تجهيزات حوامل مصرللمولود الجديد و النفاس ‏جزء 5

*pippo*;12574920:
ماتقلقيش يا هوبا ان شاء الله خير وتولدى طبيعى
انا اعرف واحدة ولدت بعد ميعادها بخمس ايام وكانت طبيعى برضه والحمد لله زى الفل هى والبنوتة
ماتقلقيش الدكتورة موسوسة لو فى حاجة كده ولا كده كانت قالتلك
بس مادام قالتلك استنى يبقى الحمد لله كله تمام والوضع مطمئن
ربنا يقومك بالسلامة

يارب يا بيبو ربنا يكتبلي اللي فيه الخير

monyfofo;12574927:
شكرا يا هوبا F:F:
انا جبت الحلق الطبى طيب هو المقص بيتعمل بيه ايه ؟
وكمان هى بدرة التلك مهمه فى ناس بتقول مضره ولا انتى ايه رايك


شكرا يا بيبو F:

كمان يابنات انا لقيت نوعين فرشه شعر
واحده اللى ليها شعيرات دى العاديه والتانيه اللى زى الكبيره بتاعتنا ليها سنون وراس مدوره كده فى منها العادى وفى الخشب انهى احسن فى التلاته

المقص ده طقم مع بعضه قصافه ومبرد ومقص عشان نقص بيها ضواضر البيبي للي مش عارف يقص بالقصافه
بدره التلك جيباها عشان ماما هتقولي فين البودره :D
كانت بتحطها لندي وهي صغيره بعدكل حموم عشان البيبي جسمه بيقشر والبودره بتضع القشره دي علي كلامهم يعني
انا عن نفسي مستخدمتهاش بعد كده خالص بس ميمنعش انها تكون موجوده في البيت للطوارئ

انا في ندي جبت مشط شعر وكان ليه نهايات مدوره كده في اخر السن عشان ميجرحش راس البيبي وكان طقم يعني فرشه استحمام مع مشط شعر كانو حلوين ماركه شيكو

طيب انا هجيب الحاجات دى قوليلى كده حلو ولا فى حاجات ناقصه او فى حاجات مش ليها لازمه

كحول وقطن
شاور سانوسان وشاور جونسون للمستشفى
ومناديل جونسون وبدرة تلك
وببرونه صغيره عشان الميه والاعشاب لحد ما اعرف هرضع طبيعى ولا صناعى
وبيبى اويل وفرشه شعر وقصافه و سفنجه حمام
لوتس وبامبرز

واجيب الكبايه والطبق من دلوقتى بالمره ولا استنى

monyfofo;12575040:
طيب انا هجيب الحاجات دى قوليلى كده حلو ولا فى حاجات ناقصه او فى حاجات مش ليها لازمه

كحول وقطن
شاور سانوسان وشاور جونسون للمستشفى
ومناديل جونسون وبدرة تلك
وببرونه صغيره عشان الميه والاعشاب لحد ما اعرف هرضع طبيعى ولا صناعى
وبيبى اويل وفرشه شعر وقصافه و سفنجه حمام
لوتس وبامبرز

واجيب الكبايه والطبق من دلوقتى بالمره ولا استنى

استني علي الطبق والكوبايه
كده تمام ان شاء الله مفيش حاجه ناقصه
في سانوسان شاور وشامبو مع بعض
ومناديل جونسون انا فعلا جيباها بس مستخدمتهاش قبل كده اللي لقيتها في وشي يعني

بصوا بقه انا ان شاء الله ناوية اجيب لوشن و كريم سودو و ووايبس و بامبرز و بانيو للبيبي و شاور جل و شامبو كده الحاجات تمام

و بعدين شوية كده هجيب السليبنج باج اللي بيتحط و يتشال فيه و العربية ان شاء الله و الكارسيت و لا دول مهمين اوي و مينفعش أأجلهم

sally2007;12571757:




[B][I]بنات معلشى سؤال مستعجل انا راحت المستشفى النهاردة والدكتورة قلتلى لازم تيجى المستشفى بكرة عشان اعمل مسح لعنق الرحم وقلتلى لازم وضرورى حد يعرف يعنى ايه مسح لعنق الرحم وعشان ايه؟

سالي اعتقد دي علشان تعرف لو في التهابات ولا حاجه .انا من كام يوم كنت حسه اني عندي التهابات وقلت للدكتوره قالتلي ممكن اخدلك مسحه اشوف بيها اذا كان فيه حاجه

sally2007;12571803:
وكمان انا امبارح راحت اشترى حاجات العناية للبيى بس اول ماوقف قدم الحاجات حسيت انى توهت قوى من كتر الحاجات وفى الاخر مشترتشى
انا اللى قلت هجيبة وقولولى صح ولا غلط لانى قلت مش هجيب غير لما استشيركم
قلت هجيب شامبو
ولوشن
وكولونيا كده لقيتها ريحتها حلوة قوى
وايبس
وزيت بيبى جونسون
واية الفرق بين الزيت واللوشن
ومعلشى مره كمان ايه هو استخدان اللوشن
وانا عندى كريم سودكريم وليقته ارخض من بنوتة هنا قلت انها جايبة 105 تقريبا لقيته ب 24 درهم
وكمان كان فى حاجات جونسون وسيباميد احترت برضه اجيب منتجات جونسون ولا سيباميد

سالي الحاجات دي فين كارفور و كده

و بالنسبه للمسحة انا الدكتورة بتاخدها كعينه لما بقولها عندي اتهابات عشان تعرف نوع الفطريات او البكتيريا المسببة اعتقد هوا دا

طيب هيا معملتوش المرا دي

و انتي مش اتاخرتي كده يا بنتي

بنات ربنا يكرمكم جميعا بخصوص ردكم عليا ويريح بالكم يارب

كيوت لولا;12576343:
سالي الحاجات دي فين كارفور و كده

و بالنسبه للمسحة انا الدكتورة بتاخدها كعينه لما بقولها عندي اتهابات عشان تعرف نوع الفطريات او البكتيريا المسببة اعتقد هوا دا

طيب هيا معملتوش المرا دي

و انتي مش اتاخرتي كده يا بنتي

حاجات العناية انا شفتها فى بيبى شوب اللى عندى ياقمر بس انا من فترة شفت برضه حاجات فى كارفور بس كنت معدية من جمبها مش ركزت ايه اللى موجود وايه اللى مش موجود

وهو انا لازم اعمل المسحة دى يعنى مفيش ضرر لو معملتهاش
وانا معرفشى والله متاهر ولا ايه هى الدكتورة اللى طلبت منى النهاردة كده معرفشى ليه طلبت كده؟

sally2007;12576998:
بنات ربنا يكرمكم جميعا بخصوص ردكم عليا ويريح بالكم يارب


حاجات العناية انا شفتها فى بيبى شوب اللى عندى ياقمر بس انا من فترة شفت برضه حاجات فى كارفور بس كنت معدية من جمبها مش ركزت ايه اللى موجود وايه اللى مش موجود

وهو انا لازم اعمل المسحة دى يعنى مفيش ضرر لو معملتهاش
وانا معرفشى والله متاهر ولا ايه هى الدكتورة اللى طلبت منى النهاردة كده معرفشى ليه طلبت كده؟

هوا لو الدكتورة عملتهولي هوا بسيط مش مشكله خالص يعني

بنات بالنسبة للكاريير

إنتوا جبتوا ايه هل شيكو أحسن حاجة هو نار ياحبيبي نار

بس في نفس الوقت عايزة حاجة كويسة أوي إنتوا اشتريتوا

عايزة أدخل تاني ألاقي ردووووووووووووود بالهبل هههههههههه

أوك

لؤلؤة عروس البحر;12581721:
بنات بالنسبة للكاريير

إنتوا جبتوا ايه هل شيكو أحسن حاجة هو نار ياحبيبي نار

بس في نفس الوقت عايزة حاجة كويسة أوي إنتوا اشتريتوا

عايزة أدخل تاني ألاقي ردووووووووووووود بالهبل هههههههههه

أوك

سؤال كمان على الكارير عشان اللي يجاوب يجاوب الاتنين:lol:
انا بشوف امهات شايلين بيبهات لسه مولودين في الكارير هو دا نوع مخصوص و لا الكارير العادي

كيوت لولا;12580091:
هوا لو الدكتورة عملتهولي هوا بسيط مش مشكله خالص يعني

طيب معلشى هتقل عليكى قوليلى هى عملتهولك عشان ايه وهو لازم اعملة يعنى لو معملتوش مفيش مشكلة وعادى

السلام عليكم
ازيكو يا حوامل بلدي يا حلوين

انا كنت ف التجمع ده من سنتين بس طبعا كانو بنات تانيين اللي هنا هههههههههههههههههه
والحمدلله رجعته تاااااااااااااااااااني بعد طول انتظار الحمدلله

يلا عاوزة ترحيب بقى
ههههههههههههههههه

sally2007;12582513:
طيب معلشى هتقل عليكى قوليلى هى عملتهولك عشان ايه وهو لازم اعملة يعنى لو معملتوش مفيش مشكلة وعادى

انا كان عندي التهابات فعملته عشان تعرف نوعها ايه بس
و هوحاجة زي قطن الودان بس كبيرة كده بتمررها و خلاص و بيقعد يتحلل 3 ايام

لؤلؤة عروس البحر;12581721:
بنات بالنسبة للكاريير

إنتوا جبتوا ايه هل شيكو أحسن حاجة هو نار ياحبيبي نار

بس في نفس الوقت عايزة حاجة كويسة أوي إنتوا اشتريتوا

عايزة أدخل تاني ألاقي ردووووووووووووود بالهبل هههههههههه

أوك

كيوت لولا;12581975:
سؤال كمان على الكارير عشان اللي يجاوب يجاوب الاتنين:lol:
انا بشوف امهات شايلين بيبهات لسه مولودين في الكارير هو دا نوع مخصوص و لا الكارير العادي

انتي تقصدي المولودين ايه اللي زي ولادنا حديثي الولادة كدة ولا تقصدي يعني عندهم أيام لو تقصدي كدة هو هواه طبعا بس بيختلف الوزن بس لكن غلط جدا لو البيبي عنده أيام أو في الأشهر
الثبلثة الأولى يبقى في الكاريير علشان عموده الفقري (حتى ولو في كاريير options بتاعه يدعم العمود الفقري من لحظة الميلاد ) بردو لا

خليها من الشهر الرابع كدة

*Om Mo3az*;12582720:
السلام عليكم
ازيكو يا حوامل بلدي يا حلوين

انا كنت ف التجمع ده من سنتين بس طبعا كانو بنات تانيين اللي هنا هههههههههههههههههه
والحمدلله رجعته تاااااااااااااااااااني بعد طول انتظار الحمدلله

يلا عاوزة ترحيب بقى
ههههههههههههههههه

أم معاذ ههههههههههههه:lol::lol: لفت نظري كلمة بعد طول انتظار:D ليه كدة دول سنتين ياأم معاذ يعني العادي جدا جدا جدا كنت عايزاها شهرين وتحملي ههههههههههههه والله انتي عسل :L: ربنا يكملك على خير يارب ويرزقك بطفل معافي يارب اللهم أمينF:

لؤلؤة عروس البحر;12586897:
انتي تقصدي المولودين ايه اللي زي ولادنا حديثي الولادة كدة ولا تقصدي يعني عندهم أيام لو تقصدي كدة هو هواه طبعا بس بيختلف الوزن بس لكن غلط جدا لو البيبي عنده أيام أو في الأشهر
الثبلثة الأولى يبقى في الكاريير علشان عموده الفقري (حتى ولو في كاريير options بتاعه يدعم العمود الفقري من لحظة الميلاد ) بردو لا

خليها من الشهر الرابع كدة





أم معاذ ههههههههههههه:lol::lol: لفت نظري كلمة بعد طول انتظار:D ليه كدة دول سنتين ياأم معاذ يعني العادي جدا جدا جدا كنت عايزاها شهرين وتحملي ههههههههههههه والله انتي عسل :L: ربنا يكملك على خير يارب ويرزقك بطفل معافي يارب اللهم أمينF:

هههههههههههههههههههه
ربنا يكرمك يا حبيبتي يارب ويبارك لك في ابنك وعقبال المرة الجاية ان شاء الله

لا طول انتظار دي سنة انتظار يعني شايلة اللوب من سنة بالظببببببببببببببط
الحمدلله على كل حال

بصوا بقه انا ان شاء الله ناوية اجيب لوشن و كريم سودو و ووايبس و بامبرز و بانيو للبيبي و شاور جل و شامبو كده الحاجات تمام

و بعدين شوية كده هجيب السليبنج باج اللي بيتحط و يتشال فيه و العربية ان شاء الله و الكارسيت و لا دول مهمين اوي و مينفعش أأجلهم

monyfofo;12575040:
طيب انا هجيب الحاجات دى قوليلى كده حلو ولا فى حاجات ناقصه او فى حاجات مش ليها لازمه

كحول وقطن
شاور سانوسان وشاور جونسون للمستشفى
ومناديل جونسون وبدرة تلك
وببرونه صغيره عشان الميه والاعشاب لحد ما اعرف هرضع طبيعى ولا صناعى
وبيبى اويل وفرشه شعر وقصافه و سفنجه حمام
لوتس وبامبرز

واجيب الكبايه والطبق من دلوقتى بالمره ولا استنى

بصي ياقمر هاتي كمان أويل صغيرة كدة للمستشفى بردو غير اللي عندك عشان في مادة لزجة كدة بتكون على جسم البيبي وبتتشال بالأويل

قللي من الوايبس لأنه بيسبب إلتهابات
بودرة التلك لا إلغيها خااااااالص جسم البيبي اوعي تحطي عليه بودرة تلك خالص لو مش عارفة السب أجبهولك

بالنسبة للكوباية والطبق لو في سكتك ومش هتأثر في شراء حاجتك هاتيها يعني خلصي الأول حاجاتك الي هتستخدميها دلوقتي ولو في سكتك هاتيها بالمرة هتحتاجيها كلها شهور قليلة لكن ماتنزليش مثلا مخصوص عشان تجبيها

أه وانتي ماذكرتيش كريم الحفاظات (الزنك) ضروووووووووري

عندك سودو كريم ممتااااااااااااز جدا بس لو غالي هاتي زنك أوليف حلو جدا جدا وفي بنات قالت كمان على بيبي كريم حلو جدا المهم هاتي الكريم الي بيحتوي على الزنك بيتحط بعد كل غيار للبيبي

dandona we bas;12575846:
بصوا بقه انا ان شاء الله ناوية اجيب لوشن و كريم سودو و ووايبس و بامبرز و بانيو للبيبي و شاور جل و شامبو كده الحاجات تمام

و بعدين شوية كده هجيب السليبنج باج اللي بيتحط و يتشال فيه و العربية ان شاء الله و الكارسيت و لا دول مهمين اوي و مينفعش أأجلهم

بصي يادندونة هاتي الوايبس أه لكن قللي من استخدامه عشان بيجيب التهابات

شاور جل وشامبو الإتنين مع بعض عادي مش كل حاجة لوحديها

بالنسبة لسودو كريم ممتااااااااااااز لكن مش شرط هو يعني لو لاقيتيه غالي الاتنين واحد هو وزنك أوليف

بالنسبة للسليبنج باج مهم أول مالبيبي يتولد أو الكاريكوت

الكارسيت بقى استني شوية عليه وبردو مثله مثل الكاريير( بالنسبة لو الشركة منزلة options بيدعم العمود الفقري في مرحلة اول أيام الميلاد بردو لا) استني لما يكبر شوية
العربية في ناس بتستخدمها كسرير في البيت بس بردو البيبي في الاول بيبقى جمبك

يعني الأساسي هاتي السليبنج باج او الكاريكوت

بنات حد يعرف حاجه عن مستشفى القاهره التخصصى
يعنى مستوى الخدمه والاسعار والنظافه
غاليه ولا عادى
فيه اهتمام ولا لاء مفيش
معلش بتعبكم معايا

monyfofo;12574748:
شكرا يا كتكت شكرا يا بيبو
انا كنت عاوزه حاجه عشان المستشفى عشان واحده صحبتى قالتلى مخدش الشاور او الشامبو معايا عشان بتقولى هيخلصولك الازازه كلها

خدي معاكي في المستشفي شامبو رخيص زي جونسون وانتي ليكي بقي بعد كده هاتي ماركة كويسة.

لؤلؤة عروس البحر;12581721:
بنات بالنسبة للكاريير

إنتوا جبتوا ايه هل شيكو أحسن حاجة هو نار ياحبيبي نار

بس في نفس الوقت عايزة حاجة كويسة أوي إنتوا اشتريتوا

عايزة أدخل تاني ألاقي ردووووووووووووود بالهبل هههههههههه

أوك

انا جبت من التوحيد والنور عشان اصلا مكنتش ناوية استخدمها خالص وبعدين لما حصل موضوع رجلي وظهري ده قلت لأ اجيبها هتريحني وكمان عشان لو حابة في البيت مثلا اعمل حاجة او اقوم من جنبها وهي مثلا بتعيط تبقي معايا، او في التمشية بره، فجبت حاجة تأدي الغرض ولقتها كويسة والله بردو ومتينة وحلوة وساندة الظهر كويس وليها كمان غطاء للراس بس مش بستخدمه طبعا دلوقتي وجبت الكبيرة اللي بتكفي لوزن وسن اكبر، عشان هما كانوا اتنين.

كيوت لولا;12581975:
سؤال كمان على الكارير عشان اللي يجاوب يجاوب الاتنين:lol:
انا بشوف امهات شايلين بيبهات لسه مولودين في الكارير هو دا نوع مخصوص و لا الكارير العادي

لأ فيه ماركات كتير بتدعم الاطفال الصغيرين اه وممكن تخليها في وضعية النوم عشان الظهر بتاعهم بس انا مش محبذة بردو بصراحة.

*Om Mo3az*;12582720:
السلام عليكم
ازيكو يا حوامل بلدي يا حلوين

انا كنت ف التجمع ده من سنتين بس طبعا كانو بنات تانيين اللي هنا هههههههههههههههههه
والحمدلله رجعته تاااااااااااااااااااني بعد طول انتظار الحمدلله

يلا عاوزة ترحيب بقى
ههههههههههههههههه

ايمي مبرووووووووووووووووووووووووووووووووك يا قمر الحمدلله ان ربنا كرمك الحمدلله.

كيوت لولا;12585687:
انا كان عندي التهابات فعملته عشان تعرف نوعها ايه بس
و هوحاجة زي قطن الودان بس كبيرة كده بتمررها و خلاص و بيقعد يتحلل 3 ايام

ايوة كده انا فهمت انا فعلا لما اتحجزت من 3 اسابيع فى المستشفى الدكتورة لقتها جايبة بتاع زى بتاع الودان واخدت عينة دم بيها يبقى هو ده المسح صح

لؤلؤة عروس البحر;12588203:

قللي من الوايبس لأنه بيسبب إلتهابات
بودرة التلك لا إلغيها خااااااالص جسم البيبي اوعي تحطي عليه بودرة تلك خالص لو مش عارفة السب أجبهولك

طيب نستخدم ايه بديل للوايبس؟
وبودرة التلك ليه وحشه ممكن تقوللنا السبب؟

ام معاذ الف مبروك ياقمر وربنا يارب يتمملك على الف خير يارب