تجهيزات حوامل مصرللمولود الجديد و النفاس ‏جزء 5

توكى حاولى تتقربى من ربنا اكتر
يعنى روحى اقعدى فى الجامع بعد الصلاه مثلا الظهر او العصر اى صلاه صلى واقعدى كدا هتحسى براحه نفس سبحان الله واقرى قرأن هناك
واقرى المعوذتين وقل هو الله احد

والله يا سالى عايزة اقولك ملتزمتش ف الصلاة اوى غير فالفترة دى :(

ام معاذ انا فعلا حاسه انى بقيت حساسه اوفر لدرجه ان لو حد قالى كلمة معجبتنيش عنيا بتدمع وقتى

المشكله يا مورو ان هناك حماتى وسلفتى واخوه كلهم ف بيت واحد متعودين نشوف بعض كلنا كل يوم حتى لو مطلعتش لحماتى بتنزل تشوفنى ولما بيشوفونى عنيا وارمه من العياط يفضلو يقلولى مالك وانا افضل ادمع ويفتكرو في خناقة بيني وبين جوزى وانا مبحبش الاحساس ده

خصوصا منهم هما حتى لو في تنشنه مبحبش ابين ف بحس بضغط عليا اوى

ازيكم خير مالك يا توكى ازيك يا مورو وحشانى فينكاومال تجمعات الامهات الجدااد فين ؟؟؟ وايه هى التوبيكات بتاعه الامهات لعلها تعطينى خبره هههههههانا عاوزه اعرف البيبى ليه بتعيط ك تييييييييييير وتفضل تزن حتى لو مغيرلها ومرضعاها ومدياها دوا المغص اعمل ايه يعنى اكتر من كددددددددددددددددددده صحيتلى من 12 بليل ل 7 صبح هيجيلى انهيار عصبىىىىىىىىى

ازيكم يا قمرات.. توكي البنات قالوا لك أحسن حل.. و دايما اشغلي نفسك بحاجة بتحبيها أو حاجة للبيبي..


بنات أنا مش عايزه اقلب الموضوع نكد بس غصب عني.. بالله عليكم أدعولي بفك الكرب.. احساس صعب اوي لما يظلمك أقرب الناس ليك و من غير سبب.. خايفه حتي ادعي ربنا.. خايفه ربنا يعاقب اللي ظلمني لاني مش هستحمل فيه حاجة وحشة.. أصعب حاجة لما تلاقي ناس بتحاول تأذيك بس من غير ما تعمل لهم حاجة وحشة..

علشان المخالفة احنا بنجيب كم طقم خروج للبيبي؟

ازيكم يا بنات وحشتوني اوييييي
انا مش بعرف ادخل خالص
صوفيا من ساعه ما اتولدت وهي راففضه ترضع من صدري تماماااااا لدرجه ان جالها جفاف وصفرااا والدكتور اداني لبن صناعي
عايزه اعرف انا ولدت في مستشفي في مدينه نصر وانا ساكنه في المهندسين اروح انهي مكتب صحه وايه التطعيم اللي المفروض تاخده وانا لسه لحد دلوقتي مش سجلتها عشان باباها مسافر في الصحه لازم تبقي متسجله
وقولولي بالله عليكم اعمل ايه لحسن انا لايصه و محتاااااسه اويييييي وعندي اكتئاب ،كل شويه اعد اعيط عشان مش راضيه ترضع منيييي وعشان مش عارفه حاجه عن اي حاجه في التطعيمات والحاجات اللي المفروض تتعمل
اهه وكمان بيجلها رعشه كده كل شويه الدكتور قاللي ده نقص كالسيوم وا داني دوا ده طبيعي ولا ايههههه
ربنا يباركلها يارب اللي ترد علياااااااااااااا بجد محتاسه وتعبانه

كيوت لولا;12662854:
سؤال تاني كمان

انا ناوية اجيب بيبرونتين و بريست بادز و ترمومتر في حاجة تانيه اجيبها

هاتي واحدة بس الاول مش هتحتاجي غيرها وان شاء الله ترضعي طبيعي ومش تحتاجي غير واحدة للأعشاب وبس علي الاقل اول 3 او اربع شهور.

dandona we bas;12663286:
انا عايزة اعرف اجيب كام ببرونة بالظبط و هل شيكو احسن و لا افنت كمان عايزة اعرف الترتمومتر بيتجاب منين يا بنات

واحدة بس يا دندن، افنت احسن بس شيكو طبعا حلوة جدا بردو، والترمومتر هتلاقيه في محلات الاطفال اللي فيها كل حاجة دي او الصيدليات.

صوت العيون;12667157:
السلام عليكم ورحمه الله وبركاته


ازيكم

الى تفتح التجمع الجديد تبقا تبعت للبنات لانى قعدت ادور عليه اوكى

هو لو رنج سعر الكارسيت 175 يبقا حلو
ومنين الاقيه حاجه نضيفه ومش غاليه غير التوحيد والنور ان شاء الله

وعليكم السلام يا مورو ازيك، دي سعر الجراكو الصيني وكويسة بردو وفيه زيها في محل هالة عند المريلاند وفيه اعلي شوية في لافلي، وفيه الست اللي بتبيع مستعمل بقي ماركات اصلية بس مستعملة بس هاتبقي بردو من 200 مثلا او 250

حبيبه مادو;12668349:
ازيكم خير مالك يا توكى ازيك يا مورو وحشانى فينكاومال تجمعات الامهات الجدااد فين ؟؟؟ وايه هى التوبيكات بتاعه الامهات لعلها تعطينى خبره هههههههانا عاوزه اعرف البيبى ليه بتعيط ك تييييييييييير وتفضل تزن حتى لو مغيرلها ومرضعاها ومدياها دوا المغص اعمل ايه يعنى اكتر من كددددددددددددددددددده صحيتلى من 12 بليل ل 7 صبح هيجيلى انهيار عصبىىىىىىىىى

معلش يا كوكي استحمل اول فترة بتبقي اصعب فترة بس والله بعد كده ان شاء الله اظروف هاتتحسن شوية شوية، وده عادي جدا في الفترة دي، وساعات دوا المغص مش بيأثر ابقي ايدها اعشاب ونيميها علي بطنها كده وطبطبي عليها واقريلها قرآن، ابقي دايما كرعيها بعد الرضاعة مهم جدا وفيه نقط بتبقي للانتفاخ وكده بتاخدها بردو دي غير دوا المغص.
ودي اللينكات:

http://forums.3roos.com/showthread.php?t=515072&page=50
http://forums.3roos.com/showthread.php?t=548217&page=21
http://forums.3roos.com/showthread.php?t=504550&page=14

وده لينك التشات بتاع البنات لأنهم قفلوا الامهات دلوقتي:
http://forums.3roos.com/showthread.php?t=550370&page=51

du;12668887:
ازيكم يا بنات وحشتوني اوييييي
انا مش بعرف ادخل خالص
صوفيا من ساعه ما اتولدت وهي راففضه ترضع من صدري تماماااااا لدرجه ان جالها جفاف وصفرااا والدكتور اداني لبن صناعي
عايزه اعرف انا ولدت في مستشفي في مدينه نصر وانا ساكنه في المهندسين اروح انهي مكتب صحه وايه التطعيم اللي المفروض تاخده وانا لسه لحد دلوقتي مش سجلتها عشان باباها مسافر في الصحه لازم تبقي متسجله
وقولولي بالله عليكم اعمل ايه لحسن انا لايصه و محتاااااسه اويييييي وعندي اكتئاب ،كل شويه اعد اعيط عشان مش راضيه ترضع منيييي وعشان مش عارفه حاجه عن اي حاجه في التطعيمات والحاجات اللي المفروض تتعمل
اهه وكمان بيجلها رعشه كده كل شويه الدكتور قاللي ده نقص كالسيوم وا داني دوا ده طبيعي ولا ايههههه
ربنا يباركلها يارب اللي ترد علياااااااااااااا بجد محتاسه وتعبانه

الف مبروك يا جميلة ، بصي اهدي بس معلش، انتي مفروض المستشفي بتبقي مدياكي الورقة بتاعة الولادة بتروحي بيها الاول الصحة الي تابعة لنفس المنطقة اللي فيها المستشفي اول مرة بس للتسجيل وبعد كده بقي في التطعيمات بتروحي اي فرع جنبك عادي بس بتبلغي الفرع الاساسي في التليفون وبس، وهي في اول اسبوع بيبقي بعد الولادة ب 3 ايام قريبا بتوديها بقي تتسجل وتعمل تحليل الغدة وتاخد تطعيم الشلل والدرن.
وتابعي مع دكتور بقي عالطول من بعد الولادة مفروض المتابعة دايما.
وحاولي معاها تاني في الرضاعة هي مش عايزة تاخده ازاي يعني قصدك مش عارفة تمسكه ولا بتمسكه ومش عاجبها ولا ايه؟

امبارح جبت تيشترات من عمر 6-9 شهور ان شاء الله من بي اتش اس كان نازل عليهم سيل جامد جدا هما 5 تيشرتات مع بعض ابيض و لبني و كحلي و احمر و رمادي و قطن 100 في الميه

طيب حد يديني اسم ترمتوتر بتاه اطفال احسن نوع و يكون سعره كويس ايه يا قمرات

M!ss Tuky;12657196:
إزيكو يا بنات عاملين ايه واخباركو اييييه

انا عاوزة اسأل هى البناطيل الجينز فعلا خطر ع الجنين من حيث ليونة العظام

واحده قريبتي قالتلى انها بتعمل اعوجاج ف العضم بتاع البيبي انا يدوب اهو النهردا تميت السادس خلاص وبكره اول السابع فمش عارفه

وانا مش متقبله بناطيل الحمل خالص :(

صحيح تايا جتلها ببرونة بتاعة الدوا جميله اوى شكلها لذيذ

وسكاته بردو لازق فيها علبه صغيورة للدوا شكلها لذيذ بردو عجبونى اوى واحده شيكو وواحده نك

بصي يا توكي انا فعلا الدكتوره قالتلي بلاش بنطلونات جنز الا لو كانت بتاعت الحمل لكن العاديه دي قالت لي لا حتى لو واسعه و في محل ريتشي اللي في المهندسين بنطلونات شبه اللي سالي بتتكلم عليها كانت واحده صاحبتي جيباها ايام الحمل و بعدين معلش حاولى تستحملي بنطلونات الحمل انتى خلاص كلها شهرين و تولدي باذن الله

شوق وحنين للجنة;12661343:
السلام عليكم إزيكم يا قمرات
الحمد لله أنا ولدت يوم 12 7 وربنا رزقني بمريم ضيفونى بقى فى ليستة الأمهات
وربنا يجازيكم خير على كل الحاجات اللى استفدتها منكم
كنت عايزة أسألكم الدكاترة قالوا ممكن نربط البطن امتى بعد الولادة ولامش لازم

الف الف مبروك و حمدالله على سلامتك و سلامه مريم و ربنا يباركلك فيها ان شاء الله

M!ss Tuky;12667975:
انا مكتئبة اوووووووووووووى يا جماعه وعنيا عماله تدمع كل شويه وحاسه انى بقيت كئيبة اوى

ده عادى ولا ايييه

خصوصا انى كمان عند ماما ف الجو بالنسبالى مليان ناس وبشوف ناس ومش لوحدى

بس طبعا ف البيت لوحدى حاسه انى مش طايقه حد خالص وبتجيلي افكار كئيبة اوى

انا الحمدلله بصلي بس بتجيلي افكار انتحار وحجات كده اقول للدكتور بتاع ف المتابعة ولا اعمل ايييه انجدونى

لدرجه انى روحت عيادة دكتورة غادة الخولى بتاعة كلام من القلب لقيت الحجز قبل الكشف بشهر ونص عالاقل اكتئبت اكتر ورجعت

بصي يا حببتي انا كنت كده في اول الحمل مكنتش طايقه حاجه خالص و سواء حد كلمنى او لا كنت بعيط ليل و نهار بس اهم حاجه طبعا بعد المواظبه على الصلاه و القران ان لو في اى حاجه مديقاكى طلعيها و فضي كل اللي جواكى و ان شاء الله هى فتره و هتروح لوحدها و كمان حاولى تشغلي نفسك باى حاجه حاجه البيبي و او حاجتك انتى و حاولى تغيري جو باستمرار يعني مثلا لوجوزك فاضي بليل انزلوا سوا اتمشوا في مكان او تتعشوا بره او تعملي اى حاجه و خلاص بس المهم متبقيش قاعده فاضيه كده لان ده اللي بيزود الاكتئاب

قلولي بقي يا بنات هو انا احس بحركه البيبي ازاى و كمان هو بيبتدي يتحرك من امتى انا في تانى اسبوع في الرابع و كل اللي يشوفني يستغرب اوى انه متحركش لغايه دلوقتي بجد قلقونى اوى

كتكوته انا معاد ولادتى 6/1 ضيفيني في الليسته

CuTie KaTkOoTa;12669516:
هاتي واحدة بس الاول مش هتحتاجي غيرها وان شاء الله ترضعي طبيعي ومش تحتاجي غير واحدة للأعشاب وبس علي الاقل اول 3 او اربع شهور.


واحدة بس يا دندن، افنت احسن بس شيكو طبعا حلوة جدا بردو، والترمومتر هتلاقيه في محلات الاطفال اللي فيها كل حاجة دي او الصيدليات.


وعليكم السلام يا مورو ازيك، دي سعر الجراكو الصيني وكويسة بردو وفيه زيها في محل هالة عند المريلاند وفيه اعلي شوية في لافلي، وفيه الست اللي بتبيع مستعمل بقي ماركات اصلية بس مستعملة بس هاتبقي بردو من 200 مثلا او 250


معلش يا كوكي استحمل اول فترة بتبقي اصعب فترة بس والله بعد كده ان شاء الله اظروف هاتتحسن شوية شوية، وده عادي جدا في الفترة دي، وساعات دوا المغص مش بيأثر ابقي ايدها اعشاب ونيميها علي بطنها كده وطبطبي عليها واقريلها قرآن، ابقي دايما كرعيها بعد الرضاعة مهم جدا وفيه نقط بتبقي للانتفاخ وكده بتاخدها بردو دي غير دوا المغص.
ودي اللينكات:

http://forums.3roos.com/showthread.php?t=515072&page=50
http://forums.3roos.com/showthread.php?t=548217&page=21
http://forums.3roos.com/showthread.php?t=504550&page=14

وده لينك التشات بتاع البنات لأنهم قفلوا الامهات دلوقتي:
http://forums.3roos.com/showthread.php?t=550370&page=51


الف مبروك يا جميلة ، بصي اهدي بس معلش، انتي مفروض المستشفي بتبقي مدياكي الورقة بتاعة الولادة بتروحي بيها الاول الصحة الي تابعة لنفس المنطقة اللي فيها المستشفي اول مرة بس للتسجيل وبعد كده بقي في التطعيمات بتروحي اي فرع جنبك عادي بس بتبلغي الفرع الاساسي في التليفون وبس، وهي في اول اسبوع بيبقي بعد الولادة ب 3 ايام قريبا بتوديها بقي تتسجل وتعمل تحليل الغدة وتاخد تطعيم الشلل والدرن.
وتابعي مع دكتور بقي عالطول من بعد الولادة مفروض المتابعة دايما.
وحاولي معاها تاني في الرضاعة هي مش عايزة تاخده ازاي يعني قصدك مش عارفة تمسكه ولا بتمسكه ومش عاجبها ولا ايه؟

الله يبارك فيكي يا كتكت يا قمر ويخليلك جوجو
اه المستشفي مدياني اخطار الولاده
بس انا كده بكره هيكون اليوم السادس وانا لسه مسجلتهاش عشان باباها مش موجود
يعني انا اعمل ايه مش فاهمه اروح بيها بكره الصحه بتاعت مدينه نصر من غير ما اكون مسجلاها عادي ؟؟
مش عارفه تمسكه عشان انا الحلمه عندي بتدخل لجوا ورافضاها تماماااااااااااا

sweetyronaaa;12670001:


قلولي بقي يا بنات هو انا احس بحركه البيبي ازاى و كمان هو بيبتدي يتحرك من امتى انا في تانى اسبوع في الرابع و كل اللي يشوفني يستغرب اوى انه متحركش لغايه دلوقتي بجد قلقونى اوى

كتكوته انا معاد ولادتى 6/1 ضيفيني في الليسته

لا يا جميلة مش تقلقي لسه عادي مش لازم ولا حاجة في الرابع بتبان اكتر في الخامس فعادي وبتختلف من حد للتاني بردو.

ليستة الحوامل ما شاء الله ولا حول ولا قوة إلا بالله


حوامل شهر 4:
30/4/2010 d.aml 86
dyana ( ولد بإذن الله )


حوامل شهر 5:
19/5/2010 danasam


حوامل شهر 6:
12/6/2010 Radwa_Rashwan
23/6/2010 *lovely *didi
27/6/2010 OM MALK


حوامل شهر 7:
2/7/2010 daloo3t_hemo ( ولد بإذن الله )
9/7/2010 moon as
10/7/2010 Celeen ( بنوتة بنوتة بإذن الله )


حوامل شهر 8:
1/8/2010 عيون حمودي ( ولد بإذن الله )
5/8/2010 بسبوسةميدو ( بنوتة بإذن الله )
12/8/2010 sweetylolla85 ( ولد بإذن الله )
13/8/2010 medowawa ( ولد بإذن الله )
23/8/2010 dandona we bas ( ولد بإذن الله )
23/8/2010 monyfofo ( بنوتة بإذن الله )
25/8/2010 princes_lolo
28/8/2010 roro8484 ( ولد بإذن الله )


حوامل شهر 9:
5/9/2010 ياسمينا ( ولد بإذن الله )
20/9/2010 nemonamanemo
21/9/2010 sally2007 ( ولد بإذن الله )
23/9/2010 *حبيبة حبيبي*


حوامل شهر 10:
11/10/2010 nana12 ( بنوتة بإذن الله )
12/10/2010 bosy_md ( بنوتة بإذن الله )
16/10/2010 M!ss Tuky ( بنوتة بإذن الله )
21/10/2010 zozokah


حوامل شهر 11:
11/11/2010 طالبة الحق


حوامل شهر 12:
23/12/2010 mitcy
23/12/2010 bosy82
25/12/2010 نجلاء جابر
28/12/2010 D.mero


حوامل شهر 1:
6/1/2010 sweetyronaaa


حوامل شهر 3:
8/3/2010 *Om Mo3az*

du;12670273:
الله يبارك فيكي يا كتكت يا قمر ويخليلك جوجو
اه المستشفي مدياني اخطار الولاده
بس انا كده بكره هيكون اليوم السادس وانا لسه مسجلتهاش عشان باباها مش موجود
يعني انا اعمل ايه مش فاهمه اروح بيها بكره الصحه بتاعت مدينه نصر من غير ما اكون مسجلاها عادي ؟؟
مش عارفه تمسكه عشان انا الحلمه عندي بتدخل لجوا ورافضاها تماماااااااااااا

لا روحي سجليها انتي او اي حد من اهلك يعني اقصد مش لازم باباها عشان بعد ما تتسجل تاخد التطعيم بقي والتحليل، بكرة عالطول او خدي رقمهم الاول واتصلي قبل ما تروحي المشوار عشان هما بيعملوا كل سن ولو ايام معينة فبدل ما تروحي علي الفاضي، وبالنسبة للنبيلز كلنا كنا كده في الاول وانا فضلت تعيط بردو ومش عارفة تاخدها او تاخدها شوية وتتزحلق ومش تعرف وتبقي عبيطة كده وساعات فعلا النيبلز كانت بتكش، بس الممرضة دخلت وفضلت معايا وتشدها وتحطهلها في بقها وتجرب معاها لغاية ما عرفت تمسكها الحمدلله، خليكي وراها اوعي تسيبيها عشان اللبن ينزل بقي ومش ينشف، حرام، امسكيها وشديها بصوابعك لبره وحطيها في بقها انتي وخليكي مسكاها وحاولي كده، ولما تتعود بقي هتلاقي انتي خلاص النيبلز طولت اكتر من الاول وبقت احسن وسهلة بالنسبة لها لوحدها.

حبيب مادو انتى بتستعملى دوا مغص ايه؟؟ ممكن يكون مش بيجيب فايدة معاها غيريه
وعادى على فكرة انا بنتى قعدت فترة طويلة زى بنتك كده رخامة فظيعة من 12 بالليل لعشرة الصبح وحياتك واول ماسيبها لماما الصبح تنام لما انا كنت هطق والله بس فترة وبتعدى ان شاء الله

dandona we bas;12663286:
انا عايزة اعرف اجيب كام ببرونة بالظبط و هل شيكو احسن و لا افنت كمان عايزة اعرف الترتمومتر بيتجاب منين يا بنات

افنت احسن وواخدة تصنيف على مستوى العالم
والترمومتر من الصيدلية ..لو تقدرى تجيبى البراون بتاع الودان من عندك يبقى احسن لانه هنا معدى الـ300 تقريبا .. او هاتى ديجيتال عادى من اللى بيتحط فى الفم واندرارمز .. فى شيكو وفى اومرون وفى انواع تانية مش فى بالى دلوقتى

M!ss Tuky;12667975:
انا مكتئبة اوووووووووووووى يا جماعه وعنيا عماله تدمع كل شويه وحاسه انى بقيت كئيبة اوى

ده عادى ولا ايييه

خصوصا انى كمان عند ماما ف الجو بالنسبالى مليان ناس وبشوف ناس ومش لوحدى

بس طبعا ف البيت لوحدى حاسه انى مش طايقه حد خالص وبتجيلي افكار كئيبة اوى

انا الحمدلله بصلي بس بتجيلي افكار انتحار وحجات كده اقول للدكتور بتاع ف المتابعة ولا اعمل ايييه انجدونى

لدرجه انى روحت عيادة دكتورة غادة الخولى بتاعة كلام من القلب لقيت الحجز قبل الكشف بشهر ونص عالاقل اكتئبت اكتر ورجعت

عادى يا توكى معلش سلامتك انا كنت كده
وبعد االولادة كمان كنت بفكر فى الموت كتير قوى
الواحد بتبقى اعصابه تعبانة والهرمونات بتبقى عاملة شغل جامد :thumbs_down:
استعيذى بالله من الشيطان الرجيم واقرى قرآن وغيرى جوووووو اخرجى واتفسحى وسافرى فى حتة الحقى يومين قبل رمضان

bosy_md;12668789:
ازيكم يا قمرات.. توكي البنات قالوا لك أحسن حل.. و دايما اشغلي نفسك بحاجة بتحبيها أو حاجة للبيبي..


بنات أنا مش عايزه اقلب الموضوع نكد بس غصب عني.. بالله عليكم أدعولي بفك الكرب.. احساس صعب اوي لما يظلمك أقرب الناس ليك و من غير سبب.. خايفه حتي ادعي ربنا.. خايفه ربنا يعاقب اللي ظلمني لاني مش هستحمل فيه حاجة وحشة.. أصعب حاجة لما تلاقي ناس بتحاول تأذيك بس من غير ما تعمل لهم حاجة وحشة..

علشان المخالفة احنا بنجيب كم طقم خروج للبيبي؟

ربنا يفك كربك ان شاء الله ويهدى اللى ظلمك

اقطم الخروج 4-5

du;12668887:
ازيكم يا بنات وحشتوني اوييييي
انا مش بعرف ادخل خالص
صوفيا من ساعه ما اتولدت وهي راففضه ترضع من صدري تماماااااا لدرجه ان جالها جفاف وصفرااا والدكتور اداني لبن صناعي
عايزه اعرف انا ولدت في مستشفي في مدينه نصر وانا ساكنه في المهندسين اروح انهي مكتب صحه وايه التطعيم اللي المفروض تاخده وانا لسه لحد دلوقتي مش سجلتها عشان باباها مسافر في الصحه لازم تبقي متسجله
وقولولي بالله عليكم اعمل ايه لحسن انا لايصه و محتاااااسه اويييييي وعندي اكتئاب ،كل شويه اعد اعيط عشان مش راضيه ترضع منيييي وعشان مش عارفه حاجه عن اي حاجه في التطعيمات والحاجات اللي المفروض تتعمل
اهه وكمان بيجلها رعشه كده كل شويه الدكتور قاللي ده نقص كالسيوم وا داني دوا ده طبيعي ولا ايههههه
ربنا يباركلها يارب اللي ترد علياااااااااااااا بجد محتاسه وتعبانه

بصى ماتستنيش بقى اكتر من كده
انا سمعت ان لازم حد من اهل الزوج يروح بس مش متأكدة من المعلومة دى اتصلى اسألى وهيقولولك .. هتروحى مدينة نصر تتثبت هناك والتطعيم يا هناك يا اما عندى فى المهندسين مفيش مشكلة
ويلا عشان ماتتأخريش اكتر من كده وتعملى تحليل الغدة الدرقية
والتطعيمات هم بيقولولك عليها
فى الاول فى شلل الاطفال والدرن
وعلى شهرين فى التطعيم الثلاثى وشلل الاطفال وكبدى ب

sweetyronaaa;12670001:


قلولي بقي يا بنات هو انا احس بحركه البيبي ازاى و كمان هو بيبتدي يتحرك من امتى انا في تانى اسبوع في الرابع و كل اللي يشوفني يستغرب اوى انه متحركش لغايه دلوقتي بجد قلقونى اوى

كتكوته انا معاد ولادتى 6/1 ضيفيني في الليسته

الحركة بتبقى زى النبض
او بتحسى بحركة جوة
لما تحصل هتعرفيها ماتقلقيش
هو دلوقتى بيتحرك عادى بس المكان بيبقى واسع فعشان كده مش بتحسى بكل الحركات الا القوى منها
وممكن على اخر الرابع او الخامس تحسى بيها
ولما الحركة بتتأخر كده غالبا البيبى بيبقى بنوتة ان شاء الله :D

du;12670273:
الله يبارك فيكي يا كتكت يا قمر ويخليلك جوجو
اه المستشفي مدياني اخطار الولاده
بس انا كده بكره هيكون اليوم السادس وانا لسه مسجلتهاش عشان باباها مش موجود
يعني انا اعمل ايه مش فاهمه اروح بيها بكره الصحه بتاعت مدينه نصر من غير ما اكون مسجلاها عادي ؟؟
مش عارفه تمسكه عشان انا الحلمه عندي بتدخل لجوا ورافضاها تماماااااااااااا

رطبى النيبلز وشديها لبرة كتير كتمرين ..

طيب انا كنت ثابتة بنتى فى الدقى
وبطعمها عندنا وقالولى اتصلى بالدقى بلغوهم بس انا نفضت بصراحة
ايه الغلط فى كده بقى؟

بنات كنت عاوزه اسالكم هوا الشنطة اللي بيتحط فيها حاجات البيبي بكام في مصر

و كمان الترمومتر الديجيتال

و البريست بادز مين احسن اللي بتترمي و الا اللي بتتغسل

و اللي بتترمي بتستخدم بمعدل قد ايه يعني كام واحدة في اليوم

و حد جرب نوع بايجون دا و لا

و شكرا مقدما:L::L::L::L::L::L::L::L::L:

sweetyronaaa;12670001:

قلولي بقي يا بنات هو انا احس بحركه البيبي ازاى و كمان هو بيبتدي يتحرك من امتى انا في تانى اسبوع في الرابع و كل اللي يشوفني يستغرب اوى انه متحركش لغايه دلوقتي بجد قلقونى اوى

كتكوته انا معاد ولادتى 6/1 ضيفيني في الليسته

انا حماتى ومامتى كانوا كل شوية يسالونى البيبى اتحرك ولا لا وانا فى الشهر الرابع ومكنشى بيتحرك هو ابتدى يتحرك واحس بيه من تانى اسبوع فى الخامس ياقمر فمش تقلقى وهى فى الاول بتبقى كانها نبضات خفيفة كده

كيوت لولا;12671179:
بنات كنت عاوزه اسالكم هوا الشنطة اللي بيتحط فيها حاجات البيبي بكام في مصر

و كمان الترمومتر الديجيتال

و البريست بادز مين احسن اللي بتترمي و الا اللي بتتغسل

و اللي بتترمي بتستخدم بمعدل قد ايه يعني كام واحدة في اليوم

و حد جرب نوع بايجون دا و لا

و شكرا مقدما:L::L::L::L::L::L::L::L::L:

لولا انا جايبها من هنا ب 80 درهم بس بصراحة بعد كده لقيت حاجات تانية ارخص واحلى كمان ب40 و50 بس المحلات دى هنا فى الشارقة معرفشى فى عندك منها فى ابوظبى ولا لا حتى جبت سليب باج ب 80 درهم ولما جيت اجيب للبيبى بتاع اخويا لقيت ب 40 درهم واحد تحفففففففففففة فى نفس المحل اللى لقيت فيه الشنطة ام 40 فمش شط بقى تجيبى الشنطة من مذركير او بيبى شوب لانهم فعلا غالين عندهم هاتيها من محل عادى
انا جايبة بتوعى من محل اسمه جنة الاطفال بس بعد ماشفت الاسعار التانية عرفت ان بتوع غالين بس الحمدا لله برضه هما حلوين مش وحشين وجداد كمان بس زى مابقولك دورى عليهم فى محلات عادى مش فى المولات

بنات هوا في مصر بيكون في ملايات بتكون على أد سرير البيبي الخشب ده و لا ايه

انا لقيت هنا عرض في مذركير على الببرونة الافنت الاتنين ب 4 و 200 فلس الدينار دلوقتي ب 19 جنيه احسبوها بقى هنا اغلى و لا مصر

dandona we bas;12674935:
بنات هوا في مصر بيكون في ملايات بتكون على أد سرير البيبي الخشب ده و لا ايه

انا لقيت هنا عرض في مذركير على الببرونة الافنت الاتنين ب 4 و 200 فلس الدينار دلوقتي ب 19 جنيه احسبوها بقى هنا اغلى و لا مصر

اه يادينا انا جبت طقمين ملايات لسرير اليبي علي قده مكونه من ملايه وكيس مخده صغنن اوي
بصي انا جايبه البيبرونه الافنت ال125 ملل ب43 جنيه احسبيها انتي بقي:lol::lol:
بنات بالله عليكو تدعولي اولد الاسبوع ده لاني تعبانه اوي اوي والدكتوره مصره يبقي طبيعي ومستنين الفرج من عند ربنا ومفيش اي بوادر خالص

يعني هنا ارخص يا قمراية خلاص ابقى اجيبها من هنا ان شاء الله

قوليلي بيكون بقى في اشكال و خامات و كده لسرير البيبي و الحاجات اللي ببتعلق في جوانب السرير الخشب دي برده اسمها ايه و بتتباع فين يا قمراية او اسمها ايه

الف مبروك يادو علي صوفيا تتربي في عزكم يارب وتبقي ذريه صالحه ان شاء الله
شوق وحنين للجنه الف مبروك ياجميله انتي ولدتي مع فكريه ايه رايك فيها ولدتي في مستشفي ايه
محدش يابنات يعرف حاجه عن رنا بنت هوبا يارب يارب يارب يردها لامها سليمه معافاه يارب
سؤال بقي للمخالفه
انا جبت علبه حفاضات سانيتا بامبي فيها 19 واحده اجيب تاني ولا استني لبعد الولاده ؟يعني اجيب علبه بامبرز صغيره بردو ولا كفايه اللي عندي؟

صباح الخير
ربنا يتمم حملكم جميعا على خير ويرزقنى واياكم

كنت بسال ان كان فى لستة لحاجات المولود زى لستة التجهيزات كدة تفيدنا فى احتياجات البيبى

اصل مرات اخويا حامل الحمد اللة وكنت عايزة اساعدها بالموضوع دة

ياترى فى لستة لدة ولا

والكار سيت احسن نوع فية اية ومنين وفى حدود كام ؟ وحد جرب السراير بتاعة تاكى ؟