تجهيزات حوامل مصرللمولود الجديد و النفاس ‏جزء 5

ربنا يقومك بالسلامة يا نانا ان شاء الله.. أنا بتعب قبل الفطار و ساعة الفطار بعد كده بكون عادي و اللي بيزود التعب اني بشتغل و بصحي بدري.. شنطة المستشفي لما تدخلي التاسع ان شاء الله.. و هتحتاجي ليكي عبايه مفتوحة من الصدر علشان الرضاعة و فوط لوتس أو بيبي هاندي و حاجة ثقيلة تلبسيها لما تطلعي م الولادة علشان بيقولوا اننا هنحس بالبرد جامد.. لما افتكر حاجة ثاني هقولك

nana12;12920060:

ازيكوا يا قمرات ؟
كل سنه وانتو طيبين
اخبار الصيام معاكوا ايه
بوسى احنا تقريبا ماشين مع بعض وبرضه زيك بتعب اووى بعد الفطار لكن طول اليوم عادى الموضوع كويس
دندونه الف سلامه عليكى وربنا يقومك بالسلامه
بنات سؤالى على شنطه المستشفى المفروض احضرها امتى ويكون فيها ايه؟
وانا تقريبا خلصت هدوم النونه المفروض انا اشتريلى ايه؟

ربنا يقومك بالسلامة يا قمر
بصى شنطة المستشفى تحضريها فى اخر التامن لانك متضمنيش هتولدى امتى بالظبط فى التاسع
و يكون فيها الاتى
اولا حاجتك انتى: 2 جلابية بكم و بزراير من قدام و حوالى 5 اندرات و برا او اتنين و طرحة و فوط الولادة انا جبت لوتس و فوطة و صابونة و مشط و توكة
حاجة البيبى : هتاخدى طقمين كل طقم عبارة عن 2 شاية و سالوبيت كل واحد فى شنطة بلاستيك لوحده و كوفرتة و شامبو و بامبرز و كريم التسلخات و ببرونة علشان لو كتبولك اعشاب فى المستشفى و بيبى اويل و جوانتى و شراب لو السالوبيت رجله مفتوحة و كحول سبراى و قطن
بصى هو فيه حاجات مستخدمتهاش بس انتى خديهم احتياطى لان كل مستشفى غير التانية يعنى انا ادونى فوط الولادة مثلا ممكن فى المستشفى بتاعتك ميدوكيش و هكزا

ياحبيبة قلبى يادندونة اتخضيت اول ماقريت انك وقعتى بس الحمدا لله انها عدت على خير خدى بالك اله يخليكى وربنا يطمنا عليكى يارب ويقومك بالف سلامة
ياريت يابنات الله يخليكم تردوا على سؤالى بتاع السبوع
وده السؤال لتالت مرة
لو سمحتم يابنات هى تجهيزات السبوع بتتحضر من امتى وايه اللى بجيبة بضبط ياريت اللى عمل سبوع او بيجهز ليه يقولى ضرورى
سؤال دينى كمان هو السبوع حرام وبدعة ولا عادى تفريح للناس ؟

تسلمي يا نانا انتي و سالي و يا بوسي يارب متحرمش منكو بس الحمدلله على كل حاجة هما حجزوني امبارح في المستشفى و عملوا كل الاجراءات اللازمة عشان يطمنوا عليا و على البيبي و طلعت الصبح الحمدلله

باركولي بدأت اخيرا اجهز شنطة المستشفى الحمدلله و اللي ناقصني هشتريه و اجيبه احطه على طول يا قمرات

ازيكم يا بنات انا الحمدلله في الخامس ان شاء الله هو ايه فوط الولادة دي وبيشتروها منين ؟ وهل بنحتاجها سواء ولادة طبيعي او قيصري ؟
وسؤال كمان هو النونو بيحتاج أكتر من كوفرتة فردي يعني مش في طقم او كده؟
وسؤال كمان معلشي لبس الشتا بيبدأ ينزل من امتى وياريت كمان حد يقول النونو بيلبس ايه في الشتا تحت السالوبيت الشتوي التقيل يعني انا حاسة ان الحاجات الداخلي مش هتدفيه اوي ؟
وربنا يتمم لينا كلنا بألف خير ويرزق الجميع

donyhoney;12922637:
ازيكم يا بنات انا الحمدلله في الخامس ان شاء الله هو ايه فوط الولادة دي وبيشتروها منين ؟ وهل بنحتاجها سواء ولادة طبيعي او قيصري ؟
وسؤال كمان هو النونو بيحتاج أكتر من كوفرتة فردي يعني مش في طقم او كده؟
وسؤال كمان معلشي لبس الشتا بيبدأ ينزل من امتى وياريت كمان حد يقول النونو بيلبس ايه في الشتا تحت السالوبيت الشتوي التقيل يعني انا حاسة ان الحاجات الداخلي مش هتدفيه اوي ؟
وربنا يتمم لينا كلنا بألف خير ويرزق الجميع

ربنا يتمملك على خير يا قمر
بصى فوط الولادة دى زى الاولويز كده علشان دم النفاس بس بتكون كبيرة و خامتها قطن علشان مش تعمل تسلخات لان الفترة بتاعة النفاس طبعا اطول من فترة البيريود و احسن نوع و ده اللى استخدمته هو لوتس انا جبته من صيدلية العزبى
و اه هتحتاجيها سواء كده او كده بس هاتى الاول باكيت واحدة لان كمية الدم بتختلف من واحدة لواحدة و كمان القيصرى الدم بتاعه بيكون مش كتير
انا ولدت قيصرى و كنت شارية باكيت و المستشفى ادونى باكيت تانى بس كان كتير اوى لان الدم عندى كان قليل و خلصتهم و كملت الفترة ببرايفت الترا
و الكوفرتات انا كنت جايبة واحدة للبيت و واحدة للخروج مبدأيا و بعد الولادة جاتلى 3 كوفرتات هدية و بصراحة كده كتيرفانتى هاتى اتنين و استنى ممكن تجيلك هدية
و على فكرة انا بستخدم بتاعة الخروج فى انى اغطى ابنى لو نام و هو فى العربية بتاعته بس و مش بلفه بيها ابدا لانها بتلخم جامد
و لو هتولدى فى الشتا يبقى تجيبى مثلا بطانية للبيت و سليبنج باج شتوى للخروج و البنات يفيدوكى برضه فيها لانى ولدت ابنى فى اول الصيف

سؤال يا بنات

بالنسبه للكارسيت ماركة جراكو او شيكو الاصلي

سعرهم دلوقتى كام؟

شهيدة حبيبتي حاولي تشوفي التوكيلات اللي بيتبعهم او محلات متخصصة فيهم و شوفي لو في سيل او تنزيلات جامدة طبعا هتفرق معاكي جدددددددددددددددددددددا

bright bride
شكرا ليكي اوي يا قمر وربنا يباركلك في ابنك

بنات فينكم؟ عندي سؤال بقي بس يارب حد يرد عليا المرة دي.. هو البيبي بيفضل فوق اوي كده لحد امتي؟ البيبي بتاعي عمال يخبط في جنبي اليمين و صدري جامد لدرجة بحس بايده ولا رجله دي لما احط أيدي ع جنبي كده عادي ولا ايه؟ كمان بيتحرك كثير و كل حركاته عنيفه كده ذي ما يكون بيتخانق و ساعات يحجر نفسه اوي ده من ايه؟

بوسى عادى ياقمر انا برضه باخد ضرب جامد واوقات فى جمبى وبيوجعنى وبقولة اه لو امسكك هههههههههه ماما بتقولى ابنك ده شكلة هيطلع عصبى فمتقلقيش ياقمر ده كله عادى واحمدى ربنا والحمدا لله انوا بيتحرك لان الحركات دى معناها انوا بخير فدى حاجة كويسة مش تقلق ياقمر

انا بقى زعلانة منكم جدا قوى عشان محدش رد عليا فى حاجات السبوع عشان لو كنتوا رديتوا عليا كنت هشوف هعمل ايه هجيب من هنا ايه واخلى جوزى يجبلى من بره ايه لانة قريب يجى خلاص وكمان انا كنت عاوزة احضركل حاجة قبل ماادخل التاسع عشان لو ولدت فى اولة فبجد ربنا يسامحكم ومخصماكم :'(

عادى الحركه بس خلى بالك ان فى حاجات بتزود الحركه زى الشيكولاته والنسكافيه والكاكاو والقهوه كل المنبهات يعنى فلو انتى بتشربى حاجه من دول الحركه هتزيد
واى حاجه فيها قهوه حتى الايس كريم او الجاتوه بالقهوه او النسكافيه او الشيكولاته كل ده بيزود الحركه

فعلا يا سالي الحمدلله ان الحركة موجودة دي بتريحني و تطمني و بردو بقوله ذيك كده حسابك معايا لما تطلعلي بره ههههههه بس فعلا خايفه يكون ذي ما مامتك بتقول عصبي ده اللي قالقني بس لأن طول فترة الحمل الحمدلله مفيش أي هدوء و دايما فيه مشاكل و دايما زعلانة و بعيط الحمدلله علي كل شئ و ربنا يقومك بالسلامة يا قمر.. و بالنسبة لموضوع السبوع أنا سألت هنا بردو محدش رد عليا علشان أجهز قبل التاسع لاني أنا كمان مش بحب حد يختارلي حاجة ع ذوقه..


موني أنا فعلا بدأت ارجع اشرب نسكافيه بعد الفطار مرة واحدة يوميا من أول رمضان بس ولا حاجة ثاني من اللي قلتي عليهم.. بسبب الصداع بتاع الصيام أنتي عارفة

يلا ربنا يتملنا كلنا علي خير يارب

البلاى جيمممممممممممم محدش عبرنى وقاللى منين

بصى يا سالى الحركات بتاعت السبوع بتاعت السبع حبات والحاجات دى بدعة
لو انتى مجرد هتكتفنى بانك تعملى توزيعات عشان الناس تتبسط ومن غير نية سيئة يبقى عادى
والله أعلم
انتى بتنزلى تشوفى ايه اللى عاجبك وتشوفى الكمية اللى انى محتاجاها وتشترى
انا ماعملتش سبوع فماعرفش تفاصيل اكتر

بس العقيقة طبعا سنة مؤكدة والافضل انك تعمليها
وانا شايفة ان لو السبوع هيكلفك كتير يبقى الاحسن تحطى فلوسها فى العقيقة

والله أعلم

انا بقى زعلانة منكم جدا قوى عشان محدش رد عليا فى حاجات السبوع عشان لو كنتوا رديتوا عليا كنت هشوف هعمل ايه هجيب من هنا ايه واخلى جوزى يجبلى من بره ايه لانة قريب يجى خلاص وكمان انا كنت عاوزة احضركل حاجة قبل ماادخل التاسع عشان لو ولدت فى اولة فبجد ربنا يسامحكم ومخصماكم :'(

يا سالى ممكن تحددى الاسئله او الافكار وانا تخت الخدمه من أ الى ى فى حاجات السبوع و العقيقه

دندونه : الف سلامه و متعرفيش الخير فين و على فكره الوقعه دى ممكن تسهل الولاده موت فى الوقت بتاع الطلق عن تجربه
مونى فوفو : انتى فى الكام لو فى التاسع الترجيع بيكون من علامات الولاده انها قربت يعنى و لربنا معاكم كلكم