hoobie;12753879:
ندى ازيك ياقمر وازاي جوجو وحشاني بجد
وانتى والله يا هوبى وحشتينى كتيييييير جدا ووحشنى الكلام معاكى
توتى اقول رأيى بس بالله عليكى متزعليش منى
عشان خاطرى متزعليش انا بحبك وعايزة مصلحتك واكيد الطلاق مش هوا مصلحتك
احنا لو طبقنا الشرع فى حياتنا ومشينا زى ما ربنا بيقول ومشينا على السنة حنبقى مرتاحين
واللى انا اعرفه
ان الاولوية بالنسبة للراجل امه وابوه وبعدين مراته ربنا امره بكدة ومينفعش نعمل عكس ما ربنا امر
ولاولوية بالنسبة للمرأة جوزها يعنى واجب عليكى طاعة جوزك حتى لو عكس كلام ابوكى
جوزك امرك انك تطلعى لاهله يبقى تطلعى ومتقوليش كرامتى وما كرامتى ابلعيها كدة وروحى
ان شالله تروحى مكشرة ومبوزة ومبتكلميهومش
بس تريحى جوزك
ومفيش حاجة اسمها كرامة بين الازواج
يعنى انك تروحيلهم احسن ولا تطلقى وتفضلى فى مجتمع بيهين المطلقات وبنتك تتبهدل؟؟
بلاش الانفعال فى التفكير والعند ونشفان الدماغ
ايه اسوء حاجة ممكن تحصل لو روحتى؟؟
حتسمعيلك كلمتين وخلاص على كدة
ايه اسوأ حاجة لو مرحتيش؟؟
ممكن تتطلقى بعد الشر وبنتك تتبهدل ومش حيبقى سبب مقنع ليها فى بهدلتها بعد كدة
يا رب يكون كلامى دة بفايدة وميضيقكيش