firdaousse;12789005:السلام عليكم
كيف احوالكم بنات انشاء الله بالف خير
واش راكم اشراق و ميماتي
اشراق راني رايحة نمدلك رايي و تجربتي
عندي اكثر من 6 سنوات خدمة و الحمد لله على هاد النعمة و يا ربي ما تحرم حتى واحد منها
في العامين الاولين كنت ما نحكمش دراهمي خلاص هدي لبسة ليا و للوالدين لخوتي و اولادهم مي ممبعد فقت مع روحي
في الحقيقة ما عندي حاجة في الذهب مي خممت في المستقبل الا تخطبت واين نحط شرطي في الذهب و لا الفراش ولا التصديرة راه شي مايكفي و زيد مانيش من النوع تاع لبنات لي يشرط على الراجل الغلى في المهر او الذهب حتى هو بزاف عليه المهم قررت اني ندير الذهب مع اني نموت على الطوموبيل و نخدم بعيد على الدار
واشية كاينة حاجة الا بديتي بالدهب لازم اديري الاولوية و الاهم يعني كيما انا درت الشئ لي لازم و زيد راكي شفتيه
بديت باللويز و منبعد الفم تاع المحزمة و منبعد كروشيتها
زدت المقياس (الفردة)
زدت السلسلة الطويلة و الميداية تاعها
زدت السلسلة القصيرة
و البراسلي تاعها عندي يومين ملي دفعت عليه
صح 4 سنوات و انا خدم غير على الذهب صعيبة ماشي ساهلة بصح الحمد لله عرفت كيفاه نسير لاباي تاعي ماحرمتش روحي خلاص كيما التحواس كل عام ندي الوالدين و خويا لتونس نجوزو يامات ملاح و نجيو
و عليكم السلام ورحمة الله وبركاته
يعطيك الصحة فردوس كيما قالت ميماتي درتي الصح ماشاء الله
راكم اقنعتوني البنات نضن نودع احلامي تاع الطاكسي مؤقتا ونعول على ربي و نشري الذهب هو الصح :study:
فردوس يعطيك الصحة على المساعدة وسيرتو على العبارة هذي مانيش من النوع تاع لبنات لي يشرط على الراجل الغلى في المهر او الذهب حتى هو بزاف عليه
مصابة جاو لبنات كامل مكبرين عقولهم و يخمموا بالطريقة هذي , انا ثاني نشفق عليهم الرجال مساكن من الشرط للعرس للي كادوا من يخطب حتى للزواج للدار للتجهيزات تاعها الواحد ما يجي يتزوج للا راسه يشيب هذا اذا قدر , انا ثاني عندي نفس وجهة النظر تاعك في النقطة هذي :)