آنه ومرت اخو زوجي

سبحان الله

حبيبتي ...الله يسعدك والبنات ماشاء الله مشاركاتهم رائعة ...

تذكري عزيزتي دائما معيار التفوق والتفاضل للانسان .
هل الملابس ..أو الأموال أو الأشياء الثمينة الفاخرة ...هي التي تجعل الانسان انسانا راقيا معطاء يحقق هدفه السامي في هذه الحياة .

حبيبتي أعتقد اللي يخليش تتوترين تناسي معيار الافضلية للانسان لديك ..
انا متأكدة انك تعرفيه بس الاجواء المحيطة بك وسلفتك خلتك تهمليه ..رجعيه الى عقلك وخليه واضح الانسان له قيمة بايمانه بدينه بتواضعه بعطفه بعلمه باخلاقه .

اول معيار هو التقوى ..وهي سلفتك تعمل ماهو خلاف التقوى بل تقوم بالاسراف وناس ميتة من الجوع ...بدل ما تتبرع بهالمبالغ الى الفقراء ...الله سبحانه وتعالى يمتحنا في النعم ..ناخذ باعتدال واللي يناسب حالتنا اما الانفاق المفرط لايجوزه الاسلام لان هذه الاموال هناك مواضع أولى بالانفاق فيها ...

ثاني معيار للانسان : العلم والاخلاق ...انتي حبيبتي أميرة بأخلاقك وبادبك وبعلمك وبدال ماتشغلي بالك بالمقارنة اشغليه في القراءة والتعلم في مختلف ميادين الحياة ..العلم متعة وحياة حقيقية ...

ثقي بنفسك ودائما رددي ستايلي حلو والبساطة هي الفخامة ووفري فلوسك لبيت العمر او مشروع تجاري ...فكري للبعيد وليس للحاضر فقط ..


واذا عن كلام الناس ..رضا الناس غاية لاتدرك ..والانبياء والصالحين ماتركوهم الناس لحالهم ...ضعي نصب عينيك رضا الله فقط ولاشيء غير ذلك وستشعرين براحة كوني كماتريدين انت لاكما يريد الناس ..واعطيك وصفة سحرية لكي لاتتأثري بكلام الناس ... وهي بكل بساطة لاتصدقي كلامهم في نفسك...يعني قالوا سلفتك توزيعاتها حلوة ..انتي قولي في نفسك مهما يكن فالله سبحانه مايرضى بالاسراف والتفاخر .

الله يقومك بالسلامة حبيبتي ويجعل ولدك من الصالحين ..ويهدي سلفتك الى الخير

دموع رامي: مشكوره عالمرور

دفء الياسمين: اختي كلامج حلو وآنه مقتنعه بكل اللي قلتيه ويعطيج العافيه انج ثبتي هالشي في نفسي وتسلمينلي فديتج انتي والبنات ماقصرتوا الله يخليكم لي

القناعة كنز ياأختي

ومن راقب الناس مات هما ً ..كبري عقلك واشغلي نفسك بسعادتك مع زوجك وابنك وفكري بمنطقيه والله لو تسوي زيها راح تندمي عالفلوس

أما عن قصة فرحك خلي عندك ثقة بنفسك مهما هي سوت انتي العروس وطز بالناس كلها أهم شي زوجك فرحان فيكي

وانتي تقدري تتكشخي بطريقة غير مكلفة واذا هي تتعامل معاكي باسلوب ملتوي وماتخبرك اش تسوي انتي بالمثل لاتخبريها

وأنصحك دائما تكوني بسيطة لأن الجمال في البساطة وعززي ثقتك بنفسك واضيفي لشخصيتك امور ثانية غير الكشخة والكلام الفاضي حق النسوان خلي جمالك

مو بالفستان والشنطة خلي شخصيتك مصدر جمالك كوني محبوبة وراقية وتعاملك وتفكيرك راقي ..

ونصيحة اخيره اخرجي من جو النسوان الفارغ وخلي مسار كلامك في اجتماع نسوان على شي مفيد مش فلانة سوت وفلانة عملت واذا سمعتي كلام الناس عليكي دخليه من اذن وخرجيه من الأذن الثانية ..

ميلاد: تسلمين حبيبتي معاج حق والله وان شاء الله راح اغير من نفسي واحاول انسى كل اللي صار مع انه موب هين بس صج صج خففتوا علي وريحتوني ويزاكم الله كل خير

عيشي حياتج حسب قناعتج ولاتهتمين باي احد ولاتقارنين نفسج بيها والله يهدي الجميع

سوي الشي اللى انت مقتنعه فيه وما عليش منها لانها في النهايه هي الا بتندم يوم تكون في موقف صعب وحالتهاالماديه ما تغطي حاجتها الضروريه لان الا يلعب بالنعمه تدور الدينيا عليه ولا زم نصرف المال في الاشياء الا احنا محتاجينها وندخر الباقي الحاجه

آختي
عيشي حيااتج مثل ما انتي وريلج تبونها
ولا عليج منها اليوم الناس يقارنون بينكم من ناحيه الفشاار واللبس وهدايا الولاده
لكن باجر لين هي وزوجها ظروفهم صارت صعبه وماقدروا يحلونها بعد الناس بتتحجى وبتقول هي اللي يابته حق روحها سوت جذي وشرت جذي وخذت هالشي بهالمبلغ وبالغت وبقارنون بينكم وبتكونين انتي الربحاانه
يعني لاتهتمين في هالسوالف بالعكس خلج واثقه من نفسج
لان من كلامج اشكرة هي تغاار منج عيل تشتري عربانه حق اليهال ولين شريتي مثلها تروح تشتري وحده ب 200 دينار؟
اشمعناتها هالحركه يمكن هي حست انج انتي تتاثرين فحبت تسوي جذي عشان كل ما شريتي شي تروح تاخذ اللي احسن عشان تنافسج وتطلع روحه هي الاحسن فما عليج منها ترى هالشي ان دل يدل على عدم ثقتها بنفسها وما طلعت هالشي الا عليج يمكن لان حستج تنقهرين ..
انتي حقريها وبتجوفين هي من نفسها بتعرف ان حركاتها ما تهمج فما بتقدر تسوي هالحركات عليج..
وعن سالفه خطوبتج بالعكس انا اايدج انج ما ثقلتي على ريلج بالعكس الريال يحب المراه العاقله لان الزواج مسؤوليه ومدام تفكيرج كان كبير من البدايه فاكيد زوجج بكون واثق فيج من كل النوااحي لان بيثق بتفكيرج وانج تخافين على مصلحته ومصلحتج وعلى حياتكم
وبساطتج في خطوبتج دليل على ثقتج بنفسج وجمالج وهي ما راحت حطت اشياء اوفر الا لانها تحس بالنقص فمن جذي انتي طلعتي بسيطه وجمالج طبيعي اما هي فبالغت دليل على عدم ثقتها بنفسها وغيرتها منج ..
وهدايا الولاده ترى مو كل شي غالي حلوو مدام عندج ذووق تقدرين تسوي اشياء وايد حلوة بس بسعر معقوول مو سعر مبالغ فيه وتعيشين على القروض
انتي بروحج تقولين انها عايشه على القروض فاكيد هي تسوي هالشي و ريلها ما يرضى ان ياخذ لها قرض عن طيب خاطر يعني اكيد تصير بينهم مشاكل لين ماتحصل اللي تبيه وانتي بالعكس عايشه حياتج مرتاحه مع زوجج لا مشااكل ولا شي وزوجج مو مقصر عليج فانتي الكسبانه مو هي

خلج انتي الكبيره وخلي عقلج اكبر منها
وترى اليوم لها وباجر عليها
ارضي زوجج عشان الله يرضى عليج وتعيشين حياتج بكل هدوء

ولا تعبين روحج ولا تفكرين بهالسوالف اهم شي سلامه البيبي محد بفكر فيه كثرج لا الناس ولا احد بيهمه حالتج الصحيه

ولو الناس مقتنعين بالحجي او المقارنه اللي يقارنونها بينكم جان تكلموا وقالوها بويهج بس لانهم يدرون ان هاي الحجي بس حق نفس اللحظة فما يقدرون يقولون شي لان يدرون انج بتردين عليهم بالحجي الصح اللي يدش العقل ..

الله يوفقج ان شاءالله وينور قلبج

لا تعللللييييييييييييق

اختي ما عليج منها ولا تضايقين روحج والله يزيدكم من فضله ويوسع عليكم وتصيرين في بيت بروحج وتفتكين من فشارها

مجنونة عزوز: ان شاء الله هذي اللي بصير والله يهدي الجميع آمين وتسلمين اختي عالرد

ازهار الريحان: صدقتي وآنه اختج اهي ياما مرت عليها ايام صعبه بس ماتتنازل اللي في بالها اتسويه الله يهديها ويهدينا وتسلمين عالرد

emo0oz: اختي والله آنه اميل للبساطه بس ماقدر اغمض عيوني عن شغلات واضحه مثل الشمس همسات الناس وتساؤلاتهم وعن العربانه اهي حاطة في بالها إني قلدت عليها وهي تحب تكون مميزه ومحد مثلها ودايماً تلمح بهالشي وتبين الصج اختي آنه صج انقهر لأن شي يقهر بصراحه حتى لو وحده ماتعرفينها بعد بتستنكرين عليها هالصرف شلون اذا ساكنه معاج ومأثره على حياتج؟ عموماً الله كريم والحمد لله إني كسبتكم خوات لي في المنتدى قلبكم علي وشلتوا عني هم الله العالم فيه حتى امي ماتفهمت وبدل ما تنصحني مثل مانصحتوني بالعكس ماقصرت فيني وفي ريلي واالله يسلمج يا قلبي فديتج آنه

الم وعشناه: شكراً على المرور

cute mother: آمين يا رب وتسلمينلي حبيبتي الله يخليكم لي

عزيزتي خلي ثقتك بنفسك اكبر من هيك,,,يعني لو العالم حكوا وقارنوا انت شو حتستفيدي ولو ما قارنوا انت كمان شو مستفيدة,,,
اعملي اللي انت نقتنعة فيه واللي بريحك انت مو اللي بريح الناس,,
اعملي الشي اللي بتشوفي انو هو المفيد الك ولعيلتك مو عشان الناس تحكي والله جابت وعملت,,
الناس ما بملا عينها غير التراب,,
والا تدوري على رضاهم,,اعملي اللي بيرضيك انت,,
العالم ما حتيجي تصرف عليكم لو احتجتوا لا سمح الله,,
تحياتي وتمنياتي لك بالتوفيق,,

حبيبتى وسعى صدرك وقوى ثقتك فى نفسك

موني العسل: والله يختج اذا حلوا عني مستفيده راحة البال واذا ماخلوني ف حالي خربوا علاقتي بزوجي وآنه من كثر ماصايره حساسه قمت اتخيل اي احد يشوفنا مع بعض حتى لو ماكان له اي ردة فعل اقول اكيد يفكر في نفسه بس مايبي يبينلي مع ان كلامج صحيح ومقتنعه فيه بس محتاجه حد يوقف معاي ويساندني وتسلمين ماقصرتي فديتج

عروسة الاميرات:ان شاء الله بعد ما افضفض واطلع اللي بقلبي بهدى وبترجعلي ثقتي من وقفتكم معاي وتسلمين اختي

نارما:اختي الله يعيني ويعينج على هالاشكال وكلامج عدل هو فعلاً ولا شي بالنسبه لبيتي وحياتي بس المشكلة ان هالشي اللي مايسوى مأثر فيني ومدمر نفسيتي بس لما افضفضلكم ارتاح ويهدى بالي وتسلمين حبيبتي

الله يكون بعونش