تجمع بنات الجزائر لشهر رجب 1431ه

ممم المسلسلات التركيه ماتبعت ولا واحد فيهم انا نوض الصباح نصلي نشرب قهوتي وندهن هدا زيت الزيتون على وجهي ونلبس بدعية نتاع الميناج ولا كاش شورط وتريكو ويلاه يلاه هههههه نكمل نغسل يديا ونروح ندير مساج لوجهي ونقعد على نت ادا كان فارغ والا نروح تليفيزيون نبغي نتفرج على الرساله ولا قناة البدايه فيهم برامج مليحه ومن بعد 12 نروح نفطر ونغسل المواعين الي جامي مايكملو هههههه و من بعده نصلي الظهر وسموني نرقد ومن بعد نوض نشرب الشاي وندير لعشاء باش كي يادن المغرب نتعشو ومن بعد ندخل ندوش ونخرج نصلي العشاء ونجي نجمع على الكمبيوتر مرات راني نسهر حتى نصلي الفجر

ههههههههههههههه مليح

انا والو سوسو ملي نحل عينيا وانا في الميناج غير ساعات وين نلقى روحي فارغة شغل

بصح قوليلي كيفاه تهتمي بالبشرة تاعك كيما كنتي تقولي لان بيناتنا ماندير والو في وجهي يعني بواش تنصحيني ؟؟؟

والله ياميشا حبيبتي عنايتي بسيطه
الصباح نغسل وجهي بصابونة ديتول حاليا على خاطر كملي جال الي كنت نغسل بيه ومن بعد نحط زيت الزيتون نقولك علاه الرسول عليه الصلاة والسلام قالنا اسربو الزيت وادهنو به وزيت الزيتون عنه فوائد كبيره للبشره من بينها ياخر ضهور التجاعيد ويخلي الجلد طري المهم لعشيه مين ندوش ندير تقشير لوجهي بمقشر المشمش عجبني بزاف ومين نخرج ندير اي ماسك لوجهي مرات خماره بالحليب واليم وكل مره واش ونمسح وجهي في التالي بماء ورد

ايه شكرا ليك سوسو لان والله غير خاطيني كامل العناية بالبشرة بصح والله مانعرف لان ثقافتي بيها شبه معدومة بصح معليش راني نسي نندمج مع هذه الثقافة وخاصة بعد ماكملت قرايتي يعني مااد موراها حتى شغل واحد أخر

يعني انت كي ديري الزيت الزيتون تخليه من الصباح حتى لعشية ؟؟؟؟

والمقشر تاع المشمش كنت نديرو ساعة على ساعة بصح بطلتو ليا شحال مادرتوش وكنت نديرو قبل ماندوش بصح كيما قلتلك ليا شحال عليه

والله حابة يكون عندي جدول يومي يعاوني باش نعتني بالبشرة تاعي وخاصة الوجه بصح والله ماعرفش كيفاه نبدى

ساهل الحال غير مين تنوضي وتدخلي لدوش ختاري غاسول يناسب بشرتك
ومن بعد دهني بزيت الزيتون انا نخليه حتى لضهر مين نتوضى نغسله المهم العنايه تكون صباحيه وليليه وفليل تنجمي تحطي كبسولة فيتامين e كنت نديره روعه حطيه كامل على وجهك وبشويه بشويه يولي عندك روتين يومي

يعطيك الصحة سوسو على المعلومات ان شاء الله نعود نتولهى شوية بروحي


المهم ظرك لازمني نقلك تصبحي بخير وتهلاي في روحك

سلام علكيم

وعليكم السلام يالحبيبه نتلاقاو عن قريب ان شاء الله
احلام سعيده حتى انا نروح

مساء الخير
يبانلي مكاين حتى واحد هنا

انا ثاني دخلت ما لقيت حتى واحدة :(

فراشات عروس بنات الجزائر الشابات كيراكم دايرين

أهلا سوسو

الحمد لله واش اخبارك انتي

والله الحمد لله مين نشوفكم غايه نكون لاباس
اشراق حبيبتي واحد الدعاء نحب نقوله بزاف
ونتمنى كل الجزائريين يقولوه

اللهم اني استودعك الجزائر واولادها يامن لا تضيع ودائعه فاحفضها بما تحفض به من عبادك الصالحين

بارك الله فيك سوسو ان شاء الله نقولوه

ومبروك عليك التوقيع الجديد:thumbs_up::thumbs_up:

ههه عجبك التوقيع اشراق كنت تفرجي خواطر شاب في رمضان

واش راكي سوسو عاش من شافك

واش سمنتي ولا مزال ههههههههههههه واش والخطابة كيفاش

سوسو اين انت

يا سووووووووووووووووووووووووووووووووووووووووووووووسو

ههههههه سمحيلي خليتك خويا راه يديرونجيني مره على مره اما بخصوص الخطابه مكان والو هههههه
احكيلي واش درتي في العمره احكيلي

** سوسو جزائرية **;12497184:
ههه عجبك التوقيع اشراق كنت تفرجي خواطر شاب في رمضان

ايه شفت قداش من حلقة برك

بصح روووعة أحمد الشقيري يقدم الدين بطريقة عصرية و مشوقة بلا مايشوهو ولا ينقص منو

زعمة كاين جزء جديد في رمضان ؟