رابطه امهات واطفال مصر بعمر السنتين ... لشهر شعبان

فعلا يا شهيدة بيزهقو اوي وبيصعبو عليا ولله
وانا للاسف مافيش اي حد من العيلة قريب مني اروح له غير طبعا قرايب زوجي بس طبعا مابحبش الاختلاط الجامد بين اهل الزوج
يادوب بنشوف بعض كل فين وفين عشان مش يكون فيه وقت للخناق والكلام ده



اه فكرة الهدية كانت رايحة عن بالي برضو
السكوتر هيبقى جميل يا شهيدة هو معاذ مش بيعرف يلعب بيه اوي بس بيحبه جداااااااااا وعلى طول واحده معاه في كل حتة
ولو عمر ماعندوش عجلة هتبقى حلوة برضو

يعني حاولي تجيبي حاجة جديدة عليه ماكنتش عنده قبل كده

اه طبعا المفروض ان اصلا البيبي التانى لما بيتولد بتبقى احتياجاته بسيطة وفي نفس الوقت بينام كتير
فممكن الام واهلها يساعدوها طبعا انها تراعي الطفل الكبير

لان ده اللى مشاعره متاثره بالوضع الجديد وبيظهر عليه

انا برضو مبحبش الاختلاط الجامد باهل الزوج بيسبب مشاكل

انا على فكرة ظروفي مشابهه لظروفك يعنى انا ساكنة بعيد عن ماما واخواتى واصحابي
ومعرفش حد في المنطقه اللى ساكنة فيها

يدوب حمايا وحماتى في نفس العمارة واخو زوجى ساكن قريب
بس مبنرحلهمش ولا هما بييجو ولما بنتجمع بيبقا عند حماتى
وهما حاليا مبقوش يجمعونا خلاص يدوب بنشوفهم كل كام شهر كده

وبرضو مقلله الاختلاط مع حمايا وحماتى واصلا حساهم مش فارق معاهم هما اهم حاجه عندهم ابنهم واحفادهم
على فكرة نفس السيناريو ده بيحصل مع اخو زوجى

اه منا حاسه ان عمر ممكن يحب السكوتر

انا عايزة افكار تانيه بصراحه

هوا عنده عجله بس مش عارفه ايه اللى ممكن يعجبه او يلفت نظره بحيث انه يحب البيبي

والله الموضوع ده محير يا شهيدة
كان مرة واحدة اتصلت بدكتر ياسر نصر وقالت له انها اول ما ولدت بنتها التانية خافت على الاولى من الغيرة والكلام ده فاهملت التانية وباقت مامتها هي اللي تشوف طلباتها وهي اهتمت اكتر بالبنت الاولى عشان مش تحسسها انه فيه حاجة جديدة يعني وان مامتها بتحبها لسة المهم البنتين كبرو على كده والبنت الكبيرة اتعلقت جدا بمامتها والتانية العكس ومش بتحب اختها الكبيرة دي لان مامتها واخدة بالها منها اكتر من الصغيرة ولحد البنات دول ما كبرو ودخلو المدرسة يعني هي بتتصل بالدكتور والانين كانو دخلو المدرسة بس ما زالت البنت الكبيرة متعلقة جدا بمامتها والصغيرة مش بتحب اختها خالص ومامتها مهملة معاها
هههههههههههههههههه

بس ده برضو مش صح والام اتصرفت غلط
فعلا لازم نعمل زي الرسول ما قال
اعدلو بينهم ولو في القبلة
يعني القبلة اقل حاجة لازم نعدل فيها برضو عشان يطلعو بيحبو بعض ومافيش غيره


ربنا يقدرنا على اللي جاي يااااااااااااارب

انا فعلا كده بس انا حمايا وحماتي ربنا يرحمهم

طب كويس ان حماكي وحماتك كده فيه ناس تانية مش بترضى بالوضع ده ولازم مرات الابن تنزل وكده وتقعد معاهم
ربنا يهديهم لك هههههههههههههههههه


بصي يا شهيدة لو خرجتي اتفرجتي في مرة محلات اللعب بيكون فيها حاجات مش هتيجي على بالك
يعني ممكن تلاقي حاجة احسن من السكوتر وعمر يحبها اكتر
وطبعا كلهم اكتر حاجة بيحبوها الشيبسي والحلويات ههههههههههههه
فمافيش مانع برضو من كيس حلويات مشكل كده

سبجان الله يا شهيدة الصور دي صعبة اوي
انا قربت ييجي لي حموضة من شكل المعدة كده والبيبي ضاغط عليها ده خانقها خالص ههههههههههههه
فعلا التنفس والحموضة والهضم بيبقو صعبين اوي كل البيبي ما بيكبر شوية

الله المستعان

طبعا اللى الام عملته ده غلط كبير
وفعلا الحل هو التوازن والعدل

ده احنا حتى امة وسط

فالاهتمام بالاتنين لازم بس الفكرة ان الامور تيجى للطفل الكبير بالتدريج
يعنى انا شايفه ان عمر مش متصور فكرة ان في بيبي جاى

تصرفاته كلها غيره عليا وخوف عليا بس مرة واحده هيلاقي ادامه طفل جديد

ده في رايي صدمة ليه وتقريبا دى اكبر صدمة هيواجهها في الموضوع ده

فالمفروض اننا مثلا نهتم بالطفل الكبير في الاول اكتر ولما نيجى نتعامل مع الطفل الصغير نشركه معانا في الغيار مثلا هات البامبرز خد ارمى البامبرز

ياااه شوف البيبي ده صغير وبيعمل دوشة انما انت كبير وشاطر وبتسمع كلام ماما

وبالتدريج يبدا يحس بوجود الطفل الصغير وانه اخوه


حاجه كمان
كان في دكتور بيتكلم مش فاكرة اسمه يمكن يكون ياسر نصر بيقول متربطيش حبك للطفل بافعاله

يعنى تقوليله مثلا ماما بتحبك علشان انت بتسمع كلامها

ده غلط

المفروض نقله انت شاطر علشان بتسمع كلام ماما

هيا حماتى بتحب اللمة والهيصه بس حمايا عكسها جدا وكمنه بيتعب كتير وهوا اصلا زارع كلى
فمحدش بيزعله

والحمد لله اما اتجوزت جوزى كانت لسه بتتعود على طبعه ده

ففي الاول عانيت طبعا بس بعد كده كله اتعود

اه سبحان الله صور عجيبه فعلا

بس فعلا جسم الانسان ده معجزة

ولو مشيناه زى المكن اللى الانسان بيصنعه هنفشل فشل ذريع

سبحان الخالق

ايوة فعلا المشاركة دي حلوة اوي الطفل الكبير يشارك الام لما تيجي تعمل اي حاجة للبيبي الصغير
ربنا يهديهم يارب ويقدرنا عليهم

شهيدة;12749855:
هيا حماتى بتحب اللمة والهيصه بس حمايا عكسها جدا وكمنه بيتعب كتير وهوا اصلا زارع كلى
فمحدش بيزعله

والحمد لله اما اتجوزت جوزى كانت لسه بتتعود على طبعه ده

ففي الاول عانيت طبعا بس بعد كده كله اتعود

ههههههههه عاملة زي اختي الكبيرة بالظبط
برضو بيت عيلة بس هي سلفتها على طول تحت مع حماتها وبتطبخ وبتاكل معاهم كل يوووووووم و24 ساعة قاعدة عندهم
لما اختي اتجوزت بقى وقبل ما تتجوز كمان بابا الله يرحمه مفهمهم انه مافيش حاجة اسمها كده وهي مش هتنزل من شقتها غير عشان الزيارة بس ومش اجباري كمان بمزاجها هههههههههههه
طبعا هم ماعترضوش
بس اول ما اتجوزت عانت برضو كتير من حماتها بس على مين بقى اختي جبارة اصلا ههههههههه وكانت الكلمة الوحيدة لو مش عاجبكو مش هعيش معاكو وهروح بيت بابا ههههههههههههههههه

بس الحمدلله اتعودو على كده كلهم وبقى امر عادي
وبتقول لي ساعات تبقى خارجة مثلا لو الباب عند حماتها مفتوح تقول لهم ازيكو وكده من ع الباب وتمشي لو حماتها قالت لها رايحة فين مش بترد عليها هههههههههههههه

ربنا يهدي موضوع الحموات ده صعب اوىىىىىىى

ايمى ياريت تكتبي مشاركتك بتاعت قصه الام مع بناتها في موضوع التجهيزات

ماشي يا شهيدةة هنزلها هناك

للاسف ناس كتير بتفتكر ان ام الزوج ليها الحق تتحكم في حياه ابنها وبالتبعيه مراته وولاده

بس بجد نفسي ام الزوج دى تفتكر اما اتجوزت هل حماتها لما عملت معاها كده كانت هيا مبسوطة؟

بالعكس اكيد عانت واتنكدت كتير بسبب كده

انا رايي ان كل واحد له مطلق الحريه يعمل اللى هوا عاوزة في ظل شرع ربنا وطالما ان اللى بيعمله ده مياثرش عالاخرين

للاسف ناس كتير فاهمه حاجات غلط

بس هنقول ايه ربنا يهدى

عارفة يا شهيدة التصرفات دي نابعة من الغيرة اصلا
يعني فيه امهات بتغير اوىىىىى على ولادها فبالتالي لما بيتجوز بتكون غيرانة من مراته ان هي اللي بتطبخ له وهي اللي بتشوف طلباته وهو اكتر الوقت بقى قاعد معاها وبالتالي قعدته مع امه اصبحت قليلة وبالتالي برضو الكلام بينهم بقى قليل

هي من حقها تغير طبعا بس الشيء لما بيزيد عن حده بينقلب ضده
بجد ربنا يهدي كل الحموات يارب
وعلى فكرة فيه العكس
يعني انا ليا سلفتي بجد طيوبة جدااااااااااا وانا بحبها اوي مرات ابنها بقى هي اللي مبهدلاها هههههههههههههههههه
بجد على طول تتخانق معااها ومرة سمعتها هي وابنها بيتخانقو وهي شتمتها يعني شتمت امه وهو طبعا ضربها وكان عاوز يمشيها من البيت بس امه هي اللي نزلت وصممت انها ماتمشيش

هتقولي اكيد حماتها برضو بتعمل لها اي حاجة بس بجد والله لا خاااااااااااااااالص خالص دي طيبة اوي اوي واصلا مش بتكلمها وسايباها على راحتها اوي بالعكس كمان دي لما كانت حامل كانت حماتها بتطبخ كل يووووووووم وبتنزل لها الاكل ههههههههههههههه

بجد ربنا يهدي الجميع

عارفه يا ايمى انا شايفه ان المفروض مثلا الزوجه تسكن قريب من اهلها
لانها فعلا بتحتاجهم سواء تقعد معاهم او تحتاجهم في حاجه زى حمل او ولاده

انما تسكن مع اهل زوجها ليه؟

مهى وقت ما بتحتاج حاجه نادرا ما حد منهم بيقف جنبها وتضطر تروح بيت اهلها علشان يبقو معاها

بجد منطق غريب
الزوج حاليا طول اليوم بره البيت في الشغل او حاجات تانيه والزوجه تفضل طول الوقت مع حماتها وهما الاتنين بيبقا التعامل ما بينهم فيه حساسيات

ليه الغلب وليه الناس تبقا طول الوقت مش على راحتها

ده غير ان كتير بتقلب بمشاكل وممكن توصل لخراب البيوت

ربنا يعافينا

موقف باباكى بجد هايل

انا اختى برضو حماتها واخده على انها ممكن تروح مثلا لحد من اخواتها وتدخل تنام في اوضه النوم مثلا وتلم الناس فيها

فبابا من الاول كده عرفهم

اوضه النوم دى محدش يدخلها ابدا ولا اهل الزوجه ولا اهل الزوج
وفعلا الامور اتضبطت وان كان الامر ميخلاش من حركات ملهاش لازمة

يعنى لو بايته عندهم
اده انتو هتقفلو باب الاوضه.. وكلام بقا غريب كده

*Om Mo3az*;12749986:
عارفة يا شهيدة التصرفات دي نابعة من الغيرة اصلا
يعني فيه امهات بتغير اوىىىىى على ولادها فبالتالي لما بيتجوز بتكون غيرانة من مراته ان هي اللي بتطبخ له وهي اللي بتشوف طلباته وهو اكتر الوقت بقى قاعد معاها وبالتالي قعدته مع امه اصبحت قليلة وبالتالي برضو الكلام بينهم بقى قليل

هي من حقها تغير طبعا بس الشيء لما بيزيد عن حده بينقلب ضده
بجد ربنا يهدي كل الحموات يارب
وعلى فكرة فيه العكس
يعني انا ليا سلفتي بجد طيوبة جدااااااااااا وانا بحبها اوي مرات ابنها بقى هي اللي مبهدلاها هههههههههههههههههه
بجد على طول تتخانق معااها ومرة سمعتها هي وابنها بيتخانقو وهي شتمتها يعني شتمت امه وهو طبعا ضربها وكان عاوز يمشيها من البيت بس امه هي اللي نزلت وصممت انها ماتمشيش

هتقولي اكيد حماتها برضو بتعمل لها اي حاجة بس بجد والله لا خاااااااااااااااالص خالص دي طيبة اوي اوي واصلا مش بتكلمها وسايباها على راحتها اوي بالعكس كمان دي لما كانت حامل كانت حماتها بتطبخ كل يووووووووم وبتنزل لها الاكل ههههههههههههههه

بجد ربنا يهدي الجميع

سبحان الله

بس دول حالات قليله اوى اللى تلاقي الوضع فيه معكوس كده


انا في رايي يا ايمى التصرفات دى قله تربيه وناس فاضيه
مش غيره خالص

طب ما كلنا بنغير بس هل معنى الغيره ان الواحد ميعرفش يحكم نفسه ويحكم تصرفاته

وكمان اغلب الحموات فاضيين تحسي مورهاش حاجه غير تعرف اخبار ولادها وبيعملو ايه وتنقل الاخبار دى

هههههههههههههههههههههههههههههههه
حلوة اوي هتقفلو باب الاوضة دي
فعلا موقف غريب اوي والله


ايوة والرجالة هم اللي دماغهم غريبة كمان يعني واحد زي جوزي مامته وباباه متوفيين ليه مصمم يقعد جنب اخواته مع انه كمان مافيش بيت عيلة يعني كل واحد ليه شقة لواحده وبعيدت عن التاني بس في نفس المنطقة

انا بقى بقول لجوزي ايجار الشقة اللي جاي لازم اكون قريبة من ماما هو احنا بنعمل ايه واحنا جنب اهلك المفروض اني اكون جنب امي انت على طول ف الشغل وانا قاعدة لواحدي بس هو برضو مش موافق ابداااااااااااا وبيقول لي المفروض مامتك هي اللي تيجي جنبنا هنا هههههههههههههههههههه
عشان انا وعلياء قريبين من بعض يبقى ماما تيجي جنبنا واختي الصغيرة بقى تتجوز جنبنا برضو هههههههههههههههههه

منطق غريب ههههههههههههه