البوم ذكرياتنا لايامنا الحلوة يارب تفضل على طول حلوة

الموضوع حلو اوي يالولي ومشاركة البنات في منتهى الجمال ، انا سرحت معاهم اصلا
انا هحكيلك حكايتي باه
انا يا ستي يوم الفرح ده كان يوم غرييييب سبحان الله، كل حاجة مظبطاها ومرتبالها ومخططالها كويس اوي، بس تيجي الرياح بما لا تشتهي السفن ، من حاجة انتي مكنتيش تتخيليها اصلا ولا تخطر على بالك
انا يابنتي كنت حاجزة عند كوافير امور ونقيته بعناية وبتاع واشتريت كمية طرح اد كده عشان لفة الطرحة وبتاع، وفهمتها كويس اوي انا عايزه مكياجي يكون ازاي
وقد كان ، امال ايه المشكله؛ المشكلة ان لفة الطرحة كانت ماسكة جدا جدا على راسي:'(:'(:'(
وخليتني لحد ما روحت البيت مش في المود تماما وهاين عليا اعيط ، تخيلي باه
المهم انا اصلا كنت عامله فرحي اسلامي وكان عبارة عن ساعة كتب الكتاب وبس ونروح البيت، وكنت من اول اليوم وانا مبسوطة وهااااادية ورااااايقة وكول كده ولا توتر ولا اي حاجة، وكنت حريصة جدا على اني استمتع بكل حاجة بعملها، وانا نازلة من البيت راحة الكوافير ووانا بلبس فستان الفرح ووانا بحط المكياج وكله، لاني فعلا كنت بستنى اليوم ده من 5 سنين بحالهم
المهم لما خلصت الكوافير بصيت لقيتني امورة كده والمكياج ولفة الطرحة حلوين وقلت يابت ايه الحلاوة دي:lol:
وبعدين ركبت العربية مع زوجي ، ومامته كانت راكبة معانا قدام، وعمالين يهرجوا باه ويفرفشولا كده وينكشوني ، وانا عامله زي الاطرش في الزفة، مش سامعاهم من كتر الطرح الملفوفة على ودني، وعمالة اضحك ضحكة كده مجاملة وخلاص، وومش في المود عشان بدات احس باه بضغطة الطرحة على راسي
وصلنا القاعة ونزلت من العربية وانا مكسوفة اخر حاجة وانا معدية باه على الجماهير اللي مستنينا بره ، وانا اصلا بتكسف من الناس الكتير
دخلت قاعة السيدات، وقعدت في اولها خالص كده لجوه ، والناس حواليا لذاذ والدنيا رايقة وجميلة بس انا باه بدا الصداع يشتغل وعماله اقول لماما واخواتي وحماتي اللفة جامده اوي اعمل ايه، وطبعا كان مستحيل نعرف نفكها ونلفها تاني لانها كانت معقدة باه ودبابيس وراقات كتييير، المهم قلت يا بنت استحملي ، الرجالة صلوا العشا وكتب الكتاب كان بعد الصلاة ، وانا باه الدقايق دي بتمر عليا بالعافية
لحد ما بدا كتب الكتاب والماذون ساعتها قال خطبة طويييييلة ، وانا اقول في بالي ياعم الشيخ يللا انا تعبانه، وفرحت طبعا وانا سامعه بابا وجوزي وهما بيرددوا ورا الماذون وكده، واول ما كتب الكتاب خلص تنفست الصعداء وكنت مبسوطة اوي، وبدات استنى باه العريس عشان ييجي ياخدني ونروح، وهوه باه بيسلم وبيتكلم وكده، لحد ما قلت لماما انا مش قادرة يا ماما خالص وكنت بدمع والله من كتر التعب وبدات احس اني هدوخ او هرجع حاجة كده من كتر الضغط والصداع، وماما ربنا يخليهالي يارب قالتلي معلش يا فاطمة همه كام دقيقة خلاص استحملي يا حبيبتي هانت، صبرتني شوية وبعدين قلتلها روحي وشوشي زوجي وقليله ان العروسة بتقولك يللا عشان هيه تعبانه:lol:
وفعلا لقيته جه وخدني وركبنا، واحنا في العربية باه بيب بيب وناس ورانا وبتاع وانا مقسومة بين فرحتى وبين تعبي
المهم وصلنا عند البيت واهالينا نزلوا باه وبداوا يغنولنا وبتاع عند البيت رحت انا موشوشاه قلتله انا مش قادرة خالص يللا نطلع، راح خدني وطلعنا وسيبناهم تحت يهيصوا مع نفسهم:lol:
وانا يا بنتي دخلت الشقة من هنا وجري عالحمام ، عملت ايه باه، رحت مرجعة:sick::sick:، وانا اصلا كانت بطنى مفيهاش غير شوكلاتايه، بس ده من كتر الضغط اللي كنت فيه ومستحملاه
وبعدها جريت على اوضة النوم بفك في دبابيس الطرحة، بتاع اكتر من 50 دبوس مثلا مزروعين في راسي ومثلا 5 طرح اشي رفيع واشي خفيف والحوارات اللي انتو عارفينها دي، واختى كانت بتحطلنا العشا، قلتلها تعالي وقعدت تساعدني
:060: مفقتش غير بعد ما فكيتها وبدات احس اني طبيعيه وفي المود ، بس كان المولد انفض خلاص:(
قعدت اتفرج على الشقة باه لاني مكنتش شفتها بعد ما اتفرشت خالص، واتبسطت اوي وكانت امورة الحمدلله، واتصورت صورتين تلاتة مع اخواتي وزوجي وهمه دول الذكرى الوحيده الباقيه الي الان قدرت اخطفها كده، لان جوزي كان رافض نتصور في استوديو عشان الصور حرام وكده

الله موضوع حلو اوى هابقى ادخل اتفرج عليكم

ما شاء الله موضوع تححححححححفه
ياعينى عليكى يا بطوطه فعلا لفة الطرحه و الطرح الكتير لما بتبقى زانقه بتوديكى فى غيبوبه
والله يا بنات انتوا ادخلتوا السرور على قلبى و اسعدتونى بحكاويكوا و قصصكوا دى
و شوقتونى يجى يوم عقد قرانى عشان احكيلكوا انا كمان ان شاء الله
فعلا انا منظمه نفسي ان الجواز صعب و محتاج تنازلات كتيررررر عشان الحياه تمشي فياااارب ما تصدمش ويااارب تكون الصدمة خفيفه
و تكون العشره حلوة و سهله لان الحياة قصيرة اوى اقصر من ان الواحد يقضيها فى زعل و حزن ونكد و احنا مش هنعيش الا مرة واحده يبقى نعيشها صح و مبسوطين
ربنا يهنيكوا كلكوا و يسعدكوا يارب و يجمعكوا مع ازواجكوا فى جنات النعيم برفقة الحبيب المصطفى صلى الله عليه و سلم و لا يحرمكم لذة النظر الى وجهه الكريم يااارب آمين

بنات بجد ضحكتوني اوي ربنا يسعدكم يارب ويرزقكم بالذريه الصالحه

وان شاء الله لما اتجوز هاجي احكيلكم وربنا يستر

أم يـاسـيـن العسل;12397681:
هههههههههه بصى بقى عندى عصر البطئ

الخطوبه 28-4-2002
الشبكه 11-8-2006
كتب الكتاب 20-9-2008 (يوم عيد ميلاده)
الفرح 12-10-2008 (عيدميلادى) :lol:

ههههههههههه انا بردو قراية فتحتى 14-9-2006
الخطوبة 2-2-2008:study:
كتب الكتاب 28-1-2009
الفرح 9-7-2009

اية الموضوع الحلو دة يا لولى
بس مش جديدة اولا حلو زيك
وتانى حاجة كل مواضيع حلوة ماشاء الله

هقولكو التواريخ لحد مااستعيد الذكريات
اصلى من زمان شوية

قراية الفتحة 1|12|2005

الخطوبة 1|1|2006

كتب الكتاب 2|6|2006

الفرح 22|6|2006

كلو ف سنة واحدة سلق بيض من الاخر ههههههههههه

بس احلى حاجة ف التورايخ التنسيق هههههههههه

ازيكم يااحلى بناااات طالبة الحق الهم ان الفرح تم علىىى خير موش المهم المود عيدى تانى واعملى كل اللىى انتى عايزاة ولا يهمك

بنااتى حياتى الله يخليكى وكل عيد جواز وانتى سعيدة ياااارب اللهم امين واحكى بقى يالا مستانينك

:lol:
اعيد تاني يا لولي، ده جوزي حضر واحد بالعافيه ، اباه افرح بعيالي باه ان شاء الله:lol:
والله انا الموضوع ده لحد فترة قربية كنت بحلم باستمرار بالفرح واقعد اقول باه انا مش هعمل زي المرة اللي فاتت وهاخد بالي، ويباه كان اللى فات مثلا كأن كتب كتاب واللي جاي باه الفرح نفسه:lol:، اقوم من النوم اقعد اضحك واقول ياعبيطة انتي اتجوزتي وفي بيتك خلاص، الفاس وقعت في الراس:study::lol:
هرجعلكوا تاني ان شاء الله باجابات على باقي الاسئله ، بس لما افضى بس:)