افكارنا وتجهيزاتنا استعدادا لاستقبال المولود التانى ...

أم حموودى القمر;12664049:
موضوع جميل ياشوشو ياريتك عملتيه من زمان علشان كنت اشترك معاكم فى التجهيزات

ربنا يعينك ويقومك بالف سلامة ان شاء الله

انتى فعلا ابدأى فى فرز الهدوم وان شاء الله مش هتحتاجى تشترى كتير

وبالنسبة لتخزين الاكل اللى تقدرى عليه اعمليه من دلوقتى انتى مش ضامنة نفسك بعد شوية اكيد التقل بيزيد

وبالنسبة للصيام انتى ليكى رخصة وانا حامل فى محمود كنت فى السابع ويعتبر فطرت اغلبه يعنى صمت 10 ايام بس منه لانى كنت تعبانة وكنت بهبط جامد بس اتفقى مع زوجك لو كنتى هتقدرى تعوضيهم او هيطلع مكانهم فلوس لاطعام مسكين عن كل يوم هتفطريه واعتقد الحل ده احسن لانك هتكونى بترضعى بعدها والقضاء هيكون صعب جدا

انتى فيها اهو يا سالي
اكيد كل فترة هتبقى عايزة تجيبي هدوم لفله

الصيام اصلا انا عليا فيه كتير
لانى بحثت في الموضوع وسالت لقيت ان عن كل يوم فطرتيه يا بتعوضيه بعدها او لو مش هتقدري بتطلعى فلوس اطعام ولكن ده ميجزاش عنك ان لازم تصومى الايام دى برضو

يعنى من الاخر لازم يتعوضو
وانا بقالي 3 رمضانات واحد منهم كنت في الشهر التالت وكنت برجع عليا فيه ففطرت اغلبه ومقدرتش اصوم واللى بعديه كنت برضع
بس صمت اغلبهم

بصو يا بنات انا لقيت حاجه عالنت اهى تساعد في التنضيف خصوصا واحنا كمان داخلين على رمضان والعيد والناس اللى ولادتهم قربت وعايزين حاجه تساعدهم في التنضيف

نفسك تنظفي الشقه علشان نستعد لرمضان عند الحل هو الاسفنجه السحريه اسمه تنظيف المستحيل من سكوتش برايت عبارة عن عدد (2) اسفنجة انا اشتريته من الجمعيه في شارع بغداد بالكربه بمصر الجديد السعر 10ونص بتبليها وتعصريها بسيط وتمسحي بيها الحيطة وبعدين تنشفي بفوطة نظيفة بصراحة هي مفعولها رائع جداً فعلا سحرية بتنظف بدون أي مجهود خالص بس عيبها الوحيد أنها بتخلص بسرعة جداً عن تجربه بس جربيه كانك لس دهانه الشقه عن تجربه تلمع الدهان عن تجربه بس الدهان القبل للغسيل 1- تزيل البقع والاوساخ واللطخات من علي الجدران الابواب والارضيات 2- تزيل البقع والاوساخ كاسحر وهي المساعد الاول لربة المنزل ملحوظه و تنبيه اختبريها اولا علي منطفه غير ظاهره باستخدام ضغط خفيف لا تستعمليها مع مبياض ولا مسحوق فقط استعملي الماء والصور هي دي

دلوقتى تقريبا الاوكازيون شغال
فرصه ننزل نشترى هدوم للبيبي الجديد ولو ان غالبا مبتنزلش في الاوكازيون
بس هتبقى فرصه حلوة نجيب لولادنا لبس العيد وكمان اللبس اللى هيلبسوه لما البيبي الجديد يشرف بالسلامة ان شاء الله
هما يعنى ملهمش نفس

شهيدة;12665166:
انا امبارح طلعت جزء كبير من الهدوم بس فعلا ملقتش مكان احطهم فيه لانى كنت جايبه زى دى كده لعمر بس هيا مش جزامة

وكنت حاطة فيها هدومة وفيها حتى مكان لتعليق الهدوم بس حاليا مش واخده غير هدومة علشان كده بقول اجيب اوضه اطفال واخلص

المهم لقيت شويه هدوم منهم كده مصفره او فيها بقع صفرا حاطتها في الغساله وحطيت عليهم كلوركس الوان
يارب الصفار ده يروح

لو حد عنده فكرة تانيه ياريت يقلي عليها لان لسه باقي الهدوم اما اطلعها ممكن الاقي نفس المشكله


المهم انى لقيت هدوم عندى مكتوب عليها 3 وهدوم 6 يبقى كده 0-3 و3-6
اصل قعدت احسبها باللخبطة اللى انا فيها
قلت لو 3 من 0-3 يبقى 6 معناها 6-9 معرفش ليه
اوقات كده الواحد دماغه بتبقى غريبه اوى
ههههههههههههه



ازيك يا شوشو؟
بصي انا اصلا اتصدمت من حجم الهدوم بتاعت البيبي المولود
الواحد نسي الحجم ده خالص
ههههههههههه

نفس مشكلتى بس انا وقت عمر كنت جايبه الهدوم خريفي اكتر يعنى الاغلب كان نص كم فده هيفيد بس عايزة اجيب كام حاجه كده بكم
والمشكله هتبقى بعد شهر او اتنين اما الجو يشتى هتضر اشترى كله من اول وجديد

صحيح هوا النص التانى من شهر 9 واول 10 يبقى الجو فيه عامل ازاى؟
تفتكرو يعنى احتياجات البيبي هتبقا ايه؟

شهيدة حلوة فكرة الدولاب بتاع عمر دي
انا نفسي اعمل حاجة كده بس للاسف الاوضة عندي كومبليت ومش فيها اي مكان خالص لدرجة اننا فكرنا نعمل دولاب نقفل بيه الكميبوتر ومن فوق يبقى ارفف كده ارص فيها هدوم معاذ والبيبي ان شاء الله
بس لسة فكرة جوزي قال لي عليها ولسة عاوزين ننفزها ان شاء الله بقى

وبالنسبة للهدوم لو البقع مش راحت بالكلوروكس ف الغسالة ممكن تحطي على القعة كلوروكس بيطون مركز يعني تحطي على البقعة وتدعكيها بس هتبقى شغلانة شوية بس ان شاء الله البقع تروح في الغسالة على طول وحاولي تحطي كلوروكس كتير بقى عشان البقع تروح بسرعة

والجو اخر 9 و10 مش بيكون برد شهر 9 بيكون لسة الجو حر شوية البرد بيبدا من 11 تقريبا يعني ممكن تستخدمي برضو لبس عمر لان عمر في بداية الصيف والبيبي التاني في نهايته

شهيدة;12666197:
دلوقتى تقريبا الاوكازيون شغال
فرصه ننزل نشترى هدوم للبيبي الجديد ولو ان غالبا مبتنزلش في الاوكازيون
بس هتبقى فرصه حلوة نجيب لولادنا لبس العيد وكمان اللبس اللى هيلبسوه لما البيبي الجديد يشرف بالسلامة ان شاء الله
هما يعنى ملهمش نفس

اعتقد دلوقتي مافيش اوكازيونات يا شهيدة لان العيد داخل وده موسم استحال ةيكون في اوكازيونات في موسم
ولا ايه
ولو اوكازيونات هتبقى الهدوم صيفي هتجيبي بقى للسنة الجاية ولا ايه وممكن ماتكونيش عارفة مقاس البيبي هيكون اد ايه بالظبط

شهيدة;12665889:
بصو يا بنات انا لقيت حاجه عالنت اهى تساعد في التنضيف خصوصا واحنا كمان داخلين على رمضان والعيد والناس اللى ولادتهم قربت وعايزين حاجه تساعدهم في التنضيف

نفسك تنظفي الشقه علشان نستعد لرمضان عند الحل هو الاسفنجه السحريه اسمه تنظيف المستحيل من سكوتش برايت عبارة عن عدد (2) اسفنجة انا اشتريته من الجمعيه في شارع بغداد بالكربه بمصر الجديد السعر 10ونص بتبليها وتعصريها بسيط وتمسحي بيها الحيطة وبعدين تنشفي بفوطة نظيفة بصراحة هي مفعولها رائع جداً فعلا سحرية بتنظف بدون أي مجهود خالص بس عيبها الوحيد أنها بتخلص بسرعة جداً عن تجربه بس جربيه كانك لس دهانه الشقه عن تجربه تلمع الدهان عن تجربه بس الدهان القبل للغسيل 1- تزيل البقع والاوساخ واللطخات من علي الجدران الابواب والارضيات 2- تزيل البقع والاوساخ كاسحر وهي المساعد الاول لربة المنزل ملحوظه و تنبيه اختبريها اولا علي منطفه غير ظاهره باستخدام ضغط خفيف لا تستعمليها مع مبياض ولا مسحوق فقط استعملي الماء والصور هي دي

طب كويسة اوي دي يا شهيدة بس هتنضف ازاي لواحدها من غير مسحوق ولا اي حاجة
انا المطبخ عندي عاوز تنضيف جامد اوي وطبعا عاوزة ان شاء الله اعمله قبل رمضان بس كنت قريت ان النشادر كويس في ازالة الدهون بسرعة وبرضو مش بتحتاجي سلكة ولا ليفة هي قطعة اسفنجة وتبليها في النشادر ومعاه شوية ميه وصابون سايل وبتنضف حلو جدا وبسرعة جدا
عاوزة اغسل الشفاط والحيطة من فوق البوتاجاز طبعا وخايفة حاساها عاوزة شغل جامد
ربنا ييسر

ايمان لا حاليا شفت محلات كتير عاملة 30% و50% محلات اطفال ومحلات ملابس لينا كمان

انا بفكر انزل اجيب لحمودى وفلة لبس العيد لو لقيت حاجة لقطة فرصة اجبها واعينها

لانى مش ضامنة وقتى فى رمضان

انتو كمان انزلو من دلوقتى احسن قبل التقل وكمان رمضان النزول فيه صعب وزحمة رهيبة

أم حموودى القمر;12667658:
ايمان لا حاليا شفت محلات كتير عاملة 30% و50% محلات اطفال ومحلات ملابس لينا كمان

انا بفكر انزل اجيب لحمودى وفلة لبس العيد لو لقيت حاجة لقطة فرصة اجبها واعينها

لانى مش ضامنة وقتى فى رمضان

انتو كمان انزلو من دلوقتى احسن قبل التقل وكمان رمضان النزول فيه صعب وزحمة رهيبة

ايوة فعلا يا سالي انا ان شاء الله ناوية انزل قريب قبل رمضان يعني اليومين دول
بس مش هجيب حاجة للبيبي دلوقتي لسة بعد العيد ان شاء الله كده ولا حاجة وهجيب لبس لمعاذ واشيله للعيد افضل من الخروج في رمضان

طب محلات التخفيضات فين ؟
ع المشاية ولا فين

اه يا ايمان لمحت كام محل كده على المشاية هما اللى عاملين التخفيضات وبيانو بيانو برضه عامل 30%

لا يا ايمان الاوكازيون ابتدا فعلا

امبارح رحت داندى مول ولقيت اغلب المحلات عامله خصومات زى مذر كير وادم كيدز وويف
بس مش عارفه الهدوم اذواقها مش عاجبانى خالص
والحاجه اللى تعجبنى اوى الاقيها فوق ال 200
فاستغليتها ومجبتش حاجه

انا بحب اوى اروح اوركيدز ولفلي اذواقهم احلى كتير
كمان في محل سمعت عنه هنا اسمه جاد غنيم بيقولو بيبيع الهدوم الماركات بس الخاصه بالسيسون اللى فات وبتكون بخصومات 50%


الله المستعان
المشكله انى تعبت جدا امبارح وكنت حاسه انى هموت من كتر التعب والدوخه

السفنجه اللى قلتلكم عليها حاولت اشوفها واجيبها للاسف ملقتهاش
هحاول ادور عليها لان عندى برضو اماكن في الحيطة عايزة تتنضف ده غير طبعا المطبخ

طيب سؤال مهم
البيبي لما يتولد في نص 9 ينفع يلبس نص كم او كت؟
ولا هيبقى كله بكم؟ وياترى هيلبس كان حاجه فوق بعض؟
مش عارفه محتارة اوى


اه وسؤال كمان
بالنسبه للبامبرز انا ناويه اجيب بيبي جوى
اجيب لحديث الولاده اللى هوا لحد 4 كيلو ؟
ولا اجيب مقاس 1 وتقريبا بيكون من 3-6 كيلو؟

شوشو بالنسبة للبس انتى مش هتقدرى تحكمى غير فى ساعتها انتى عموما هيبقى عندك الكم والكات والنص وابقى لبسى تبع الجو بقه بس متهيألى هيكون لسه حر لان 9 ده هيكون العيد والناس هتشترى صيفى ونتهيالى 10 كمان هيبقى حر الصيف السنة دى داخل بقوة اوى

بالنسبة للحفاضات انا مش بحب بيبى جوى كان بيسرب مع محمود خالص

وحديثى الولادة بتاع فتحة السرة وجيب البوبو ده وحش جدا

انا بستعمل كوتشى لفله جميل جدا هتلاقيها فى المحلات اللى بتبيع المناديل والمنظفات جملة

وفاينى كمان حلوة اوى

البامبرز المصرى وحش معاها جدا وبيسرب وهو لسه فاضى

الله يسهل ع الجميع

شهيدة;12675067:
لا يا ايمان الاوكازيون ابتدا فعلا

امبارح رحت داندى مول ولقيت اغلب المحلات عامله خصومات زى مذر كير وادم كيدز وويف
بس مش عارفه الهدوم اذواقها مش عاجبانى خالص
والحاجه اللى تعجبنى اوى الاقيها فوق ال 200
فاستغليتها ومجبتش حاجه

انا بحب اوى اروح اوركيدز ولفلي اذواقهم احلى كتير
كمان في محل سمعت عنه هنا اسمه جاد غنيم بيقولو بيبيع الهدوم الماركات بس الخاصه بالسيسون اللى فات وبتكون بخصومات 50%


الله المستعان
المشكله انى تعبت جدا امبارح وكنت حاسه انى هموت من كتر التعب والدوخه

ان شاء الله انزل اشوف الاوكازيونات كده عشان لبس العيد انما البيبي مش دلوقتي خالص لسة عاوزة افرز الهودم اللي هنا بتاعة معاذ الاول واشوف ايه اللي ناقص

وبلاش تجهدي نفسك يا شهيدة واحدة واحدة لسة بدري واشتغلي براحتك عشان ماتتعبيش
ربنا يعينك يارب

شهيدة;12675102:
السفنجه اللى قلتلكم عليها حاولت اشوفها واجيبها للاسف ملقتهاش
هحاول ادور عليها لان عندى برضو اماكن في الحيطة عايزة تتنضف ده غير طبعا المطبخ

طيب سؤال مهم
البيبي لما يتولد في نص 9 ينفع يلبس نص كم او كت؟
ولا هيبقى كله بكم؟ وياترى هيلبس كان حاجه فوق بعض؟
مش عارفه محتارة اوى


اه وسؤال كمان
بالنسبه للبامبرز انا ناويه اجيب بيبي جوى
اجيب لحديث الولاده اللى هوا لحد 4 كيلو ؟
ولا اجيب مقاس 1 وتقريبا بيكون من 3-6 كيلو؟

بصي يا شهيدة نص 9 بيكون حر لسة شوية يعني ممكن البيبي يلبس نص كم عادي وكمان انتي هتعرفي من وقت الجو ساعتها يعني خليكي تبع الجو
ولو انتي عندك حاجة عمر بكم يبقى تجيبي حاجات نص كم والعكس صحيح بقى بحيث يبقى عندك الاتنين لان الجو في 9 مش مضمون اوي

البامبرز بقى متهيالي لحد 4 كيلو هيكون اصغر وهيكون احلى
اللي لسة والدين بقى هيفيدوكي وسالي ماقصرتش يعني

انا جبت بيبي جوزي شوية مع معاذ ومش عجبني وفي الاواخر كده كنت بستخدم سانيتا بامبي على طول وكان تحفة معايا الحمدلله
ان شاء الله هبقى اجيبه للبيبي اللي جاي

سيمفونيه;12682195:
الله يسهل ع الجميع

امين ياااااااااااااااارب

بنات انتو فيييييييييييين

بقول لكو ايه مين عنده سرير واحد ف اوضة الاطفال
انا عندي سرير واحد ومش عارفة لما البيبي الجديد هينام فين
انتو هتعملو ايه ف الموضوع ده ولا اوض الاطفال عندكو سريرين ؟

ايمى
ازيك وازى ميزو؟

بصي انا لسه مجبتش اوضه اطفال بس ناوية اجيبها سريرين باذن الله

انتى عندك حلين كويسين بس لو تعرفي نجار كويس ويقدر يفيك هيبقى حاجه كويسه

ممكن تعملى سرير دور تانى فوق سرير ميزو وده بيبقا حلو علشان مساحه الاوضه

وفي حل لقيته في بعض المحلات اللى بتعرض اوض الاطفال بيكون السرير التانى تحت سرير ميزو مكان السحارة كده ويتشد لبره وقت النوم

بس اللى عاجبنى اكتر موضوع السرير دورين

هحاول برضو اوريكي صور ليهم علشان يبقو واضحين

امبارح نزلت قلت اشوف هدوم البيبيهات وجبت تقريبا اغلب الحاجات اللى ناقصه بحسب ما افتكرت بعد عمله عمر

ممممم

بس ايه رايكم هلحق البس البيبي نص كم في نص 9 او اخر 10 ؟
مع العلم ان شقتى حر موووووووووووووت لانها قبلي غربي

قولولى بقا لانى لقيت سلوبتات تحفه نص كم ومسكت نفسي بالعافيه وجبت واحد

ايمان

نصيحه حاولى تحصري الحاجات اللى انتى محتاجه تعمليها وتشتريها

وتقسميها على شهور الحمل

لان الاسعار بقت نااااااااااااار وهتلاقي المصاريف كتير وقت قبل الولاده

فمتغلطيش غلطتى وحاولى توزعي مشترياتك واحتياجاتك سواء ليكى او للبيبي او لميزو او حتى للبيت

شهيدة;12709650:
ايمى
ازيك وازى ميزو؟

بصي انا لسه مجبتش اوضه اطفال بس ناوية اجيبها سريرين باذن الله

انتى عندك حلين كويسين بس لو تعرفي نجار كويس ويقدر يفيك هيبقى حاجه كويسه

ممكن تعملى سرير دور تانى فوق سرير ميزو وده بيبقا حلو علشان مساحه الاوضه

وفي حل لقيته في بعض المحلات اللى بتعرض اوض الاطفال بيكون السرير التانى تحت سرير ميزو مكان السحارة كده ويتشد لبره وقت النوم

بس اللى عاجبنى اكتر موضوع السرير دورين

هحاول برضو اوريكي صور ليهم علشان يبقو واضحين

الحمدلله يا شهيدة تمام
انتي ايه اخبارك وعمر عامل ايه

انا متخيلة فكرة السرير اللي بتقولي عليه بس للاسف لو عملت سرير بدورين الشباك هيتقفل للاسف والاوضة مافيهاش مكان انقل السرير فيه
بس انا عندي كنبة ف اوضة معاذ بتتفتح سرير بس مش عارفة هيبقى ايه نظام النوم عليها بس مش قدامي غيرها اني استخدمها بقى

شهيدة;12709678:
امبارح نزلت قلت اشوف هدوم البيبيهات وجبت تقريبا اغلب الحاجات اللى ناقصه بحسب ما افتكرت بعد عمله عمر

ممممم

بس ايه رايكم هلحق البس البيبي نص كم في نص 9 او اخر 10 ؟
مع العلم ان شقتى حر موووووووووووووت لانها قبلي غربي

قولولى بقا لانى لقيت سلوبتات تحفه نص كم ومسكت نفسي بالعافيه وجبت واحد

طب كويس يا شهيدة مبروك الحاجات اللي جبتيها للبيبي
يتهنى بيهم يارب

تقريبا نص 9 هيكون لسة حر وهتلحقي تلبسي البيبي نص كم ان شاء الله
بس بلاش تكتري من الحاجات النص كم لان البيبي بيكبر بسرعة وكمان هي كلها نص شهر وهتلبسيه بكم بقى

شهيدة;12709711:
ايمان

نصيحه حاولى تحصري الحاجات اللى انتى محتاجه تعمليها وتشتريها

وتقسميها على شهور الحمل

لان الاسعار بقت نااااااااااااار وهتلاقي المصاريف كتير وقت قبل الولاده

فمتغلطيش غلطتى وحاولى توزعي مشترياتك واحتياجاتك سواء ليكى او للبيبي او لميزو او حتى للبيت

ايوة انا فعلا عاوزة اعمل كده
انا بتعلم منكو بشوف ايه غلطاتكو عشان مش اعملها ههههههههههههههههههه

بس مستنية بقى هنعمل الدولاب الاول بعد العيد ان شاء الله عشان اطلع الهدوم بقى وارصها في الدولاب وكده لان دولابي مش مستحمل خاااااااااااااااااااااااااااالص ونفسي اشيل منه هدوم معاذ