آنه ومرت اخو زوجي

خيووو
ما عليش منها
ترى كل اللي تسويه بديون وقروض
وش فايدة الفشخرة والفشار غير الغرق في ملاهي الدنيا
ابتعدي عنها وخلش متواضعة بتكسبين رضا زوجش ومحبته

كل واحد يتصرف حسب قناعاته وحسب اللي يشوفه في صالحه

المهم سعادتج مب مهم كلام الناس

عادي خلها تكشخ وتستانس وانتي سوي حسب ذوقج ورايج وراي زوجج

يعني سوي الشيء الطبيعي مب لازم المبالغات والتكاليف اللي فوق الحد

والله يوفقج

:f:

عاصي: اختي آنه ماقصرت في العرس صج وفرت شوي في الصاله والمعازيم وذي بس ماقصرت على نفسي رحت احسن صالون عندنا في البحرين وتأجرت فستاني من مكان راقي والعرايس اللي في الصالون وايد حبوا تسريحتي ومكياجي حتى الصور طلعوا وايد كشخه بس تعرفين لما انتي تكونين العروس ماتبين احد يصير احلى منج تخيلي راحت نفس الصالون اللي رحته معنها قالت بتتعدل شي بسيط لأن الحفله عائليه شكلها قالتلهم اهي عروس لأن مكياجها وتسريحتها مال عرايس لحد الحين مو مستوعبه اللي صار حتى فستانها اوف وايت وصج سيده موب منفوش بس ذيله طويل وعرايس وايد يسوون هلون بس ناقصها الباقه بس الصدمه صج لما عرفت ان تسريحتها 120 وآنه تسريحتي ب 80 ومكياجي ب70 وهي ب 100 اهي قالت هالشي بنفسها ياالله هالشي عدى وبحاول انساه ومشكوره عالرد اختي


فطوم: اختي اهي مايهمها قرض ولا غيره المهم تطلع بالصوره اللي تبيها لو مهما كانت ظروفهم وزوجها يتابعها في كل شي مع ان م عاجبه اللي تسويه بس مايبي يزعلها وآنه قاعده احاول قد ماقدر إني ابتعد عنها بس تدرين ساكنين في بيت واحد وبس آنه وهي البنات لأن خواته متزوجين وطالعين واخوانه بعدهم صغار مو متزوجين ويعطيج العافيه عالرد

تمنيت: اي والله اختي صدقتي هذي اهي قناعتها بس هالشي مو في صالحها ولا صالحنا كلنا وسعادتي لما الناس توقف تطالع وتحجى وخلها تسوي اللي تبيه بس لايضرني ويخرب علاقتي بزوجي او تقط كلام جدام الناس يحرجني ويخليهم يشفقون علي

ياقلبي اترفعي عن توااااااااااافه الامور وخلج عقلانيه انتي اكيد فيج اشياء واجد احسن منها وجوانب كثيره الناس تشوفها اكثر منج وطبقي كلام زوجج انتي وزوجج والياهل اولى بهالفلوس والله يرزق الكل من عنده وخلي ثقتج بنفسج عاااااااااااااااااليه

اول شي انت قاعدهـ تاكلين باعصابك ولا احد بينضر
الا البيبي،
ثاني شي وليه زوجك مايخسر عليك هو من يجمع الفلوس له
يا حبيبتي اذا ولدتي بالسلامه سوي كل اللي نفسك فيه
ولا تفكرين بالخساير،ومن الحين جهزي لكن بدون مايوصلها خبر
وليه تقهرين نفسك علشان كم فلس،الفلوس تروح وتجي وابن ادم هو اللي يجيبها
اجلسي مع زوجك وفهميه ان هذي امور حريم مايعرف عنها شي
والوحده مو كل اسبوع بتجيب طفل حتى يقولك خسرتيني،متعي نفسك وطفلك وارفعي راسك بين الحريم،والرجال مايحن عليه لانه لو حافي ومنتف وحب يتزوج ثانيه وثالثه تزوج وحط على راسه ديون ولا عنده مشكله
وزوجة اخو زوجك دارسه الفلسفه هذي وماشيه عليها
وهذا زوجها مو عاجبه بس عسل على قلبه
انا ما اشجعك على الغلط لكن بتمر عليك ظروف
يبيلها شخصيه قويه وتحسم الامور
واشوفك ضعيفه وخايفه واتكاليه

المقارنات بين زوجات الاخ شي لابد منه

ماعليش منها .. سوي الي مقتنعه فيه والي تقدرين عليه

اختي لاتمشين ورا المظاهر وفي المستقبل هي الي بتتعب من القروض وانتي الي بتعيشين براحه
الي انتي تسوينه عين العقل .
وبالنسبه للتوزيعات اختي ترا مو كل شي غالي حلو تقدرين اتسوين شي بسيط وناعم ويكون احلى من الي سوته هي .
يعني انا مره رحت ولاده وحده مسويه توزيعات بنتها القطعه ب 5 دينار وتتفاخر بهالشي ماقلت الا الحمدلله والشكر في قلبي

الله يساعدك بس ويعينك

مدام انتي مرتاحه مع زوجك
ومو قاصرك شيء
قولي الحمدالله
ولا يهمك احد ولا تطالعي لاحد
وربي تتعبي

يااختي اهم شي زوجج شلج بكلام الناس

ترا والله لامتنا ماينفعنا الا العمل الصاالح

اهم شي ثقتج بنفسج


ومحبه الناس ماتجي بالكشخه الزيااده والمفااخر


الناس تبي طيبه القلب واخلاق الزينه

خيووو هي تغار منج والدليل انها راحت يوم عرسج وتعدلت مثل العروووس الدليل انها حاسة انج احلى منها والحين هي تسوي هالاشياء عشان بس تحسس الناس انها احسن منج فانتي اذا تابعتينها بتحسسينها انج غيرانه منها ,, خلج على طبيعيتج عشان اتحس انها مو على بالج وجذي بتقهرينها خخخ .. سألينا انا عن نسوان الحمي اللي عندي اخس من اللي عندج .. الحمد لله رب العالمين .. كوني انتي مو كوبي منها ترا جذي بتستانس انج غيرانه منها ,, فخلج على طبيعتج افضل ..

والله يهديها وتبتعد عنج وماتسبب لج مشاكل ,, ونصيحة مني عامليها معاملة سطحية لاتتقربين منها وايد لان مرت الحمي مثل الثعبان مرة وحدة تلسعج وبغدر ,, خلي بينج وبينها بس سلام ومواضيع سطحية ولات كلمينها عن خصوصياتج ترا بتخسرين بعدين ,, بس سلام وامور الحياه البسيطة .. نصيحة مني

خيتؤؤإذا أنتي منتي مقتنعه بتصرفات حماتج ومو عاجبتج ليش تخافين من المقارنات ختؤؤ أنتي الاعقل خليها تصرف فلوسها مثل ما تبي وخلج أنتي مع ريلج وعيالج ومالج شغل فيها ناس تحب المظاهر شكو أحنا فيها نعيش على قدنا ونامن حياة أولادنا بدل ما نقط فلوسنا في شي مالنا حاجه فيه غير حجي الناس فلانه سوت وعلانه ما سوت شكو في حجيهم بيفيدونا بعدين تهقين لما نحتاجهم والله لا يحوجنا لعبيده عيشي حياتج ولا كأنها موجوده عيشي أنتي بذاتج نواره ولا تتصنعين عيشي ببساطتج وتواضعج وخليها ولا تعطينها أكبر من حجمها بتزيد أصلا مجرد تفكيرج فيها يعني تحسسينها بأهميتها فلا تعطيني تصرفاتها أي أهميه وعيشي معاه أخت لو شنو سوت ما يأثر

SoOd Al DaN;12480438:
تعرفين شنو مشكلتج
إنج تقارنين نفسج بها

ليششششششش؟؟؟؟؟

ترى الناس اللي مثلها منبوذين ومالهم صاحب لأنهم أنانيين
تبين تصيرين أنانية مثلها وتفكيرج يصير سطحي ويموت عندج الإحساس

بالعكس هذي لازم تشفقين عليها لأنها تحاول تحيط نفسها بمستوى مو مستواها تحاول تخفي شي من خوفها

تركيها عنج هذي مسكينه

عطاالقناديل;12614164:
اول شي انت قاعدهـ تاكلين باعصابك ولا احد بينضر
الا البيبي،
ثاني شي وليه زوجك مايخسر عليك هو من يجمع الفلوس له
يا حبيبتي اذا ولدتي بالسلامه سوي كل اللي نفسك فيه
ولا تفكرين بالخساير،ومن الحين جهزي لكن بدون مايوصلها خبر
وليه تقهرين نفسك علشان كم فلس،الفلوس تروح وتجي وابن ادم هو اللي يجيبها
اجلسي مع زوجك وفهميه ان هذي امور حريم مايعرف عنها شي
والوحده مو كل اسبوع بتجيب طفل حتى يقولك خسرتيني،متعي نفسك وطفلك وارفعي راسك بين الحريم،والرجال مايحن عليه لانه لو حافي ومنتف وحب يتزوج ثانيه وثالثه تزوج وحط على راسه ديون ولا عنده مشكله
وزوجة اخو زوجك دارسه الفلسفه هذي وماشيه عليها
وهذا زوجها مو عاجبه بس عسل على قلبه
انا ما اشجعك على الغلط لكن بتمر عليك ظروف
يبيلها شخصيه قويه وتحسم الامور
واشوفك ضعيفه وخايفه واتكاليه

!!!!!

عذراً أختاه لكن لم استطع تجاهل ما لونته بالأحمر

أن لم تحن الزوجة على زوجها فعلى من تحن ؟؟؟؟؟؟؟؟!!!!! :-o هذه حياة زوجية وسكنى لا حرب أو ما شابه

وهكذا ترفع الرؤوس في أوساط النساء ؟؟؟ إذاً مرحباً برأس كرأس النعامة في مجتمع هكذا مقاييسه !!

والله أن يقال عني بخيلة وتتحاكى أوساط النساء كلها عن بساطة تجهيزاتي " الاستعراضية " لطفلي لأحب على قلبي آلاف المرات من ساعة عمل إضافي واحدة يقضيها زوجي في تعب لأصرفها في دقائق لقاء مديح فارغ

اخوي يا نظر عيني: اختي مجتمعنا ما يرحم والناس مو مثل قبل الحين كلشي ادققون عليه وفي وضعي اكثر بعد موب هينه النظرات اللي يطالعونج فيها بحاول ارجع ثقتي بنفسي بس ماظنتي بترجع مع اللي قاعد يصير اذا امي اللي هي امي تقارن وتقول لي لاتسوين شي احسن من اتسوين شي بسيط واتضحكين الناس عليج ومشكوره فديتج

عطا القناديل: معاج حق آنه خايفه نفسيتي تأثر على البيبي وزوجي اعرفه مستحيل يغير رايه حتى لو وريته ردودكم بعد مابيقتنع والمشكله عباله إني غيرانه منها عقب كل اللي اتسويه واطلع آنه الغلطانه وآنه موب ضعيفه لكن خايفه واي وحده مكاني بتحس بنفس الشي

هذيان: مشكوره اختي على الرد أكيد باسوي اللي مقتنعه فيه بس بعد غصبن علي وموب عارفه حاسه إني مابي اندم على الصرف ولا ابي اندم على إني حاسبت والناس تاكل ويهي بعدين

ام نوف: تسلمين اختي كلامكم على عيني وراسي بس بعد ماجفتوا اللي آنه شفته وياليت القطعه ب 5 دينار هذي مال اليهال ب5 امسويه 100 قطعه سألوها اهل ريلي وقالت وحق الكبار القطعه ب7 وموب عاجبها بعد

الام الحنونه: الله يسلمج اختي

ندوشه: الحمد لله آنه مرتاحه معاه وموب قاصرني شي بس خايفه من نظرات الناس لي

قطريه ماتهاب: عدل كلامج فديتج أتمنى هالشي

أم اتنا: اختي اهي تصرفاتها مع الكل جذي بس الناس مالهم علاقه فيها آنه اللي اكنه معاها في بيت واحد وكلامج صح بحاول اكون على طبيعتي وما احتك فيها

عبق الساده: تسلمين فديتج هذي اللي قاعده آسويه بس كل يوم اتييني بسالفه شاسوي

نور البحرين: اختي ياليت اقدر اذا ماهمني كلام الناس ولا الاهل ولا اي احد أمي وخواتي شلون اواجههم وآنه والله موب ناظرتها بس تدرين باقولج شي وانتي والبنات حكموا: رحت آنه وريلي شرينا للياهل عربانه تشبه مالتهم امسوين عليها تخفيض كانت ب 180 وصارت ب99 اهي شاريتها قبل التخفيض تدرين اشسوت؟ راحت شرت وحده غير ب 200 وشي وتقول بتخلي الاوليه في بيت ابوها اذا بغت تطلع شنو تفسرون تصرفها ذي؟

در مكنون: كلامج عين العقل وياليت كل الناس مثل تفكيرج وآنه اولهم بس البنيه حبت اتساعد ماتقصد شي وشكلها من حرتها علي فديتها حاطه روحها صج مكاني

هم كذا الناس ماخلوا احد في حاله ..........كذا كذا بيحكون حبيبتي عيشي حياتك مثل ماتحبين وعلى قد ظروفكم .....لاتردين على احد كل شخص كيفه بحياته