استفسارات و تسؤلات الامهات عن كل شئ ::: الجزء الثانى

خدى بنادول يا جميله فى واحد تقريبا الاكسترا دا امن للرضاعه وسريع المفعول واسألى برده الصيدلى

حبيبه مادو;12795832:
انا برضو بنتى جنا رجليها جافه كده مقشره بحطلها بيبى اويل مش عارفه بيقشر من ايه وانا عندى عربيه جراكو حلوه

بصى يا قمر انا برضه ابنى رجله كانت مقشرة فى الاول و دراعه كمان و مش حطيت حاجة عليها و راحت لوحدها الحمد لله فانتى متقلقيش هتروح مع الوقت

بنت من الزمن ده;12795737:
بناات انا ابنى جلده جاااف اوى مش زى البيبيهاات خالص بيكونوا ناعمين وطرااى كده لا ده جلده جاف اوى بالزات رجله مش عارفه
ده طبيعى ولا ايه وعايزة اشتري عربيه اطفال جونيور ايه رايكوا فيها وفي سعرها وبيبي شوب اللى ف كارفور التخفيضات امتى

انا عندى عربية جونيورز كنت جايباها من سنتربوينت الكس حلوة ما شاء الله بس كبيرة وبتاخد مكان كبيرة فى شنطة العربية:|

كتكوتة انا دوقت دودو الجبنة المثلثات
انتى بئة بتديها لجوجو لوحدها ولا بتاكليها بعديها حاجة؟

dr_hienar;12796532:
بس سؤال هموت واجيب البتاع ده اللى هو حصان باربى للاطفال حد يعرف منين وبكام لانى شوفتو الكبير ب 175 والصغير ب150 ومستغلياه مش عارفة اجيبه ولا ايه؟

قوليلي ياقمر لقيتيه فين وهل نفس الشكل ده بالضبط؟

طب انا ابني دلوقتي 4 شهور و اسبوع ومش عايز يشرب لا عصير و لا ميه و لا اكل

ممكن اعرف الكميات اللي المفروض ياخدها

أم مومووو انا بنتى برضه مش عاجبها الاكل خاااالص
بس هى مفروض انها تدوق بس دلوقتى لسة مش بتاخد وجبات كبيرة

ازيكم يابنات عاملين ايه دلوقتي ابني مابيحبش الاكل خالص كل اما اديهوله يرجعه تاني ساعات بياكل زبادي كويس مش بيعيط وساعات تانيه لا وبحاول ااكله صفار بيض مش بيتقبله وجبتله سيريال الرز بنكهة التفاح مش بيردي ياخده نهائي فبقوم عملاله رضعه في الببرونه واحطله معلقة سريال عليها علشان ياخد علي طعمه ويتقبله هل كده انا صح بقي ولا ايه

وسؤال تاني الاطفال بيقعدوا علي كام شهر وبيقدروا يمسكوا الببرونه في ايدهم امتي واللعب وكده وايه علاج الطفل اللي حاطط ايده علطول في بؤه

♥أم°•♥DANDONA_2010 ♥•°حلا♥;12777853:
يا بنات هو فى سيريلاك بالرز بس وسيريلاك رز باللبن؟ اية الفرق بينهم انا الى عندى رز باللبن وبخففة بمية وخلاص وبنتى اهى 4 شهور مناسب لها ولا لاء
وانا كل يوم الصبح بجيب نص موزاية كدة واهرسهالها واديهالها بالملعقة اى نعم هى بتغلبنى وبتطلع عينى على ما تاكلها بس اعرف ان الموز مغذى ومفيد
انا كدة بعك ولا اية؟؟؟؟:(:(

لا يا دندن اللي فيه منه باللبن ده قمح مش رز، لكن الرز سادة بس، يمكن عندك انتي بس مش في مصر :confused::confused:، بصي الدكتور اول ما كتب لجوجو سيريلاك قاللي تديها رز او قمح ساااادة، ولما قربت تكمل الخامس وكان عندها امساك قاللي اديها قمح باللبن وبخففه بالمية بردو وبس.

بنت من الزمن ده;12795737:
بناات انا ابنى جلده جاااف اوى مش زى البيبيهاات خالص بيكونوا ناعمين وطرااى كده لا ده جلده جاف اوى بالزات رجله مش عارفه
ده طبيعى ولا ايه وعايزة اشتري عربيه اطفال جونيور ايه رايكوا فيها وفي سعرها وبيبي شوب اللى ف كارفور التخفيضات امتى

عادي يا جميلة بتروح لوحدها القشر ده هتلاقيه في الفترة الاولي كده في الرجل والبطن وكده وبيروح لوحده والله خالص.
وممكن لو عاوزة تدهني لوشن او كده عادي بس عامة انا سبته وراح لوحده.

حبيبه مادو;12795832:
انا برضو بنتى جنا رجليها جافه كده مقشره بحطلها بيبى اويل مش عارفه بيقشر من ايه وانا عندى عربيه جراكو حلوه

كوكي رديت فوق اهو.

m@hy;12807223:
كتكوتة انا دوقت دودو الجبنة المثلثات
انتى بئة بتديها لجوجو لوحدها ولا بتاكليها بعديها حاجة؟

لأ بديها معاها حاجات تانية عشان هي مش بتستحمل تاكلها لوحدها ومش بتخلصها :(:(:( البنت واخدة علي الحاجة السهلة مش لسه هتقعد تلحس وتمص، بديها حتة صغيرة والله وارجع اشيلها :mad::mad::mad:، بس يلا الحمدلله علي كل شيء كفاية انها تقبلت طعمها خير وبركة.

MOMO'S MUM;12808280:
طب انا ابني دلوقتي 4 شهور و اسبوع ومش عايز يشرب لا عصير و لا ميه و لا اكل

ممكن اعرف الكميات اللي المفروض ياخدها

بصي الدكتور بالنسبة للأكل كنت سألته قاللي مثلا مكعب او اتنين من الخضار كبداية يعني مكعب كده وواحدة واحدة بتزودي ولما يكون تقبل الطعم كمان والعصاير بقي قاللي اللي هتعصريه تخففيه بالمية 5 اضعافه، وانا مبقتش اعمل كتير عشان لسه لما يتخفف هايبقي كتير اوي، فمملاش بطنها مية وخلاص، لكن لما تبتدي تخففي مقدار المية تزودي العصير اكتر وكده.

مايونيز;12810033:
ازيكم يابنات عاملين ايه دلوقتي ابني مابيحبش الاكل خالص كل اما اديهوله يرجعه تاني ساعات بياكل زبادي كويس مش بيعيط وساعات تانيه لا وبحاول ااكله صفار بيض مش بيتقبله وجبتله سيريال الرز بنكهة التفاح مش بيردي ياخده نهائي فبقوم عملاله رضعه في الببرونه واحطله معلقة سريال عليها علشان ياخد علي طعمه ويتقبله هل كده انا صح بقي ولا ايه

وسؤال تاني الاطفال بيقعدوا علي كام شهر وبيقدروا يمسكوا الببرونه في ايدهم امتي واللعب وكده وايه علاج الطفل اللي حاطط ايده علطول في بؤه

جوجو كده حاولي تشيلها كل ما يحطها بس بالراحة ومش تشدي عليه يعني عشان سمعت من ناس كتير لو اديتي اهمية للموضوع بيعلق معاهم ويستمروا فيه، وخللي بالك انهم بيعملوا كده كمان عشان الاسنان اللي جوا من ضمن الاسباب.
والسيلاك جربي خففيه اكتر خالص وحطيه في الببرونة ولما يتقبل طعمه بقي وكمان لما يكبر شوية ابتدي تقليه واحدة واحدة في السمك بتاعه لغاية ما يبقي بالعلقة بس ده لسه قدام شوية، وبالنسبة للببرونة مش عارفة هي جوجو لسه مش بتمسكها بس بتقعد تسند عليها او تحط ايديها عليها بس بعدم تحكم يعني لو سبتها مش هتعرف تمسكها لوحدها بردو لسه

روكا2010;12811964:

ياامهات امتى ابتدا اكل البنوتى هى عندها 3 شهور بس معذبنى ف الرضاعة وضعيفة ومش بترضى تاخد البرونة بجد انا تعبت اعمل ايه

انتي مش بتابعي مع دكتور يا جميلة وبتوزنيها كل شهر؟

لو وزنها قليل او مزادتش النسبة الطبيعية للسن ده، الدكتور بيخليكي تدخليلها اضافات جنب اللبن، لكن لو بتزيد كويس يبقي خلاص اصبري

انا محتارة والله انا سمعت من دكاترة كتير ان الزبادى و الحاجات اللى بلبن بقري و جاموسي متنفعش اول سنة و دكاترة تانية بتقول تنفع مبقتش عارفة ندي زبادي ولا منديش و انا لسة مبدأتش اديها حاجة ابدأ بالعصاير ولا السيريلاك ولا اية؟

يا بنات هو الوزن الطبيعى للبيى فى 4 شهور يبقى كام
ياريت الى عندها فكرة تقولى

sweet_toota;12813485:
انا محتارة والله انا سمعت من دكاترة كتير ان الزبادى و الحاجات اللى بلبن بقري و جاموسي متنفعش اول سنة و دكاترة تانية بتقول تنفع مبقتش عارفة ندي زبادي ولا منديش و انا لسة مبدأتش اديها حاجة ابدأ بالعصاير ولا السيريلاك ولا اية؟

الدكتور بتاع بنتى والدكتور بتاع بنت واحدة صاحبتى الاتنين قالولنا الزبادى والجبن بعد 8 او 9 شهور
اللبن البقرى والجاموسى بعد سنة

عامة دايما لو محتارة فى حاجة عشان كلام الدكاترة متضارب دورى على النت فى المواقع الاجنبى الطبية مش المنتديات العربية عشان ما شاء الله العرب بيحبوا يألفوا
وانا شايفة انك تدى الحاجة متأخر ارحم من انك تديها بدرى وممكن تكون مضرة لا قدر الله لانهم فى الاخر كده كده هياكلوا ان شاء الله

دندونة الطبيعى ان البيبى بيزيد اول اربع شهور كل شهر من 750 جرام لكيلو
شوفى بقى وزن بنتك بقى كام وانتى تعرفى كويس ولا اقل

السلام عليكم يا قمرات
ياريت تشاركونا على الرابط ده عشان الكل يستفيد

http://forums.3roos.com/showthread.php?p=12816785#post12816785

hoba555;12789370:
تسلمي يارب
طيب معلش في السؤال
طيب السلك اللي من جوه كنتي بتدخلي الكريم لجوه ولا لا ؟

مسااااااااااااء الخيييير يابنات مش تقولو ان في تجمع كده

سندريلا مصر;12816951:

لا ماكنتش بادخله انا ماعرفتش ان فيه سلك داخلي غير لما وقع وسألت ماما وهي اللي قالتلي:lol::lol::lol::lol:

انا برده مكنتش اعرف بس بالصدفه عرفت
انا تعبت نفسي اخلص من الموال ده:badly: