زوج لا يمكن التعايش معه

كلش ماعنده سالفه زوجك الصراحه....
المفروض مايرضى يعيش عياله بهالاسلوب ... ولا يبخل عليكم بشي...

المفروض يعيشك بنفس العيشه اللي كنتي عايشه بيها او احسن منها...

ومو يسوي جذي..

اختي
اصحي لروحش
وقفي تنااااازل !!!!!
حطي حد لهالشي وله تبين تعيشين حياتش على طول جذي
خلي شخصيتش تصير قوية
بعدين اليت طالبين فيه هاذا واااجب عليه زوجش مو صدقة
انتي زوجته المفروض يأكلش ويلبسش انتي وعيالش احسن الاشياء
ولين ما يقدر جان ما تزوج ؟؟؟؟؟
قهرني حسيته يستغلش
بس نصيحتي ليش صيري ذات شخصية قوية ولا تخلين احد يدوس عليش
وقولي ليه لا يخلي احد يتدخل في حياتكم لا خواته ولا غيه جيه هو مو رجال ما يقدر يتصرف بروحة يعني ؟
ارفعي عليه قضية نفقة لين في << مطلعه من عندي اسم القضية هع ما اعتقد فيه مثل الاسم
بس المهم لا تكتمين في داخلش القهر ترة بتموتين قهر

بس بسألك شي تقولين انتي ما تطلعين الي يصير بينك وبينه بره البيت
اكا اهوه من يصير شي قال لاخته و قال لربعه < عن الشغل و عن ثياب اعيالكم
ليش انتي تصيرين ملاك دام اهو مو ملاك ؟

حبيبتي, العيب مو فيك و لا ان قلبك طيب و عطيتيه بحسن نية و استغرب من البنات اللي يعلقوا بعكس هذا الشئ. بس زوجك فيه خسة و معدوم احساس, شلو يرضى يشوف عياله كذي!!! المهم انت كلميه و لا تعطيه فرصة يتهرب و اذا ما حصلتي فايدة, ما لك الا انك تلجاي الى طرف من بره مثل شيخ محترم و له احترام و كلة مسموعة تخلينه يكلمه. و اذا ما لقيتي حل ما لك الا الشرطة هم بيجبروه بالنفقة على عياله. و اذا خايفة و تبين اخلي اخوي يكلمه تره حاضرين. الله يفرج كربك يالغالية

حبيبتي انتي من البداية ما عودته ع الصرف و الاشياء الثانية
لا كن احين تقدرين حاولي
و لا تحطين فلوس معاه للبيت و لاتدفعين شي لين يتعود
لما خواته يعطونج ثياب قولي لهم ما ابي الثياب و كرري هل الشي لين يقتنعون انج مو بحاجتهم
و اما عن ريلج قولي له يعطيج لو 70 دينار لج و لعيالج و عاد بعدين حاولي ازيدين في المبلغ الانه ما راح يكفيج انتي و عيالج
و لا تكونين جافة معاه في الحوار بالكلمة الطيبة تكسبينه
و الله يوقج

فعلا الرجالة مينفعش نتنازل معاهم فى كل حاجة كدة لانهم بيستسهلوا
لازم تاخدى وقفة معاة وتقوليلة يغير اسلوبة وربنا معاكى

شوفي بعطيك الزبدهـ
هدي له البيت والعيال خليهم بحلقه اسبوع واصبري
لاتقولين عورني قلبي ماقدر
صدقيني اتحدى خواته يستحملون اكل وكسوة هالصغار مع ابوهم ثلاث ايام على بعض بدون منه
ولا تخافين ماهوب معرس عليك لانه بخيل
وبيضطر يرضخ لك ساعتها املي شروطك عليه
واذا ماتحسن الوضع ارفعي عليه دعوى
والله وحده هو اللي بينصرك
لكن لازم من الصبر

لاازم ماا تسكتين و تطاالبين بحقووقج و حقووق اعيااالج

و الله يساااعدج و يفرج همج يااا رب

المشكلة في إخته !

إختي المفروض من يوم يات تخطبج ماوافقتي وأصريتي تتنفذ شروطج

بس يالله راح

وألحين كلمي شيخ أو أحد فاهم من العائلة يكلمه

حسبي الله ونعم الوكيل في خواته


حرام عليهم هذيله عيال اخوهم مب عيال الجيران..........استغفر الله العظيم بس


سمعي حبي كلمي اخوج ولا ابوج ....يعني شوفيلج حد كلمته قويه وخليه يرزل بريلج ويعلمه شلون يصرف على مرته وعياله


او انتي كلميه بعصبيه وقوليه هذي مب حاله شوف غيري عايشين على مبلغ بسيط احلى حياه وانت ناسينا ولا تصرف علينا كلش


الله يعينج حياتي ويوفقج ويارب يكبرون عيالج ويشتغلون ويدلعونج اخر دلع ....ذيك الساع مب محتاجه حق ابوهم

ليش من البدايه تنازلتي عن حقوقج!
ليش وافقتي عليه اساساً ودامج تدرين بعد جبتي عيال منه
الصراحه استغرب من الناس اللي يسوون جذي بعدها يوم تحكهم الدنيا
يجون يشتكون !

صج اللي فات مات وما نقدر نتكلم فيه الحين
يبي لج تقعدين معاه وتسوين حركات رومانسيه
كـ ( طيبه ) واسلوب وتفاهم وان ما نفع معاه هالشي
ما اقول غير انج تجلسين جلسه صريحه وياه
قولي له يا فلان انا مو عاجبتني الحاله اللي انا وعيالك فيها
يا انك تصرف وتمد ايدك وتكون كريم يا كل واحد يروح لحاله

اهني بيي دوره لو هو يحبج صج كـ زوجة وعشرة عمر بيفكر

انا ما اقولج تعالي ييبي سيرة الانفصال وصج تسوينها
لا مجرد فكرة تخلينها بباله .. وان شاء الله عاد يصرف عليكم
ويحس شوي واخته الصراحه كلش مالها داعي
والله لو انا منج وقفتها عند حدها ! صج قهرتني

راي من راي الخوات ، اختي انتين من البداية تنازلتين عن حقوقش شوفي المثل يقول ولدش على ما تربينه وزوجش على ما تعودينه، الرسول امرنا ان نراعي الى ازواجنا وما نحملهم اكثر من طاعتهم بس مو الى درجة ان حتى في الطعام واللبس.
حاولي تدخلين احد في الموضوع اعمامش أو خيلانش ان كان عنده وبخيل ما يصرف عليكم .. بس ان كان على قد حاله الله يكون في عونكم ويفرج كربكم.

والله سويت كل شي وانا من النوع الي بسرعة اعصب

كلمتة وناقشه راح هرب وتتركني
وادا اتكلم معاه احسه يتملل ويطنشني
وبعدين هالسالفه تكررت واجد ومرة قلت له لازم تصرف عليي وعلى عيالك وابغيك الحين تشتري ثياب وانقهرت عدل وطلعت من الشقة (عدال شقة حتى الشقة ببلاش في بيت ابوه) ورحت بيت ابوي تدرون شنو سوى؟؟؟؟
جاب بناتي وحطاهم عند الباب ومشى عنهم بعدين دخلوهم خواتي في البيت:(
وكذا مرة ادا ازعل والبس عبايتي يقول لي هالكلام سمعي: بس تطلعين من الشقة ما بترجعين اليها خلاص واقعد اصيح وابقى فيهااااا
لا وفوق كل هذا كلة يتعامل معاي بالضرب وعلى طول شايل يده

اااااااااااااااااااااااااااةوالله تقطع قلب عليك يابعدقلبي الله يفرجلك ويصبرك ويهديلك ويصلحة يارب ويعوضك بصبرك خير واحتسبي اجر الله يعينك

انتي محتاجة حق احد يتدخل في الموضوع علشان يفهم ريلج ويحاول يكلمه بهدوء واذا ماصار هالشي بيتم اهو على طول جذي لانه تعود على الوضع وتعود اكثر على انج ساكته وماتتكلمين والريال اذا شاف الحرمة ماعندها سند ولا لها صوت خلاص يتقوى عليها ويقول مهما اسوي فيها مالها الا انا ماتقدر تسوي شي ... اقول لج كلمي احد من اهلج يكلمه


الله يساعدج عليه اختى ويوفق بينكم

حبيبتي

زوجج حاس انج مالج غنى عنه علشان جذي راكب على راسج ومتدلل بعد ..

لازم تكونين حازمة اكثر .. يعني ناقشيه و كلميه في كل طلباتج واذا ما نفذ حملي اغراضج وروحي بيت ابوج .. اعطيش كرنتي مرده بيرجع وياخذج وذيك الحزة اطلبي اللي خاطرج فيه

لان زوجك متأكد ان تهديدج بروحتج بيت ابوج مجرد كلام على فشوش يعني بتزعلين يومين وبترجعين لكن اذا فعلا حزمتي امرج وقعدتي في بيت ابوج لما تتنفذ طلباتج راح يعمل لج الف حساب

حبيبتي .. لا تخافين هذا النوع من الرجال اخر شيء يسويه ان يطلق .. تبينه يخسر من اول وجديد مستحيل يسويها ..

والاهم مسألة الضرب .. هذي بروحه مصيبة شلون تسمحين له ان يمد يده عليج .. اذا انطقت المرأة وسكتت ما يصير عندها كرامة عند زوجها وراح يدوس عليج ولا يفتكر ..


صيري قوية خيو .. خليه يشوف الوجه الثاني .. خليه يعرف انج تغيرتي ومنتي الطوفة الهبيطة .. وكل هذا مو بالعصبية .. بالذكاء والحزم ..

وان شاء الله الله يوفقج ياااااااااااااااااااااا رب