استفسارات و تسؤلات الامهات عن كل شئ ::: الجزء الثانى

toty858;12664406:
انا فطمتها بس فعليا لا
يعنى انا اللبن نشف بنسبة 95 في المية
بس لسة النوم
ومش لاقية حل لموضوع النوم
مايا استحالة تنام من غير ماترضع
مع ان قبل 10 شهور كانت بتنام على التتينة
ودة من اسباب مرواحى للدكتور بردو اكيد في حلول لموضوع النوم دةة
انا جربت مرة حطيت معجون سنان على النيبلز مايا جت تجرب اعدت تعيط كتير اوى
وبعدين قامت هي مسحتة ب اديها ورضعت هههه



كتكوتة سلامة جوجو
اديها عصاير كتير وشربيها مية
الامساك بيجى من قلة السوايل
انا عندى مايا ماشاء الله عمرها ماجالها امساك بسبب العصاير

والله مايا دى عسل وشقية:)
خلاص روحى اتطمنى و تعالى قوليلنا عشان نتعلم

انا كنت قريت مرة طريقة للفطام انك تحطى بلاستر طبى على النيبلز
جربيها اما نشوف مايا حتعمل ايه فيها
ههههههههههههه

♥أم°•♥DANDONA_2010 ♥•°حلا♥;12664835:
يا بنات هو البسكوت الى بندية للاطفال دة اى نوع بسكوت سادة عادى يعنى ولا اية مع ملاحظة انة بيبقى فية نسبة قمح ؟ وهل هو مناسب لسن 4 شهور ؟؟ عاوزة ابدء اديلة لبنتى بس مش عارفة ينفع ولالاء!!!

فيه يا دندونا بسكوت كمان مخصص للاطفال من سيريلاك
العلبة كانت بحاجة وتلاتين
ممكن تجربيه

نيمو بوسي;12666348:
بنات بلييز ابني عمرو 5 اسابيع ومن اسبوع ما عم يقبل ينام
كان ينام ساعتين او اكتر متواصله حاليا ما عم يكمل النص ساعه
الا ازا كان نايم على صدري
واول ما احطو بتختو بيصحى فورا
وبيصير يبكي
وبعدين كتير بيفزع وهو نايم وبيصحى منو
وشي تاني صاير كتير يستفرغ ويخرج الحليب مع اني ما بعطيه غير حليب طبيعي مني
بس مرة او تنتين اخد الصناعي لاني كنت مو موجوده بالبيت
افيدوني يا بنات طبيعي هاد الشي ولا لا

طبيعى يا حبيبتى متقلقيش
اغلب الاطفال كدة

السلام عليكم ورحمه الله وبركاته


ازيكم


هوبا ربنا يشفيلك رنا يارب وترجعلك بالف سلامه ربنا معاكى
كتكت سلامتك وسلامه جوجو بصى شربيها فعلا بيبى درينك
سندس دلوقتى بقت يوم متعملش كيكى خالص وتانى يوم تعمل مره ما شاء الله
وقلت للدكتور قالى مش مشكله بس لو قعدت اكتر من اربع ايام يبقا ساعتها نديها حاجه
واعتقد زى ما بتقولو لبوس الجلسرين
المهم
بشربها بقا بيبى درينك كل يوم عشان يشاعد لان بتبقا فعلا مضايقه ومتعصبه من الامساك الحمد لله
ربنا معاهم
توتى انتى بتفطمى على سنه وشهر مش بجدرى اوى غلط كدا ولا ايه
دا اقل حاجه اعرفها سنه ونص

ازيكو ياامهات ياحلوين

اللي فيكو بتستخدم لبوس اسمة دولفين للسخونية لاولادها تقوم حالا وترمية في الزبالة
الدكتور قالي علية انة غلط جدا وبيسبب فشل كلوي اللهم اكفيناواولادنا الشر واحفظهم
وممنوع تداولة في الدول التانية بس احنا عشان بلد متخلف بنستخدمة
وكل واحدة تقول للي تعرفهم عندهم اطفال ينوبها ثواب
دا مفيش اهم من صحة اطفالنا في الدنيا

praivet;12667637:
ازيكو ياامهات ياحلوين

اللي فيكو بتستخدم لبوس اسمة دولفين للسخونية لاولادها تقوم حالا وترمية في الزبالة
الدكتور قالي علية انة غلط جدا وبيسبب فشل كلوي اللهم اكفيناواولادنا الشر واحفظهم
وممنوع تداولة في الدول التانية بس احنا عشان بلد متخلف بنستخدمة
وكل واحدة تقول للي تعرفهم عندهم اطفال ينوبها ثواب
دا مفيش اهم من صحة اطفالنا في الدنيا

لا حول ولا قوة الا بالله طب هو كل ادوية دولفين يعنى انا قبل كده الدكتور كتب لبنتى نقط من نفس النوع للسخونية بس اديتلها مرة واحدة بس

هجرب يانودة اما نشوف هتعمل اية المرادى هههه


مورو ايوة بفطمها بدري بس غصب عنى علشان باخد دوا نشف اللبن

asmaa2003;12667678:
لا حول ولا قوة الا بالله طب هو كل ادوية دولفين يعنى انا قبل كده الدكتور كتب لبنتى نقط من نفس النوع للسخونية بس اديتلها مرة واحدة بس

ايوة كل ادوية دولفين فيها مادة كده مش فاكرة اسمها اية دلوقتي بصراحة هي اللي تعتبر سم بالنسبة للكلي دة كلام دكتور كبيروشاطر جدا على فكرة
وكمان الي زيها كده حقن الفولتارين بتاعة الكبار لالم العظام والمفاصل

هو انا لازم اخد دوا ينشف اللبن وقت الفطام
اصل انا دلوقتي بدات فطام زياد بس ماخدتش حاجة

طيب اختي انا زعلانه عليه كتير متضايق
شوي بيضحك وشوي بيزعل ويبكي وما بينام غير شي نص ساعه طوبل اليوم
وشي تاني بدي اسالك عليه
الولد بيبدا ياخد صدري وكمان شوي بيبطل وبيعصب ويشيله من تمو
ولما انقله على الصدر التاني بياخو
وكمان نفس الشي
شوي وبيعصب وبيبكي ويرميه
وبرجع بعطيه الاول وهيك
ليش هيك يا ترى

مش يمكن شبعان ومش عاوز

لا اختي بيرجع بياخد منو وكتير كمان
بس ما بعرف ليش بيزعل وبيصير ما بدو

toty858;12664406:


كتكوتة سلامة جوجو
اديها عصاير كتير وشربيها مية
الامساك بيجى من قلة السوايل
انا عندى مايا ماشاء الله عمرها ماجالها امساك بسبب العصاير

الله يسلمك يا توتي يا جميلة، هي بتاخد عصاير واعشاب بعملها والله واول مرة يحصلها كده، بس لما روحتله النهارة قاللي الزبادي بيمسك والبطاطس، وكتبلي شوية حاجات جديدة هقولكم عليها دلوقتي في الاكل، بس هي الحمدلله عملت الصبح كويس العنب عمل فايدة اهو.
والمية مش متقبلة طعمها بتاتا.

♥أم°•♥DANDONA_2010 ♥•°حلا♥;12664835:
يا بنات هو البسكوت الى بندية للاطفال دة اى نوع بسكوت سادة عادى يعنى ولا اية مع ملاحظة انة بيبقى فية نسبة قمح ؟ وهل هو مناسب لسن 4 شهور ؟؟ عاوزة ابدء اديلة لبنتى بس مش عارفة ينفع ولالاء!!!

بسكويت ماري وفيه نوعين من ماري لسادي قلتله اجيب انهي قاللي الناشف اكتر عشان بتبقي نسبة القمح اعلي من التاني، فجيلها الاحمر ده.
وهو قاللي عليه من 4 ونص كده ادوبه مع العصاير.

صوت العيون;12666990:
السلام عليكم ورحمه الله وبركاته
كتكت سلامتك وسلامه جوجو بصى شربيها فعلا بيبى درينك
سندس دلوقتى بقت يوم متعملش كيكى خالص وتانى يوم تعمل مره ما شاء الله
وقلت للدكتور قالى مش مشكله بس لو قعدت اكتر من اربع ايام يبقا ساعتها نديها حاجه
واعتقد زى ما بتقولو لبوس الجلسرين
المهم
بشربها بقا بيبى درينك كل يوم عشان يشاعد لان بتبقا فعلا مضايقه ومتعصبه من الامساك الحمد لله
ربنا معاهم

ازيك يا مورو عاملة ايه، ايوة ما انا بديها كل يوم بالليل اعشاب وهي بتعمل مش مبتعملش بس بتعمله بيبقي جامد عليها وبيخرج بصعوبة كتلة علي بعضها بس الحمدلله اتحسنت.

praivet;12667742:
هو انا لازم اخد دوا ينشف اللبن وقت الفطام
اصل انا دلوقتي بدات فطام زياد بس ماخدتش حاجة

اه اللي سمعته يا جميلة من اللي حواليا انه لازم فيه دوا بيتاخد ينشفه عشان انتي لو سبتيه كده انتي هتتعبي اوي وغلط عليكي.

اقولكم بقي علي زيارة الدكتور النهاردة بتاع جوجو، لقاها مزادتش كتير بردو المرة دي، المهم قاللي اديها شوربة خضار، يعني بطاطس وجزر وكوسة مع بعض بالمية ومضروبين طبعا وقلتله طيب لو محبتش طعمهم او رفضت قاللي حطي عسل عليهم.

وقلتله ينفع اديها عصير مانجو او بطيخ ولا تقال عليها، قاللي لأ مانجو وبطيخ وفراولة ومشمش وكده لأ لسه مش قبل سنة، خليكي في البرتقال والجوافة والتفاح والطماطم والعنب ممكن تعصريه في بقها كده قلتله اه ما انا عملت كده امبارح لما جالها الامساك ده.

وقلتله طيب دلوقتي بما اني اللبن قليل وباخد هيربانا اهو مش لسه معملش نتيجة فكنت عايزة اديها حاجة بردو لبن صناعي او اي حاجة تديها شوية من فايدة اللبن اللي بتوصلها كاملة دي، فقاللي اديها ابتاميل عشان ده اقرب واحد في طعمه للبن الام.

وقلتله طيب لسه باقي عندي سريلاك قمح سادة اوقفه خالص واديها قمح باللن وبس ولا اكمله، قاللي لأ عادي كمليه هو او باللبن او رز.

قلتله طيب الهيرو احسن ولا السريلاك، قاللي بصي حاليا في اللي موجودين في السوق السريلاك طعمه افضل وده عن كلام ناس زمايلي وامهات بردو عندهم اطفال يعني مجربين وداقوه كمان بس انا عن نفسي مدوقتوش ولا عندي اطفال زيهم فبقولك من خبرتهم هما وقالوا ان السريلاك احلي، لكن قريب هاينزل هيرو جديد فيه مادة حاجة كده نسيت اسمها اولها "ب" المهم وقاللي لكن البرطمانات بقي في هيرو حلوة واحسن من جاربر كمان، فقاللي ممكن تجيبلها منه تفاح + 3 فواكه

فانا اشتريت اللي هو فواكه مشكلة مع قمح ده، بس المشكلة بقي اللي عايزة اسألكم فيها مكتوب عليه يحفظ في التلاجة بعد فتحته ويستخدم في خلال 24 ساعة، يعني ايه معقول هديها البرطمان ده كله في يوم واحد؟؟؟

وسألته علي اسم الدوا بتاع الامساك احتياطي عشان يبقي عندي بس قلتله انا مدتلهاش منه امبارح، قلتله طيب اللبوس الجليسرين مش ينفع قاللي اه طبعا ينفع بس النقط دي بتتاخد لو اللبوس معملش نتيجة او كان الامساك زيادة اوي.

قتله ولا عشان الخوف من انها تتعود عليه زي ما بسمع، قاللي مفيش حاجة اسمها تتعود عليه، انتي عارفة اللبوس ده اعتبريه كأنه مساعد عشان تفتحي به الفتحة عندها عشان تسهلها النزول، يعني كأنك بتفتحي الباب المقفول عندها به مش اكتر.


لو افتكرت حاجة تانية هقولكم.

جزاك الله خير يا كتكت وربنا معاكى

نيمو بصى يمكن عنده مغص شربيه اعشاب بيبى درينك او كراويه او ينسون كل واحده لوحدها كدا يعنى وربنا معاكى
وليه مش بتروحى لدكتور تطمنى

انا مش عارفة يا ايمي بالنسبة للبرطمانات بس انا فاكرة ان الدكتور كان قايللي الاكل اديلها السيريالز بس انما البرطمانات دي بيبقي فيها مواد حافظة والله اعلم
انتي ممكن تعمليلها التفاح في البيت زي مانتي احسن

كمان اللبن الصناعى مكتوب عليه حاجه شبه كدا تقريبا خلال شهر
فخفت منه
لانى مفهمتش المقصود اللبن الى ب 35 دا

ايمى انا جبت هيرو ده وانا فى المصيف كنت بجيب واحد خضار وواحد فاكهه كانت بتخلصهم قبل 24ساعه لان البرطمان صغير مش زى ما انتى فاكره

CuTie KaTkOoTa;12670214:
اقولكم بقي علي زيارة الدكتور النهاردة بتاع جوجو، لقاها مزادتش كتير بردو المرة دي، المهم قاللي اديها شوربة خضار، يعني بطاطس وجزر وكوسة مع بعض بالمية ومضروبين طبعا وقلتله طيب لو محبتش طعمهم او رفضت قاللي حطي عسل عليهم.

وقلتله ينفع اديها عصير مانجو او بطيخ ولا تقال عليها، قاللي لأ مانجو وبطيخ وفراولة ومشمش وكده لأ لسه مش قبل سنة، خليكي في البرتقال والجوافة والتفاح والطماطم والعنب ممكن تعصريه في بقها كده قلتله اه ما انا عملت كده امبارح لما جالها الامساك ده.

وقلتله طيب دلوقتي بما اني اللبن قليل وباخد هيربانا اهو مش لسه معملش نتيجة فكنت عايزة اديها حاجة بردو لبن صناعي او اي حاجة تديها شوية من فايدة اللبن اللي بتوصلها كاملة دي، فقاللي اديها ابتاميل عشان ده اقرب واحد في طعمه للبن الام.

وقلتله طيب لسه باقي عندي سريلاك قمح سادة اوقفه خالص واديها قمح باللن وبس ولا اكمله، قاللي لأ عادي كمليه هو او باللبن او رز.

قلتله طيب الهيرو احسن ولا السريلاك، قاللي بصي حاليا في اللي موجودين في السوق السريلاك طعمه افضل وده عن كلام ناس زمايلي وامهات بردو عندهم اطفال يعني مجربين وداقوه كمان بس انا عن نفسي مدوقتوش ولا عندي اطفال زيهم فبقولك من خبرتهم هما وقالوا ان السريلاك احلي، لكن قريب هاينزل هيرو جديد فيه مادة حاجة كده نسيت اسمها اولها "ب" المهم وقاللي لكن البرطمانات بقي في هيرو حلوة واحسن من جاربر كمان، فقاللي ممكن تجيبلها منه تفاح + 3 فواكه

فانا اشتريت اللي هو فواكه مشكلة مع قمح ده، بس المشكلة بقي اللي عايزة اسألكم فيها مكتوب عليه يحفظ في التلاجة بعد فتحته ويستخدم في خلال 24 ساعة، يعني ايه معقول هديها البرطمان ده كله في يوم واحد؟؟؟
مش كتير عليها فى اليوم يا ايمى
دة صغير يعنى ممكن جبة
وسألته علي اسم الدوا بتاع الامساك احتياطي عشان يبقي عندي بس قلتله انا مدتلهاش منه امبارح، قلتله طيب اللبوس الجليسرين مش ينفع قاللي اه طبعا ينفع بس النقط دي بتتاخد لو اللبوس معملش نتيجة او كان الامساك زيادة اوي.

قتله ولا عشان الخوف من انها تتعود عليه زي ما بسمع، قاللي مفيش حاجة اسمها تتعود عليه، انتي عارفة اللبوس ده اعتبريه كأنه مساعد عشان تفتحي به الفتحة عندها عشان تسهلها النزول، يعني كأنك بتفتحي الباب المقفول عندها به مش اكتر.


لو افتكرت حاجة تانية هقولكم.

انتى واثقة يا ايمى فى الدكتور دة؟؟؟؟

اصل اغلب الدكاترة قالو ان العسل بعد سنة والباقى قال بعد 6 شهور وهوا الوحيد اللى سمعته بيقول عادى دلوقتى

وبعدين الفاكهة اللى مانعها دى كذا دكتور كويس وشاطر قال عادى بعد ست شهور

وفى الاول قالك متاكليهاش قبل 6 شهور ودلوقتى بتاكليها عادى اهو وهوا اللى قايلك برضه وكل شوية حالة جوجو اللى بتخليه يغير كلامه ربنا يحميهالك يا رب
يعنى مش ماشى بنظام معين على طول
ولا مدرسة واحدة فى طب الاطفال
لو مرتحاله انسى كلامى دة كله وطنشى
لو تحبى تطمنى اكتر روحى لدكتور كبير كويس واتاكدى منه او دورى على النت على كلام الدكاترة فى الحاجات دى

sosiii-cat;12670489:
انا مش عارفة يا ايمي بالنسبة للبرطمانات بس انا فاكرة ان الدكتور كان قايللي الاكل اديلها السيريالز بس انما البرطمانات دي بيبقي فيها مواد حافظة والله اعلم
انتي ممكن تعمليلها التفاح في البيت زي مانتي احسن

انا قلت اجرب وكمان يمكن عشان كده هما كاتبين في خلال يوم واحد.

صوت العيون;12670528:
كمان اللبن الصناعى مكتوب عليه حاجه شبه كدا تقريبا خلال شهر
فخفت منه
لانى مفهمتش المقصود اللبن الى ب 35 دا

اه فعلا الصلاحية بتاعته شهر بس اكيد يا مورو مش هايقعد شهر بحاله من غير ما يخلص،ـ متخافيش وعادي بس انتي محتاجاه ليه، انا جبته بس عشان اللبن قليل.

doaaes;12671098:
ايمى انا جبت هيرو ده وانا فى المصيف كنت بجيب واحد خضار وواحد فاكهه كانت بتخلصهم قبل 24ساعه لان البرطمان صغير مش زى ما انتى فاكره

ايوة فعلا جربت اديلها منه من شوية ولقيته فعلا ممكن يخلص صح في يوم ، معاكي حق انا بس كنت حاسة من شكله انه كتير بس طلع لأ، وفعلا كنت بفكر اخليه بقي للخروجات او السفر اليوم الواحد مثلا عشان هايبقي يوم طويل بره البيت فهينفعني اوي فعلا.

lifedrop;12671520:
انتى واثقة يا ايمى فى الدكتور دة؟؟؟؟

اصل اغلب الدكاترة قالو ان العسل بعد سنة والباقى قال بعد 6 شهور وهوا الوحيد اللى سمعته بيقول عادى دلوقتى

وبعدين الفاكهة اللى مانعها دى كذا دكتور كويس وشاطر قال عادى بعد ست شهور

وفى الاول قالك متاكليهاش قبل 6 شهور ودلوقتى بتاكليها عادى اهو وهوا اللى قايلك برضه وكل شوية حالة جوجو اللى بتخليه يغير كلامه ربنا يحميهالك يا رب
يعنى مش ماشى بنظام معين على طول
ولا مدرسة واحدة فى طب الاطفال
لو مرتحاله انسى كلامى دة كله وطنشى
لو تحبى تطمنى اكتر روحى لدكتور كبير كويس واتاكدى منه او دورى على النت على كلام الدكاترة فى الحاجات دى

لأا يا نودي هو مقالش من 6 شهور خالص علي فكرة، هو من اول ما رحتله وهو بيقولي من 4 وفعلا ده اللي عمله، بس لما كانت 3 ونص يعني لسه متمتش الاربعة بالظبط، وزنها لقاها مزادتش غير 300 جرام وبس في شهر كامل عشان كده كان متضايق اوي ومستغرب وقاللي هنضطر نزودلها حاجات دلوقتي وانا مش حابب كده، يعني فعلا كان عايز يستني بس لقي مش هاينفع يصبر، بس الفرق كان اسبوعين وبس يعني مش كتير، ولما دخلت الرابع بقي دخلها الحاجات عادي زي ما كان عايز، والعسل بيبقي نقطة وبس مش كتير والدكتور الاولاني خالص بردو كان كبير وغالي وجابلي سيرة العسل بردو ومفهوش حاجة بس المهم انك مش تسكري الحاجة اوي لأ هي نقطة بس كده بسيط، لكن السكر والملح هما اللي ممنوعين نهائي دلوقتي.

بالنسبة للفاكهة دي بقي يمكن انا نسيت علي موضوع سنة دي وهو قال مش دلوقتي وخلاص، بس انا نفسي وانا بسأله كنت عارفة انه هايقولي لأ، وحساهم تقال عليها اوي وممكن يعملوا حساسية، لنهم اصلا تقال علي الكبار وساعات ناس كتير بتشتكي منهم ما بالك الاطفال، الفراولة والمانجو دايما معروف انهم بيعملوا حساسية عن بعض الناس.

بس لكن بجد والله هو كويس وشطور وكمان اهم حاجة معاملته حلوة اوي مع الاطفال وغير كده معانا احنا كمان بيسمعك كويس ويرد عليكي من غير زهق ولا سرعة.


علي فكرة انا جاية عندكم يوم 3 في الشهر ان شاء الله بس مش هنبات لأ يوم رايح جاي عندنا خطوبة بتاعة قريبتي لولولولي :)

بس كان نفسي اشوفكم بس طبعا بردو مش هاينفع اهيء اهيء اهيء متضايقة اوي والله بجد من التحكمات اللي من غير لازمة ولا معني دي، خوف وخلاص وغير كده المرة دي هنبقي زحمة وكده ومش هعرف اصلا اسيبهم حتي.

CuTie KaTkOoTa;12670214:
اق

وقلتله ينفع اديها عصير مانجو او بطيخ ولا تقال عليها، قاللي لأ مانجو وبطيخ وفراولة ومشمش وكده لأ لسه مش قبل سنة، خليكي في البرتقال والجوافة والتفاح والطماطم والعنب ممكن تعصريه في بقها كده قلتله اه ما انا عملت كده امبارح لما جالها الامساك ده.

وقلتله طيب دلوقتي بما اني اللبن قليل وباخد هيربانا اهو مش لسه معملش نتيجة فكنت عايزة اديها حاجة بردو لبن صناعي او اي حاجة تديها شوية من فايدة اللبن اللي بتوصلها كاملة دي، فقاللي اديها ابتاميل عشان ده اقرب واحد في طعمه للبن الام.

و
لو افتكرت حاجة تانية هقولكم.

سلامو جوجو يا ايمى
وان شاء الله تكون بخير

بالنسبة للبطيخ انا دوقت دودو منة و مش عمل حاجة الحمد لله
بالنسبة للبن قاالك اديها كام ملل ياريت تقوليلى بالله عليكى لحسن دودو بياخد 220 و مدوخنى وش عارفة دا قليل ولاكتير و لااية وضعة

صوت العيون;12670528:
كمان اللبن الصناعى مكتوب عليه حاجه شبه كدا تقريبا خلال شهر
فخفت منه
لانى مفهمتش المقصود اللبن الى ب 35 دا

اصلا العلبة مش هتعد شهر
انا معايا بتكمل اسبوع بالعافية