تجمع بنات الجزائـــــــــر لشهر شعبان 1431 ه/2010 م

رب يحفظك يا اختي العزيزة ربي يهدينا ان شاء الله
ويثبتنا اللهم امين اللهم امين
الدنيا هذي فانية يبقى غير عملك نقعدوا بالساعات على النت كل كلمة صغيرة
وكبيرة تدون في صحيفتنا يوم القيامة يا تنفعنا يا تضرنا
الواحد يحاول يعمل اي شي يعدل ميزان حسناته ما نعرف يقبلها ربي ولالا
عليها لازم دايما نسال الله الصدق والاخلاص في العمل والقول يارب ابعدنا عن الرياء وابعده عنا
يارب
وتسلمي لي على الدعوة الطيبة والملك يقول لك مثلها ان شاء الله
فدعوة لاخيك عن ظهر الغيب مستجابة ان شاء الله
نسال الله ان يجمعنا عند حوض النبي شفيعنا وحبيبنا محمد
عليه افضل الصلاة وازكى السلام

واش قلتي ميماتي
هل بامكانك مساعدتي و نصحي

نبداو يا اختي وعلاش لالا
بداية قوليلي وزنك قداش ؟؟طولك قداش باش نشوفو الميزان المثالي اللي لازم توصليلو باذن الله

هه ههه ههه ههه
الله يحفظك يا ميماتي
صح انا عندي مشكلة عويصة مع الوزن تاعي
الطول 163 والوزن 50 كغ الوجه كان مدور ولا طويل
الصدر راح بالكاد يتشاف
الزنود غبني عليهم ولاو عواد ايييييييه على ايام زمان

بصح حابتك تنصحيني في مشكل خلاف و قيلة التخمام في هاد المشكل هو السبة الي خلاتني نضعف
مي ماعليش نبداو بالوزن

وينك ميماتي

هههههههههههه ضحكتيني اسلوبك جميل جدا
شوفي يا حنونتي النتيجة نتاعك واش تقول من خلال وزنك
لديك ضعف في جسمك ناتج من قلة الاكل اجتهد في الاكل

هذا موقع مليح تابعي منه راح يفيدك ان شاء الله
http://fun.downloadiz2.com/wzn/

بداية قبل ما نروحو للاكل نحاولو نشوف الظروف النفسية نتاعك تقلقي بزاف تخممي بزاف اكثر حاجة شاغلاك؟ اختك ولات طبيبة نفسانية هههههه
ما علينا
شوفي حاولي تاخذي الامور ببساطة جبيبي ورقة وقلم اكتبي انا عندي هدف معين
باذن الله ساحققه (انني نسمان ) قوليها وبكل ثقة وبارادة

اكتبي من الجانب الايمن الحالة النفسية
شوفي واش هي الظغوطات سجليهم
من الجانب الايسر الشهية اخبارها /النوم /الراحة /الجهد شوفي كل واحد ومقياسه يعني نسبه نتاعو بزاف ولا قليل
كي تحصريهم قوليلي ونحاولو معالجة الموضوع
شوفي حاجة اهم من هذو اكل
الرسول صلى الله عليه وسلم يقول (داوومرضاكم بالصدقة )
يعني حاولي من فترة لاخرى تخرجي حاجة بنية ان ربي يزيدلك وزنك
كاينة تجربة لاخت من السعودية عندها شعر ما شاء الله سالوها السبب ولا زيت ولا اي شيئ تحطه على شعرها
تقول انها مرة على مرة تخرج صدقة عليه تخيلي سبحان الله
اكتبي واش قلت لك واحتفظي بالورقة راح نتابعوا عليها ان شاء الله

اختي ميماتي اعتبر نفسي من اللواتي يرسمن الهدف و يعملن جاهدات لتحقيقه و الحمد لله لا يوجد هدف رسمته و لم اصل اليه الا امرين الاول مشكلتي التي لم اجد لها حلا لوجود ظروف قاهرة اقوى مني و خارجة عن سيطرتي و الثانية هي الصحة و التي راحت من قوة التخمام على مشكلي
فشهيتي منعدمة تماما

فارجو نصحي لحل مشكلتي

حبيبتي شهية منعدمة للعامل النفسي
والعامل النفسي تقولي قهري وخارج عن سيطرتك
فما رايك في بداية اقوى مع فيروز جديدة بشخصية جديدة
تنسى الظروف وتتحدى !!

المشكلة النفسية هل لي معرفتها ولا من خصوصياتك
واسفة ان تعديت حدود الدردشة !!
المثل الجزائري يقول اللي فاتك بليلة فاتك بحيلة
وانا اكبر منك بكثير ممكن افيدك والدين النصيحة
لعل الله يجعلني سببا في ..ولو وقوف من عثرة بليدة
حطمتك نفسيا معنويا جسديا

شوفي اختي ميماتي المشكلة تاعي سبق و طرحتها على اشراق و كهينة في الشات الا حبيتي تقرايها روحي لصفحة 27 و طلع اقرايها و الا حبيتي تسقسي باش تفهمي اكتر ماكاش مشكل المهم ساعديني الله يخليك

لا لا ميماتي بالعكس راني حاسة فيك انسانة واعية و رزينة و ممكن تساعدني بالعكس على الرحب و السعة والا مافهمتيش حاجة قوليلي

حسب ما فهمت يا اختي ان المشكل في شيخك !!والدة خطيبك مليحة خطيبك مليح
الحمد لله تبارك الله
شوفي يافردوس نصيب حد ما يديه حد هذه حطيه في دماغك واقتنعي بها خطوبة خمس سنوات طويلة بزاف كل ما طول المدة كل ما تكثر المشاكل
ما علينا خلاص عدت وان شاء الله بالخير
مشكلتك يا فردوس لازم تتحط النقاط على الحروف
قوليلي شيخك واش بيه؟؟؟ علاش تقلب واش بغا ؟؟

ميماتي انا اسمي فردوس مريم و ليس فيروز
والله ماني عارفة الوالد تاعو مرعروف في المنطقة انو عصبي و قبيح و زيد العائلتين نعرفو بعضانا و الولدة تاعو جات عندي و شافتني و تكلمنا مع بعضانا و قالتلي بلي ابنها لي هو خطيبي مستقبلا هاد وين خلص الخدمة الوطنية و كنت متفهمة لاقصى حد لكن الا متى
انا و هو متفاهمين في كلش و السبب الوحيد لي نتفاسدو ديما عليه الخطبة واكتاش
المشكل انه عندها عامين جاء الوالد تاعو لابي و لكن دون رجوع لمعرفة الرد ظنا منه انه "طيح الكلمة عليا" و عندي 5اشهر لم اكلمه غير على هاد السبة الخطبة فبالتالي ما تشوفي غير انه في 18 جوان جاء هو عند ابي و طلب يدي لكن ابي قالو"قول لباباك و انا نقول لبنتي" ااااااااااااااا صح هده هي الاصول و لكني تحريت من مصادري الخاصة و عرفت بلي والديه ما يهدروش مع بعض "متفاسدين" عندهم اكثر من 7اشهر
هو عمرو ما قالي الشئ هادا و لكن بزاف عليا و عليه
الحمد لله اني خلال هده السنوات كلها عمري ما شفتو قريب و لا تلاقينا العلاقة بالهاتف فقط ربي يغفر و يسامح

ميماتي اختي راني عييت و رايحة نرقد ادا ما عندكش مشكل غدا نكمل المناقشة و ربي يخليك

اولا عذرا ما ركزتش في الاسم مليح
ثانيا اللي يحل المشكل هذا هو خطيبك
هو عارف بلي راكي عارفة ان والديه معاديين بعضاهم ؟؟
ثانيا الوضع مبهم وغامض !! لازم يكون في دفع يعني ما يغييضكش الحال ما تقعديش تسناي
وتضيعي الفرص وانت تنتظري
صارحي خطيبك الموضوع كذا كذالازم نشوفو حل اتكلمي بجدية بلاش حكاية العواطف
لان هذا مستقبلك يدوم غير الصح
شوفي حاولي كاختبار قوليلو جايين ناس يخطبو وانتوما لحد الان ما درتو حتى مبادرة
شوفي ردة فعله ؟؟ خليه يحتاس هو يحاول يصلح الوضع باي طريقة مع والديه

خلاص اختي فردوس خليها غدوة ان شاء الله احلام طيبة
اكثري من الاستغفار هو مفتاح الفرج والكروب
في امان الله

حاولت كل الطرق و صدقيني في هاد الامر ماقاعداش نتعامل بالعواطف راني ما نهدرش معاه اكتر من 5اشهر و راه ميعرفش بلي علابالي انو والديه ماشي متفاهمين

ليلة سعيدة و جمعة مباركة