تجمع بنات الجزائر لشهر رجب 1431ه

صباااااااااااح الخييييييييييييير

صباح النور هاجر واش اخبارك اليوم

صباح الخير شمعة واش خبارك اليوم ؟؟؟

مليح إشراق راكي تتعلمي في السياقة مالا لوكان نقلك واش تقولي عني عندي البارمي ليا تقريبا 3 سنين من 2007 درته كي كنت نقرى في الجامعة بصح للأسف مانسوقش أصلا يعني منها خوف مازال راكبني وثاني ماتحقليش الطاكسي أصلا وراكي عارفة كيعود عندك خاوتك ذكورا أكبر منك بلا مانقلك

والباقي روتين يقتل

لا انا راني محظوظة عليك شوي مالا اخوتي ما يتدخلوشي في أموري راني اكبر منك شوي quand même
بصح يعطيك الصحة كي قدرتي تديري le permis في الجامعة انا في الدار و مفسدتها بالغيابات
توا راني مع la conduite عقبت الكود ونجحت فيه من أول مرة le créneau دوبلته مرة وتوا راني في آخر مرحلة

كيفكم يا حلوين ان شاء الله بخير

الحمد لله بخير
فكرتوني انا ثاني كنت حابة ندير بارمي مدام راني نقرا في الجامعة بصح انا خوافة نتاع الصح ماشكيتش نقدر نسوق

مرحبا بيك اختي ام اية
يبانلي مكيش جديدة هنا
ممكن نتعرف عليك؟؟

أهلا هاجر

حتى انا نخاف بصح معليش ندير le permis ومبعد ساهلة

أم آية كانت معنا في التجمعات اللي فاتوا ومبعد راحت للعمرة ورجعت
دومااااااج كي دخلت ما كناش كونكتي

الله يبارك
الحمد لله على سلامتك اختي ام اية وعمرة مقبولة ان شاء الله

مرحبا بيكم لبنات

شمعة انا ثاني خوافة تاع الصح بصح قلت لازم عليا نديرو وخطرة أخرى يحلها ربي ان شاء الله

إشراق أنا الحق تاع ربي عاودت أول مرحلة الكود ههههههههه يعني خاطيني لحفاظة كي العادة يعني نعرف البلاكة تاع واش تقول بصح مانعرفش نعبر عنها ... بصح المراحل لخرى اديتهم من أول مرة ... في le créneau جاني انجينيور تاعنا جون وبدات صاحبتي تتمسخر بيا ههههههه المهم انا غير ركبت رجليا دخلو في بعضاهم وبداو غير يرعشوووووو وسير تو كنا غير انا وصاحبتي برك بنات مع جيش تاع ذكورا وهو قالي ابداي ونا زدت تخلعت اكثر وبدا غير يقلي حبسي كملي يعني انت تخيلي الموقف و المهم كان يقلي استغفري ربي باش تتنحالك الخلعة المهم كنت خايفة رك نخرج الطونوبيل بصح الحمد لله ربي وفقني وربحتو بصح قال للسيد الي علمني بلي هبلتني تاع الصح هههههههههههه المهم في الاخير ربحت le créneau

وجا نهار la conduite كنت وحدي طفلة في وسط الهجوم تاع الذكورا وكانت السخانة يعني بدينا بكري المهم ركبت في الطونوبيل وركبو معايا 3 ذكورا بصح والله كي سقت تقوشي ليا سنوات راني نسوق مانسيتلو والو وهو كان غير يتسببلي برك وكان يعسلي في أي خطا باش يقلي برا من غير مطرود بصح الحمد لله قالي ماعندي واش نقلك

وموراها وانا ماديا البارمي بصح راكي عارفة الخوف والبلاصة الي ماتحقش هي خلاتني مانسوقش ليا ظرك 3 سنين

وكانت تجربة رائعة

ايا كل وحدة هنا تحكيلنا على مغامرتها تاع البارمي

ســــــــــــــــــــلام

السلام عليكم ههههه انا دايما نجي مين تكون الحاله تصفر المهم نقولكم صباح الخير ويوم مبروك عليكم
راكم فكرتوني بالبارمي انا راني ديته وعطاوني المؤقت ونورمالمو نجيب الزاوج في الصيف الي فات ومارحتش نسيته كامل

أهلا سوسو واش خبارك اليوم

السلام عليكم ميشا كيراكي دايره اختي ههههههه راكي ساهره كي حالتي هههههه واش مجاكش نعاس ولا كيفاه

والله راني الحمد لله

مازال ماجانيش وراني ساهرة كي العادة ولعوايد قصدك راني درت لاسياست أو بأحرى خبطتها بوحد الرقدة كامل ماصراتش ههههههههه

وانت واش راكي سوسو

هههههههه شفتي لسياست اطير النعاس والله راني بخير والحمد لله انا راني نبروفيتي في اليل على خاطر الصبحا الكمبيوتر يكون مشغول عندي غير هاد الوقت ماقلتليش من اي مدينه عرفيني على روحك اكتر :055:

تبانيلي نسيتي سوسو ههههههههههه

بصح ماعليش ماش خسارة في اختي رايحة نعرفكك بروحي

انا من حاسي مسعود وراني قاعدة كي العادة ولعوايد

هههههههه ياه والله غير نسي حسبت شمعة الجزائر هي الي من حاسي مسعود اواااااااه راني بديت نتلف :D

احكيلي اليوم واش درتي في نهارك وكاش مراكي تبعي في تلفاز حاجه هكدا تكون مفيده

ههههههههههههههههههه

معليش نورمال عادي ...... شمعة هي الي من بليدة

المهم واش تحكي سوسو اليوم؟؟؟

هههههههه
من ناحية مفيدة هي ماهيش مفيدة

راني نتبع في مسلسل تركي تاع دزاير الي يجي في القايلة
وككي العادة نظف الدار ونطيب وساعات نطرز شوية في وحد الناب والباقي نحب نحكم الميكرو برك وانت سوسو ؟؟؟