تجهيزات بنات السعوديه + تبادل خبرات

عروووووووسه
اختي من بكرا الصباح اذا تقدرين روحي دام السوق رايق في الصباح
مذركير مسوي تخفيضات 50% و نكست بعد و كارترز و سنتر بوينت
وحتى لو تروحين اكثر من فرع ما يمنع لان اوقات تكون اشياء موجوده بفرع و مو موجوده بفرع ثاني
اتمنى لك التوفيق في مشترياتك..و اتمنى تروحين بأسرع وقت لانك بالسابع و لو ما جهزتي الحين ..صعبه وانتي ثقيله تجهزين..
بس المهم كل ما تعبتي ارتاحي شوي و اجلسي..بعدها كملي تسوق وهكذا
رد تاغ و سيتي ماكس مسوين تخفيض بس بضاعتهم ما تسوى لان الجوده معدووووومه..

احلى نحله ماشاءالله حلوين تجهيزاتك ربي يقومك بالسلامه

نداء الروح روعه مشتريات البيبي ربي يقومك بالسلامه

لكن البيجامات مااتوقع يلبسوهم من البدايه لان بيجامات سينتر بوينت كبار شوي

القمران;13283306:
احلى نحله ماشاءالله حلوين تجهيزاتك ربي يقومك بالسلامه

نداء الروح روعه مشتريات البيبي ربي يقومك بالسلامه

لكن البيجامات مااتوقع يلبسوهم من البدايه لان بيجامات سينتر بوينت كبار شوي

ماادري امي قالت لي اخذي حتى لمن تكبر شهر او شهرين البسها :)

مشكووره حبيبتي :)

دلوووعه

مبروووك عليك التجهيزات ، تتهني فيهم انتي والنونو ^.^

حلوو شكلك قضيتي جزء كبير ..

عاد صوريهم لنا خلينا نستفيد :)

هلا حبيباتي رجعت

نحول لفلفت بس ماقدرت ألفلف وايد والسبه سالفة محلاتكم اللي تقطع القلب يزهقون لين مايفتحون ولا يوم الجمعة زهقت بالظهران مول وانا انتظره يفتح احنا نفسكم المحلات تسكر صبح الجمعة بس من الساعة 3 بالضبط حتى قبل اذان العصر تفتح أما الظهران مول كم محل يادوب فتحوا 4 واباقي يتمططون لين 4 ونص

ونجي للسبت الصبح يادوب الواحد يتسوق الا ابيأذن الظهر ويسكر انزين مفروض يصلي ويرجع يفتح معقولة المجمع يسكر من بعد صلاة الظهر لين 4 العصر وايد وايد يعطلونا ويأخرونا مسوين لنا توتر بالمشترى

لي عودة بتفاصيل مشترياتي انتظروني

احلى نحله
ماشاء الله تجهيزاتك مررره حلوين ربي يهنيكي فيهم عجبني فيك لما تشترين شي تشترينه متكامل :>
واممم
اي والله على طاري الالوان حامت كبدي كل السوق سماوي من جد سخافه


دلووعه
ما انصحك تشترين هالنوعيه من الاسره خصوصا اذا كنتي تبينه يستمر معك فتره احس القماش ما يعيش مافي مثل الخشب


نداء الروح
ماشاء الله عليك تقريبا خلصتي مرره حلوين
ربي يهنيكي ويهني البيبي فيهم يارب وتلبسونهم بالعافيه
نفس كلام احلى نحله حلو انك ما تقيدتي بالالوان

همس

اي والله صدقتي من ناحية مواعيد المحلات دماااار ، وفترة الظهر تروح عالفاضي ، وخصوصا انتي جايه يوم وبتسافرين

اهم شي قضيتي اللي تبينه ولا ؟

رتوش

ههههههههه تسلميييين عيووونك الحلووه ، اي عاد انا اموووت بالتطقيم

احس اجلس افكر طول الليل اذا في شي ماطقمته خخخخخ

دلوعه..
شووقتينا نشوف مشترياتك..
و أكيد لازم شتوي..والله يساعدكـ
بالنسبه للسرير..
الخشب يتحمل الظروف الصعبه اكثر من اللي قماش و بلاستيك..
همس..
وي وي وي ..اجل عانيتي بالسوق..:(
بانتظار تجهيزاتكـ اختي وبالتوووووووووووووفيق

ماشاء الله بناات تجهيزاتكم روووعه الله يتمم لنا بخير يااارب

أحلى نحلة
تصدقى بعض اغراض بنوتتك نفس اغراض حلوتي
اول طقم نفسه بس اني اخذته كم
والفستان الرمادي روووعه
الله يهني البنوتة بالتجهيزات

ماشاء الله حلو التجهيزات

والله يسهل عليكم

شكرا مشرفتنا على تواجدكـ بالموضوع وتشجيعكـ و دعمكـ..
هاه بنات..مافي أخبار جديده عن التخفيضات؟

الفراشه

حركااات القلوب عند بعضها :)

تسلمييين ياقلبي هذا من ذووقك ..

ام نيلا

حياك الله مشرفتنا :)

مشكوره عالدعوه الحلوه :)

هلا ياقمرات اي والله يمكن كنت كاتبة 10 أوراق ولا 11 ورقةبس للآسف أغلب المحلات اللي كنت كاتبتها بالدمام ومالحقنا نروح كان خاطري أشوف بيبي هاوس ومولودي وغيرهم من المحلات شيبيعون

وكم محل قريت بنات مادحينهم بسويكت بس رحنا سويكت ولاعرفنا نتسوق فيه ولادلينا ولامحل هناك كلش

وجولتي كانت بالمجمعات اللي أغلب محلاتها عندنا بقطر بس شاسوي لأنهاي المتوفر بالمجمعات والمحلات اللي عندنا مثلها مب منزلين شيء للمواليد

جولتي كانت كالتالي /

مجمع الراشد رحت رباعيات والسواني وماكان عندهم ماركات للمواليد فشريت من جاكادي بدلتين اللي خامتهم متينة شوي لأن ولادتي بشهر 1

كان ودي بطقم منهم شنطة ولامفرش بس للآسف منزلين طقم واحد بس اللي هو طقم ولدي اللي ماخذته من سنة ونص


ونكست كان مسوي تنزيلات حلوة خذت منه بيجامات وكم بدلة


وعقبها طلعت

الظهران مول /

شريت من تنزيلات مذركير كانت ممتازة الصراحة بس تدرون على ايام تجهيز ولدي كانوا ينزلون طقم يكون بدلة للمولود مع مهاد وقبعة بس للآسف ماكانوا منزلين قلت يمكن ينزلون عقب

ماماز اند باباز

حصلت ثلاث بد لات بس ولا اللي كان منزل عليهم عرض كانت بدلات نفس بدلات ولدي يعني صار لها أكثر من سنة

وكان ودي اخذ منه مهادات لأنه ينزل مهادات حلوة بس ماكان عنده

وخذت من واحة الجلابيات

كم قميص ولادة خفيف لفترة النفاس ببيت هلي كان منزل مجموعة خامها خفيف ومكشكش عالصدر ومنزل اشكال مشجرة بعد

واحنا عندنا محل بقطر يجيب نفس بضاعته ويوم سألته قال ان المحل ياخذ منه بضاعة اكتشفت ان المحل اللي بقطر حرامي يبيعه لنا بفرقيه سعر كبيرة

وللاستقبال الولادة بالمستشفى ماحصلت فبصل عندي كم موديل بسويهم كان ودي اروح محلين كانوا كاتبين عنهم واحد اسمه روز لانجري والثاني ضياء الدين بس بمارينا مول ومارينا مول على ماظن بالدمام

اما الملاحف انا كان ببالي لون معين ماحصلته بمحلات الظهران

فبآخر الجولة

رحت عالسريع جمعة سنتر لأن زوجي تحلف فيني مايوديني اسواق مفتوحة وبشوارع يقول لاتضيعين وقتنا بأماكن ماندل فأختاري محلات بمجمعات وبس


فكان في محلين مواعين بجمعة سنتر خذت منه طقم فناجيل واستكانات وعصير وصواني ولوزامه وعاد تذكرت امي فديتها غرامها مواعين خذت لها فديته يكفي ان ولدي جننها لأن خليته عندها هاليومين

وبس كان خاطري افتر بجمعة سنتر لأن اول مره اشوفه بس وين هالمحلين ومالحقنا الا جات 11 ونص وسكروا

آخرها رحت فينيسيا مول

كنت باغية محل فوق اسمه بوابة المولود

صراحة ماكان منزل بس الزين فيه اسعاره حلوة واذا تبين بيفصل لج

وشغله مرتب مب اللي كله زحمة دانتيلات وكرستال تطلعين انتي وولدج جنج ستارة لا

وسألته عن سعر التفصيل جنه قال بألف وشيء شامل ملحف لج وملحف لسرير ولدج وقميص وشنطة ولوزام البيبي من تدخيله وغيره وتختارين الخامه والموديل اللي تبينه بس انا ماكان عندي مجال افصل

فخذت منه مفرش ولحاف ومهادات عجبتني مهاداته انها الوان يعني اطقمينهم مع بدلات البيبي

بس اتوقع لو كان عنده بضايع اكثر على كلام بالنت مدحوه وايد بس هو قالي بنفسه ان بضاعته مخلصه

اخرها حصلت محل ملاحف تحت قلت اخلص اخلص وخذت منه كانت بضاعته ايطالية على قولته ونفسها تقريبا شفت بمحل الاختيار المفضل بس هو ارخص منه بوايد

وبس هاذي مشترياتي

وبعدين خل اكون صريحة من عقب مشتريات احلى نحلة وألوان البنات الحلوة وموديلاتهم اللي تشرح القلب وين احط مشترياتي انا وحده زهقققققققققت من الأزرق بدرجاته ماينزلون للمواليد الا كله ازرق مللونا

اتمنى تقريري يكون فاتدكم

لأنكم ماقصرتوا وفدتوني حبيباتي

يالله يا همس ياشين الواحر يروح مكان مايعرف فيه ..
خصوصا السويكت
انا معك يقلب الراس
عاد نزلي صور مشترياتك خلنا نستفيد

حبيبتي معليه اذا عطاني هالسنداره ولدي فرصة بصور لكم بس بتجيكم كآبه من أغراض الأولاد ألوانهم مأساوية

وأنا ترى ماكثر ثياب لأن عندي ثياب ولدي اللي قبل وبكمل تشطيب من اهنيه بس ولايهمج أنتوا تستاهلون بصور وبحط لكم ان شاء الله

شدعووه همس كلهم عسل ويجننون
وبتلقين الوان حلوه للاولاد
امممم
واحس من كلامك انهم حلوين

إن شاء الله وهاي جزء بسيط قدرت أصوره لكم ومقتطفات بسيطة من مشترياتي لأن خبركم الصور يبي لها وقت بالتعديل والتصغير وانا ترى مكثرة من بدلات النوم الخفيفة القطنية لأنها أريح شيء للبيبي بهالعمر ولاولدي الأول ماخليت بدلة جينز وحركات ماخذتها بس صدقوني ماراح تستهلكونها كثر هالبدلات

واحين ناقصني أطقم للبيبي للمستشفى تتناسب مع ثيم الغرفة اللي بختاره وألوانه


http://www.3roos.com/files/ups/2010/193326/01286216900.jpg
سويت عرض وحاسه انها مب طالعة فبحطها كرابط بعد احتياط


هاي خذته من جاكادي وطقمت عليه هالمهاد من محل بوابة المولود




هاي ناقص اطقم له قبعة واتوقع احصل في محل بيبي شوب اما المهاد من محل بوابة المولود بعد ركبته عليه
http://www.3roos.com/files/ups/2010/193326/11286216900.jpg





http://www.3roos.com/files/ups/2010/193326/21286216900.jpg


بتلاحظون البدلة معفسه بالصورة لأن ولدي فديت قلبه جنني كل مافرشتها بصورها سحبها وحذفها وناقصها أركب لها مهاد مناسب




http://www.3roos.com/files/ups/2010/193326/31286216900.jpg
هاي بجامتين من نكست اما المهاد من محل بوابة المولود

يتبع لي عودة

بسم الله على الله تطلع بس

*همس الفجر*;13298174:
إن شاء الله وهاي جزء بسيط قدرت أصوره لكم ومقتطفات بسيطة من مشترياتي لأن خبركم الصور يبي لها وقت بالتعديل والتصغير وانا ترى مكثرة من بدلات النوم الخفيفة القطنية لأنها أريح شيء للبيبي بهالعمر ولاولدي الأول ماخليت بدلة جينز وحركات ماخذتها بس صدقوني ماراح تستهلكونها كثر هالبدلات

واحين ناقصني أطقم للبيبي للمستشفى تتناسب مع ثيم الغرفة اللي بختاره وألوانه


هاي خذته من جاكادي وطقمت عليه هالمهاد من محل بوابة المولود



هاي ناقص اطقم له قبعة واتوقع احصل في محل بيبي شوب اما المهاد من محل بوابة المولود بعد ركبته عليه




بتلاحظون البدلة معفسه بالصورة لأن ولدي فديت قلبه جنني كل مافرشتها بصورها سحبها وحذفها وناقصها أركب لها مهاد مناسب




هاي بجامتين من نكست اما المهاد من محل بوابة المولود

يتبع لي عودة

الله يسهل عليج بس حبيبتي الصور مو طالع عندي :(