تجمع بنات الجزائـــــــــر لشهر شعبان 1431 ه/2010 م

يتصفح الموضوع حالياً: 6 (6 من الأعضاء و 0 من الزوار) ‏اشـــراق, ‏أحلام فتاة+, ‏line1984, ‏سهي25, ‏mimati+, ‏kahina omi

وينك فردوس:mad:

ان شاء الله ربي
يبارك فيكم
ويرزقكم كل خير
يارب

kahina omi;12826488:
الجهانة على حسب وش فهمت كي تجي ترقدي تحسي حاجة فوقك تشلك على الحركة و الكلام تروح كي يشعل الضوء يسموها عندنا بوتليس كي كنت صغيرة كانوا لبنات يحكيو عليها و ماكنتش نصدقهم حتى نهار صراتلي بصح انا نشهد بشوي بشوي حتى نتغلب عليها و ساعات نتحس بلي راح تجيني و ندور برك على الجهة الاخرى و نشهد خلاص بصح لحد الان مانيش فاهمة وش هي هذ الضاهرة انا نقول نفسي من التخمام بزاف و التعب و الله اعلم المهم الحمد لله بربي تخلصت منها

ايه صح
انا نحس بيها قبل ماتجي نقعد نتقلب باش ماتحكمنيش
بصح غير يغلبني النعاس وتغمض عيني تحكمني ثم ثم
حابة نعرف واش هيا لحد الان مالقيتش جواب شافي
يالطيف شعور لا يوصف
الحمد لله كي تهنيتي منها وان شاء الله انا ثاني نتهنى منها
وربي يبعدها على الجميع

أحلام فتاة;12826338:
عندي نفس المشكل
حرت في روحي واش ندير
زعما قبل مانرقد نقرا الاذكار ونرقي روحي ونشرب ماء مرقي
بصح مانقدرش نرقد ويحمني الوسواس وتجيني هاذيك اللي يسموها الجهامة اذا تعرفوها
يالطيف :thumbs_down:

امين سهى ولك بالمثل

ضحكتيني لين
مرحبا بيك معانا سهى
اما اشراق هذي الضاهرة ماتخافيش منها و الله كلش من النفسية
كيما قال ربي فاذا فرغت فانصب و الى ربك فارغب
يعني الواحد لازم مايبقاش ديما وحدو حتى ينفرد بيه الملعون و يزسوسلو ويبد التخمام و المشاكل و نكبروا الحاجة اكثر من طاقتها

mimati;12826535:

هههههههههههههه قصدك بو تلايس بالعامية نتاعنا واش دار فيا بكري تقولنا نانا الله يرحمها اللي يحكم شاشيته يغنى ( تخاريف زمان )
هذاك يسمى بالجاثوم علميا قالك يعتبر شلل النوم الواحد يحاول يصرخ ويعيط واحد ما يسمعه بصح من الناحية الشرعية قالك العياذ بالله راهو نوع من الجن يجثم على صدر الانسان
وانا متاكدة انه كذلك بدليل مجرد ما نقراو القران تلقايه يتلاشى والعياذ بالله وجسمك يبدا يستوعب حالته
اقراي سورة البقرة البداية واية الكرسي خواتيمها
حاولي قدر الامكان تخلي باب الحمام مغلق وتكثري من الاذكار
رب يحميا ويحميكم

ايه هاذيك هيا شفتي شحال واعرة
ربي يبعدها علينا والله غير راني نعاني معاها حتى وليت نخاف نرقد
نحاول ندير كيما قلتيلي

kahina omi;12826488:
الجهانة على حسب وش فهمت كي تجي ترقدي تحسي حاجة فوقك تشلك على الحركة و الكلام تروح كي يشعل الضوء يسموها عندنا بوتليس كي كنت صغيرة كانوا لبنات يحكيو عليها و ماكنتش نصدقهم حتى نهار صراتلي بصح انا نشهد بشوي بشوي حتى نتغلب عليها و ساعات نتحس بلي راح تجيني و ندور برك على الجهة الاخرى و نشهد خلاص بصح لحد الان مانيش فاهمة وش هي هذ الضاهرة انا نقول نفسي من التخمام بزاف و التعب و الله اعلم المهم الحمد لله بربي تخلصت منها

أول مرة نسمع بيها
الحمد لله اللي هناك منها والعاقبة لهااااجر
انا نعاني من الكوابيس
لوكان مانرقدش على جنبي اليمين نشوف اشكال الله لا يوريكم
سواء على ظهري على جنبي ليسار على بطني اشكال شنيعة
حتى كون نميل شوية على الجنب ليمين تبدا هذيك لشكال
بصح ماهيش جديدة الحاجة هذي مانشفاش وقتاه بدات معايا
مع انني نقرا آية الكرسي و المعوذتين قبل النوم بصح الاشكال هذيك دايما نشوفها

c est psychologique

واش الجو عندكم اخواتي
ان شاء الله ربي يعينا على هذة السخانة وخاصة في رمضان

عندك الحق ميماتي مانعرف وش نديروا بشاشيتو سبحان الله الناس تاع بكري كانوا نية بزاف لدرجة حاجة احنا تخلعنا هوما يرجعوها ضحك و لعب على بيها ربي سهللهم حياتهم

سهي25;12826421:
مساء الخيرات والمسرات
على بنات بلدي
يسعدني ويشرفني ان انضم اليكن
على فكرة انا متابعة الشات من زمان
الان اتيحت لي الفرصة للانضمام اليكن
ربي يخليكم

اهلا اختي سهى يسعدنا انضمامك الينا ومرحبااااا بك
وكل عام وانت الى الله اقرب

سهي25;12826587:
واش الجو عندكم اخواتي
ان شاء الله ربي يعينا على هذة السخانة وخاصة في رمضان

ان شاء الله

راهي عشية دركى والسخانة مازلت كاينة

وين ساكنة انتي سهى ؟

جربي YOGA OU LA RELAXATION

لازم الواحد يكثر من الاذكار وقراءة القرآن خاصة قبل النوم
ويرقد على طهارة ويقرا في كفيه ويمسح كامل جسمو
انا رقيت ثاني في قرعة ماء وراني نشرب منها ونولي نحطها عند راسي في ليل غير تحكمني نوض نشرب ونمسح بالماء
بالاك مشي ساهلة هذي الامور باش تروح من اول مرة لازم الواحد يحصن روحو كل يوم
نفس الامر بالنسبة للكوابيس اشراق

ساكنة في قسنطينة
انا والله درت الكوراج اليوم وجربت الصيام
هو يعني ما فيهش الجوع شوية فقط الفشلة
الله المستعان

اشـــراق;12826567:
أول مرة نسمع بيها
الحمد لله اللي هناك منها والعاقبة لهااااجر
انا نعاني من الكوابيس
لوكان مانرقدش على جنبي اليمين نشوف اشكال الله لا يوريكم
سواء على ظهري على جنبي ليسار على بطني اشكال شنيعة
حتى كون نميل شوية على الجنب ليمين تبدا هذيك لشكال
بصح ماهيش جديدة الحاجة هذي مانشفاش وقتاه بدات معايا
مع انني نقرا آية الكرسي و المعوذتين قبل النوم بصح الاشكال هذيك دايما نشوفها

سهي25;12826587:
واش الجو عندكم اخواتي
ان شاء الله ربي يعينا على هذة السخانة وخاصة في رمضان

ايه يا اختي والله غير راهي وحد السخانة واش نقولو غير ربي يرحمنا برحمتو في هذا الشهر الفضيل

اشراق ربي يعينك على الكوابيس ماكيش وحدك و لازم تعرفي بالي النفسية داخلة في الروحانيات رانامخلوقين من نفس وروح هذي حاجة طبيعية اقراي سورة الانشراح

ربي يتقبل سهى
ومرحبا بناس قسنطينة الطيبين