تجهيزات حوامل مصرللمولود الجديد و النفاس ‏جزء 5

بنات انا دلوقتي جبت لبيبي 2 جوانتي و في سلوبيتان من اللي فيها كم بيتقلب على ايدة دلوقتي اجيب قد ايه تاني

CuTie KaTkOoTa;12683314:
بنات قولولي اجيب ببرونة افينت منين من مصر الجديدة بس صيدلية او محل الاقي فيه تشكيلة كبيرة يعني بمقاساتها واحجامها مش واحدة وخلاص لأني دورت ومش لاقية ولقيت في صيدلية واحدة بس الحجم الوسط بس اول مقاس من زيرو وانا عايزة المقاس الاكبر ضروري مستعجلة عليها بجد، او اي ببرونة تانية كويسة مقاس كبير وحجم كبير، بس افضل افينت

شيكو الكبيرة عندى و جميلين و اير سيستم
و هى حوالى 65

كفايه كدا يا جميله لانك هتبدلى فيهم عادى ( الجوانتيات )


شوفوا دا ملف مخللات رمضان من اسامه

http://forums.3roos.com/showthread.php?p=12699201#post12699201

bosy82;12698853:
يا احلي بنات في الدنيا عندي سؤال

هو الشتوي بينزل امتي و كمان التخفيضات بتكون امتي ؟؟؟

غالبا الشتوي هيكون قبل العيد الكبير
والتخفيضات بتكون في اخر الموسم يعني على اخر 2 او شهر 3 كده يعني

hoba555;12698102:


ايمان الله يسلمك يارب
وبجد الموضوع منور بيكي

ربنا يكرمك يا هوبا يااااااااااااااارب
ويبارك لك في رنا وندى

كيوت لولا;12698989:
بنات انا دلوقتي جبت لبيبي 2 جوانتي و في سلوبيتان من اللي فيها كم بيتقلب على ايدة دلوقتي اجيب قد ايه تاني

متهيالي كفاية كده يا قمر اوي
على فكرة كتر الحاجات دي بتخنق البيبي وتضايقه يعني الجوانتي خصوصا دايما بيضايقهم ومش هتكوني ملبساه له طول الوقت

ازيكم يا بنات اخباركم ايه
انا رجعتلكم تانى فى حملى التانى
انا معايا ياسين سنه و شهرين ربنا يحفظهولى و حامل فى التالت
و معاد ولادتى ان شاء الله 4/2 و ممكن قبلها بما انى قيصرى و معداش على ولادتى الاولى سنتين
و طبعا مرعوبه جدا عشان الفترة قليله بينهم بس ربنا يهون
ربنا ييسر حملى وولادتى وولادتكم يا بنات

الف شكر يا كتكوتة على ردك ، وواضح كده ان الشنط اللي اقصدها موجوده بس يمكن عشان انا مدورتش قبل كده
وهوبا يا جميل حمدالله على سلامة رنا ور بنا يتم شفاها ويحفظهالك يا جميل
سؤالي باه يا بنات ، من تجاربكوا الشخصية، عايزه افهم الشهر التاسع حالتنا فيه هتباه عامله ازاي، لان في ناس تقول بنباه بنتحرك بالعافية ، وناس تانية تقول مثلا بقلب الشقة ترويق وشغل عشان أعجل بالولاده، فانا عايزه افهم يعني هل المشي هوه اللي بيباه صعب ولا الحركة ولا اي مجهود اصلا بيباه صعب، لان انا من دلوقتي اصلا مش بعمل كل حاجة في الشقة من نضافة وكده وبتخيل اني في التاسع هتكون حالتي اصعب، ولا هتكون حالتي اسهل؟؟؟ لو معلوماتي غلط صححوهالي

bandon;12701010:


ازيكم يا بنات اخباركم ايه
انا رجعتلكم تانى فى حملى التانى
انا معايا ياسين سنه و شهرين ربنا يحفظهولى و حامل فى التالت
و معاد ولادتى ان شاء الله 4/2 و ممكن قبلها بما انى قيصرى و معداش على ولادتى الاولى سنتين
و طبعا مرعوبه جدا عشان الفترة قليله بينهم بس ربنا يهون
ربنا ييسر حملى وولادتى وولادتكم يا بنات

اهلا يا قمر منورة انتي وياسين
ربنا معاكي يارب وتقومي بالسلامة
ابقي تعالي هنا بقى عشان تفيدينا واكيد انتي كمان هتستفيدي ان شاء الله
http://forums.3roos.com/showthread.php?t=551328

طالبة الحق;12703367:
الف شكر يا كتكوتة على ردك ، وواضح كده ان الشنط اللي اقصدها موجوده بس يمكن عشان انا مدورتش قبل كده
وهوبا يا جميل حمدالله على سلامة رنا ور بنا يتم شفاها ويحفظهالك يا جميل
سؤالي باه يا بنات ، من تجاربكوا الشخصية، عايزه افهم الشهر التاسع حالتنا فيه هتباه عامله ازاي، لان في ناس تقول بنباه بنتحرك بالعافية ، وناس تانية تقول مثلا بقلب الشقة ترويق وشغل عشان أعجل بالولاده، فانا عايزه افهم يعني هل المشي هوه اللي بيباه صعب ولا الحركة ولا اي مجهود اصلا بيباه صعب، لان انا من دلوقتي اصلا مش بعمل كل حاجة في الشقة من نضافة وكده وبتخيل اني في التاسع هتكون حالتي اصعب، ولا هتكون حالتي اسهل؟؟؟ لو معلوماتي غلط صححوهالي

بصي يا قمر الشهر التاسع بيبقى فيه تقل طبعا لاشك
انا عن نفسي يعني كنت بهبط جدااااااااا من اقل حاجة ولازم اخد راحة لمجرد حتى لو طلعت السلم دورين تلاتة بتبقي عارفة كانك بقى لك ساعة بتجري كده وقلبك يدق ونفسك يكون عالي وطبعا المشي نفس الفكرة ومن اقل حركة تلاقي نفسك هبطانة

وفي نفس الوقت مطلوب الحركة ف التاسع جدااااااااااااا يعني المشي والمجهود زي البنات ما بتعمل بينضفو الشقة عشان بعد الولادة تكون كويسة
لانك لو مش اتحركتي وفضلتي نايمة كده زي باقي شهور الحمل البيبي مش بينزل الحوض بسهولة فلازم الحركة عشان الولادة تكون سهلة باذن الله
وعلى فكرة فيه تمارين معينة بتتعمل كمان بس لازم طبعا تكوني واخداها من دكتورتك

وربنا معاكي ومعانا كلنا ويرزقنا بساعة سهلة يااااااااااااااااارب

dandona we bas;12686722:
و الله يا بسبوسة مش عارفة اقولك ايه تسلمي على ردك السريع بس انا اعرف ان الحاجات دي بيبدأ ليها تاريخ الصلاحية بعد فتحها و بيكون مكتوب عليها فاهماني بس بردو هبص بصة لأني خايفة بعد كده اني مقدرش انزل اجيب اي حاجة و اتقل

انا فاهمه قصدك هي صلاحيتها 12شهر من فتحها والله اعلم حد فتحها قبل كده ولا لا وهو ده اللي غاظني:mad: يعني لو فرضت ان حد فتحها من شهر واحد يبقى هي صلاحيتها كده ممكن تكون فاضلها 6شهور بس مش عرفه بقى 200مل هيخلصوا في 6شهور ولا لا^o)

dandona we bas;12697671:
خلاص يا هوبا و الله هنزل اجيبهم على طول بإذن الله طيب دلوقتي بالنسبة لموضوع المشي انا خايفة ابدأ امشي من بداية التاسع و اولد قبل ما ماما تيجي من مصر ابدأ امشي لما هيا تيجي و المفروض هل امشي ساعتين كل يوم فعلا

انا الصراحه الدكتورة كانت قايلالي امشي كل يوم ساعه من التامن بس انا ماكانش بينفع انزل كل يوم يعني ممكن انزل مرتين في الاسبوع ولا حاجه بس امشي ساعتين وكنت فاكرة ان بمشي كتير واني هروح الاقي نفسي هولد خلاص:D ولما رحت للدكتورة النهارده قالتلي الراس عاليه جدااا فوق قوي لازم تهري نفسك مشي علشان الراس تنزل الحوض مع اني باديه امشي من الشهر التامن بس ولا فرق معايا انتي بجد امشي كتير باين كده نزول الراس ده محتاج فعلا مجهود كبير ربنا يقوينا:)

طالبة الحق;12703367:
سؤالي باه يا بنات ، من تجاربكوا الشخصية، عايزه افهم الشهر التاسع حالتنا فيه هتباه عامله ازاي، لان في ناس تقول بنباه بنتحرك بالعافية ، وناس تانية تقول مثلا بقلب الشقة ترويق وشغل عشان أعجل بالولاده، فانا عايزه افهم يعني هل المشي هوه اللي بيباه صعب ولا الحركة ولا اي مجهود اصلا بيباه صعب، لان انا من دلوقتي اصلا مش بعمل كل حاجة في الشقة من نضافة وكده وبتخيل اني في التاسع هتكون حالتي اصعب، ولا هتكون حالتي اسهل؟؟؟ لو معلوماتي غلط صححوهالي

انا عن نفسي الحركه والمشي بحسهم صعبين اوي في التاسع وحاسه اني تقيييله اوي بس فعلا المفروض نزود المجهود الشهر ده علشان الراس تنزل الحوض بالذات المشي الدكتورة بتقولي كل يوم ساعتين مش عارفه همشيهم ازاي؟:D

سؤال معلش ياجماعة:) شفاط الانف عايزة اعرف سعره ايه؟؟ وايه نوع كويس؟؟ بس مش غالي اوي يكون سعره عادي علشان ممكن اجيبه ومعرفش استخدمه فامزعلش على سعره:D

انا امبارح رحت مع جوزي اجيب حاجات البيت و فعلا مشيت حوالي ساعتين لف و تدوير و حسيت بالتعب جامد اوييييييييييي مش متخيلة ازاي همشي زي ما بتقولوا من التاسع ساعة او ساعتين يوميا انا ميعادي مع الدكتورة يوم 25 ان شاء الله عشان المتابعة ربنا يسهل و اشوف هتقولي ايه المرة دي لأني هكون بدأت في التاسع ان شاء الله لما اروحلها دعواتكو يا بنات

فعلا يا فاطمة و يا بسبوسة الحركة بقت صعبة اوي اوي في الاخر و كل ما تعملي حاجة لازم ترتاحي و موضوع الهبوط ده انا عندي بدأ يزيد اوي و على ترويق الشقة انا بحاول اعمل كل حاجة اول بأول الصراحة عشان متعبش نفسي بس اكتر حاجة بتتعبني دلوقتي الطبيخ و الوقفة كتير يعني مقدرش اقف مثلا 10 دقايق كده زي الاول في المطبخ لازم اعمل حاجة و اريح و هكذا يعني

معلش يا دندونة ربنا معاكي و يكملك باقي ايامك علي خير يارب و تقومي بالسلامة

هانا اوبا;12706951:

بنات هى الفيتامينات بتاع البيبى مهمة الدكتور مكتيهاش ليوسف يعنى؟؟؟؟؟؟؟؟

اللي اعرفه ان فيتامين د مهم جدا و الطفل لازم ياخده من الشهر التاني

sweetylolla85;12676268:
الكارسيت من لفلي اللي في المهندسين اللي في شارع جامعه الدول العربيه
السرير المرتبه بتاعته بتتفك وتتركب لانه 3 مستويات ان شاء الله عشان نقدر نتحكم في الطول
انا امبارح جبت اتنين مشمع من التوحيد والنور قلت يمكن البامبرز يفوت ولا حاجه يبقي كله في السليم:cool::cool::cool:
يارب يارب يارب يرزقك الشهر ده الحمل السليم المعافي يارب اللهم امين واولد الاسبوع ده احسن انا خلاااااااااااااااااااااااااااااااااااااااااااااااص

ربنا يرزقك بساعه سهله و تولدي قريب ان شاء الله

طالبة الحق;12678976:
سويت لولا ربنا يقومك بالسلامة يارب خلال الاسبوع الجاي وتكوني والده طبيعي
يا بنات بعد اذنكم عندي سؤال عن الشنطة اللي بتتحط فيها حاجة البيبي لما نكون خارجين، نفس سؤال كيوت لولا ، بس انا سؤالي بتتباع فين في مصر، انا اقصد الشنط المربعة؛ مش المستطيله اللي بتباه طقم مع شنطة تانية بيتشال فيها البيبي نفسه، لاني بحس ان الشنط المربعة دي بتباه اشيك بس نادر ما الاقي حد جايبها فياتري ممكن الاقيهم فين وباسعار معقولة برضو؟

انا شفت اشكال كتيره اوى في لفلي بس بصراحه مركزتش في الاسعار

CuTie KaTkOoTa;12683314:
بنات قولولي اجيب ببرونة افينت منين من مصر الجديدة بس صيدلية او محل الاقي فيه تشكيلة كبيرة يعني بمقاساتها واحجامها مش واحدة وخلاص لأني دورت ومش لاقية ولقيت في صيدلية واحدة بس الحجم الوسط بس اول مقاس من زيرو وانا عايزة المقاس الاكبر ضروري مستعجلة عليها بجد، او اي ببرونة تانية كويسة مقاس كبير وحجم كبير، بس افضل افينت

انا شفتها امبارح في لفلي و فيه تقريبا كل المقاسات

قولولي بقي انا لقيت ببرونه ايفنت الاتنين ب 83 سعرهم حلو كده و لا غالي و كمان الاقي فين سراير خشب اسعارها معقوله


هوبا الف حمد الله على سلامه رنا كنت داخله امبارح عشان اطمن عليها بس النت عملها معايا و دوخنى الحمد لله انها بخير

سالي انتى المفروض تكونى وصلتي مصر الف حمد الله على سلامتك و يا رب تكونى بخير

هاااى بنات اخباركوا ايه ؟

كان عندى دكتور امبارح والمفروض كل مره بيعمل تحليل بول للسكر والزلال طله عندى +2 فقالى اعمل النهارده سكر صايم وفاطر وزلال وكده ومروعوبه جداا لسه نتيجتهم بليل ان شاء الله
حد عنده فكره عند اضرارهم يابنات ؟

اة طبعا الفيتامينات مهمة جدا
و اولهم فيتامين د اللى بيساعد على امتصاص الكالسيوم و الحماية من لين العظام
و فيتامين د دا من الشهر التانى
و بعدين الكالسيوم على الرابع او الخامس
و فى داكاترة بيكتبو كمان حديد

nana12;12709707:
هاااى بنات اخباركوا ايه ؟

كان عندى دكتور امبارح والمفروض كل مره بيعمل تحليل بول للسكر والزلال طله عندى +2 فقالى اعمل النهارده سكر صايم وفاطر وزلال وكده ومروعوبه جداا لسه نتيجتهم بليل ان شاء الله
حد عنده فكره عند اضرارهم يابنات ؟

ان شاء الله خير يا قمر ومايكونش فيه اضرار ولا حاجة
انا ماعنديش فكرة +2 كده كويس ولا عالي بصراحة
ان شاء الله تطمني وتطمنينا عليكي ماتنسيش

m@hy;12712061:
اة طبعا الفيتامينات مهمة جدا
و اولهم فيتامين د اللى بيساعد على امتصاص الكالسيوم و الحماية من لين العظام
و فيتامين د دا من الشهر التانى
و بعدين الكالسيوم على الرابع او الخامس
و فى داكاترة بيكتبو كمان حديد

انا اول مرة اسمع عن فيتامينات بتتاخد من الشهر التانى
انا ياسين تابعت مع كذا دكتور و عمره ما قالى على فيتامينات خالص غير الكالسيوم و هو بيسنن بس

هانا اوبا;12706951:

بنات هى الفيتامينات بتاع البيبى مهمة الدكتور مكتيهاش ليوسف يعنى؟؟؟؟؟؟؟؟

اعتقد على حسب الطفل يا قمر الدكتور هو اللى بيقرر

حبيبه مادو;12668349:
ازيكم خير مالك يا توكى ازيك يا مورو وحشانى فينكاومال تجمعات الامهات الجدااد فين ؟؟؟ وايه هى التوبيكات بتاعه الامهات لعلها تعطينى خبره هههههههانا عاوزه اعرف البيبى ليه بتعيط ك تييييييييييير وتفضل تزن حتى لو مغيرلها ومرضعاها ومدياها دوا المغص اعمل ايه يعنى اكتر من كددددددددددددددددددده صحيتلى من 12 بليل ل 7 صبح هيجيلى انهيار عصبىىىىىىىىى

انا ابنى قعد اول 3 شهور كده و فعلا تعبنا جامد معاه و ده الطبيعى
انتى ممكن تدلكى بطنه براحه او تنيميه على صدرك لانه بيهدى على صوت نبضات قلبك
و مفيش حاجه تانيه ممكن تعمليها ربنا يهونلك الكام شهر دول ان شاء و بعد كده تنامى و ترتاحى مش اوى بس احسن من الاول

السلام عليكم ورحمة الله وبركاتة

انتوا عاملين ايه جميعا