البوم ذكرياتنا لايامنا الحلوة يارب تفضل على طول حلوة

يابنات انا لسه معادى كمان 18 يوم ان شاء الله بس انا داخلة اقولكو حاجة

نانى:اهدى ياقمر البنات اكيد بتهزر مش قصدهم يعنى انهم عايشين ف عذاب وكدا اكيد محدش بيصبر على العذاب

بصو يابنات لازم تفهمو كويس جدا ان انتو ف نعمة زى ما نانى قالت فعلا،البنات دلوقتى 30 و35 سنة ولسه متجوزوش مهما كانت حياتك احمدى ربنا انه رزقك بزوج يعفك ويصونك

مش معنى اننا نتحمل المسئولية يبئا الحياة وحشة!!!!!! لاء ممكن نقول المسئولية تقيلة غير ماكنا ف بيت بابا نروح البيت نلاقى الأكل جاهز ونترمى على السرير ننام وماما تعلق لنا هدومنا كمان!!!!!!!!!!!!!:-#
وعلى رأيكو نار حبيبى ولا جنة ابوياااااااااا

بجد احمدو ربنا على نعمة الجواز غيركو مش لاقية اللى يتقدم لها اصلا

ويالا بئا عايزة انا كمان اشوف الذكريات الحلوة بتاعتكو مش عايزين الموضوع يقلب غم

يارب سهل

ربنا يتمملك على خير يا قمر

انا يا حبيبتي مش بتخانق بس هو الكتابه دايما كدا مش بتبين اوي ههههههههههههههه انا عارفة انهم بيهزروا

بس انا اقصد ليه نهزر كدة ليه ما نقولش الحقيقة ليه نخرج برا هدف الموضوع

ليه بنوته لسه ماتجوزتش تدخل تتصدم من الكلام دة وهي لسه ماجربتش

sosiii-cat;12355001:
الايام الحلوة هي اللي الواحد قضاها في بيت اهله يا لولي هههههههههههههههههههههه هي دي الحقيقة المرة

( هارجعلك تاني ان شاء الله )

ام عمر افندى;12355043:
:thumbs_up::thumbs_up::thumbs_up::thumbs_up::thumbs_up::thumbs_up:
ولاسف الندم مش بيفيد ولا فى حد بيتعظ

:D:D:'(:'(فيه ايه يابنات احمدو ربنا شوفو ا كده ان كنتو فضلتو ف بيتكم كنت عملتو ايه ؟:D

ناني فيبس;12357457:
الموضوع تحفة يا لولي تسلم ايدك

انا بقالي الحمد لله سنه و 8 شهور متجوزة وبجد الفترة دي كلها من اول يوم لحد اللحظة دي من احلى فترات حياتي الحمد لله

انا تاريخ فرحي 20 _ 10 _ 2008

فرحي كان في الماسه وكان حلو اوي بس للاسف حصل فيه موقف بايخ جدا نكد عليا شويه دة بجد الحاجاة الوحيدة اللى نفسي ارجع الزمن واعدلها اني مكنتش اهتم باللي حصل ومضيعش فرحتي واتبسط بالفرح وباليوم بس الحمد لله


اما شهر العسل مكنش مثالي اوي بس كان حلو وايام جميله جدا

اول سنه او تقريبا اول 6 شهور كانت فترة التطبع كان فيها مشدات وخلافات ودة طبيعي بس بعد كل خلاف كان بيبقى فيه لحظات حلوة اوي اوي

بس الحمد لله الموضوع دة دلوقت قل جدا جدا لان خلاص الطباع اتعرفت واتعودنا عليها

:!!::!!::thumbs_up::thumbs_up::thumbs_up::thumbs_up:كلامك تمام كله يانانى ربنا يسعدك ويقرعينك بننه زى القمر عن قريب يارب

موضوعك جميل يالولى وعشان استعيد معاكى
فيه حاجات ذكريات عمرى ماانساه مع ابيه اخى الكبير ومع ذلك الذكريات دى زادت مع جوزى الحمد لله
اه فيه خلافاااااااااااااااااااااات كتير ومشدات بس الحمد لله زى مانانى قالت اتعودت على طباعه وهوا برده والخلافات بتقل نوعا ما
ودايما تفتكرى الحاجات الحلوة اللى فيه وتسيبى الوحش وانتى هترتاحى اوى
انا بالنسبالى اجمل ذكرى ههههههههه تن ربنا رزقنى بقلب قلبى جوجو الحمد لله اللهم بارك لى فيها

L O L Y;12354924:
كان يوم ازاى من ساعة ماصحيتى من النوم لحد تانى يوم واية الحجاات اللى اكتسبتها شخصيتك بعد الجواز واية احلى هدية جاتتلك بمناسبة جوازك واية اغرب هدية واغرب موقف مريتى بية واية الحجاات اللى نفسك كنتى تعمليها فى فرحك واية اللى مكنش نفسك تعملية وفى الاخر بقى الجواز طلع زى ماكنتى بتحلمى ههههههههه شريرة انا صح

الاسئله جامدة اوي

اليوم كان عادي بصراحة الصبح كنت عايزة انام جدا مش مجاليش نوم زي ما بسمع من البنات هههههههههههه وماما صحتني بالعافيه عشان انزل اروح الكوافير ههههه

وكله مر عادي

بعد الجواز اتغيرت كتير كنت عصبيه ومش صبورة وعنديه بعد الجواز الكلام دة مش بياكل مع الرجاله خالص ههههههههه بالتدريج كل دة اتظبط وانا مبسوطة من كدة لانه مكنش حاجات كويسه

الهدايا كلها جميله ومفيهاش حاجة غريبه

الجواز بقى بجد نا كنت متوقعاه مسؤليه ومش سهل وتعب وكنت مجهزة نفسي على كدة لكن بجد طلع مش كدة خالص وطلع احسن واحلى من ما كنت اتوقع


يلا بقى صاحبة الموضوع انتي عليكي الدور تعالي احكيلنا

موضوع جميل اوووى بس مالكم داخلين افش كدا فى الجواز ههه معاكم ناس لسة داخلين على جواز بتعقدوهم لية بس ههههه

ناني فيبس;12357395:
ايه يا بنات الكلام الوحش دة كله بصراحة انا شايفة ان كل دة نفاق

مش معقول احنا كرهين حياتنا الجديدة للدرجة دي وساكتين يعني ومستحملين


انا مش معاكوا خالص وضد كل كلامكوا دة


الجواز دة نعمة مش ابتلاء والمفروض نحمد ربنا عليها كل يوم

دة غير ان كلكوا كمان ماشاء الله ربنا اداكوا نعمة تانيه اعظم وهي نعمة الاطفال والامومة وبعد كل دة تقولوا الكلام الوحش دة على الجواز لا لا بجد مكنش العشم

معاكى حق والله و لا يمكن انا بقول معاكى حق علشان انا لسة متجوزتش هههه:D

ناني فيبس;12357457:
الموضوع تحفة يا لولي تسلم ايدك

انا بقالي الحمد لله سنه و 8 شهور متجوزة وبجد الفترة دي كلها من اول يوم لحد اللحظة دي من احلى فترات حياتي الحمد لله

انا تاريخ فرحي 20 _ 10 _ 2008

فرحي كان في الماسه وكان حلو اوي بس للاسف حصل فيه موقف بايخ جدا نكد عليا شويه دة بجد الحاجاة الوحيدة اللى نفسي ارجع الزمن واعدلها اني مكنتش اهتم باللي حصل ومضيعش فرحتي واتبسط بالفرح وباليوم بس الحمد لله


اما شهر العسل مكنش مثالي اوي بس كان حلو وايام جميله جدا

اول سنه او تقريبا اول 6 شهور كانت فترة التطبع كان فيها مشدات وخلافات ودة طبيعي بس بعد كل خلاف كان بيبقى فيه لحظات حلوة اوي اوي

بس الحمد لله الموضوع دة دلوقت قل جدا جدا لان خلاص الطباع اتعرفت واتعودنا عليها

ربنا يسعدك يا نانى و يرزقك الذرية الصالحةF:

ينفع اتكلم على ذكريات حلوة ايام الخطوبة و كتب الكتاب طيب لحد ما اتجوز و ابقى اجى احكلكم على الجواز ههههههه


فكرة الموضوع حلوة جدااا بجد

ههههههههههههههههههههه

بصى اولا مش ههقلك الحياه سودا ولا هقولك الحياه بمبى بس فيها من دا على دا

احكيلك بقى يوم فرحى لانى كنت اليوم دا مسخررررررررره


اول حاجه بالنسبالى كان كله مفاجئات لانى انا كنت اول مره اشوف شقتى بعد التعديلات الكتيييييره اللى كنت عملاها وكمان العفش وكدا

جوزى رفض تماما انى ادخلها غير يوم الفرح :)

تانى حاجه احب اديكى معلومه انى من القاهره ومتجوزه فى اسيوط فا طبعا الفرح فى اسيوط وانا معرفش فيها حاجه

وصاحيه من النوم جعاااااااااااااااااانه والف يمين ماما نايمه الف شمال اختى نايمه

قولت لا مبدهاش بقى

قومت لابسه ونازله الشارع تقوليلى انتى فين يا بسبس اقولك ولا اعرف
فضلت مماشيه لغاية لما لقيتلك محل فول وطعميه قولت جاتلك على الطبطاب يا بسبوسه يا حبيبتى ادخلى اقطحمى المكان

وفعلا اشتريت سندوتشات وبيبسى وروحت تانى وبعدين رجعت لقيت جوزى فى الشقه اللى كنا بايتين فيها بيقولى كنتى فين


قولتله جعانه

راح ماشى واتصل اتخانق معايا خناقه مقولكيش بقى

المهم ماما واختى سابونى وطلعوا شقتى بقى عشان ماما كانت بتطبخلى واختى كانت بتعملى اللمسات النهائيه

روحت بقى للكوافير وانا خايفه جدا وبقول اسيوط بقى وكوافير مش عارفه ايه وهطلع وحشه وكدا وبعدين قولت يارب مفيش عروسه وحشه توكلت عليك يارب

دخلت المهم لقيتهم بيقولوا الماكيره اللى بتعمل كانت حامل وهى جايه فى التاكسى حصلها اجهاض

واللى هتعملنا المساعده بتاعتها

كمااااااااااااااااااااان



دخلت لبست فستانى وكنا فى اليوم دا 11 عروسه تخيلى بقى

وهما اصلا مش بيستقبلوا يوميا اقل من 5 عرايس وانا مكنتش روحت قبل كدا وجوزى هو اللى خلى اخته تحجزلى وعرفت بعدين انه اكبر كوافير هناك وفعلا لقيته روووووعه من جوا يعنى العرايس ليهم ماكيره خاصه ومش بتشتغل غير بكل حاجه واريجينال وبيشتغل تحت ايديها 4 بنات يظبطوا وش العروسه قبل ما هى تشتغل عليه

المهم قعدنا وانا لابسه فستانى وداخله على ال 10 عرايس التانيين بقى وكلهم عرفوا انى من القاهره واللى تبصلى من فوق لتحت واللى تسئلنى انهى احسن

كنت عامله زى الاجنبى فى مصر كدا ههههههه

المهم فضلت اهزر ومش قلقانه خاااااااااالص والمفروض هخرج الساعه 8 من لكوافير و فجأه افتكرت انى نسيت اعمل جيرب اصلا



كلمت بابا راح باعت عمى وهو زوقه حلو شويتين تلاته كدا راح عملى جيرب ورد طبيعى وسئلنى هتحطى مميك اب لونه ايه راحت الماكيره قالتلى دهبى على بينك

قولتلها دهبى على ايه
قالتلى على بينك قولتلها مينفعش نغير قالتلى هحطهولك لو معجبكيش انا معاكى لغايه لما يعجبك


راح عملى بوكيه ورد من الورد الابيض والاصفر بس عارفه اللى هو الورده ورق رفيع كدا جمب بعضه؟

المهم يا ستى عملت الميك اب وانا اللى عملت الطرحه لنفسى وهى يادوب ثبتتها فى دماغى عشان كنت عايزه شكل معين

وخرجت من الاوضه وصاحبه المحل قالتلنا احنا كل اسبوع بنختار احلى عروسه ونعلق صورتها عندنا لمدة اسبوع

وسبحان اللى لقيتها جايه بتصورنى وبتقولى انى احلى عروسه قولت الحمدلله يارب يعجب جوزى يارب

قالولى يلا العربيه بره
جايه اخرج لقيت جوزى واقف جمب العربيه بيتكلم فى التليفون وراح باصصلى وقالى ............ انتى ايه اللى خرجك انا قولت تخرجى

ضايقنى جدااااااااا جدااااااااااااا ومتخيلتش ان دا يبقى رد فعله

روحنا واتصورنا وعملنا زفه وانا دخلت القاعه بقى وانا اصلا بتكسف اضحك وبتكسف اتحرك قدام ناس كتيره كدا

بس بمجرد ما دخلت هاتك يا رقص وضحك بجد انا كنت مستغربه نفسى جدا واللى استغربته اكتر ان جوزى تفاعل معايا هههههههههههه

رقصنا كتير كتير بجد كنت مبسوطه ازى

ومن كتر الرقص لقيت الناس وهى بتزورنى بتقولى هو انتى مكنتيش للابسه جيبونه صح قولتلهم دانا كنهت لابسه جيبونتين مش واحده

خلصنا الفرح بس انا جوايا مضايقه انى مسمعتش من جوزى كلمه حلوه وسد نفسى اصلا جدا

وبعدين كان يوم عيد ميلادى ومفتكرش يقولى كل سنه وانتى طيبه حتى

وهواللى صمم انه يتعمل يوم عيد ميلادى

المهم سافرنا بعد اسبوع الهانى مون

دا بقى كان وهمى ولقيته مرتب حاجات و كل يوم شكل و الحمدلله اتبسطت جداااااااااااا فيه

وقعدنا فى تبات ونبات 7 شهور وبعدين ربنا رزقنى بالحمل ومن يوم ما حملت لغاية انهارده مشغوله جدا هههههههههههههه

رغايه انا صح

بصى اول الجواز كانت حياتى شويه ملغبطه عشان كان ورايا كليه وبعدين انا حملت بعد الجواز ب 3 شهور وحصلى اجهاض وكان عندى مشاككل قد كدا فى الحمل

فا كان عندى فتره اكتئاب كدا بس بصراحه جوزى كان بيحاول يقولى عادى يعنى وكدا

شخصيتى بقى : بقيت اتحكم فى اعصابى اكتر مع جوزى ومع غيره

كمان بطلت كل شويه أوؤه

حاسه ان كل يوم بيدينى خبره اكتر وحياتى بتتظبط اكتر

بقيت اعرف ازاى اتعامل مع جوزى اكتر و ببقى متوقعه خطوته القادمه لو فى خلاف بينا

بس الصراحه عندى حاله ملل وزهق بجد عايزه اسافر اوى اسكندريه اغير جو لانها بجد وحشتنى اوى اوى







ااااااااااااااه ونسيت اقولك انى اتعلمت اطننننننننش

DANDONA_2010;12355068:
فكريتينا بالذى مضى يا لولى اةةةةة يانى

مايونيز;12355629:
يلا الحمد لله المؤمن مبتلي
واذا احب الله عبدا ابتلاه
فعشان كده الصبر ثم الصبر
والجواز ده ماهو الا ابتلاء ابتلانا بيه ربنا وواجب علينا نصبر

DodyCat;12356190:
كان يوم أسود

ههههههههههههههههههههههههههه

ههههههههههههههههههههههههه

:thumbs_up::thumbs_up::thumbs_up:

هههههههههههههههه انتي مسخرة يا بسبس

ومخفتيش لحسن تتوهي ؟

ربنا يخليلك ياسين

واسكندريه دلوقتي اكيد زحمة موت روحي على اجازة العيد مفيش حجة الناس كلها اجازة


فكرتيني بمواقف الكوافير كان اوحش حاجة مكنش فيه شبكة اتصالات ساعتها قويه وكان كذا حاجة عايزة اظبطها

زي ياترى استلمه الجيرب ولا هينسوا وياترى السواق اللى هياخد ماما من البيت راحلها وعرف العنوان وكل شويه اسيبهم لحظة يا جماعه اخرج اتكلم في التليفون وارجع اكمل تاني


اظرف حاجة بقى اني اول عروسه في التاريخ تخلص كل حاجة بدري جد وتفضل قعدة في السويت مستنيه لما الزفه تجهز وينادولها

والله فضلت قعدة في السويت 3 ساعات لحد ما كنت هنام وبقوا يصحوني بالعافيه ههههههههههههه

انا بقى رائى ان الجواز احسن من غير جواز طبعا
ومهما اتخانقت مع جوزك اكيد بتتصالحو والامور بتبقى احسن
واللى بيشتكو من الجواز
لو خيركو تفضلو من غير جواز ولا تتجوز اجوازتكو دول حتقولو ايه؟؟
(متتسرعوش فى الاجابة ههههههههههههه)

الله يخليكوا يابناات وكويس ان الموضوع عجبكوااا رورو ربنا يخليلك جوجو يارب وتفرحى بيها وتيجى تحكيلنا بقى منتظرينك نانى يارب يديمها عليكى سعادة يار ب ام يويو السكر ربنا يخليللك يويو يارب وتعيشى وتتهنى

لولوة حيااتى اة ينفع تحكى عقبال ماتلبسى الفستان الابيض ياااااارب

لايف دروب احكى متهربيش يالا ياشهرزاد وانا بس اكنس الشقة واجى اقر على كل حاجة

هههههههههههههههههه الله عليكى يام يويو السكر بجد انتى عروسة مسخرنين ههههههههههههه حد ياكل فول وطعمية يوم الفرح انا بقة جايلكوا بالتفاصيل بتاععت اليوم دة

دودى كاااات ليىة يوم اسود يابنتى

انتو فين يابنااااااااااااااااااات

الدور عليااااااااااااا انا صحيت متاخر عشان كنت سهر انة باليل بعد النجوووم هههه لاطبعا انتو ا عارفين والشفة كانت مردومة ناس ناس نايمة على الارش وناس نايمة فى اوضتى وناسش نايمة فوق المهم روحت الكوةافير انا وبنت خالتى وكنت ميتة من الجوع ولاحد سال فينا لانهم كانوا مشغولين بالقاعة والناس

نيجى بقى للقاعة كانت اوحش حاجة والفستان مكنش عجبنى خاااالص وجوزى مكنش راضى يرقص بيقولى الناس هتضحك عليا وانا بقى مهمنيش هاتك يارقص مكنتش بكسف حد ههههههه