رابطه امهات واطفال مصر بعمر السنتين ... لشهر شعبان

الحمد لله يا هوبي تمام اخبار محمد ايه

hoobie;12753823:
لا احنا عندنا الاسعار غاليه تعتبر يعني كنت في شقه 125 متر وبصراحه حلوه وتشتطيب كويس ومكان حلو بس كانت 750 جنيه في الشهر غير نور السلم والاسانسير واجرة البواب والميه وحاجات كده بتوصل الف كل شهر ..الشقه اللي اخدتها دلوقتي ايجارها 300 وميزتها الوحيده انها اولا مكان كويس وثانيا فيها غاز ..غير كده مفيهاش ميزه

وانتوا عندكم الاسعار ايه

طب ده كده تمام اوى احنا الاسعار عندنا اغلى يعنى مثلا شقتى ب500 وكنا دافعين 15 الف مقدم ولو وافق يجدد هتبقى ب 1000جنيه وفى حاجات ب800بس دور اخير ومفيش اسانسير وعندنا منطقة اسمها المشاية نضيفة جدا الايجارات فيها بتوصل ل الف ونص والفين فى الشهر

يتصفح الموضوع حالياً: 5 (5 من الأعضاء و 0 من الزوار)
‏أم حموودى القمر, ‏toty858, ‏lifedrop+, ‏hoobie

توتى انتى هنا ياحبيبتى اخبار مزاجك ايه دلوقتى والله دعتلك ربنا يصلح حالك انتى وزوجك ويصلح ما بنكم ويقدرلكم الخير يارب العالمين

انا هنا
بس والله مش عارفة اتكلم اقول اية
الدنيا باظتتتتتتتتتتتتتتتتتتتتتتتت

هوبا محمد تمام بس بقى شقي جدا جدا ربنا يهديه يارب وانتي النونو ازيها وشكل نودي وللا مختلفه عنها

سالي مش فاهمه ايجار جديد وتدفعوا 15 الف ليه يعني

بنات انا هاقوم بقه احاول انيم محمود عقبال ما الفجر ييجى اقوم اصلى وانام

السلام عليكم ورحمة الله وبركاته

ايه ده مالها توتي وجوزها والدنيا باظت ازاي يبنتي مش فاهمه

ندى ازيك ياقمر وازاي جوجو وحشاني بجد

اهو ياهوبي الحوار

من يومين جوزى اتصل بيا ويا اطلعلهم وكان مفيش اى حاجة واتنازل عن كرامتى يا اما ارجع ملقكيش في البيت
طبعا انا سبت البيت بعد الكلام دة وبابا زعل جدا وقالى مفيش نزول الا لما يجى ونعمل قاعدة كبار بئة
لان اصلا في الاجازة الى فاتت حمايا قال لجوزى بلغ حماك يجى يقابنى عندك في شقتك اللى هي شقتى انا وجوزى
وطبعا بابا اعتبرها اهانة لانة حتى مكلفش نفسة يتصل ويقولو عاوزين نعمل قاعدة
ووصل لحمايا ان بابا زعل من الحركة و ولا عبرة
المهم
اخو جوزى كلمنى امبارح كلام سخيف جدا
ماعلينا منة
بس وصل في الاخر انى انزل بيتى من نفسي كدة وابوة ينزلى يطلعنى فوق
ولما حكيت لبابا قالي لية هي سايبة تنزلى بيتك كدة بعد العك دة كلو اللى عاوزك يجيلك هنا احنا مش بيت يهود
جوزى كلمنى انهاردة الصبح قلتة حصل كذا كذا وكدة وهو كان عارف من الاول ان بابا واخد موقف ومش عاوز ينزلنى البيت اساسا
قالى طيب وقفل وقام متصل باخوة حكالة راح اخوة مكلمنى وقل ادبة جامد اسمعو قال اية
قالى انتى ابوكى بيكبر الموضوع واذا كان ابوكى عندو وقت يتكلم في كلام تافة ف انا معنديش وقت
واذا كان ابويا عندو وقت يتكلم في كلام اهبل مع ابوكى ف انا معنديش وقت ومش هسمح بكدة
وابئى بئة اتصرفي لما جوزك يجى مصر وحلوها سوا وراح قافل
وانا حكيت لجوزى على الكلام قالى ماليش دعوة
ولما حكيت لبابا الدنيا مولعة في بعض
وجوزى حتى مكلفش نفسة يكلم بابا
وخلاص الطلاق هو اللى هيحصل

hoobie;12753872:
هوبا محمد تمام بس بقى شقي جدا جدا ربنا يهديه يارب وانتي النونو ازيها وشكل نودي وللا مختلفه عنها

سالي مش فاهمه ايجار جديد وتدفعوا 15 الف ليه يعني

اه دفعنا 15 الف فى الاول علشان يشطب بيهم وبندفع نص الايجار ياهوبا يعنى 250 تخيلى بقه لما نجدد هتبقى من 250ل 1000جنيه فرق رهيييب غير الاكل والشرب والكهربا

احنا دافعين 200جنيه نور امبارح التكييفات شغاله ليل ونهار والله الجو موووت

لا حول ولا قوة الا بالله

مش عارفةى اقولك ايه والله يا توتى

بس لو الحياة هتبقى بالشكل ده مش هينفع

استنى لما زوجك يرجع بالسلامة واتكلمو بهدوء حوار التليفونات ده مش هينفع ده بيت بينهار وفى طفلة ما بنكم

انا رأيى تاجلو اى كلام لحد ما يجى مش بتقولى جاى فى شهر 8 تقريبا؟؟

لأا يا توتي ايه العك ده بصي انتي حاولي تهدي باباكي وخليه الابهات يخرجوا من الحوار ده وحليه مع جوزك بالهدوء كده ولو الموضوع اتأزم اوي حاولي تسكتي خالص الفتره دي وبعد شويه لما الناس تهدى افتحي تاني بالعقل ومنغير نرفزه

ام حمودي لا ده جنان حرام فعلا وغريب يعني شقه ايجار جديد انتوا تدفعوا تشطبيها ازاي يعني مكنتوا اخدتوا ايجار قديم بقى وفي الاخر اسمها بتاعتكم لمده 60 سنه يعني تعتبر ملك

والله انا ساكتة
انا مصدومة
جوزى بقولة بابا زعلان كلمة
يقولى واكلمة لية هو مالة اصلا

اللى هو مليان اصلا على الاخر ومش ناوى خير

بصي رمضان جاي حاولي تخليه يكلم باباكي من باب انه يقوله كل سنه وهو طيب وانتي رققي قلب باباكي على جوزك اصلاح ذات البين يعني وبعدين يعني باباكي وباباه قفشوا سوا انتي مااااالك

hoobie;12753900:
ام حمودي لا ده جنان حرام فعلا وغريب يعني شقه ايجار جديد انتوا تدفعوا تشطبيها ازاي يعني مكنتوا اخدتوا ايجار قديم بقى وفي الاخر اسمها بتاعتكم لمده 60 سنه يعني تعتبر ملك

مش عارفة والله ياهوبا اهو اللى حصل بقه وابو زوجى اللى اتفق عليها وانا عرفت بعدها

ادعيلنا بس ربنا ييسرلنا الامور الراجل بيعرض علينا ناخدها تمليك بس طبعا محتاجة مقدم كبير وحاليا مفيش امكانيات خالص ده لو وافق اننا نقسط اساسا..الشقة الى تحتنا متباعه ب 360الف ومتشطبه مش عارفة بقه دى هتبقى زيها ولا ايه

بس بقول ياريت لانها ماشاء الله مساحتها كويسة وتقسيمتها جميلة وكملن العفش معمول عليها ومظبوط فيها اوى

الله المستعان واللى ربنا كاتبه هنشوفه ان شاء الله

ياهوبي مهو باباة وبابايا قافشين
بس بابا قافش اكتر من جوزى لانة مستهتر بية وبيا لابعد الحدود وجوزى اصلا دلوقتى قفل موبايلة علشان لا انا ولا اهلة نوضلة
انا عارفة انة هيتقال معلش اصلة متقطع مابينكم
لا هو مش متقطع هو مش محايد
هو لو كان طرف محايد بينى وبينة كان ميز هما بيعملو اية
هو مش شايف اى حاجة وحشة هما عاملينها
وبيقولى انا صبرت عليكى كتير علشان تصلحى الامور ومفيش فايدة وانا مش مستقر
فقلتلة خلاص لو حابب نطلق علشان نستقر قالى اية اريح طبعا

سالي يارب يكتبهالكم ان شاء الله ويرزقكم من حيث لا تحتسبوا

توتي بصي هو حاد معاكي عشان مسافر واكيد متوتر ومضغوط استني لما ييجي وان شاء الله انا واثقه ان الموضوع هيبقى احسن وبعدين يبنتي عاااادي الكلمه اللي قالها دي كل الرجاله بتقولها والله خلي بس الست تقوله نطلق لازم يرد رد يسم البدن كده ,,انتي تجنبي اهله دلوقتي خالص وهدي باباكي وصفي الجو معاه لحد ماييجي

انا طبعا والله هتجنب اهلة
اخوة قل ادبة ومفيش بعد كدة طبعا كلام
هو الوحيد اصلا اللى كان ليا كلام معاة
الباقيين مش بيكلمونى من شهر12


بابا بئة
ساكت دلوقتى لان مفيش حاجة فيايدة
بس اول فرصة هينفجر فيهم كلهم
اذا كان اصلا جوزى مخدش قرار الطلاق فعلا

قوليلى صحيح
اخبار محمد اية واخبار الشقاوة

انا عندى مايا شقية شقاوة صبيان

بجد والله شقية شقاوة رهيبة
ومفيش حل انها تقعد 5 دقايق على اى كرسي ولاحتى بتحب الكارتون