تجهيزات بنات السعوديه + تبادل خبرات

أحلى نحلة;13275986:

رجعت لكم مع الصوووور

اغلب المشتريات من سنتربوينت بس المشكله اني مابقدر احط لكم الاسعار الي اشتريتهم فيها

لأن تعرفون سنتربوينت يحطون اغلب الاسعار المخفظه على الرف مو على السلعه ..

هالطقم من سنتربوينت كل قطعه تنباع لحالها

وهذول بعد من سنتروبينت ، بس الملف اهو اللي عليه سعر التخفيض :D

هذا الطقم الابيض ، اخذته من نكست 3 مع بعض كانوا بـ 115 واخذتهم بـ 80

والزوائد من سنتروبينت ( القبعه - القفازات - رباط السره )

بيجامه من سنتربوينت طقمتها مع القبعه تهبـــــــــل عجبني ان فيها خيط :o

فستان من مذركير كان بـ 115 اخذته بـ 55

الفستان من سنتربوينت والهيلاهوبات من نكست كانوا بـ 80 أخذتهم بـ 30

وبـــــــــــث :o

شراااايكم ؟

روووعة وذوقج راقي عليها بالعافية مقدماً


بس بغيت أسألج الفستان أي فرع مذركير أخذتيه؟؟ وفي مقاسات أكبر؟؟:L:

ياربي ليش ماطلعت الصور مادري بس تصدقين انا اول اشوف ان الوحده من تحط الصور بالرد تطلع معروضة قبل لارسل الرد مادري شلون

بجرب مره ثانية

بس عطوني موقع تحميل صور سنع زهقوني مواقع التحميل لفيت كم واحد وكل واحد اخس من الثاني

همس الفجر حمليهم من موقع عروس

وربي يسهل عليك ولادتك

القمران رجعي لردي الأول عدلت الصور وتسلمين فديتج عندنا موقع تحميل بالمنتدى

وانا ألفلف برى محد قالي هههههههه:o

انزين بكمل الباقي من الصور

الجزء الأول بردي السابق ...

الجزء الثاني


من محل بوابة المولود ترى ماكان منزل شيء حتى البائع يقول لي ان بضايعهم خالصة واذا ابي طلب يفصل لي

لحاف بسيط وظريف اهديكم الكلمة اللي فيه


طقم بسيط وماقولكم اني حسيت جودته عالية شكلها عادي خذته حق زيارات خفيفة مثل بيت هلي لأن شكله مب مال استعمال وايد وسعره رخيص ب170


وكنت حاطه ببالي اخذ طقم من جاكادي لأني كنت مجربته من قبل وكان ممتاز ولا ماماز اند باباز ماكانوا منزلين هالمحلين قلت بنطر كولكشناتهم لنزلوا عندنا

وسامحوني عالقصور هاي جزء بسيط

همس

ماشاء الله تجهيزاتك حلوه ، عليك وعلى النونو بألف عافيه ..

الملكه

تسلمين ياعمري هذا من ذوووقك :)

الفستان اخذته من فرع الحسا بالعثيم مول ، بس للأسف مالقيت إلا هالقطعه مدعوسه بين الملابس ^.^

صايره كل يوم اروح الفلف في مكان وبحط لكم الصور أول بأول :o

اول امس رحت سنتربوينت وشريت هالكم قطعه

الافرولين مع بعض بـ 23 والقبعه بـ 3 والملف نسيت كم سعره بعد التخفيض :!!:



هذول كلهم مادري كم سعرهم بعد التخفيض خخخخ

بس القبعه كانت بـ 15 وأخذتها بـ 5



واليوم رحت مجمع الظهران بس مالفيت الا جهة التوسعه ، بكره ان شاء الله بروح اكمل خخخخ

انهد حيلي ولا لقيت شي مناسب الا هذول

هذا اخذته من محل اسمه ziddy توه فاتح جديد ، بـ 55

والجورايب من اتش اند ام



هذا اخذته من اتش اند ام بـ 39 والجورايب بعد من نفس المحل



وبــــــــــــــث :thumbs_up:

رحت كارترز فيه اشياء كثير عجبتني بس كل اللي عجبوني مقاساتهم كبيره سنه وأكثر :(

همس ,,
ماشاء الله مشترياتك حيل حلوووووووه وراقيه
بسألك عن اسعار كل قطعه من ماماز&باباز وجاكادي
والطقم الاصفر اللي لطلعات بيت اهلك حيل عجبني و ابي اشتري مثله
بس ابي اعرف اقدر اشتري شي واحد والا غصب آخذ الطقم كامل؟؟؟وشنو المحل ووين بالظبط؟؟
أحلى نحله..
مشترياتكـ ماشاء الله خيآآآآآآلووو..بس بغيت اطلب مك قبعات مثل الرخيصه اللي بالصوره ابي كذا لون و ابي ملف بيج زي مالك لاني رحت اليوم وماشفت :(إذا تقدرين يعني خدمه انسانيه<<شهالطراره!!^_^
<تكفى يا جنيني لما تكبر لا تقرا هالرد^_^
انا اليوم رحت سنتر بوينت..خذت ملابس نيوبورن..بس نسيت مواصفاتهم لاني على طول وديتهم عند امي ولا شفتهم يعني الا يوم اني في المحل..
و قفازات ليدين البيبي الوحده بــ3..وقبعه بــ8 و قبعه ثانيه بــ20 و ملف فيه خروف<<أهم شي
و خذت جوله سريعه البانيو بــ75 تقريبا نفس شكل اللي بمذركير و فيه لتسريب الماي بس ألوانهم ورسوماتهم احلى و متنوعه اكثر من مذركير<<للحين مااخذت بس شفت..و الاسفنجه اللي يحطون الببي عليها بـ25
و مسكوين تخفيض ع الاسره<<جمع سرير..في اللي ملبس بقماش يا وردي مع اخضر يا بني مع ابيض يقد لعمر 6 شهور تقريبا بــ 269 بعد التخفيض..
و رحت مذركير فرع بيسكر فـيه بضاعه قديمه بــ10 و 20 و30 و في اشياء جديده ماعليها تخفيض..
بس ان يوم اروح كانو بيسكرون ماامدى افر فيه عدل..ان شاء الله تحصل فرصه يارب واروح

أحلى نحلة

حلت دنياج .. يارب ومهاداتج يناسبون بدلات ماخذتهم فعلى الله يكونون منزلينهم عندنا بروح أشيك ..

أما الظهران مول لاتذكريني فيه والله لين أحين رجولي توجعني منه يتعب لني لفلفته تلفلف كله من اللي بالفندق قالي انه المحلات تفتح 3 ونص تميت انتظر المحلات هناك رايحة راجعة انطر المحلات تفتح لين 4 ونص

نحول /

حبيبتي رحت اشيك لج على الأسعار البدلة اللي من جاكادي ب170 اما ماماز اند باباز البيج ب135 والخضراء 155

وعن محل بوابة المولود موجود بفينيسيا بالطابق الثاني صوب الألعاب عند مصلى الرجال وهو محل متخصص بالمواليد من ملاحف وملابس وأسرة وكل متعلقات البيبي ويسوي لج بالطلب لو تبين تختارين الخامة وعن الطقم ترى كان في ألوان ثانية لفتني واحد ازرق والثاني كان اخضر بس كنت ماخذه حق ولدي هاللونين قبل فقلت اغير واخذ اصفر وفي شنط تنباع بروحهم فيهم قش ولا حركات اشكال ثانية الشنطة على 50 في مجموعات اطقم وفي اغراض تنباع مفرده وبيفصل لج اللي تبين واللي يناسبج

نحوول

تسملين عووومري عيونك اللي تهبل ^.^

ولا يهمك اذا لقيت باخذلك واذا لقيت ملفات بيج بس بأشكال ثانيه بقوولك ..

محتاره اليوم اروح مجمع الظهران ولا اروح الواحه ؟!

همس

ان شااء الله تلاقين عندكم مثل اللي اخذتهم واحلى بعد :)

مرحبااا امهات المستقبل
شسمه تجهيزاتكم مرره تجنن ربي يهنيكم فيها

همس
الي من ماماز اند باباز بتجنن مرره عجبتني
لااازم اروح له باقرب فرصه

احلى نحله
هعهع هع
شكلك بتشترين كل يوم مثلي
بس لاتكثرين لانك بتتحسفين ولا تشترين شي الا انتي خاقه عليه مرره
ماشاء الله عليك في الخامس بديتي تجهزين مرره بدري
الا ان كانك بتخلصين بدري وبتمسكين نفسك في الاخير حلوو
اممم مرره تجنن الآفرولات الي انتي اخذتيهم ومرره رخيصه شكل سنتر بوينت زاد تخفيضاته
والبدي الليموني مرره يجنن بس كم عمرره



امممم اليوم رحت اشوف قمصان الرضاااعه واااااع ما اتخيلني لابسه كذا ماينفع ابد صراحه
وانتوو وش سويتوو فكرتوو في نفسكم والا لسى

هههههههه اي والله ودي اشتري كل يوم وبس تخلص التخفيظات بوقف خخخخ

اي ودي اخلص الاشياء اللي تحتاج حوسه من الحين لأني احس من الحين اتعب بسرعه من اللفلفه

والله قاعده احاول مااخذ شي الا يكون عاجبني حييييل

البدي اخذته من 3 إلى 6 لأن مب مريح للنونه في البدايه وهم لأنه صيفي وأنا بولد بيكون لسه في شوية برد ..

احنا الحمد لله زي ماقالت نحوول من قبل ماعندنا ان الوحده لازم تلبس لبس استقبال ، عادي الوالد تلبس اي شي مريح لها :)

الله يعيييينك حتى انا مااتخيل نفسي البس من هالاشياء :)

همس
شكررررررررررررا اختي على الرد و الله يعطيك العافيه..
شكلي باخذ من بوابة المولود مثل الي خذتي لان حيل عجبني بس باخذ المفرش و اللي يشيلون فيه البيبي لان الشنطه باخذ من سنتر بوينت
احلى نحلوووو
يؤ..يمكنك رحتي الحين..!!
بس انا ارشح لكـ مجمع الظهران لانه منا وفينا..الا اذا انتي سامعه عن محلات حلوه في الواحه..
وشكرن شكرن شكرن..بالنسبه للملفات..انا بس ابي بيجي وخلاص بس مابشتري ملفات
لان حدي شهر ونص بلف البيبي
من وين نشتري اللي يربطون فيه البيبي"المهاد"؟مافيه في سنتر بوينت؟وشنو اقول لهم يعني اذا بغيت اسأل عنه؟لان كلهم فلبينوو وبوهنود^_^

و على لبس الاستقبال..وربي ان حيل كل مااشوف تعبكم وضيقتكم على ملابس الاستقبال احمد الله ان ما عندنا هالسوالف
عايشين البساطه على اصولها..يعني نلبس اي شي..وما عمر احد تكلم عن لبس الوالد في مجتمعنا الحمدلله

نحووول

لقيت ملفات بيجي اشكال واجد بس ماعليها تخفيض ..

انا قلت بروح الواحه لأن بشوف نكست ومذركير اللي هناك بس رحت ومالقيت في نكست شي كلش

ومذركير صاير سوق بو عشره اغلب الاشياء اللي فيه بايخه ولا عنده اصلا كل شي ، وماشريت منه الا جورايب

ورحت سنتربويت اللي في الدمام اشتريت فوطه كبيره وشريت الحامل مال النونو اللي فيه سحاب مادري شسمه :)

همس الفجر روعه مشترياتك بالعافيه على الكتكوت وربي يسهل عليك بوقتك

احلى نحله ماشاءالله يجننو الملابس بس انتي فيك ولد لو بنت شاريه للثنين هههه

ربي يسهل عليك ويقومك بالسلامه


دا يجنن

ابيك وماابيهم ماشاءالله حلوين مشتريات الكتكوت ربي يقومك بالسلامه


دول متى اخدتيهم

أحلى نحلووووو
شكرن شكرن شكرن على كل شي..اما انا امس مارحت مكان..طول الوقت منسدحه بطني يعورني..حاولت ان اروح السوق عشان اللي قلت لك..بس يوم جيت بروح حيل زاد الشد في بطني و رجولي..وخلاص مارحت..ع العموم خلاص ماببدل اللي قلت لك عنه امس لان حيل عاجبني
أبيك..
أختي حيل حلووووووووووو تجهيزكـ..بس لو تحملين المرات الجايه الصور من موقع ثاني لان هالموقع حيل مصغرهم تعبت على ماافتح كل صوره..
الله يعينك دامك في الثامن..ناقصك اشياء وااااااااااااجد..
الله يساعدنا على كل شي :(

بنااااااااااااااااااات
ضروري جدا بسألكم عن هالسرير..من وين يجيبون له سرير أقصد اللي نحطه على خشبة السرير ونحط فوقه الشرشف و البطانيه^_^
ايييييييييييه مرتبه..من وين اجب له مرتبه إذا شريته؟
و أي عمود ستاره يركب عليه عادي ؟
وين الاقي عمود ستاره يكون رخيص ؟لان بمذركير شفت العمود لحاله بــ250<<غاااااااالي حيل
وشكرا..
بس ضروري بنات تردون علي لان مب عارفه من وين احصل مرتبه و مفرش و ستاره تناسب مقاسات هالسرير

نحول في مرتبات تكون تفصال

اخدي المقاس وديه المحل ويفصلون لك المرتبه

القمران..
مشكوووووره حيل اختي لردك..^_^وماكنت ادري ان في مرتبات تفصيل..افكر بس الفراش و الستاره هذا اللي فيه تفصيل
مع اني حيل اكره التفصيل :( في كل شي..
بس مادري يعني وين اروح عشان افصل؟لمحلات المراتب الطبيه نفسها والا محلات تفصيل المفارش؟
وشكرا