تجهيزات حوامل مصرللمولود الجديد و النفاس ‏جزء 5

ام ريمات;13283582:
فيه صوفيات لاني بولد فالشتا وكيف اسعاره؟

انا ان شاء الله هاروحه قريب وهقولك بس البنات بتقول ان اغلب المحلات نزلت الشتويس خلاص فاكيد بإذن الله هايكون نزل هو كمان، انا النهاردة نازلة اشوف حاجات ليا انا وبنتي بس في محلات تانية غيره، وهشوف كده لو كله نزل يبقي فعلا خلاص تروحي وانتي مطمنة ان شاء الله.
واسعاره فيه غالي وفي سعره كويس ووقت السيل بيبقي عامل حاجات حلوة اوي بس فعلا حاجاته نضيفة وحلوة اوي، انتي صعب عليكي تروحي اي منطقة تانية غير المهندسين؟

مريم ءادم;13285892:
ازيكم يا بنات؟ عاملين ايه؟

كنت عايزه اسألكم شويه حاجات كده بحكم خبرتكم ؟ ممكن ولا ايه؟

مبرووووووووك مبرووووووووووووووووك كنت حاسة والله من قبل ما تدخلي يا شقية، عاملة ايه كده بطلتي تدخلي تتكلمي ولا تسلمي معانا زي قبل الجواز.

bosy_md;13287304:
بنات هو لازم البريست يكون فيه افرازات قبل الولادة؟ أنا عندي بريست واحد بس لقيته من كام يوم عليه حاجة ذي نقطة ميه و النهارده كمان.. بس الثاني مش فيه حاجة.. ده له علاقة بكمية اللبن بعد الولادة؟

لا مش مقياس اوي بس هو بيكون احسن لأنه بتكون خلاص الغدد جاهزة واستعدت بس عامة متضغطيش عليه ولا تحاولي تنزلي العصارة دي خالص عشان غلط

بالنسبة لعربية الاطفال اركز على ايه فيها عشان تنفع ليوسف من دلوقتي لوقت طويل ان شاء الله

بنات خدو بالكم من المشاركات احنا واخدين 3 انذارات ان الموضوع هايتقفل خلو الموضوع ده عن التجهيزات وروحو الاستفسارات هنا
http://forums.3roos.com/showthread.php?t=568193
بجد الموضوع مفيد وكلنا هانخسر لو اتقفل
سؤال بقي ايه الالعاب المناسبه لسن شهرين؟ لاني نفسي العب يويو باي حاجه بس مش عارفه ايه الالعاب المناسبه
لفلي نزل الشتوي ولا لا؟
اجيب كام بطانيه علما بانه علي اول 11 هايبقي عنده 3 شهور يعني مابيتلفش بيتغطي بس

sweetylolla85;13294024:

سؤال بقي ايه الالعاب المناسبه لسن شهرين؟ لاني نفسي العب يويو باي حاجه بس مش عارفه ايه الالعاب المناسبه
لفلي نزل الشتوي ولا لا؟
اجيب كام بطانيه علما بانه علي اول 11 هايبقي عنده 3 شهور يعني مابيتلفش بيتغطي بس

خليهم بطانيتين بقي عشان انا كنت جيبة واحدة بس وكتير كنت بحتاج اغسلها واستخدم التانية بديل ليها بس الكلام ده كانت لسه صغيرة وبتتلف بيها فبتبهدلها ولا اقولك خليها واحدة مادام كبر دلوقتي، مش هتتسوخ ان شاء الله علي الشهرين بتوع الشتاء دول.

بصي انا نزلت امبارح جنينة جبتلها فستان صوف تريكو بس لاحظت ان مش كل المحلات نزلت الشتوي بتاع الاطفال لسه للأسف.
واللعب بقي لسه شوية مش هايندمج دلوقتي خالص ولا يفهم، بس ممكن من 3 شهور ونص كده تجيبي البلاي جيم او لعب وشخاشيخ، المهم تبقي حاجات ملونة الوان كتيرة وفيها حركة او انتي تعمليله الحركة بتاعتها

شفت امبارح ركب فارلين ب 29 في صيدلية نورماندي هي لونها ابيض والقلب اللي فيها ده فيه منه احمر وفيه منه اسود ولقيت زي اللي كنت جيباها بردو ب 22 عشان اللي عايز بردو

CuTie KaTkOoTa;13300117:
شفت امبارح ركب فارلين ب 29 في صيدلية نورماندي هي لونها ابيض والقلب اللي فيها ده فيه منه احمر وفيه منه اسود ولقيت زي اللي كنت جيباها بردو ب 22 عشان اللي عايز بردو

ركب فارلين عاملة ازاى مطبكنة يعنى ولا اية؟ شبة بتاعت الرياضين؟

m@hy;13301936:
ركب فارلين عاملة ازاى مطبكنة يعنى ولا اية؟ شبة بتاعت الرياضين؟

كانت بيبو حطت صورتها من قريب كده، طيب انتي شفتي اللي انا جبتها؟

هي عاملة زي الشراب كده قطن وفيها استيك منها فيها والجزء اللي علي الركبة ده مبطن كده وعلي شكل قلب بارز ومكتوب عليه فارلين وباقتها طري بقي زي الشراب اه شبه بتاعتهم فعلا

ازيكم يا بنات انا اول مرة أشارك فى حاجة زى دى بس أنا شايفة أنها مفيدة جدا وخصوصا لأنى عندى أسئله كتيرررررر محيرانى

يا بنات أرجو المساعدة : أنا إن شاء الله خلاص أمامى أسبوع وأدخل الشهر9 إن شاء الله ولسة فى حاجات مجبتهاش وحيرانه وقلقانه قووووووووى وحاسه ان الوقت هيسرقنى :
عايزة أعرف البراهات بتاعت الرضاعة دى أجبها منين وبكام
إية أحسن نوع حفاضات ويكون سعره معقول
حزام البطن لو حد يعرف بكام يقولى
مريله الرضاعة دى أجبها منين وبكام
وأهم سؤال بقى هو انى مش هقدر أعمل سويت من تحت فكنت عايزاكوا تفيدونى أعمل اية واية الحل البديل للسويت لانى أخر مرة أتبهدلت جامد
ياريت ألاقى ردووووووووود كتير وحد يساعدنى أرجوكم لان الوقت بيضيع منى

وكمان معلش نسيت حاجة مهمه :02: لو حد يعرف مستشفى التوفيقية اللى فى عباس العقاد وهل هيه كويسة ولا لا أسعارها أية

مى أحمد;13306957:
يا بنات أرجو المساعدة : أنا إن شاء الله خلاص أمامى أسبوع وأدخل الشهر9 إن شاء الله ولسة فى حاجات مجبتهاش وحيرانه وقلقانه قووووووووى وحاسه ان الوقت هيسرقنى :
عايزة أعرف البراهات بتاعت الرضاعة دى أجبها منين وبكام
إية أحسن نوع حفاضات ويكون سعره معقول
حزام البطن لو حد يعرف بكام يقولى
مريله الرضاعة دى أجبها منين وبكام
وأهم سؤال بقى هو انى مش هقدر أعمل سويت من تحت فكنت عايزاكوا تفيدونى أعمل اية واية الحل البديل للسويت لانى أخر مرة أتبهدلت جامد
ياريت ألاقى ردووووووووود كتير وحد يساعدنى أرجوكم لان الوقت بيضيع منى

:D ميويه
بصى يابنتى
براهات الرضاعه ملهاشششششششش اى لزمه ااساسا والبراهات العاديه كويسه وشغاله وزى الفل انا مجبتوش بس محستش انه ليه لازمه اساسا واللى جابوه قالو كده فى المشاركات القديمه لو كنتى قريتى كله
البامبرز والمولفكس دول احسن اتنين فى رايى
وحزام البطن من الصيدليه او من محلات بتاعت الاطفال حتلاقيه عندهم بس اسئلى الدكتور الاول عليه
مريله الرضاعه ملهاش لازمه وممكن تستغنى عنها بسهوله جدا باى كوفرته او اى حاجه تحطيها عليكى وانا عملت واحده بايدى
جبت كوفرته خفيفه وعملتلها حزام علشان اعلقها فى رقبتى منها وبس وكانت احسن وطبعا مش مكلفه زيها لانها بحاجه وتمانين تقريبا لما سئلت عليها فى لافلى
السويت بقى عندك كذا حل
فى حاجه اسمها فيت ان شاور ... ده كريم بتحطيه وتسبيه 6 دقايق وبتشليه بسفنجه معاه بالميه وبس وده انا استخدمته فى الشهر التاسع
او اى كريم عادى خالص من بتوع ازاله الشعر
وانا برده فاكره انى استخدمت الماكنه العاديه كانت كويسه بس مكنتش عارفه اوصل لكل الاماكن علشان كده جبت فيت ان شاور من العزبى بس مش فاكره بكام

واى حاجه نقصاكى لسه اكتبيها والبنات حيقولولك تجبيها منين

ازيك ياجميل يارب تقومى بالسلامة ويعطيكى ساعة سهلة من عندة ان شاء اللة بصى ياجميل انا هرد عليكى الاسئلة اللى خاصة بالتجمع هنا لان باقى الاسئلة مخالفة معلش بقى عندنا 3 انذارات ان الموضوع هيتقفل لو حصلت اى مخالفة تانية انتى لسة جديدة فمتعرفيش لو عندك اى استفسار روحى التجمع دة هتلاقى اجابة على كل حاجة هتساليها ان شاء اللة ياجميل http://forums.3roos.com/showthread.php?t=568193

بصى ياستى بالنسبة لنوع البامبرز انا بستخدم فاينى اللى علبتة موف دى والحمد للة ماشى مع ابنى كويس الحمد للة مش بيسرب ودة ياستى فية مقاس من 2 الى 5 كيلو ال22 قطعة 15 جنية وال44 قطعة ب 29 جنية وبالنسبة طبعا للبامبرز العادى ارخص كتير بس على فكرة بتختلف من بيبى للتانى يعنى ممكن ابنك او بنتك يرتاحوا فية وممكن لا فانتى شوفى ياجميل اللى هيريحهم
مريلة الرضاعة شوفيها فى التوحيد النور بس بصراحة معرفش بكام لو مش لقتيها ممكن تلاقيها فى محلات تجهيزات الاطفال اللى بيبقى فيها كل حاجة ان شاء اللة اما باقى الاسئلة بقى فمعلش اتعبى واكتبيها تانى فى اللينك اللى حطهولك دة وان شاء اللة تستفيدى

مى أحمد;13306957:
يا بنات أرجو المساعدة : أنا إن شاء الله خلاص أمامى أسبوع وأدخل الشهر9 إن شاء الله ولسة فى حاجات مجبتهاش وحيرانه وقلقانه قووووووووى وحاسه ان الوقت هيسرقنى :
عايزة أعرف البراهات بتاعت الرضاعة دى أجبها منين وبكام
إية أحسن نوع حفاضات ويكون سعره معقول
حزام البطن لو حد يعرف بكام يقولى
مريله الرضاعة دى أجبها منين وبكام
وأهم سؤال بقى هو انى مش هقدر أعمل سويت من تحت فكنت عايزاكوا تفيدونى أعمل اية واية الحل البديل للسويت لانى أخر مرة أتبهدلت جامد
ياريت ألاقى ردووووووووود كتير وحد يساعدنى أرجوكم لان الوقت بيضيع منى

البنات كفوا ووفوا يا جميلة، متقلقيش وان شاء الله تلحقي تخلصي كل حاجاتك اللي باقية، البرا فعلا جبتها وركنتها او بمعني اصح بقيت استخدمها في الاخر زي البرا العادي مبقتش افتحها ولا اي حاجة، بس كنت جايبة طبعا براهات اكبر للحمل وهي اللي كملت بيها وقت الرضاعة وبتبقي قطن كده وطرية وخفيفة مش المبطنة العادي دي لأ، ومريلة الرضاعة شفتها في الصياد معجبتنيش بس مش فاكرة الاسعار والبنات اللي شافوها في لافلي قالوا انها احسن من بتاعة الصيد وبتبقي زي اللي بنشوفها علي النت كده، والسويت اغلبنا معملناش سويت في التاسع مكنش بينفع خالص قضيناها شيفينج او الكريم بتاع فين اللي مشيمارو فالتلك عليه بس حاولي بلاش الكريمات العادية عشان مش حلوة للمكان ده، وانا عن نفسي استخدمت ماكينة فينوس وجبتلها جل فينوس بردو للاماكن الحساسة، والبامبرز فايني سعره معقول وحلو وكونفي التركي بردو حلو وكوتشي دول اللي سعرهم معقول وفي نفس الوقت كويسين

كتكوتة عندي ليكي سؤالين ربنا يعزك يارب وان شاء الله ميكونوش مخالفة
اولا ياجميل انتى قلتى امبارح انه بلاش نعصر البريست في التاسع عشان ده غلط، انا المعلومات اللى عندي من المقربين يعني ان المساج والتعصير على خفيف كل فترة كويس في الشهور الاخيرة عشان لما البيبي يتولد ان شاء الله تكون كل حاجة مهياة وسهله، فياريت تقوليلنا ياجميل تعصيره غلط ليه ، ولو حد من البنات عنده راي في الموضوع ده برضو يقولنا
تاني حاجة البراهات بتاعتك القطن والطرية الخفيفة دي جبتيها منين، لاني للاسف ملاقيتش غير نوع واحد بس في المقاسات الكبيرة ، لكنه مش قطن ، والموضوع ده مؤرقني لانه مع الحر اللى احنا فيه بدات احس ان بشرتي بتلتهب :(
جزاكي الله كل خير ياقمر

مى أحمد;13306957:
يا بنات أرجو المساعدة : أنا إن شاء الله خلاص أمامى أسبوع وأدخل الشهر9 إن شاء الله ولسة فى حاجات مجبتهاش وحيرانه وقلقانه قووووووووى وحاسه ان الوقت هيسرقنى :
عايزة أعرف البراهات بتاعت الرضاعة دى أجبها منين وبكام
إية أحسن نوع حفاضات ويكون سعره معقول
حزام البطن لو حد يعرف بكام يقولى
مريله الرضاعة دى أجبها منين وبكام
وأهم سؤال بقى هو انى مش هقدر أعمل سويت من تحت فكنت عايزاكوا تفيدونى أعمل اية واية الحل البديل للسويت لانى أخر مرة أتبهدلت جامد
ياريت ألاقى ردووووووووود كتير وحد يساعدنى أرجوكم لان الوقت بيضيع منى

ربنا يقومك بالسلامه ان شاء الله

فى براهات رضاعه لاسو قطن هاتيها من اى مكان بيبيع لانجرى الواحده ب28 وحلوه اوى

الحفاضات بامبرز حلو المصرى والسعودى وعلى فكره الاتنين زى بعض انا جربتهم بس السعودى اغلى واللى اكتشفته ان الاتنين نفس الصناعه لان بداية الرقم المسلسل بتاعهم واحد بس هم بيشتغلونا والمصرى سعره ارخص وعدد الحفاضات اللى فيه اكتر

حزام البطن انا جيباه ب 35 بس مش فاكره اسمه ايه

انتى ممكن تجيبى مكنه جيليت النسائيه فى 4 مع بعض ب 19 او اقل وهاتيلك جيل واعملى بيهم

مرسى كتييييييييير على الردود الحلوة وياريت لو حد عندة خبرة ثانى يا ريت يفيدنى وشكررررررررا كتير يا بنوتات ومستنية باقى الردود

هو فيه ماكينة حلاقة نسائية ؟ أول مرة أعرف الموضوع ده :)