تجهيزات حوامل مصرللمولود الجديد و النفاس ‏جزء 5

bosy_md;13043190:
ميرسي يا رونا فعلا حتي الناس كلها مش بتاكل مش احنا بس.. أنا بعوض في العصاير و التمر و الفاكهة.. علي فكرة أنا جبت طقم ترمومترات واحد تيتينة و واحد لتحت الابط أو الشرج و معاهم تيتينة من افنت ب ١٩٠ جنيه ما شاء الله جميل


بنات أنا حاسه بوجع في النيبلز ده عادي ولا ايه بس مفيش افرازات.. كمان أنا بدهن البريست كله من كريم بالمرز استرتش ماركس علشان العلامات اللي فيه مع بطني كده عادي ولا غلط.. مش لاقيه هنا أي كريم للنيبلز مخصوص.. دلوقتي أنا معظم الوقت بنام نص قاعدة من الارتجاع اللي بيحصللي بالليل مش حموضة لا ارتجاع بس مش كثير سواء مياه أو اكل حد حصل له كده؟ و أخيرا و ليس آخرا بقي ههههههههه عندي تحت البريست بييجي وجع فظيع بس مش جوه بطني لا من بره يعني كأن الوجع في الجلد أو العضلات بييجي و يروح أعمل فيه ايه؟

بصي بالنسبه للكريم ادهنى عادي البريست بس النيبلز اعتقد كانوا البنات بيقولوا تدهنيها بالبانثينول و احسن كمان اسألي الدكتور و هو يقولك على نوع الكريم و الارتجاع ده عادي لان البيبي بيكون ضاغط على المعده جامده فالصمام اللي بيمنع ارتجاع الاكل تانى بيبقي مفتوح على طول فعشان كده بيبقي الارتجاع كتير انتى ممكن تحطي مخده تحتك و انتى نايمه بحيث يكون الجزء اللي فوق منك عالي شويه ميبقاش جسمك كله مستوى واحد

sally2007;13043215:
ربنا يكرمك على ردك ياقمر ويقومك بسلامة يارب
بصى بقى بالنسبة للترمومتر فاانا اختى جايبة واحد من الصيدلية ب 2ج ونص زى بتاعنا وبتحطه تحت البط او فى منطقة تانية فى الرجل تقريبا ركبة تقريبا مش متاكده وعلى فكرة هو كويس جدا وشغال معاها حلو قوى وعلى فكرة جوزها دكتور بطنى وكلى وهو اللى جايبة لابنه يعنى لو مضر او وحش مكنشى هيجيبة ليه وانا مكررة اجيبه هو ده

تصدقى بالله انا حاليا كنت داخله اسال البنات هو الدكتور امتى بيكشف نسا انا الدكتور كان معادى معاه يوم الحد بس انا كبرت ومرحتش فاانا شاء الله هروح الاسبوع ده يعنى على الخميس او بكرة
بس فعلا يابنات عاوزة اعرف امتى الدكتور بيكشف نسا عشان عاوزة اضبط المسائل انتوا فهمين بقى

طيب اسمه ايه الترمومتر ده او شكله ايه

اعملى حسابك تبقي مظبطه كل حاجه لان ممكن الدكتور يكشف عليكي نسا لان انا اعرف ان كشف النسا بيبقي في اول التاسع

انا دعيت ليكو كلكو معايا امبارح وانا بصلى وخصوصا توكى ربنا يقومنا كلنا بالسلامة احنا ونونهاتنا ويرزق كل محرومة يارب

dandona we bas;13042229:
بنات انا النهاردة ابني رجع بعد ما كان راضع بحوالي ساعة و طبعا لبن صناعي انا خايفة اوي بجد لان اول مرة اشوفه كده و زي ما تكون نافورة و اتفتحت و بعدها نام عادي هوا ده ايه ممكن يكون عنده برد و لا ايه بالله عليكو حد يفيديني و لا ارو بيه لدكتور اشوف ماله

تسلموا يا بنات كلكوا على ردكوا عليا و الله اديني بكتر سوايل بس الاكل مش قادرة مش عارفة مالي بجد سبحان الله دعواتكو

بصى يادندونه الترجعيع ماتقلقيش منه خالص ان ابنى كان كده بس رضعيه وانتى ميله بزاويه عشان هو معدته لسه مفتوحه مش مقفوله من فوق وبعد ماترضعيع حطيه عشر دقايق مثلا على كتفك وبعدين نيميه ده كلام دكتوره ليا وكمان فى دوا اسمه موتينورم يتاخد قبل الرضاعه

مايونيز;13041446:

ماتضغطيش علي الحلمه خااااااااااااااااالص يارغده لانك كل ماتضغطي صدرك هاينزل لبن لانه مهيا ان الضغط معناه رضاعه انسيه خالص ماما قالتلي كده اعتبري نفسك رضعتي وبنتك اتفطمت وعايزه اللبن ينشف انا عملت كده ومعتش في لبن خالص

لأ يا غادة اظن واللع اعلم ان كده غلط ده في حالة ان اللبن اصلا لسه موجود وكتير لازم بيتاخدله اقراص تنشفه حتي من ايام زمان كده وحماتي قالتلي، لكن في حالة انه اصلا قليل جدا وشبه مفيش دي بقي اللي ممكن نسيبه بس بردو مش واثقة وكنت عايزة اتاكد عشان ميبقاش غلط عليا او يبوظلي حاجة في الهرمونات بعد كده.

miko85;13041476:

ماخدتش حاجه بردو نفس النقطه الشفافه ده بس هاسال بابا

اه بليز يا ميكو اسأليه وقوليلي عشان انا بقالي فترة علي كده وخايفة يكون غلط.

dollyferfer;13042143:
بنات انا برضع صناعى بس بردو عاوزة اجرب الحلبة انا ماما كانت جايبالى حلبة لونها اصفر كدة زى المغات بودرة هى دى المقصودة وبتتعمل ازاى
وكمان عاوزة اعرف امتى ابتدى ابتدى ادى ابنى زبادى والحجات دى ؟؟؟؟ :D

هي تنفع بردو بس المقصود الحلبة الحصي التانية مش المطحونة دي، والمغات كمان مفيد اوي والحلاوة والعسل الاسود واهم من ده كله اللبن والمية والعصاير والسوايل والشوربة والخضار وقللي بقي من الدهون والنشويات بس بجد مفروض تشربي كميات كبيرة علي مدار اليوم الدكتور كان قايلي حوالي 2 لتر ونص في اليوم متقسمين علي سوايل مختلفة بس اساسي فيهم اللبن والمية والعصاير، والزبادي للبيبي ممكن من الرابع بس يكون لايت مش العادي.

miobello;13042215:
صباح الخير يا ماميهات عاملين ايه عايزه اعرف اماكن كويسه اجيب منها لبس لبنوتى بس تكون اسعار متهاوده وحلووووووووه لانى بصراحه اتخنقت من لفلى والجشع بتاعهم الحاجه غاليه موت فقررت مجبش منهم تانى غير بسيط ياااااااااااريت بسرعه لانى عايزه انزل اشترى لان كل حاجه بنتى صغرت عليها ولو هشترى دلوقتى اشترى صيفى ولا شتوى انا هشترى مقاسات من 3-6 ياريت تفيدونى

طيب ما تشوفي محلات الستوكات يا هنا بيبقي فيها حاجات كويسة وساعات حاجات لقطة كده، او محلات روكسي بقي بس العادية مش الكبيرة ووسط البلد بردو.
بس قوليلي انتي في منطقة ايه الاول عشان نفكر معاكي.

dandona we bas;13042238:
انا عايزة اعرف ازاي انضف الببيرونات بعد كل رضعة انا بنضفها بمية من الحنفية و عشان الجو هنا حر فبتكون المية نازلة مولعة و بعدين بحطها 5 دقايق في مية مغلية هل كده صح و الببيرونة ازاز

مية وصابون سايل بسيط خالص وتشطفيهم كويس اوي عشان مش يبقي فيهم لسه اي بواقي للصابون وبعدين الغلي ده انا بصراحة مش بعمله كل مرة يعني كل فترة كده او علي الاكتر مرة في اليوم.

sweetyronaaa;13042966:

كتكوته فين محل هاله ده و كمان ساتر الرضاعه بيتباع فين و هو اسمه كده و لا ليه اسم تانى

كمان بقي كنت عايزة اعرف هو مفيش ترمومتر عادي للبيبيهات يعني غير اللي بيتحط في الودان او فتحه الشرج مفيش ترمومتر زى بتاعنا كده اصلي بصراحه هخاف اوى استعمل التانى ده

اسمها مريلة الرضاعة، محل هالة بقي يا جميلة قصاد المريلاند عند اخر السور بتاعه بس من ناحية روكسي، عدي الشارع بقي وهتلاقي محل المغربي للنظارات ادخلي الشارع الجانبي ده هتلاقيه علي ايديكي الشمال دورين هو.
اي ترمومتر بيبقي ليه الاختيارات دي نفسها سواء في الفم او تحت الابط او فتحة الشرج بس دي مش مستحبة خالص واتمنعت كمان بره، وبتاع الودان ده بقي نوع تاني خالص.
الاطفال وهما صغيرين كده مش بينفع نحطه في بقهم فممكن تحت الابط، او بتاع الودان ده ومتقلقيش منه خالص بس هو اغلي بكتير منهم، وطبعا التانيين فيه منهم نوعين يا اما الزئبقي او الديجيتال.

sally2007;13043215:
تصدقى بالله انا حاليا كنت داخله اسال البنات هو الدكتور امتى بيكشف نسا انا الدكتور كان معادى معاه يوم الحد بس انا كبرت ومرحتش فاانا شاء الله هروح الاسبوع ده يعنى على الخميس او بكرة
بس فعلا يابنات عاوزة اعرف امتى الدكتور بيكشف نسا عشان عاوزة اضبط المسائل انتوا فهمين بقى

هو اغلبهم والمفروض بيكون في نص التاسع او بعد اول اسبوع منه بيعملوا الكشف ده، بس يا سالي مفروض متضعيش اي كشف ليكي في التاسع ده مفروض بيكون اسبوعيا اخر شهر ده للأحتياط والمتابعة وكمان مفروض تكوني مخلصة شنطتك وشنطة البيبي وكمان مستعدة عالطول عشان في اي وقت ممكن تكون ولادة فتبقي مظبطة نفسك

روضه 2006;13043497:
بصى يادندونه الترجعيع ماتقلقيش منه خالص ان ابنى كان كده بس رضعيه وانتى ميله بزاويه عشان هو معدته لسه مفتوحه مش مقفوله من فوق وبعد ماترضعيع حطيه عشر دقايق مثلا على كتفك وبعدين نيميه ده كلام دكتوره ليا وكمان فى دوا اسمه موتينورم يتاخد قبل الرضاعه

:thumbs_up::thumbs_up::thumbs_up::thumbs_up: غلط جدا ان البيبي يرضع وهو نايم او انتي نايمة، لازم تكوني قاعدة وهو تكوني شيلاه بزواية مايلة عشان اللبن مش يدخل في ودنه ويسببله مشكلة كبيرة لا قدر الله

sally2007;13043218:
سؤال كمان هى الافرزات الصفرة دى التهابات ولا عادى من الحمل هى لونها مصفر شوية مش بيضه ؟

طالما صفره ياسالي تبقي مش عاديه لانها كانت عندي وسكت عليها واما الدكتوره جت تكشف نسا لقيتها قالتلي دي افرزات فيها بكتريا جي بي اس وانها لو ولدتي طبيعي بتتنقل للبيبي وتسببله لاقدر الله امراض قولي للدكتور بتاعك يديكي لبوس مهبلي او غسول علشان تروح قبل ميعاد الولاده بس هي بتسببلك هرش في المنطقه دي ولا لا

[QUOTE=CuTie KaTkOoTa;13043751]لأ يا غادة اظن واللع اعلم ان كده غلط ده في حالة ان اللبن اصلا لسه موجود وكتير لازم بيتاخدله اقراص تنشفه حتي من ايام زمان كده وحماتي قالتلي، لكن في حالة انه اصلا قليل جدا وشبه مفيش دي بقي اللي ممكن نسيبه بس بردو مش واثقة وكنت عايزة اتاكد عشان ميبقاش غلط عليا او يبوظلي حاجة في الهرمونات بعد كده.


مش عارفه يا ايمي والله ماما كانت قالتلي كده بس هاسال برده وربنا ييسر انتي بطلتي رضاع طبيعي ولا ايه؟

بنات حد يعرف حاجة عن منتجات ديزني للبيبي.. مش لاقيه سانوسان هنا و مش عارفة اجيب ايه مش بحب جونسون اوي.. و بليز قولولي ايه منتجات العناية بتاعت البيبي أنا خلاص داخلة ع التاسع ان شاء الله..

هو ساتر الرضاعة ده موجود عند هالة؟؟ او موجود فين تانى؟؟؟

شوفوا ده :)
http://forums.3roos.com/showthread.php?p=13030737#post13030737

مايونيز;13043915:

مش عارفه يا ايمي والله ماما كانت قالتلي كده بس هاسال برده وربنا ييسر انتي بطلتي رضاع طبيعي ولا ايه؟

اه بطلت بقالي فترة دلوقتي الحمدلله علي كل شيء :'(:'(:'(
شغالة صناعي بس وزبادي مع العصاير والسريلاك والاكل بحاول معاها فيه واحدة واحدة.

bosy_md;13044365:
بنات حد يعرف حاجة عن منتجات ديزني للبيبي.. مش لاقيه سانوسان هنا و مش عارفة اجيب ايه مش بحب جونسون اوي.. و بليز قولولي ايه منتجات العناية بتاعت البيبي أنا خلاص داخلة ع التاسع ان شاء الله..

انا بشوفها كتير بس مجربتهاش بصراحة، لو مش لاقية سانوسان يبقي هاتي جونسون مؤقتا بس المستورد وهاتي عبوة صغيرة لغاية ما تلاقي بقي اي نوع احسن.
وانتي هتحتاجي شامبو وشاور مع بعض وكريم حفاضات او الزنك وزيت جونسون ولوشن جونسون والباودر مش مهمة ومش كويسة كمان وحتي الزيت مش اساسي بردو، وقطن وكحول وعيدان للأذن او الانف بس طبعا لو هتستخدميهم يبقي استعمال خارجي بس ومش تدخليهم جوا لأ من الطرف كده لو احتاجتي لكن يفضل بلاش والصابونة ملهاش لزمة دلوقتي خالص إلا لما يكبر بقي ان شاء الله.
والبامبرز طبعا ووايبس ويفضل النوع اللي فيه كريم

*pippo*;13044419:
هو ساتر الرضاعة ده موجود عند هالة؟؟ او موجود فين تانى؟؟؟

شوفوا ده :)
http://forums.3roos.com/showthread.php?p=13030737#post13030737

انا مسألتش عليه في هالة، بس هو كان موجود في الصياد ومعجبنيش اللي كان هناك ساعة لما كنت حامل وكان فيه في لافلي احسن منه، ومشوفتش بقي تاني غير دول ومسألتش اقصد، ممكن البنات يفيدوكي يا بيبو

المشكلة يا ايمى ان كل دول بعيد عليا قوى الصياد وهالة
يعنى انا كنت هوصى حد يجيبلى من هناك
انا حتى مابنزلش لفلى عشان بعيد برضه
مش بروح الا المحلات اللى فى دندى وهم زيروتوفايف وتويز ار اص
طيب تعرفى اللى فى لفلى دى بكام؟؟؟

ميرسي يا كتكوتة علي ردك الجميل ده.. طيب هو جونسون المستورد أغلي كثير من المصري؟ لأن كل اللي شفته هنا أسعار عادية مش غالية بس بصراحة مش بصيت ع البلد بتاعته.. طيب بنات اللي من اسكندرية حد يقولي هو سانوسان متوفر اوي يعني ولا في أماكن معينة؟ و لو في أماكن معينة قولولي فين علشان لو حد رايح يجيبلي معاه..

انا ان شاء الله يا سالي هكشف نسا السبت الجاي وده هيبقي نص التاسع و الدكتور قالي لو كله تمام يبقي هستني لما الطلق يجي براحته و لو لقي اي حاجه تمنع الولاده الطبيعيه هيولدني علي طول قيصري لان البيبي الحمد لله اكتمل نموه

sally2007;13036933:
برنسس الف الف مليون مبروك وحمدا على السلامة وربنا يخليلك عادل يارب
كيوت لولا ايه يابنتى مختفية فين بقالك فترة طمنينى عليكى شايفكى موجودة اهو

و الله يا بنتي واحشاني جدااااااااااااااااااا
بس عزلت و الشقه الجديدية لسه مركبش فيها نت

بس انا جيت مصر خلاص

انتي اخبارك ايه احكيلي

بنات سوال عاوزة دكتورة كويسة فس اسكندرية

و كمان سؤال هو الولادة القيصري بتسيب علامة

و سؤال للمستشارة بتاعتنا ميكو

ممكن تسالي بابابكي من فضلك هو صح ان لو واحدو ولدت مرتين قيصري يتفتح نفس المكان

سؤال مهم وماتطنشونيش زى كل مرة بجد عشان خاطرى انا محرجة اسأل اى حد تانى انتو ازاى بتنضفوا المنطقة اللى تحت من بالسويت ولا المكنة ولا ايه لانى فى التامن ومش شايفاها عشان اعملها وبعدين توكى فين بقالها يومين وحشتنى وانا واله بدعيلكم وهى بالاخص معايا وانا بصلى

dr_hienar;13047906:
سؤال مهم وماتطنشونيش زى كل مرة بجد عشان خاطرى انا محرجة اسأل اى حد تانى انتو ازاى بتنضفوا المنطقة اللى تحت من بالسويت ولا المكنة ولا ايه لانى فى التامن ومش شايفاها عشان اعملها وبعدين توكى فين بقالها يومين وحشتنى وانا واله بدعيلكم وهى بالاخص معايا وانا بصلى

بصي انا لما بطنى كبرت بقيت بعملها ب جيليت فينوس سهله وسريعه ومش مؤلمه خالص
وبحط مرايا تحتيا عشان ابقى شافه انا بعمل ايه
السويت صعب اوىىىىىىىىىىىىى بجد يكاد يكون مستحيييييل

صباح الخير يابنات
انا الحمد لله ولدت امبارح الصبح طبيعى ومخدتش طلق صناعى جالى طلق الحمد لله

CuTie KaTkOoTa;13043757:
طيب ما تشوفي محلات الستوكات يا هنا بيبقي فيها حاجات كويسة وساعات حاجات لقطة كده، او محلات روكسي بقي بس العادية مش الكبيرة ووسط البلد بردو.
بس قوليلي انتي في منطقة ايه الاول عشان نفكر معاكي.

ايه محلات الستوكات دى يا ايمى وفين انا ساكنه فى المعادى بس لو فى فى وسط البلد بردو كويس بس عايزه اسامى محلات حلوه ولا كله زى بعضه

bosy_md;13044365:
بنات حد يعرف حاجة عن منتجات ديزني للبيبي.. مش لاقيه سانوسان هنا و مش عارفة اجيب ايه مش بحب جونسون اوي.. و بليز قولولي ايه منتجات العناية بتاعت البيبي أنا خلاص داخلة ع التاسع ان شاء الله..

منتجات ديزنى دى حلوه اوووووووووووووووى انا جبت لبنتى منها الشاور ريحته تجنن وجبت برفيوم ليها حلو جدااااااااا وكله بيسألنى جبتيه منين

monyfofo;13048830:
صباح الخير يابنات
انا الحمد لله ولدت امبارح الصبح طبيعى ومخدتش طلق صناعى جالى طلق الحمد لله

الف مبروك يا قمر وحمدالله على السلامه

موني حمدالله ع السلامة ياقمر
هينار أنا كمان بقيت أعمل شيفنج من أول لما بطني كبرت و مش بقيت اشوف تحت.. بس مش عارفة هينفع بردو وقت الولادة ولا لازم سويت ولا ايه..
moibelo‏ طيب أنتي استخدمتيه من سن كام؟ يعني أول ما البيبي اتولد ولا لما كبر شوية؟