هذيــان;12680687:
حلم .. يتراوى لش الشي ما يضايق .. بس اذا انتين خاطرش تزوجين والظروف ماتسمح لش والناس بين كل يوم تسألش متى ومتى .. ولا عااد اذا هالسؤال يجي من نفس الاشخاص في كل مرة .. شي يقهر عدل :hysterical:
اقصد لو الخطوبة طولت على السنة .. وعقب تزوجو .. تنصحينهم يتأخرون في الحمل؟
ليش يتراوى لي ؟!..
ما مريت بهـ الشي مثلاً ؟!.. :p
مريت فيه ولفترة طويلة من خلال تجربة خطوبتي ,
وكانت الأسئلة تجيني من قبل الربع والأهل وحتى ناس من ديرتنا أنا مالي أي علاقة وثيقـة فيهم
تخيلي ناس ما يعرفوني ولا أعرفهم .. إهما بس يعرفون الماما أو البابا
يلاقوني بالشارع يسلمون ويسآلون : هااه فلانة متى العرس ؟!..
خصوصاً إني كنت مطولة في خطوبتي سنة تقريباً
حتى يوم إلي تطلقت الكل يسآل هااه متى بتعرسين ؟!..
تخيلي ؟!.. الوقاحة , بـ الرغم إن الكل يدري إني أنفصلت بس يبون يسمعونها مني : أنا تطلقت
بس الله وكيلج ما حطيت هالشي في بالي ولا أهتميت ولا شي :!!:
يعني يا سبحان الله ما آثر فيني ولا 1%
لأني بإختصار مو مستعجلة على العرس
وكل شي بيد الله
يعني بروح احط دوبي من دوب هالناس وظروفي كلها ما تسمح ؟!.. :thumbs_down:
شحاااااادنـي
عندي صديقة تمت مخطوبة لمدة 3 سنين ونص
وكانت ظروفها ما تسمح إنها تتزوج لأن ما عندهم مكان يعيشون فيه
بيت عمها مهدم وقاعدين يبنونه وكل فلوس زوجها راح على البنيان ومساعدة أبوه
لأن ما بنى لهم بيت إنما بنى عمارة كاملة , له ولأخوانه
ولا كان يقدر يسوي لها ربع حفلة في مآتم أو صالة صغيرة
مو بعد زواج وجذي
والله لو تشوفين ضحكتها شلون شاقه الحلق
وكل يوم تنسآل من قبل الزميلات + الأهل + الربع
وكانت تقولي وهي تضحك كل يتسآلون متى بعرس وحطمت الرقم القياسي .. و و و و
حتى بيت عمها إلي هم أعلم بالظروف يحنون عليها إهي وخطيبها متى بتعرسون ؟!..
تخيلي .. حمواتها ونسوان حميها يتسآلون ؟!.. ( لأن عمها كان متزوج 2 فـ كانوا وايد ما شاء الله )
أدري بها صديقتي كانت من داخلها متضايقة وحزينة :study:
بس كانت تقول ليش أتضايق وأزعل وأتكدر مردي أنا بعرس وكل شي بيصير أوكي ,
وهاي الصج مردها بتعرس فليش هالحزن بعد ؟.
اكا الحمد لله الحين صار لها سنة ونص تقريباً من تزوجت :D :D
وجابت ولد بعد
وعايشة أفضل عيشة ولله الحمد
يعني خيه ,
بإختصار وزبدة الحجي
إلي بيحط كلام الناس في باله هو إلي بيتعب :confused:
كلام الناس لا يودي ولا يجيييييييـب وهذي وجهة نظري وبتبقـى جذي , دائماً
ما احب أعور راسي مع الناس .. المهم قناعاتي
:thumbs_up: :thumbs_up:
|||
السمووره;12680791:
الله يبعد عنكم المشاكل ان شاءالله
مريومه حبيبي سوي الي يريحش وخاطرش فيه
لانه هذي ليلتش ومثل ماقالوا البنات سوى حنة وجلوة ولبسي الابيض لانه حلاوة العروس بالابيض وبعدها سافروا واستناسوا والله يوفقكم ان شاءالله ويجمعكم بالخير:)
....
اريج خيوو لو اتابعين هذي وهذي بتتعبين
كل واحد وظروفه يعني الوحدة ماتبي الله يجمعها بخطبيها بسرعةفي بيت واحد الا تبي لكن الظروف
وهذي الاسئلة اذا الوحدة انخبطت ها متى العرس؟8o|
انزين عرستينها متى بتيبين ياهل؟:|
احين الله رزقش ياهل لا تالي بيقولون ها متى بجيبين ليه اخو ولا اخت ؟؟:-o
آآآه وهذي الاسئلة دائما بس انتين سمعي من وطلعي الصوب الثاني والشي الي يقهر اذا نفس الشخص كرر السؤال !!
والله يرزق كل وحدة محرومة الذرية الصالحة وتقر عينها بشوفته:)
...
والحين جه دوري افضفض لكم
اني لاني مخطوبة ولا متزوجة
للحين بنوته وصغيرة بعد:o (توني 21)
السالفة ومافيها
انه بس وحدة تنخطب في العائلة او وحدة نعرفها
لازم ها سمووره لمتى انتين بعد يالله اكو فلانة انخطبت فلانة عرست
يالله خله حجي ... يفتك له يعرس بنتاته ويرتاح:-o
جيه وشالسالفة اروح اخطب الى روحي
الحمدلله عايشة احلى عيشه في بيت ابوي
واذا اقول بعدني صغيرة
يقولون يوو اكو فلانة اصغر منش انخطبت
اكي صديقتش جابت ياهل
بالعكس اني مو مستعيلة اصلا احمد ربي
لاني بعدني مو مستعدة
وكله الاهل اهم الي يقولون لش جذي
هذا كووم وكلام اقرب ناسي كوم ثاني
مرة كنه طالعين العايلة كلنا مع ازواجهم
مااشوف الا وحده تقولي يالله خاطرنا نتعدل ويصير عدنا عرس
وتقول حتى ازواجنا يتحركون
ليش وشفيني اني انقهرت من كلامها وااااااجد:(
ويوم قلت الى امي عصبت تقول جيه احنا فالتين بناتنا مانباهم وكل واحد ونصيبها
بالعكس اني امبي اقعد في البيت اونس امي وابوي لانه خواتي كلهم متزوجين فصاير خلي البيت
وبس:-#
والله يوفقك الجميع
بوووه خيـه
بعدج , بعدج كتكوتـة
أنا تراني بعمرج
وأعتبر نفسي صغيرة على العرس
والعرس يختج أرزاق ونصيب
إنتي توج 21 وجذي كلامهم
هذا لو إنتي 30 , شنهو بتكون ردة فعلهم
حطي في بالج شي مهم جداً
إن الزواج قسمة ونصيب
وكل واحد بهالدنيا ما بياخذ إلا نصيبـه
وإن شاء الله إنتي ما بتاخذين إلا رزقج ونصيبج
تصبري ورزقج جاي بإذن الله
مو الحين , باجر , مو باجر , بعد سنين
عيشي حياتج ,
درسي .. أشتغلي .. يعني الحياة زواج وإنجاب أطفال وبس ؟!..
والله شي غريب وعقليات أغرب :mad:
عيشي الدنيا بطولها وبعرضها
وإلي يقولج أي شي من هالحجي
سكتيه بكلمة واحدة وعيب عليهم يردون عقبها : قولي هذي قسمة ونصيب ولا أعتراض على كتبة ربي
ولا تعورين قبج أو تغثين أمج بهـ الكلام
توج , يختج .. توج
:)
|||
شجــن;12681025:
البنات اللي مخطوبين او متزوجين ..
يوم كنتون مخطوبين امهاتكم كانو يحنون عليكم علشان تتزوجون بسرعة ولا عادي ؟
وشنو اللي تغير من ناحية اهلكم بعد الخطوبة ؟
إي .,
كان في حنة وزنـة من قبل الأهل على موضوع العرس :lol:
الكل يقول يالله , ولمتى ؟!..
وخصوصاً أهل طليقي سابقاً
ما مدانا كملنا شهر إلا أبتدأ موال متى العرس
وطبعاً من حقهم الأهل
يا زعم نبي نفرح فيكم وجذي ..
عموماً ,
إلي تغير من ناحية أهلي لي
إنهم قاموا يعاملوني على أني كبيرة وايد
كبرت .. وطلعت عنهم ..
كانوا يخافون علي ويحاتوني في البداية وايد مب شوي
بس بعدين تحررت منهم وايد .. وهالشي كان بطلب مني , قلت لهم تراني ما عدت بنتكم الصغيرة أنا كبرت وتزوجت وهييييك
وخفوا الخوف علي
وصاروا يعاملوني معاملة الكبيرة المتزوجـة .. يحكمها زوجها وهو وصي ومسؤول عليها
حلوة هالمعاملة وايد :o
لأنها حسستني بالمسؤوليـة عدل
وقوت عودي :D
وخلتني أحس بالمرحلة إلي أنا عايشتها إني أنخطبت , وكا بتزوج وبنتقل للعيش مع زوجي قريب
بس طبعاً الله ما كتب أواصل وتطلقت
يا سبحان الله
رجعت مثل قبل وأخسسسس :|
بتهم الصغيرة إلي يخافون عليها من كل شي
وصاروا يعاملوني مثل أول قبل لا أنخطب , :worn_out:
وهاي شي أقل من الطبيعي ,
لأن هذي سنة الحياة
وكل أهل يخافون ويحاتون بنتهم سواء هي عندهم ولا عند زوجها