رابطه امهات واطفال مصر بعمر السنتين ... لشهر شعبان

ههههههههههه

خلاص قوليله تعال نروح وخلى اخواتك ييجو جنبنا

لا بجد دماغاتهم غريبه يعنى انت سهل تروح وتيجى وتروح تقعد مع اهلك انما احنا هنتحرك ازاى بالعيال

للاسف مجتمعنا فيه بعض العادات والتقاليد في رايي انها متخلفه جدا ومعتمده عالسطوة والقوة وفرض الراي وخلاص
من غير ما حد يفكر او حتى يشغل مخه في اهميه وصحه العادات دى
وان كانت ملائمة للزمن ده ولا لا

......................

هههههههههههههههههههههههههههه

ربنا معاكي


شهيدة معلش هقوم بقى أأكل ميزو والبس وانزل اروح للدكتورة

ههههههههههه

اوك يا ايمى

وابقي طمنينا اما ترجعى

بخخخخخخخ
محدش هنا ولا ايه

شهيدة انا نزلت رحت للدكتورة بس للاسف لقيتها مسافرة بتعمل عمرة وكان فيه دكتورة تانية زميلتها بس طبعا ماكشفتش ونزلت على طول
وقلت خيييييير عشان اروح بعد اسبوعين واطمن واسمع نبض البيبي ان شاء الله

حمد لله عالسلامة يا ايمى

لعله خير وان شاء الله تروحى المرة الجايه وتسمعى نبض البيبي

يارب يا شهيدة
ربنا ييسر هي الدكتورة هتيجي الاسبوع اللي جاي ان شاء الله يعني هروح كمان اسبوعين كده
ربنا يسهل

انا بحب اما الدكتورة يبقى بقالها فترة غايبه مرحلهاش على طول

انتى عارفه الشعب المصري بيهجم بدرجه تخنق

فكويس انك تاجلى شوية برضو علشان العيادة متكنش زحمة

النهاردة زوجى جاى من بره بيقلي الناس هاجمه عالاسواق بطريقه غريبه اوى

كان الناس داخله على مجاعه وبيشترو بهبل

اه طبعا لازم تكون زحمة وكمان يوم السبت بتبقى زحمة عشان خميس وجمعة اجازة
هي هترجع يوم التلات ان شاء الله انا هروح على اول الاسبوع اللي بعده ان شاء الله

انا اصلا بالنسبه لى شهر رمضان مش بعمله تجهيزات اوى

يعنى مثلا في الاكل اما باجى اضرب طماطم في الخلاط ازود الكميه واحط في الفريزر بحيث وقت ما احتاج الاقي

ومبعملش موضوع خزين البيت والكلام ده اوى يعنى زى العادى

مش عارفه فعلا الناس بتعمل كده ليه

ربنا يهدى

ااااااااه رمضان بقى الدنيا هتفضل زحمة كده لحد رمضان او لحد العيد كمان والله
ههههههههههههههههه

طيب كويس اوى

مع انى في العادى بتفادى يوم السبت ده نهائي علشان الاجازة
وعلشان ستات كتير بتحب تروح يوم السبت لان جوزها بيبقى اجازة ويروح معاها يطمن بقا ويشوف البيبي والحاجات دى

تعرفي اننا كده برضو يا شهيدة والله وماما اصلا مش من النوع اللي بتحب تخزن ولا في رمضان ولا غيره بقى
يعني تقول لنا موسم الفراولة مثلا او المانجة تخرن كتير وتفضل تشرب منها طول السنة لحد الموسم بتاعها مي يجي تاني بيكون لسة عندهم من الخزين
تقول لنا لازم الحاجة توحشنا ونشتاق لها مش نكون بناكل منها طول السنة ولما تطلع نكون زهقنا منها ههههههههههههههههههه


بس انا بقى لما اتجوزت مش بخزن برضو بس جوزي متعود على كده قبل رمضان يجيب كل حاجة بحيث اني في رمضان ماطلبش منه طلبات غير حاجات خفيفة يعني لو حاجة نقصت من البيت

شهيدة انتي جوزك بييجي معاكي للدكتورة ؟

انا عمر جوزي ما بييجي معايا ومش بيرضى اصلا ويقول لي انا مش فاضي ههههههههههههه
يعني اخره يوصلني ولما اخلص ييجي ياخدني
بس المرة دي بقى الدكتورة قريبة من ماما يا دوب خمس دقايق مشي وابقى عندها فمش بحتاج له

اه فعلا البلد بتقلب جامد

بس بصي برضو ده من العادات الغريبه اللى المجتمع متمسك بيها

يعنى زمان العادى ان الناس بتغلب على ما تلاقي الحاجه وفي حاجات لازم تحجزها والطوابير والحاجه متلقيهاش في رمضان

انما دلوقتى الدنيا مفتوحه وكله الحمد لله موجود طول الوقت وكمان في دلفري

مش عارفه ليه الناس بتتهبل عالشرا بالطريقه دى

اه جوزى لازم ييجي معايا

هوا بيحب كده

واحنا الطبيعي بتاعنا نحجز ونروح نخلص مشاوير ونرجع على دورنا فغالبا مبنستناش كتير

انا برضو بقول لجوزي يعني ايه الجديد ما انت بتجيب كل يوم الحاجة وانت جاي من الشغل ما انت ف رمضان برضو بتروح الشعل وهات الحاجة ونت راجع على اد ما نحتاج وخلاص
يقول لي مش عارف هو تعود مش اكتر هههههههههههههههه

احنا عندنا بنخزن بس العادى زى ما بقلك كده طماطم نضرب بزياده ونشيل بصل او توم نفس الوضع

الرز بنجيب مثلا الكيس ال 5 كيلو

بس قبل الجواز عند ماما لازم الشوال لان طبعا عددنا كان بيحتاج كده بالاضافه ان كتير كنا بنجيب صحابنا ويتغدو معانا وكده يعنى

السكر برضو نجيب 5 كيلو اما يخلصو نجيب غيرهم وهكذا

انما موضوع الخزين بصورة كبيره كده لا مبنحبوش بصراحه واوقات الحاجه لو مستخدمتش بتترمى وحرام نعمه ربنا نفرط فيها كده

اها ما شاء الله كويس
انا بقى جوزي 24 ساعة مش فاضي هههههههههههههه

ربنا يهدي
بس عموما اصحاب المحلات كلهم كده ولو جيت اقول له خد اجازة يقول لي هو انا شغال عند حد ده شغلي ولازم اتابعه اول بأول