لمة الليبيات لشهر شعبان 1431 - 2010 م

فيرونا :lol:علاش اللف والدوران هادا كله لوقلتيلي من الاول شنو هوا التاتو كنت رديت عليك
ومش راح نبخل بالرد :03::03: عموما صار خير

*الننس*;12789968:

مشكورة حبيبتي كفيتي و وفيتي
بالنسبة لبنتي انا نستعمللها شامبو جونسون للاطفال قصدك حتى هو مش كويس
و حاجة تانية نقدر نستخدم لبنتي الزيوت اللي قلتي عليهن او تحسيها قوية عليها مع العلم انها قريب اتسكر السنة

اهلين ننس كيف حالك وربي يحفظلك بنيتكF:
وماتصدقيش اي شامبووو سواء كان اطفال او طبي لان كله كيميائي انت شنو خاسرة جربي صابون الغار روووووعة اني ليا فترة سمعت عليه دكتورة تتكلم عليه وشكراتة وقالت حرام تغسلووو شعر الاطفال بالشامبوو وحتى انا نستعمل فيه من 7 شهووور وعلى قد مانحكيلك عليه شوية خف التساقط وشعري تريح وشعر بناتي
والزيوت تقدري اديريهم لبنتك مافيهمش مشكلة بس ماتخليشي على شعرها فترة طويلة ساعتين وبس وجربيلها الزبدة حتى هيا روووووووووعة:thumbs_up:

Hayela;12786451:
مشكورة لؤلؤة وفعلا كلامك صححح

انى خلطة شبيهة درتها فترة والله شعرى بدا يهبل بس ليا فتررررة شهرين او تلاتة موقفة واعراس وحرق شعر توا تااااااعب بكل .. بس توا معاش عندى اعراس لبعد رمضان قلت نهتم بيه فترة توا ورمضان ..

الخلطة :
زيت لوز مر - زيت جنين القمح - زيت الخروع - زيت بذرة الكتان - زيت الاس (الريحان) - زيت السمسم - زيت الجرجير .... شيشية صغيرة من كل نوع من الزيوت اللى فاتت .. تخلطيهم فى فازو .. وتحطى عليهم كاشيكين كبااار محلب مطحون .. تاخديه من العطار حتا هوا وترحيه .. وفص توم مرحى وكاشيك حلبة مرحية ولو متبيش تقدرى تفوتيها وتستبدلى وحدة من الزيوت بشيشة زيت حلبة .. وخلاص تخليهم 5 او 6 ايام منقعات متفتحيش الفازو بكل .. ويوم اللى بتبدى ننصحك اتقصى الاطراف المتقطعة ومقصفة لانها متخليش الشعر يطووول كل ماهو يطول شوية التقصف يركب فوق وهكدا .. وبعدها ابدى الاسبوع الاول يوم بعد يوم .. والاسبوع التانى تلاتة مرات فى الاسبوع .. والاسبوع التالت يومين بالاسبوع واستمرى هكى لمدة شهر ونص او شهرين وبدووووون استعمال سشوار او مكوى نهاااااااااائى .. هادا بالنسبة لحمامات الزيت والغسل ..
نجو للنهار.. فى النهار ادهنى بزيت الحية الشيشة هاديكا البيضة الصغيرة .. او زيت فاطمة شيشة خضرة بالصبار تلقيها فى الصيدليات ب 12 دينار حتا هوا ممتاز .. فى منها صفرة بالجنسنج لكن صنتها قووووية بدات للى متزوجات مش حتعجبهم الريحة الصبار رحيته حلوة.. و ضرورى مرتين فى اليوم تدهنى دهن بسيط وتمشى الشعر بمشط خشب واديرى مساج باش تحركى الدورة الدموية .. وبعدها تاخدى القصة القدامية كلها تمشطيها على جهة يا يمين يا يسار وتشديها بتوكات .. ولما تجى بتمشطيه المرة التانية اديرى بالاتجاه التانى وتشديه تانى بتوكات .. باش مياخدش على اتجاه واحد وتطول القصة بسررررعة .. وهادى والله عن تجربة وان توا مدايرتها كل مرة نشد قصتى على جهة ..


وخلاص :worn_out: ان شاء الله كلناااا شعورنا تطول ...

:|

لؤلؤة سرت;12789989:
فيرونا :lol:علاش اللف والدوران هادا كله لوقلتيلي من الاول شنو هوا التاتو كنت رديت عليك
ومش راح نبخل بالرد :03::03: عموما صار خير

:o والله عارفه انك مشحتقصرى معى بس عاد منيش جاهله للدرجه هذى نعرف التاتوو سنو هو :)

لؤلؤة تعرفى انسجمت معاك ونسيت اليطاطا المقليه على النار وللاسف انحرقت

تبلت الدجاج منالصبح علشان نقليه وقليت بعض الخضره وطيبت فليفله من امس وبرمت على الجنان ودرت جو للاهلى علشان نتعشوا باره وكلمت اختى وصغارها ورجلها وتو هم امقعمزين باره ويستنوا فى البطاطا على اساس بتكون مقليه لكن حيكالوها محروقه مش مشكله نضحكوا عليه شويه لانى خاطرى انغير جوا وتصبحوا على خير كلكم وانشوفكم بكره

فيرونا 25;12789453:
ناسى مملكه بيتى عرب امريكا وينكم واحشتونى وشنى اخباركم وعسى المانع خير سنى اتجهزوا للرمضان

الله يسلمك

ياا فيرونا


بخير -- ولستعددات رمضان عاديه --------موش كيف ليبيا يااحساره

ههههههههههههههه


ووان شاء الله كل عام وانتى بخير

ورمضان كريم F:

*الننس*;12790154:

بنات بنحكيلكم بالتفصيل عن موقف صار معاي

بنت جيرانا عمرها ممكن 17 او 18 مش عارفة بالزبط و اختها اصغر منها مش بواجد ممكن اصغر منها بسنة
المهم
هالبنت مرة مرة اتجي اتهدرز شوي معايا بالرغم انه انا اكبر منها لكن قلت هي توسع خاطرها و حتى انا
وام هالبنت مرا كوييييييييييسة ما شاء الله عليها و همها الوحيد اصغارها قراياتهم و تربيتهم
المهم
من فترة حسيت هالبنت مش مزبوطة يعني مرة قاتلي انه عندها شفرة و تبي تلفون اتركبه فيها و قاتلي عطيني كان عندك تلفون طبعا قلتلها ما عطيتهاش قلتلها ما عنديش
و بعد فترة قاتلي نبيك اتسلفيني فلوس مع العلم انه اهلها حالتهم المادية ممتااااااااااااااازة طبعا ماعطيتهاش و وزعتها لانه بصراحة مارتحتش لطلبها يعني كانها محتاجة لشي اتقول ل هلها
ومرة جت اتهدرز كالعاد هي و اختها و قاتلي خلاص بنروح قلتلها اوكي مع السلامة و فعلا طلعت
و بعد ممكن نص ساعة اتصلت امها بيا و قاتلي قولي ل بناتي ايروحن هنا بصراحة انصدمت و ما عرفتش شن انقول قلتلها اوكي
و اخر حاجة جت اول امس و قاتلي عندي تلفون جديد و نبي تلفونك ننقل منه صور و اغاني قلتلها اوكي و عطيتها التلفون و انا نطلع و انخش من المطبخ و لاحظتها طالعة خاشة على بلكونة المطبخ و اتكلم في حد من البلكوني ف طلعت و قلتلها في من اتكلمي اتلخبطت و قاتلي انكلم في خوي و على طول قالتلي بنروح و قالتلي كان اتصلت امي قوليها توه اتروح بصراحة قلتلها لا لازم اتقوليلي خيرك و وين ماشية ما عدلش عليا و طلعت فيسع
انا على طول خذيت تلفوني و شكيت في الامر لقيتها راسله من تلفوني مسجات و جاها مسجات طبعا من رقم غريب طبعا هي ماسحة المسجات بس شفت التقارير
اصلا هي لما جت جت هي و اختها ف قلت ل اختها انها اتقوللها اني عرفتها و عرفت اللي داراته
معليش حبيباتي طولت عليكم
لكن قولولي كيف نصرف معاهم
هل انخبر امها و الله خايفة اتصير مشكلة
كيف اندير؟؟؟

سامحوني طولت عليكم

عروسة الاميرات;12786511:
اهلا دكتور ايمان قولى لى كيف صار عربتيه جهازك والا شنو

اهلا بيها عرؤستنا.لا ما عربتاش بس لقيت من تحت تحؤيل النص للعرب:thumbs_up:ى

مسااااااااااء الخير

ننوس ليك وحشه انا في ليبيا وقريب نمشي لبريطانيا

روح الوليد .روز . ننس . هنو ,اماني . دايموند. اميره . عروسه بنات وينكم وشن اخباركم واكيد نسيت واجدات طرابلسيه والله ليكن وحشه اكيد مابنقدر نقرا كل الي فاتني ونبي نعرف اخباركم ام احمد قدرك يابنات استاحشكم بكل:badly:

البنات الي انضموا بعدي اهلين انا ايمي قديمه هانا في اللمه كيف حالكم كلكم(وحده مراييفه)

*الننس*;12790154:

بنات بنحكيلكم بالتفصيل عن موقف صار معاي
بنت جيرانا عمرها ممكن 17 او 18 مش
لكن قولولي كيف نصرف معاهم
هل انخبر امها و الله خايفة اتصير مشكلة
كيف اندير؟؟؟
سامحوني طولت عليكم

حبوبة الننس .موقف صعب وبايخ وربي يهديهم هاالبنات.شن حرجة للغاية هاالسن وانت حبوبة ردي بالك تشوفي وسكتي والغلط ماينسكتش عليه. وحاولي تمهدي لأمهم ماتصدميهاش على طول . جيبيهالها باالسياسة وتوقعي رد فعلها يكون قوي شوية وتوقعيها تلومك وتقول انك مشجعتيهم توقعي تقول انك مسهلتهم الموضوع وانك تستقبلي فيهم عندك بش تكونى جسر المحبة امتاعهم توقعي كل شي بس انت ديري اللى عليك والباقي بينهم وبين امهم المهم انت تبري ذمتك. لانهم بنيات صغار ويعتبروا لما يجوا عندك امانة. .وهما بينيهلهم انك مش راضية على تصرفاتهم اونك مش مسؤلة على هاالتصرفات وانك اى شي بتعاوديه لامهم. بش يحترموا انفسهم ومايورطوكش معاهم..

*الننس*;12790203:

طبعا انا خبرت راجلي على اللي صار على شان ايكون في الصورة و قالي ماعادش تستقبليهم
اصلا هما ايجو في اوقات مش مناسبة يعني ما ايهمهم اذا كان راجلي قاعد او لا
مرات ايكون راقد و ايجو
على فكرة اتصلت بيا اختها قبل المغرب قالتلي كان راجلك مش قاعد بنجوك
قلتلها توه راجلي قاعد لما يطلع تعالو قالتلي اوكي
على فكرة هما يسكنو فوقنا لانه احنا في عمارة

احسن شي انك قلتي لزوجك . بش يكون في الصورة . هادى احسن مافي الموضوع .

تصفح الموضوع حالياً: 3 (3 من الأعضاء و 0 من الزوار) ‏روح الوليد, ‏قهوه الصباح+

هلا هلا حبوبة شخبارك نورتى ليبيا ياعسل

هلا هلا حبوبة شخبارك نورتى ليبيا ياعسل

النور نورك اخباري تمام نوتي في روحي للعوده انشاءالله ادعولي يابنات لاني تشحورت في الجيه بكل بكل الرحله تكنسلت وبتنا يومين في المطار وتعبت انا والصغااار توا خايفه من المرواحه

هنو
عروسة الاميرات
في فرح بيسا االليلة
ربي يهنيها يارب وعقبال الباقيات يارب