زوج لا يمكن التعايش معه

ما أقدر أقول غير الله يفرج همك
لأن اللي يتنازل من الأول ما يستفيد بعدين
لا حول ولا قوة إلا بالله
الله يكو ن بعونك أختي

مااقول الا الله يعينج ..في ناس ماينعطون ويه و لا يستاهلون تتنازلين عشانهم .. و خوات زوجج من هلنوع .. الللي صار صار و الحين حاولي اتحلين المشكلة ولاتفكرين في اللي مضى مثل المهر و طلباتج اول الخطوبة !! مايفيد التفكير في اللي مضى .. خلي اهلج يكلمونه و يحدد لج مصروف شهري عدل .. و اصرفي ع نفسج من المصروف .. عاد مصروف زين مب شوي ..

الله يساعدش
والله يعوضش خير
وحاولي تكلمين ابوه

حسبي الله ونعم الوكيل

حبيبتي اسفه على الصراحه بس انتي السبب من الاول تنازلتي عن كل شي له ومن الاول عطيتي اخته مجال تدخل بحياتكم

اولا اخته لازم تحطين لها حد خبريها انتي اخت زوجي وعمة عيالي على عيني وراسي بس رجاءا لا تدخليني ف عيالي مثل ما انتي ما تحبين احد يدخل ف عيالك انا بعد ما احب حد يدخل ف عيالي وبعدين كيف تخبرينه لا يشتريلهم ثياب فهميني شو هي واجباته ك رجال عيل؟؟؟؟ وخبريها ليش انتي تشترين ثياب لعيالك ودوم انيقين عيالك ولابسين احسن لبس كذا تحبي الخير لاخوك لما يقصر على بيته وعياله؟؟؟
خبريها احن نمر ايام اكل مافي ف البيت نجوع ما عندنا اكل انتي عاجبك عيال اخوك يجوعون وابهم مخبي فلوسه من تحت راسها خبريها ترضي هذا الوضع انتي تعيشي فيه

لازم تحطين لها حد وصيري قويه لا تعطيهم فرصه يركبون راسك ويستغلونك
حتى لو راتب زوجك مو كثير محد راح يكون حريص عليه كثرك
ولازم تفهمي زوجك هذي الكلام خبري محد يهمه مصلحته كثرك انتي لانه ف النهايه ابو عيالك ومصلحته من مصلحة عيالك وانتي مستحيل تصرفي فلوسه ف اشياء ما تسوى

اجلسي مع زوجك جلسه وخبريه ابغيك تسمعني للاخر ولا تقاطعني وطلعي كل الي بخاطرك حتى لو كلامك جارح شوي معليه اهم شي صيري قويه ووري انك قويه وشخصيتك قويه وانك ابدا ما راضي على عيشتك معه

صراحه انقهرت من اخت زوجك هذي

حبيبتي لا تظلي كذا ترضي تنحرمي من حتى الاكل انت وعيالك

الله يكون بعونك حبيبتي

شوفي فديتج دام هالاسلوب ما نفع وياه مالج الا انتي تتحركين بنفسج
روحي اشتغلي واصرفي على عمرج بنفسج واصرفي على عيالج بنفسج
وخليه قلعه تقلعه !
يعني شنو يمد ايده عليج ما يستحي هذا ! اسمحي لي الصراحه

مالج الا حل واحد انج تطنشينه وتطنشين وجوده بعد
لا تروحين له ولا تتكلمين وياه هو ببيحس من عمره وبييج
اما انتي تمي مكانج واستريحي !

لا واللي قاهرني تقولين مخلي عياله صوب الزباله اكرمكم ربي
ما يحس هذا ! اي ابو يسوي جذي ! هذا كلمة ابو حرام بحقه

شوفي اختي والله لو انا مو شايفه مصلحتج ما بقولج هالشي
من اليوم ورايح لا تسوين له سالفه ! تركيه لحاله
سوي حقوقه من كواي غسيل وطبخ والخ .. بس لا تيلسين تحنين فوق راسه
ولا تكلمينه بخصوص اي شي تبينه او انتي محتاجته
وربي يكون بعونج لين ما يحس هو ويصير قلبه حنين عليج وعلى عيالج
ما اقول غير ربي يسعدج ويفتح عليج ابواب رزقه ان شاء الله

طمنينا عليج يا الغلا

الله يساعدش اختي

دام السالفة فيها ضرب وتدخل ونقاشات ولافي فايدة انتي في هالفترة اسفهيه اعتبريه مو موجود اببببببببد مثل ماقالت الاخت جود سوي اللي عليج من كوي وتنظيف وبقية الاشاياء خليه يولي عيشي لروحش ولبناتش وبعد في نقطة مهمة وقفي عياااااااال بس خلاص لاتجيبين في هالفترة واتجهي اتجاه ثاني اذا انتي متعلمة دوري على شغل اي شغلة وخلي بناتش عند اختش وامش اكيد بيهتمون فيهم واصرفي عليهم ولاتعطين زوجش ولا فلس ولاتحطين في الشقة ولا شي من فلوسش وحتى الاكل خبيه عنه وقفلي الثلاجة اذا فيها ايا شي من فلوسش يمكن هالكلام مو حل بس على الاقل ردة فعل على اللي قاعد يصير اليش

وبعد من فترة كنت اجوف في قناة دبي مستضيفين واحد بحريني من عايلة الحلواجي مختص في المشاكل العائلية نسيت اسمه بس عنده حلول جدا حلوة ويعرف يفكر اليش بالمعاملة المناسبة اللي تتعاملين فيها مع زوجش وخصوصا هو رجل واكيد يعرف له ابحثي اكثر عن هالشخص واستشيريه

اسم الدكتور صلاح الخواجة

انا حاولت معاااااااااااااه واجد
ادا اقول له خلاص ادا ما بتصرف علينا بروح بيت ابوي يقول ليي بس تطلعين من الشقة مابترجعين ليها ...... (من زينها من شقة حتى الشقة ببلاش في بيت ابوك)
ومرة صدق طلعت وكنت قايله له الف مرة وحقرني وبعدين طلعت رحت بيت ابوي خواتي لصغار شافوا عيالي مفلوتين عند بيتنا صوب القمامة زوجي حاطنهم ومشى عنهم
:(
انا تعبت معاه صرت كأني مجبورة اقعد بالشقة وادا طلعت بطلقني
افكر اني افضحة عند جيرانهم وعند النسوان لانه ام زوجي تدري بكل شي ودائما تقول ليي انا قلت لابو زوجش وابو زوجي عصبي لو صدق قالت له جان من زمان وقفه عند حدة


وبعدين فوق كل هذا كل يوم يضربني زوجي بسبب لو بدون سبب وحتى لمزاح بعد يضرب ويدي اليسار تألمني من شهر 4 للحين متعورة
والله اني تعبااااااانه
وواااااجد واعااااااااااني منه الله ياخد الحق

حبيبتي شلون تخلينه يمد يده المفروض من اول مره طقج توقفينه عندد حده
و عيالج جم عمرهم
و شلون يقطهم
ماعنده قلب اعياله يقطهم شخله حق الغريب

مشششكورين

يالله يكون بعونش الصراحة
حاولي تكلمينه مو حالة هادي مو ماخذنش من الشارع اهو ملزوم ابش وبعيالش
ولا تسكتين لين ما نفع كلمي واحد كبير ف العائلة او شيخ يكلمونه ويتصرفون وياه
وانتي حاولي تشتغلين ادبرين امورش لان اهم شي عيالش لا يتشتتون بسبة ابوهم
واخته خليها على الله بياخذ لش حقش اتكلي على الله سبحانه ف كل شي اتسوينه
لا تنسين الادعية والقرآن والصلاة وتحسبي من كل ظالم ويسخر لش زوجش
والله يسوي الي فيه الخير

الصراحة المفروض توقفينه عند حدهم هو وأخته..
بأنك ترفعي عليهم قضية والعدل أن شاء الله ينصفك ..
وبعدين يالغلا النفقة حقك وحق عيالك ومن الواجب عليه
أنه ينفق عليكم .. هو مجبووووووووور بالنفقة موبكيفة ولا بكيف أخته ..
وأخته هذي أرفعي عليها قضية أنها ما لها أي دخل في حياتك سوى أنها
أختى زوجك وعمة أولادك والسلام فقط .. غير كذا ما يخصها ..
وكلمي عمك أبو زوجك أنتِ بنفسك وفهميه ع وضعك ..
وإذا أخوك يقدر يتدخل كلميه حتى لو كان أصغر منك أهم شيء أنه
رجال ...
أسأل الله أن يفرج لكِ همكَ ويرزقكِ من رزقه ويسر لكِ أمركَ
وأن يحنن قلبه عليكَ وعلى عيالك ويسخره لكم
ويبعد عنكم عيال الحرام والحساد ..
ويكفيكِ شر أخته ويجعل كيدها في نحرها ..
ويجعلكَ أجمل نساء العالم في عينه وأحبهم إلى قلبه ...

لا تتنازلين عن حقج

واذا قالج شي قولي له ماتشوف لبس خواتك وعيالهم

هم يلبسون عيالهم احلى الملابس وانا البس عيالي ملابس قديمه

والله شي هم مالهم خص ليش يدخلون في حياتكم

كلميهم وقفيهم عند حدهم

واذا جابو لج ملابس قديمه لا تاخذينها

خلج قويه

ترى شايفينج ساكته عشان جي مستغلين الموقف

عطيهم كاش وماعليج من احد

حبيبتي مشكلتك قريبه من مشكلتي انا اعمل و لي راتب و اكفي نفسي بس لاحظت ان زوجي بدا يتمصل من مسؤولياته و بعد كذا ما عاجبه صار لي موقف مع اهله بعدها صحيت من غفله استمرت 9 اعوام وقفت من العمل قطعت مصدر دخل و رميت المسؤوليه بالكامل عليه و بالهدوء و شطارة الحريم تقدرين تسحبيه لك و بالحزم مع اخته تقدرين تبعدينها عنك ترى الرجال سميع حاولي تكسبي اذنه ثم اهتمامه لك و لبيتك و عيالك و فهميه ان مسؤليته تجاه بيته و عياله اهم من اي احد حتى لو اخته لان اخته لها من يهتم فيها وهو زوجها اللي مو مقصر معاها قولي له مثلا لبس عيال اختك عجبني في المناسبه الفلانيه ابروح اجيب مثلهم لعيالي ومن هالباب دشي و ربي يوفقك