لمة الليبيات لشهر شعبان 1431 - 2010 م

*الننس*;12770866:

السلام عليكم
كيف حالكم جميعا ان شاء الله كويسين
نبي منكم اي شي يطول الشعر قصدي اي وصفة او اي زيت يطول الشعر في اقصر فترة ممكنة
يعني نبي في العيد يكون شعري طويييييييييييييييييل هههههههههه طماعة
اه و نبي شي يكثف الشعر معليش زودتها بالطلبات سامحوني لكن عارفتكم حبيباتي و وخياتي و بتساعدوني
يلا وروني همتكم

هلا ننس شني اخبارك;)F:
اول شيء ننصحك وننصح اي ام تغسل شعر صغارها بصابون الغار بدل الشامبووو لان الغار بدون مواد كيميائية والشامبوو قوي
وكله مواد كيميائية وهادي مجربه ننصحك بيه الغار:thumbs_up:
ثاني شيء بالنسبة للزيوووت عندك زيت السمسم كويس بكل للشعر وزيت الاس معروف وزيت اللوز المر وزيت النارجين اللي هوا زيت جوزالهند امتاع حكة الحديد الخضرا وزيت الجرجير وزيت الخروع وزيت جنين القمح اللي يعتبر كيف الفيتامين للشعرهديما اختصار للزيوت كلهم تشريهم وتخلطيهم مع بعض واذا امكن خودي ثومات:thumbs_up: ودقيهم وحطيهم مع الزيت وخليهم في الشمس لمدة اسبوع:clock: واستعمليهم عن تجربة ;)
وبخصوص ماسكات للشعر اكثر شيء ننصحك بيه وحتى هوا عن تجربة الزبدة الوطنيه:thumbs_up: راك اتلخبطي اديري الزبدة الجاهزة امتاع المحلات :thumbs_down:لالالالالالالالا:thumbs_down: لانها مملحة مش كويسة للشعر خودي الزبدة من محلات الالبان زبدة بقرية;)
وعندك السدر خوديه من العطار وارحيه وديريه زي الحنة مع بيضتين وحلبه مرحية وخليه ساعتين رووووووعة للشعر والا بدل السدر ديري زبادي بدون نكهة متاع الدايت :):thumbs_up:
واخر شيء العسل اللي وصا عليه الرسول عليه الصلاة والسلام
:thumbs_up:ان شاءالله كنت افدتك:thumbs_up:

السلام عليكم

كيف الحال ياا احلى ليبيات

صباح النور عليكم

طرابلسية لسرتاوي;12777775:
هلا صبايا
كيف حالكم جميعاF:
عندي ليكم سلام خص نص من بيـــــــــــــــF:سا الحلوة:adore:
قالتلي سلميلي عليهم سلام خص نص وانا هكي نقلتلكم:)
وقالتلي سلميلي علي مدام غادة هلبه هلبه هلبه هلبه
طبعا انا اتصلت بها حتى نباركلها وان شاء الله ربي يهنيها هالبنيه عندها اسلوب تبارك الله الحق ربي يحفظها :thumbs_up:

صباح الخير ؤ الفل ؤ الياسمين

Ghado;12785284:

طرابلسيــــة : شكراً حبيبتي .. سلمها هالحمام الزاجل الي ما يجيب غير في الأخبار الحلوة

بالله عليك سلميلي عليها هلبات كمشات ... و قوليلها استاحشتها مووووت و خلت مكانها و اني كسدت من غيرها

و بالله عليك باركيلها نيابة عني .. ربي يهنيها بيســو الحلوة F:

و هادي بوسة كبيرة مني لبيســا حبيبة قلبي :087:
من عيوني يااحلي غدغود حاضر ح نكلمها ع خاطرك ونوصل سلامك:adore:

لؤلؤة سرت;12783392:
هلا ننس شني اخبارك;)F:
اول شيء ننصحك وننصح اي ام تغسل شعر صغارها بصابون الغار بدل الشامبووو لان الغار بدون مواد كيميائية والشامبوو قوي
وكله مواد كيميائية وهادي مجربه ننصحك بيه الغار:thumbs_up:
ثاني شيء بالنسبة للزيوووت عندك زيت السمسم كويس بكل للشعر وزيت الاس معروف وزيت اللوز المر وزيت النارجين اللي هوا زيت جوزالهند امتاع حكة الحديد الخضرا وزيت الجرجير وزيت الخروع وزيت جنين القمح اللي يعتبر كيف الفيتامين للشعرهديما اختصار للزيوت كلهم تشريهم وتخلطيهم مع بعض واذا امكن خودي ثومات:thumbs_up: ودقيهم وحطيهم مع الزيت وخليهم في الشمس لمدة اسبوع:clock: واستعمليهم عن تجربة ;)
وبخصوص ماسكات للشعر اكثر شيء ننصحك بيه وحتى هوا عن تجربة الزبدة الوطنيه:thumbs_up: راك اتلخبطي اديري الزبدة الجاهزة امتاع المحلات :thumbs_down:لالالالالالالالا:thumbs_down: لانها مملحة مش كويسة للشعر خودي الزبدة من محلات الالبان زبدة بقرية;)
وعندك السدر خوديه من العطار وارحيه وديريه زي الحنة مع بيضتين وحلبه مرحية وخليه ساعتين رووووووعة للشعر والا بدل السدر ديري زبادي بدون نكهة متاع الدايت :):thumbs_up:
واخر شيء العسل اللي وصا عليه الرسول عليه الصلاة والسلام
:thumbs_up:ان شاءالله كنت افدتك:thumbs_up:

مشكورة لؤلؤة وفعلا كلامك صححح

انى خلطة شبيهة درتها فترة والله شعرى بدا يهبل بس ليا فتررررة شهرين او تلاتة موقفة واعراس وحرق شعر توا تااااااعب بكل .. بس توا معاش عندى اعراس لبعد رمضان قلت نهتم بيه فترة توا ورمضان ..

الخلطة :
زيت لوز مر - زيت جنين القمح - زيت الخروع - زيت بذرة الكتان - زيت الاس (الريحان) - زيت السمسم - زيت الجرجير .... شيشية صغيرة من كل نوع من الزيوت اللى فاتت .. تخلطيهم فى فازو .. وتحطى عليهم كاشيكين كبااار محلب مطحون .. تاخديه من العطار حتا هوا وترحيه .. وفص توم مرحى وكاشيك حلبة مرحية ولو متبيش تقدرى تفوتيها وتستبدلى وحدة من الزيوت بشيشة زيت حلبة .. وخلاص تخليهم 5 او 6 ايام منقعات متفتحيش الفازو بكل .. ويوم اللى بتبدى ننصحك اتقصى الاطراف المتقطعة ومقصفة لانها متخليش الشعر يطووول كل ماهو يطول شوية التقصف يركب فوق وهكدا .. وبعدها ابدى الاسبوع الاول يوم بعد يوم .. والاسبوع التانى تلاتة مرات فى الاسبوع .. والاسبوع التالت يومين بالاسبوع واستمرى هكى لمدة شهر ونص او شهرين وبدووووون استعمال سشوار او مكوى نهاااااااااائى .. هادا بالنسبة لحمامات الزيت والغسل ..
نجو للنهار.. فى النهار ادهنى بزيت الحية الشيشة هاديكا البيضة الصغيرة .. او زيت فاطمة شيشة خضرة بالصبار تلقيها فى الصيدليات ب 12 دينار حتا هوا ممتاز .. فى منها صفرة بالجنسنج لكن صنتها قووووية بدات للى متزوجات مش حتعجبهم الريحة الصبار رحيته حلوة.. و ضرورى مرتين فى اليوم تدهنى دهن بسيط وتمشى الشعر بمشط خشب واديرى مساج باش تحركى الدورة الدموية .. وبعدها تاخدى القصة القدامية كلها تمشطيها على جهة يا يمين يا يسار وتشديها بتوكات .. ولما تجى بتمشطيه المرة التانية اديرى بالاتجاه التانى وتشديه تانى بتوكات .. باش مياخدش على اتجاه واحد وتطول القصة بسررررعة .. وهادى والله عن تجربة وان توا مدايرتها كل مرة نشد قصتى على جهة ..


وخلاص :worn_out: ان شاء الله كلناااا شعورنا تطول ...

:thumbs_up::thumbs_up:

Hayela;12782771:
اهلا بنات

هلا كوين .. عجبتنى فكرتك تعرفى وانى كيف بادية نخمم فى رمضان

بالنسبة ليا مدرت شى قاعدة .. بس مفكرة بنهرس التومة فى فازو زى ديما يبدا واتى زى العجينة ف التلاجة .. وبنطيب كيمة خلطة مفروم ونقسمها ونفريزها تبدا واتية للبوريك او للزانيا .. وبنطيب خلطة كانيلونى بالدجاج ونقسمها ونفريزها .. وبنقص لحم الشربة ونقسمه اكياس باش تبدا الشربة ساهلة .. والمعدنوس والكسبر حتا هوا نقطع فيه ونفريز فيه للمسات الاخير للشربة .. واكيد حنطيب صلصة بيتسا ونفريزها فى اكياس حتا هيا .. وراجلى عقله الفطيرة ياكل فيها مع الشربة ولازم انى نديرهاله :o على اساس .. فاول يوم رمضان نطيب هلبا وتتفريز عادى وكل ماتم ندير مجموعة تانية وخلاص ..
وبادن الله مقررة رمضان مش مدايرة هلبا حاجات .. يعنى الفطور حيكون شربة وفطيرة وسلاطة وحاجتين رقاق بس وحاجة حلوة لبعد الفطور ..



الخبزة المرحية والنعناع الحق شريتهم واتيات ..

:thumbs_up::thumbs_up::thumbs_up:


ماشاء الله عليك يا فالحة روعة توا اندير زيك

اهلا دكتور ايمان قولى لى كيف صار عربتيه جهازك والا شنو

السلام عليكم كيف حالكم يا بنات

بالله عليكم اني حايرة في رمضان كيف بنحاظ علي وزني
وعندي مشكلة بطني ما تبيش تخش:'(

العروسة السمحة;12787508:
السلام عليكم كيف حالكم يا بنات

بالله عليكم اني حايرة في رمضان كيف بنحاظ علي وزني
وعندي مشكلة بطني ما تبيش تخش:'(

والله يا عروسه سمحه حتى انا عندى مشكله فى البطن لكن توا بنبدا ندير تمارين بطن وبنشدها رقص وخلاص وبنقص الخبزه واهم حاجه تحاولى تحاولى تبتعدى عن الدهون وتكترى من الملفوف فى السلايط هو صح يدير غازات لكن ميه ميه لحرق اى دهن زايد وشرب الميه باستمرار

بنات نبى نتعلم رسمة العين الخليجيه مناعرفش نزبطها يعنى نعرف نرسم العين من لوطه ( الجفن السفلى ) بالقلم لكن من فوق سواء بالاى لاينر او بالقلم مانعرفش ... كيف نتعلمها ... قولولى .؟؟؟؟؟؟؟؟؟

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

؟؟؟؟؟؟؟؟؟؟؟؟؟؟؟؟؟؟؟؟؟؟؟؟

رموسة الحلوه;12787679:
والله يا عروسه سمحه حتى انا عندى مشكله فى البطن لكن توا بنبدا ندير تمارين بطن وبنشدها رقص وخلاص وبنقص الخبزه واهم حاجه تحاولى تحاولى تبتعدى عن الدهون وتكترى من الملفوف فى السلايط هو صح يدير غازات لكن ميه ميه لحرق اى دهن زايد وشرب الميه باستمرار

بارك الله فيك
حتي بنشدها رقص وخلاص:p

مساء الخير عليكم ومرحبتين بكل اخت جديدة معانا نورتوا التجمع ياحلوات.
هنو وحشتيني بجديات يابنت.
هايلة مبروك مادرتوا
غادو
وحشتيني ووحشتني هداريزك
نرجس
الف الف مبروك
بيسا
الف الف مبروك
هبة
شخبارك ياعسل
طرابلسية لسرتاوي
شن الجو ياحلو
ايمي
وين الغيبة
ديمو
وين وصلتي في الجري وربي يهنيك يارب
ام احمد
حبوبة طمنيني طلعت النتيجة
عروسة ليبيا
ها ياعروسة وصلتني الاخبار ماشاء الله عليك صدارة في نجمة بوجى باالبدلة الكبيرة . ماشاء الله . طرشقتي وشيقة والا لا ؟ ووصلتي بنغازي والا مازال؟

هونيدة
روحتي والا مازال؟في السعودية
ومن تانى يارب نكون مانسيت حد لانى استحشتكم عاالاخر
سلالالالالالالالالالالالالالالالالالالالالالالام ولي عودة

عروسة الاميرات;12786498:
:thumbs_up::thumbs_up:

:thumbs_up::thumbs_up::thumbs_up:


ماشاء الله عليك يا فالحة روعة توا اندير زيك

خلاص خلى نشجعوا بعض حتا انى غدوة طالعة بنشرى الحاجات والزيوت اللى ناقصتنى ... ونبدو كلنا مع بعض شن رايكم وبعد رمضان كل وحدة تقوللنا شن النتيجة :thumbs_up:

روح كيفك .. العقبة ليك يارب ...

السلام عليكم
كيف الحال وحشتونى والله شن اخباركن