Princess_miro;12694257:
السلام عليكم
اهدى يا حبيبتى كده
احنا الحمدلله فى القرن 21 يعنى مفيش حاجة ان شاء الرحمن مالهاش دوا
اولا انا جت فترة كده و صفّى صغير الدكتورة بتاعته كانت قايلة لى بعد ما يرضع نيميه على جنبه و خصوصا اليمين و اعدت انيمه على جنبه اليمين بتاع اسبوعين كده و لقيت الناس بيقولولى لازم اقلب راسه و هو نايم رحت سألتها قالت لى اه طبعا و فعلا راسه كانت بقت مش مضبوطة كده من ناحية و بعدها بقيت اقلبه كتير و انيمه ع الجنب الشمال اكتر و الحمدلله بقى زى الفل فأنتى نيميه ع الجنب التانى بردو و لسه صغير و كل حاجة هتتعالج بإذن الله
ربنا يشفيه و يعافيه يارب
ربنا يخليكى ياجميل ومتشكرة اوى على ردك واهتمامك وربنا يخليلك صفى ياارب
lifedrop;12695204:
يا حبيبتى متقلقيش
بسيطة ان شاء الله
بس انتى اهدى كدة وتصدقى بنية الشفاء وان شاء الله حيكون كويس
وروحى لدكتور واحد بس ومش كل شوية تغيرى
استخيرى واثبتى وتابعى معاه وان شاء الله يكون كويس
انا اعرف دكتورة فى القاهرة ابن خالتى كان متابع معاها وهيا ما شاء الله شطورة اوى
هوا اصلا كان عنده حساسية وكان بيعمل عملية وحاجات كدة بعد الشر عن اولادنا كلنا
اسمها نرمين قداح فى الدقى
اقرى المقال دة مكتوب عنها
نجاح أول عملية زرع نخاع لطفل عمره3 سنوات بمستشفي أبو الريش
كتب - حسام زايد بجريدة الاهرام:-
علي مدي شهرين كاملين تمكن فريق جراحي بمستشفي أبو الريش للأطفال لأول مرة من عملية زرع نخاع بمركز متخصص في أمراض الدم غير السرطانية لطفل عراقي يدعي محمد عامر عطية, عمره3 سنوات يعاني مرض أنيميا البحر المتوسط. وصرحت الدكتورة نرمين قداح رئيس مركز زرع النخاع بجامعة القاهرة بأن المركز يقوم حاليا بتحضير حالتين جديدتين للزرع فورا, مشيرة الي أن تكلفة العملية تتراوح مابين100 و150 ألف جنيه يتحملها التأمين الصحي. وقالت إن تجهيز المريض لزرع النخاع يحتاج إلي شهر ونصف الشهر تقريبا يخضع خلالها لعدد من الفحوص للتأكد من مدي التوافق بين المريض والمتبرع الذي يجب أن يصل الي100%, وتعد من أصعب المراحل التي تمر علي المريض خوفا من العدوي, ثم تبدأ عملية زرع النخاع, ويمضي المريض داخل الكبسولة نحو ثلاثة أشهر, ويحتاج تحضير المتبرع إلي نحو أربعة أيام وعملية فصل النخاع منه تستغرق أربع ساعات يحقن بعدها المريض بالخلايا الجديدة عن طريق الدم في عملية تستغرق نصف ساعة أو ساعة, فتتجه الخلايا الي نخاع العظام وتتمسك به, وبعد فترة تبدأ في عملها لإنتاج خلايا جديدة ليست مريضة ثم تبدأ في إنتاج خلايا بيضاء وحمراء.
ولو عايزة نمرتها وعنوانها بالظبط
اعملى سيرش عنها فى يلو بيدجز او جوجل
وربنا يطمنك يا جميل وابقى طمنينا احنا كمان
مرسي على ردك واهتمامك وربنا يطمنك يااارب وممكن اروحلها ان شاء الله لو لاقيت عنوانها وتليفونها
hoba555;12696932:
الحمد لله رنا خرجت من الحضانه يوم السبت
بس النسبه كانت 19.5 الحمد لله علي كل حال وكانو مانعين عنها الرضاعه الطبيعي لان في نوع من الصفرا بتزيد بالرضاعه الطبيعي
الحمد لله انها رجعتلي كانت ايام صعبه اوي ربنا ما يكتبها علي حد
بنت من الزمن ده
ربنا يشفيلك يوسف يارب والدكتور اللي بياعد يتريق وميراعيش احساس الام ساعتها سيبك منه يا بنتي
نمره الدكتور مدحت الزيات كانت زمان بعتتهالي هدي اجمل ايام العمر
بس متصلتش
وكانت قالتلي تقريبا في بيشتغل مستشفي النخيل في المعادي
النمره معايا لو عيزاها ابعتهالك
اوكى ياقمر ابعتيلي النمرة وهو لو هروحله ف المستشفى ينفع اتصل احجز عادى ولا ف المستشفى مفيش حجز وهو ف المستشفى بيبقى مهتم بالبيبي زى العياده
وربنا يكمل شفا بنتك على خير وتطمنى عليها والف حمدلله على سلامتك وسلامتها معلش جت متاخرة شويه انا لسعه عارفه دلوقتى ولله
سندريلا مصر;12697186:
بصي احنا عندنا دكتور هنا في العاشر من رمضان شاطر خالص بنت اختي متابعه معاه من اول ماتولدت بس ممتاز اختي عايشه في ابو حماد وبتيجي مخصوص من هناك علشان تكشف على بنتها هنا ولما بنتها تعبت هناك وماقدرتش تيجيله ودتها الزقازيق لدكتور استشاري في الجامعه وادى البنت مجموعة مضادات حيويه والبنت ماخفيتش وفي الاخر جابتها هنا برضه للدكتور بتاعها واكتشف كمان بسرعه حالة احمد ابني يعني والله ماشاء الله عليه ممتاز وبيشتغل كمان في مستشفى تبارك وبيهتم بكل حاجه هو اسمه محمد عبد الحميد لو عايزه تليفون العياده والعنوان انا ممكن اجيبهوملك وان شاء الله خير
اه ياريت ياجميله العاشر قريبه منى وعارفه فيها مناطق كتير ومتشكرة اوى على ردك واهتمامك
CuTie KaTkOoTa;12697230:
ربنا يطمنك عليها يا هوبا يارب، طيب كنتي بتشفطي لبن منك ولا لأ عشان مينشفش؟
انا لما انتي قلتي دلوقتي علي مستشفي النخيل دي افتكرت اني عندي النمرة بتاعته بردو وكنت نسياها خالص بس كلامك فكرني والله واهي كانت مشاركة قديمة لميرفي غالبا:
"د. مدحت الزيات عيادته في المنيل ..بس هو مش بياخد اي حجوزات جديده للاسف وبيشتغل في مستشفى في الرحاب ومستشفى النخيل في المعادي شارع اللاسلكي
انا دلوقتى لسه متصله بعياده الدكتور مدحت الزياد ولكى الاتى كشف عادى 150 كشف مستعجل 200 "
وكانت كاتبة النمرة طبعا بس ماينفعش احطها مين كان عايزها وابعتها علي الخاص غير بنت من الزمن ده برنسيس ميرو تقريبا صح؟
بس اللي فهمته من مشاركتها كمان انه ساعتها كان ينفع تروح تكشف عنده بس في المستشفي لكن العيادة هي اللي مكنش ينفع وقتها وبس كده.
كتكوته يعنى هو مش بياخد اى حد جديد ولا ايه وياريت رقم التليفون ياقمر والمستشفى عادى بيكون كويس فيها يعنى ولا ايه النظام
لؤلؤة عروس البحر;12698750:
بنت من الزمن دى ياحبيبة قلبي والله لسة قارية كلامك دلوقتيياحبيبتي متخافيش سلامة يوسف ألف سلامة عليه لا ياحبيبة قلبي اطمني إن شاء الله خير متقلقيشوسيبك من كلام الدكاترة دى منهم لله اللي يهولوا الأمور كدة تصدقي وتأمني بالله بحكي لماما عشان زعلت أوي أوي قلتلها فقالتي لا قوليلها تطمن خالص والله في عيال كدة قلتلها بجد ياماما قالتلي طيب أول مرة بقى أديكي معلومة إنتي كنتي كدة أول متولدتي زي قرطاس في دماغك وماما كانت زعلانة أوي بردو قالولها من الطلق أقسملك بالله لسة عارفة من ماما حااااااااااااااااالاً إن أنا كنت كدة تخيلي بقىوأنا الحمد لله عادية جداً أهو ياستي متقلقيش خالص هتروح والله روحي لدكتور في القاهرة أحسن عشان تطمنيوبالله عليكي متقلقيش واقري قرأن واهدي ويوسف إن شاء الله هيكون بألف صحة وخير وسلامة
بجد ربنا يطمنك ولله كلامك ريحنى انا بردو كزا حد قاللي ماتقلقيش بتروح بس هو الدكتور الاخير ده اللى خووفنى وخلانى اندم بالزات عللاى الجيل ده وهى بقالها فترة ثابته ومش بتنزل قصدى على راسه ان شاء الله تبقى طبيعيه يااارب وبجد ربنا يكرمك ياقمر
ولله يابنات بجد ربنا يخليكوا ليا ويخليلكوا بيبيهاتكوا يااارب ولله انتو زى اخواتى بحبكوا اوى