تجهيزات حوامل مصرللمولود الجديد و النفاس ‏جزء 5

dandona we bas;13181987:
يا بنات بالله عليكو انا مصرة ادي ابني لبن طبيعي عايزة اعرف تجربة كل واحدة فيكو مع ابنها في الرضاعة الطبيعية بالله عليكو قولولي هل اسيبه شوية من غير اكل و لا اعمل ايه بس

بصي واحده صحبتي قالتلي ان ابنها عمل كده راحت جوعته وقات انه خد صدرها زي الكلب هعهه

dandona we bas;13182081:
مورو و الله هوا رافض صدري خالص حتى لما بيكون جعان مش يسكت الا لما اديله الصناعي

لو عمل كده كتتير يبقي ومش هايسكت غير لما تديله صناعي لان خلاص استسهل اللبرونه

bright bride;13182088:
طيب ياسرور انتي بتجبي كام طقم خروج وبتجيبهم كل من سنتر بيونت بردو اصلي في ناس بتقول ماتجبيش للبيهبات لبس غالي علشان بيتارمي بسرعه فعلا كده ولا ايه

انا فيه حاجات كتير جايباها من مصر مقاسات مختلفة مش عارفة كام بصراحة و فيه صغروا عليه خلاص و مبقاش يلبسهم و فيه لسة بيلبسهم
انا بس ساعة العيد جبت طقمين جداد يلبسهم فى العيد من سنتر بوينت و لبس البيت برده من سنتر بوينت و كنت جايبة حاجات برضه قبل الولادة من ماكس و كانت حلوة برضه
بالنسبة بقى لحكاية غالى و رخيص انا بجيب من سنتر بوينت بس و كنت شفت ماكس اسعارهم متقاربة بس ماكس اغلى شوية و سنتر بوينت بحس فيه اسعار مختلفة و الخامات حلوة ما شاء الله انا جربت اجيب من كارفور لان قالولى ارخص بس الخامة مش عجبتنى و اسعاره مش فيه فرق فظيع يعنى
بصى عموما انتى متشتريش لبس خروج كتير او كل شوية لان احنا مش بنخرج كتير هنا و لبس البيت هو اللى اكتر شوية لان بيتوسخ بسرعة
[/QUOTE]
معرفش بردو ماكس مش بلاقي حاجات حلوة لسن عيالنا فعلا احنا مش بنخرج كتتير انا قربت اتخمق اصلا من القعده في البيت

صوت العيون ʚϊɞ ام سندس ʚϊɞ;13182356:
ممممممممم رغم ان البنات كانوا بيقولوا تشفطى عشان اللبن ميقلش مش عارفه صراحه
بس انتى افضلى حاولى
دا لسه نونو يعنى وهو مثلا نايم وصاحى يعيط جعان اديهوله
خديه بغدر يعنى

بس زي ماقلتلك مورو فعلا هو صاحي من النوم هايبقي مش مركز وهياخد منك

nana12;13182588:

ازيكوا يا قمرات اخباركوا ايه انا ان شاء الله حولد يوم الخميس قيصرى دعواتكوا

ولو فى حد ولد قيصرى وعايز ينبهنى على حاجه ياريت تقولولى

وعايزه اسالكوا برضه سمعت ان اللبن مش بينزل على طول فى القيصرى طيب النونه حتاكل ايه كده ممكن تتعود ع البصناعى ولا ايه يايت اللى جربوا يفيدونى ربنا يكرموا

لاه عاادي هياخد صدرك وفي ناس بترضع عيالها بعد 12 ساعه الفتره ده بياخد جلوكوز وممكن لبن
انا رضعت لولو بعد يومين لاني تعبت ومش عارفه عملو معاه ايه ههه
ادهم كان في الحضانه ورضعته بعد 4 ايام

نيمو أنا كنت بقول لتوكي علي علاج للحموضة ما أنتي عارفة الشهر التاسع.. دي أحسن حاجة بتجيب معايا نتيجة و بنام للصبح الحمدلله.. أنا جبت كريم سانوسان و هجيب بردو زنك اوليف ان شاء الله.. و الزيت عموما علشان جسمه مش بس الكيكي..


عادي يا توكي أنا امبارح حسيت وجع لدرجة فكرت ان دي خلاص الولادة وصحيت الصبح ولا الهوا..وساعات احس ان عاجبه الوضع جوه.. أنتي بتطمني زوكا يابنتي وانتي عايزه اللي يطمنك أصلا هههههههه

انا بسأل يا بوسي علي الاقراص لان الحموضه كانت مبهدلاني و كانت تهدي بالدوا الشرب ساعه و تيجي تاني الصراحه الخيار كان احسن حاجه بتجيب معايا نتيجه

نانا ...... ربنا يقومك بالسلامه ان شاء الله

انا الممرضه بعد ما اتأكدت اني فوقت جابتلي حلا و ساعدتني اني ارضعها متقللقيش انتي

nana12;13182880:

ميرسى يا قمرات ربنا يطمنكوا

طيب معلش سؤال كمان هو مش بنعرف نلبس حزام البطن من الجرح ولا ايه ؟
والبيبرونه المفروض اعقمها قبل ما استخدمها احطها يعنى فى ميه سخنه؟

هي لو مبترشمه بتتيقي متعقمه جاهزه
والحزام لبسته تاني يوم وكنت بربطه من فوق الجرح

نانا لازم تعقمي الببرونة الأول أنا بتاعتي افنت و مكتوب عليها كده..

نيمو ياقمر أنا كل يوم بموت م الحموضة فعلا من أقل اكل.. كنت باخذ رانيتاك قبل الاكل بس مع الوقت مش بقي يعمل حاجة بدأت اخذ فوار راني وقت اللزوم و فعلا حلو والأحلي هو أقراص زنتاك هي الدكتورة قالتلي وقت اللزوم بس أنا اللزوم عندي بقي يوميا قبل ما انام يا معرفش انام أصلا

miko85;13182920:
هي لو مبترشمه بتتيقي متعقمه جاهزه
والحزام لبسته تاني يوم وكنت بربطه من فوق الجرح

والحزام جاب نتيجه يا ميكو ولا ايه يعنى بطنك نزلت

بوسى انا برضه بتاعتى افنت بس مخدتش بالى مكتوب عليها ايه حقوم اشوفها
انا يا بنات الدكتور قايلى للحموضه على جيلكودال حلو قالى ممكن اخد 4 او 5 عند اللزوم هو بيتمص

M!ss Tuky;13179700:
انا عن نفسي يابنات زعلانه اوى عاللبس الى بابا تابا بيجيبو ماركات وغالى كل ما بشوف حاجه تعجبو يجيبها وكلها صيفي وكت يعنى مش هينلبس

بصي انا معرفش في لبس البنات عشان ان شاء الله هجيب ولد

بس ممكن تشوفي حاجة زي بادي او بلوفر خفيف كدة تحت الفستان

nana12;13182964:
والحزام جاب نتيجه يا ميكو ولا ايه يعنى بطنك نزلت

بوسى انا برضه بتاعتى افنت بس مخدتش بالى مكتوب عليها ايه حقوم اشوفها
انا يا بنات الدكتور قايلى للحموضه على جيلكودال حلو قالى ممكن اخد 4 او 5 عند اللزوم هو بيتمص

الجليكودال بيتمضغ مش بيتمص

بنات أنا رجلي بدأت تورم بشكل غلس و بتبقي ثقيلة اوي لما اجي امشي خصوصا لما أكون قاعدة فترة قبلها يعني مثلا لو مروحة من الشغل كده.. و ساعات كمان توجعني حد بيحصل له كده.. بكرة ان شاء الله معادي مع الدكتورة أدعولي تكون فيه أخبار كويسه بقي وتقولي هانت وقربت

نانا هتلاقي مكتوب كده في الورقة الصغيرة اللي جوه العلبة

أنا كنت الأول بعمل كده وبرفع رجلي بس مش كانت بتبقي وارمة اوي كده.. الاسبوع اللي فات قلت للدكتورة قالت عادي بس الورم و الوجع بدأ يزيد بعدها ان شاء الله بكرة اقولها.. و ربنا يقومك بالسلامة ياقمر

انا في اخر السادس و ان شاء الله معاد ولادتي 28\12 وطبعا هيكون شتا عايزة اعرف اجيب ايه و العدد من كل حاجة لاني لسه ماجبتش اي حاجة خالص

دندونة يا قلبى

متزعليش ان شاء الله البيبى هياخد صدرك ويبقى زى الفل

بصى انااحمد طلع روحى اول تلات اايام جعان ومش عارف يرضع لان النيبلز كانت صغيرة ومش عارف يشدها

بس متساهلتش ولا اديتة صناااعى خاااااااالص خليتنى وراة

كمان هما لؤمة يعنى متستهونيش بمخة طالما داق وعارف ان فى طريق اسهل يبقى عمرة ماهياخد صدرك فانت خدية بالراحة وحطى تحتة مخدة وشدى النيبل بتاعتك جامد افركيها بايدك جهزيهالة وسمى الله واقريلة قران وان شاء الله هياخد صدرك ويبقى زى الفل


البنوتات الى معاهم حموضة ربنا يكون بعونكم بصراحة انا لاادوية ولا لبن ولا دياولة جاب نتيجة معلش بقى مرحلة وبتاخد وقتها

بس فعلا الخيار يعنى ارحم حاجة اثرت معايا

امتى يا بنات هتشتو لولادكم؟؟

Miss FaTi;13183869:
دندونة يا قلبى

متزعليش ان شاء الله البيبى هياخد صدرك ويبقى زى الفل

بصى انااحمد طلع روحى اول تلات اايام جعان ومش عارف يرضع لان النيبلز كانت صغيرة ومش عارف يشدها

بس متساهلتش ولا اديتة صناااعى خاااااااالص خليتنى وراة

كمان هما لؤمة يعنى متستهونيش بمخة طالما داق وعارف ان فى طريق اسهل يبقى عمرة ماهياخد صدرك فانت خدية بالراحة وحطى تحتة مخدة وشدى النيبل بتاعتك جامد افركيها بايدك جهزيهالة وسمى الله واقريلة قران وان شاء الله هياخد صدرك ويبقى زى الفل


البنوتات الى معاهم حموضة ربنا يكون بعونكم بصراحة انا لاادوية ولا لبن ولا دياولة جاب نتيجة معلش بقى مرحلة وبتاخد وقتها

بس فعلا الخيار يعنى ارحم حاجة اثرت معايا

امتى يا بنات هتشتو لولادكم؟؟

ازيك ياجميل بصى هو مش وقت معين بس انا ابتديت البس مالك شاية كت وعليها من فوق بجامة قطن بكم وبحس انة الحمد للة متدفى بس من غير لا ماروحة ولا تكيف فاانتى لو بتشغلى مروحة او تكيف غطية بس من فوق بكوفرتة كدة خفيفة
بس على العموم غالبا الجو بيبتدى يبرد شوية على اخر شهر 10 اول 11 دة بالنسبالهم طبعا فاانتى ابتدى زوديلة لبسة شوية شوية
وعلى فكرة انتى ابنك اكبر من ابنى تقريبا بااسبوعين ولما روحت للدكتور بتاعة قالى ابنك مش عايز منك غير حاجتين انة يشبع ويدفى لان جسمهم غير جسمنا وبيحسوا باى نسمة هوا عكسنا تماما فخلى بالك ياقمر

D.mero;13183534:
انا في اخر السادس و ان شاء الله معاد ولادتي 28\12 وطبعا هيكون شتا عايزة اعرف اجيب ايه و العدد من كل حاجة لاني لسه ماجبتش اي حاجة خالص

بصي يا حببتي انتى هتجيبي
6-8 شايات او فانيلات نص كم
6-8 شايات او فانيلات بكم
10 بنطلونات قطن
2-3 بطانيه
سالوبيتات قطيفه او خامه تقيله عموما
جونتيات
شرابات
4-6 بفتات
هتحتاجي طبعا سليبنج باج او كاريكوت
ببرونه 125 مللي
دول اللي فاكراهم دلوقتي لو افتكرت حاجه تاني هقولك

دندونة مشكلتك نفس مشكلتى بس الحمد لله انا مدخلتش صناعى انا مستمرة على الشفط لكن عايزة اقولك ان الشفط مش غلط بالعكس انا بشفط كل 3 ساعات تقريبا وبالليل مرتين لكن انا سالت استشارية رضاعة قالت بالعكس الشفط بيزود بس فعلا مش زى رضاعة الطفل بصى اعملي تدليك لصدرك قبل الشفط وممكن تدخلي على اليوتيوب تشوفى طريقة الشفط والمساج اللى بيتعمل قبلها واستمري على الحلبة والحلاوة الطحينيه عن تجربة بتساعد على ادرار اللبن وفيه حلمة صناعى فى الصيدلية جربى معاه اهو يمسكها ويرضع منك احسن ما يتحرم من الطبيعي انا جربتها وخد صدرى بس مش كل يوم وكمان مش بتشبعه اوى وبلاش تقولي ان الشفط بيقلل لان النفسية بتاثر فانتى اشربي سوايل كتير وحلبة وحلاوة طحينية ودايما كترى ميه واشفطى وان شاء الله مع الوقت يرضع منك علطول بس اصبري وبلاش يأس انا كمان بحاول افكره بصدرى كل يوم حتى لو يعيط العياط مفيد لاى طفل متخافيش وتجرى على الصناعى ويارب يهديهولك ويهديلي عيسى ابنى يارب ...

طيب يا بنات انتوا بتشفطوا بايه بالشفاط العادي ولا الكهرباء

وانا عندي شفاط بتاع اخت جوزي أللي هو العادي ينفع اغليه و اشفط بيه و احطهم في الببرونه و انا خارجه

و اللبن الطبيعي بيقعد قد ايه برا التلاجه