتون عطيتونه وجهه بعد
ورجلش مسكين من الفرحه صاده اسهال هههههههههههههههههههههههه
والله يتمم علينا جميعاً ونشوفهم بحضنا :)
الوافـية;12700502:
خخخخ حلووه ما بيسكت من الفرحه اكيد يبي يقول لاي احد ههههههههههههه ومالقى الا السيكورتي الفضولي
اني الالم كان مثل الم الدوره بالضبط حتى قلت بتنزل اكيد وكان خطوبه اخووي ورقصت رقص اني وزهور بنت خالي
وعقب ما حللنا والتقينا في بعض قمنا نضحك الله حفظنا صدق
الوافـية;12700515:
حبك شووفي هذي اول قائمه كانت صغنوونه خخخخخخخخ تضحك واللي كانو في التجمع الاول وللحين ويانا في نفس الاشهر
بقايا وعشووق وايماني قوي ولوليتا مادري وين راحت عفر في تجمع اكتوبر
قــائمــة أمهـــات نوفمبــر بإذن الله
لـولييتـا .......... 1 - 11 - 2010
عاشقة قلبي .......... 1 - 11 - 2010
بقَايا حُلمْ .......... 4 - 11 - 2010
ايماني قوي .......... 6 - 11 - 2010
الوافـية;12700631:
اي والله صدق الله حفظنا
حبك جان صورتين الكيكه خخخخخخخ عشان نتشجع ونسوي لينا له هههههههههههههههه
خبرش للحين احنا مصفعين ونشفي على الاكل
جحة حمرة;12702335:
حبك حياتي بقول لش شلون عرفت اني حامل خخخخ .. بقول القصة بالتفصيل الممل .. لأني احس روحي كنت هبلة حدي خخخخخخخخخخخخ
اني دورتي مضبوطة مثل الساعة .. تجيني كل ثمانية وعشرين يوم .. فمتعودة انها منتظمة حدها .. المهم في شهر يناير .. تأخرت عليي وكنت حدي مستغربة .. بس كنت احس انها في الطريق خخ فما فكرت اني احلل .. وعقب خمسة ايام نزلت عليي .. وفي شهر فبراير تأخرت عليي ثلاثة ايام بعد .. المهم في شهر مارس .. قبل موعدها بعشرة ايام تقريبا قررت اني اسوي رجيم ورياضة خخ .. وقمنا كل يوم نروح دوحة عراد نمشي ثلاثة كيلو .. ويوم اللي ما نروح عراد نروح ساحل ابو صبح نتمشى .. وقمت اسوي رياضة البطن .. يزعم كان عندنا عرس عقب شهرين وابغي اصير سمبتك خخ ..
المهم وجا موعد الدورة وهي ما شرفت لكن كنت حاسة بآلامها واعراضها .. وكنت على طول احس بأنها شرفت اروح اتأكد وما اشوف شي .. المهم كنت كلشش ملششش مو حاطة في بالي اني حامل .. ليش ما ادري .. وعلى فكرة اني من عرست ما مرة سويت تحليل حمل لأنها اولا كانت منتظمة والشهرين اللي تأخرت فيهم كنت حاسة بأعراضها ..
المووهيم .. عقب ما تأخرت باسبوع قمت احاتي وقلت اكيد هرموناتتي متخربطة .. وقلت اي والله الكبر شين .. كنت محللة الهرمونات ومن فترة كان كلشييي اووكي .. بس قلت هذا ثالث شهر تتأخر يعني هرموناتي تخربطت .. فقلت اول ما تشرف يوم ثاني بروح اعيد تحليل الهرمونات عشان اتطمن .. >> ولا جا في بالي ولا واحد بالمئة اني احلل تحليل حمل :worn_out:
الموهيم ذيك الليلة غيرنا مكان مشينا ورحنا ممشى عالي وبس اخذت فرة وحدة وحسيت روحي تعبانة مو قادرة امشي ورجعنا البيت .. يوم ثاني في الدوام كنت قاعدة في مكتبي مرة وحدة حسيت ان نوع الهبوط صايدني يعني كأن شي في جسمي طايح من فوق الى تحت :D .. فقلت اول ما افضى بمر المختبر يجيكون ليي الاتش بي وبروح التمريض يجيكون ضغطي .. قلت اييي اكيد من الرجيييم ولو انه ما كان رجيم رجيم خخخخ
عاد ما مداني امر المختبر ولا التمريض كان عندي شغل واجد .. رجعت البيت واني بعدي دايخة وتعبانة وقلت بالليل بتصل الى صديقتي هي تشتغل في المختبر بشوفها اذا على الزام بمر عليها .. جت الليل وجت خمس وست وسبع وثمان ورجلي شكله مو ناوي يطلع كان متخدر ونص نايم ونص قاعد لحد تسع الا ربع قال يالله قومي .. قلت عقب ويش الحين بيقفلون المركز .. فقلت يالله عجل ودني بشتري ليي كنار من سوق واقف خخخخ
واني في الطريق اتصلت الى صديقتي اللي في المختبر طلعت للحين على زام وتقول زامها الى 11 :lol: .. قلت عجل بمر عليش تجيكين الاتش بي مالي .. واني في طريقي ليها افكر واقوول في طلعتي بمر بشتري ليي اناناسة عشان تشرف الدورة مصختها عاد .. المهم رحت ليها ودخلت المختبر وزوجي ينتظرني برا .. من شافتني الا تقول وجهش متغير لايكون حامل .. قلت ليها لا يزعم اسوي رجيم ووجهي شوي ضعفان والله جسمي ولا تغير خخ .. وقلت ليها الدورة متأخرة عليي ثمانية ايام ومو راضية تنزل .. قالت يمكن حامل يالله بسرعة بسرعة روحي جيبي عينة وبنشوف .. قلت ليها مو حااامل اكي اعراضها كلها موجودة بس متغصغصة .. المهم جيكت ليي الاتش بي وما رضيت اسوي تحليل الحمل من زود الثقة ان ما في حمل .. وظليت اسولف وياها واني وياها حسيت اني محتاجة الحمام .. الا تقول ليي وانتين رايحة الحمام جيبي عينة خخخخخخ .. قلت مو مشكلة .. جبت العينة واني واااثقة 100% ان ما في شي ..
المهم .. من حطت الشريط .. ما اشوفها الا تقول بوسيتيف >> اني فهيت .. ادري بوسيتيف يعني موجب ويعني حامل بس من الصدمة يمكن .. قلت ليها هااا يعني ويش .. وقبل ما استوعب السالفة حضنتني وقالت ليي مبروووك .. واني كان وجهي جدي :biggrin: مو مستوعبة .. تقول شوفي اكو خطين .. واني بعدي جدي :biggrin: لا واقول ليها جيفة ؟!! خخخخخخخخخخ .. حسيت اني مو قادرة اوقف على رجولي ودموعي نزلت .. المهم طلعت الى زوجي الى يقول ليي هاا كلشي اووكي ؟ الا اقول ليه مبرووك اني حامل خخخخخخ .. حسيته انصدم .. وسكت ما تكلم لحد ما وصلنا السيارة .. يوم دخل السيارة الا يقول صدق ؟ .. قلت ليه ايييييييييييي حااامل .. واستانسنا ومرينا صيدلية رويان قلت ليهم ابغي اختبار تحليل حمل .. احسن نوع عندكم عطوني نوع بأربعة ونص .. رجعت البيت وحللت مرة ثانية عشان اتاكد بعد خخخخخ .. وطلع خطين بعد ..
كانت مفاجأة غير متوقعة كلششششششششششش ..
ادري قلت ليكم قصة حياتي بالتفصيل الممل .. لكن كان يوم حليو ومميز كان تاريخ 14\3 \2010 .. ومن رجعت البيت مباشرة قمت ادور في غوغل عن مواقع عشان اشوف متى بولد .. وعقب دخلت عرووس .. كنت ادخل بيوزر مو مالي .. وشفت موضوع تجمع بنات نوفمبر وكنت ابغي اشارك وياهم .. فسويت ليي يوزر وانتظرت لحد ما يفعلونه وشاركت خخ
وتوتة توتة خلصت الحدوتة :D